SAMANFIL

SAMANFIL Contact information, map and directions, contact form, opening hours, services, ratings, photos, videos and announcements from SAMANFIL, College & University, San Jose del Monte.
(1)

Ang Samahan ng mga Mag-aaral na Nagtataguyod sa Wikang Filipino (SAMANFIL) mula sa Bulacan State University - Sarmiento Campus ay organisasyong makatutulong sa pagpapaunlad ng disiplinang Filipino.

SAMANPEEPS, HU MAN DA !! ✨🫵🏻Kumusta kayo? Handa na ba kayo sa mga pasabogch na magaganap? Sisiguraduhin naming ito ay ma...
22/05/2026

SAMANPEEPS, HU MAN DA !! ✨🫵🏻

Kumusta kayo? Handa na ba kayo sa mga pasabogch na magaganap? Sisiguraduhin naming ito ay mapupuno ng kulitan, saya, at hindi malilimutang mga bagay na inyong mararanasan. 😁

Abangan ang mga paparating na sorpresang malapit na ninyong masaksihan—kasama na rin ang usok na pinakahihintay ng karamihan. Kaya naman, ihanda na ang sarili, ang puso’t isipan, at lalong-lalo na ang inyong mga itinatagong iba't ibang talento. 🫣✨

Kaya, ano? Huwag nang magpatumpik-tumpik pa, dahil dito ay kabilang ka sa samahan! 🌟🧡🤎

✒️: Allysa Avril Orande
🎨: Caryl Habana


KABANILYA: Pagdiriwang ng talino, giting, at ningning 💫✨Matagumpay na nairaos ng Bulacan State University—Sarmiento Camp...
21/05/2026

KABANILYA: Pagdiriwang ng talino, giting, at ningning 💫✨

Matagumpay na nairaos ng Bulacan State University—Sarmiento Campus ang Gold Gear Award noong ika-20 ng Mayo, 2026, sa San Jose del Monte—Convention Center. Tunay na isang munting musika sa tainga ang kalansing ng mga medalya, mala-obrang mga ngiti, at halo-halong tibok ng puso ang pumuno sa malawak na espasyo ng silid. ✨

Hatid ng SAMANFIL ang buong pusong pagbati sa bawat isang naglakas-loob na tumayo at tumanggap ng sertipikong magpapatunay ng inyong sipag at tyaga. Sa likod ng mga litrato at medalya, nakabakas ang pawis at luhang iginugol ng lahat upang ang pagkakataong ito ay masuklian ng higit pa sa inaasahan. ✊🏻

SAMANPEEPS, hindi pa rito natatapos ang lahat. Malayo pa tayo, pero malayo na tayo! Isang magandang rason ang makatanggap ng sertipiko upang magpatuloy sa pag-abot ng ating mga pangarap. Muli, pagbati para sa lahat, higit lalo sa mga estudyanteng nagpapatuloy at nagtataguyod sa wikang Filipino. Padayon, SAMANPEEPS! 🧡🤎

✒️: Jhayrhose Magdaraog
🎨: Caryl Habana


MAY MEDALYA MAN O WALA, IPINAGMAMALAKI KITA! 🎉🏅 Taos-puso kayong binabati ng SAMANFIL sa matagumpay na pagdaan sa mga ha...
21/05/2026

MAY MEDALYA MAN O WALA, IPINAGMAMALAKI KITA! 🎉🏅

Taos-puso kayong binabati ng SAMANFIL sa matagumpay na pagdaan sa mga hamon at pagsubok. Alam naming hindi naging madali ang inyong paglalakbay, maraming pagod at sakripisyo ang inyong inilaan para matuto at lumago. Bawat pagsisikap na inyong inalay, sa bawat araw na ipinaglaban ang sarili, sapat na iyan upang tawagin kayong mga nagwagi sa inyong sariling laban. 🙌🏻

Ang Gold Gear Award (GGA) ay para sa bawat isa na nagbigay ng buong puso at tiyaga sa paglalakbay. Hindi ninyo kailangang magpakita ng patunay o magkaroon ng medalya para sabihing kayo ay magaling. Ang inyong patuloy na pagtindig, at pag-abante ay isang tunay na tagumpay na karapat-dapat ipagmalaki.

Sapat na at higit pa ang paglaban ninyo para sa inyong mithiin. Palaging isipin na ang inyong halaga ay hindi nasusukat sa anumang gantimpala! 🌟🎉

Pagbati sa inyong pagpapatuloy! ✨🧡🤎

✒️: Allysa Avril Orande
🎨: Dwayne Lazaca



Maligayang Kaarawan, Kalihim, Jenny Gerona! 🍰♡ ༘*.ﾟ🧸Iyo ang espesyal na araw na ito, kaya gawin itong makabuluhan at mas...
20/05/2026

Maligayang Kaarawan, Kalihim, Jenny Gerona! 🍰♡ ༘*.ﾟ🧸

Iyo ang espesyal na araw na ito, kaya gawin itong makabuluhan at masaya. Busugin ang puso ng pagmamahal, lunurin ang isipan ng positibong pananaw, at higit sa lahat ay tirahan ng HANDA ang pamilyang SAMANFIL! 🤌

Muli, Maligayang Kaarawan! 🎉

✒️: Antonio Catan
🎨: Caryl Habana


Bagong hakbang, samahan ng pagkakaisa! 🎉Sa gitna ng mahabang paghihintay upang makarating sa dulo, handog sa inyo ng SAM...
19/05/2026

Bagong hakbang, samahan ng pagkakaisa! 🎉

Sa gitna ng mahabang paghihintay upang makarating sa dulo, handog sa inyo ng SAMANFIL ang saya at mainit na pagtanggap na makapagpapagaan sa isang mahabang araw. Bukod sa makapagbigay ng saya, ang tanging hangad ng organisasyon ay ang maiparamdam sa inyo na kayo ay kabilang at mahalaga.

Sa bawat palitan ng ngiti at kwentuhan, nawa’y manatili sa inyong puso na kami ay laging may nakahandang tulong, aliw, at mainit na pagsasamahan. Padayon mga bagong bunso ng SAMANFIL! 🥳💗

✒️: Allysa Avril Orande
🎥: Maridel Joy Cuanilo
🎨: Dwayne Lazaca

19/05/2026

Goodness Gracious, ano ang SAMANFIL? 🫣

Napapatanong ka pa rin ba kung ano at paano nagsimula ang SAMANFIL? Sagot na namin ’yan! 😉

Halina’t panoorin ang maikling presentasyong inihanda upang mas makilala ang SAMANFIL at ang mga layunin nito para sa mga tagapagtaguyod ng wikang Filipino. 🧡🤎

✒️: Caryl Habana
🎥: Maridel Joy Cuanilo


Makiisa sa samahan ng pagkakaisa! Ano, tara? 🥳 Kumusta ang mga bagong nakshie ng SAMANFIL diyan? Handa na ba kayo para s...
17/05/2026

Makiisa sa samahan ng pagkakaisa! Ano, tara? 🥳

Kumusta ang mga bagong nakshie ng SAMANFIL diyan? Handa na ba kayo para sa enrollment? Naku! Kung hindi pa, ihanda na ang sarili at mga kailangang dalhin. Kung handa naman na, huwag kayong mag-alala dahil handa na rin kaming makita kayo. 🎊

Mayroon kaming munting inihanda para sa inyo! Pumunta sa Butterfly Garden sa Lunes, ika-18 ng Mayo 2026, mula 8:00 N.U. hanggang 5:00 N.H. Nandoon ang inyong mga ate’t kuya na naghihintay at handang tumulong sa inyo kung kinakailangan. ✨🧡🤎

Oh, paano? Kita-kits, mga bagong bunso! 🎉

✒️: Allysa Avril Orande
🎨: Dwayne Lazaca

Pagbati, mga bagong lisensyadong g**o ng bayan! 💫🧡🤎Isa na namang tagumpay na hindi malilimutan ang nakamit ngayong Marso...
16/05/2026

Pagbati, mga bagong lisensyadong g**o ng bayan! 💫🧡🤎

Isa na namang tagumpay na hindi malilimutan ang nakamit ngayong Marso 2026! Napatunayan ninyong sulit ang lahat ng paghihirap, pagsasakripisyo, at mahahabang oras ng pag-aaral na inilaan ninyo mula pa sa kolehiyo hanggang sa paghahanda para sa pagsusulit. Dahil ngayon, ang inyong nakamit na matamis na tagumpay ay siyang bunga ng inyong tiyaga at pagsisikap! 🌟✨

Sa pagtahak ninyo ng panibagong yugto, alam naming handa na kayong ibahagi ang inyong mga natutuhan—mula sa mga aralin sa paaralan, hanggang sa kabutihang asal na babalot sa pagkatao ng mga kabataan. Patuloy kayong gumabay, maglingkod nang may katapatan, at maging daluyan ng liwanag at pag-asang tatatak sa buhay ng bawat mag-aaral. Mabuhay ang mga bagong g**o ng bayan! 📚✨

Ipinagmamalaki kayo ng SAMANFIL!

✒️: Allysa Avril Orande
🎨: Dwayne Lazaca


REFRAMED GE CURRICULUM, IBASURA! 🗣 Hindi solusyon sa krisis na kinahaharap sa edukasyon ang pagbabago ng kurikulum kung ...
16/05/2026

REFRAMED GE CURRICULUM, IBASURA! 🗣

Hindi solusyon sa krisis na kinahaharap sa edukasyon ang pagbabago ng kurikulum kung kapalit nito ang paghina ng pundasyon ng pagkatuto. Dapat na unang maunawaan ng Commission on Higher Education (CHED) na mahalaga ang General Education (GE) sa kolehiyo, dahil ito ang yugto kung saan lalong nakatutulong sa pagpapalalim ng kritikal na pag-unawa at pagkatao ng mga mag-aaral. Kaya naman, ang pagbawas o pagbago rito ay hindi hakbang para sa pag-unlad, kundi banta sa kalidad ng edukasyon.

Sa ilalim ng Reframed General Education Curriculum (RGEC), ibababa mula sa 36 tungo sa 18 na lamang ng kabuuang yunit sa GE, kasabay ng pag-aalis o pagsasama ng mga asignatura tulad ng kasaysayan, panitikan, etika, at wikang Filipino. Higit pa rito, taliwas ito sa diwa ng R.A. 1425 na nagtatadhana ng hiwalay at masusing pag-aaral sa buhay at mga akda ni Dr. Jose Rizal. Ipinapakita lamang nito na sa halip na palalimin ang kamalayang makabayan, lalo nitong pinapakitid ang pag-unawa sa kasaysayan at pagkakakilanlang Pilipino habang ginagawang kasangkapan na lamang ang edukasyon para sa trabaho at merkado.

Dagdag pa rito, malaki rin ang magiging epekto nito sa mga g**o dahil kasabay ng pagbawas ng yunit sa GE ay ang pagkawala ng mga asignatura, trabaho, at kabuhayan. Ang mahalagang papel nila sa paghubog ng mapanuri at makabayang mamamayan ay unti-unting narerendahan at hindi binibigyang pagpapahalaga ang dignidad ng kanilang propesyon. Hindi dapat ipagkait sa kanila ang karapatang maipagpatuloy ang propesyong kanilang pinili at pinaglingkuran.

Bagamat ipinagpaliban ng CHED ang pagpapatupad nito ngayong Taong Panuruan 2026–2027, hindi ito dahilan upang tumigil sa paglaban. Patuloy tayong manindigan upang tuluyang ibasura ang RGEC at isulong ang edukasyong hindi lamang naghahanda para sa trabaho, kundi humuhubog sa mamamayang mulat, makatao, at makabayan.

Wika at Bayan, Ipaglaban!
Itaguyod ang Makabayang Edukasyon!

✒️: Allysa Avril Orande
🎨: Dwayne Lazaca


SAMANPEEPS, handog ng SAMANFIL ang kuwentong makapaghahatid sa atin tungo sa tunay na esensya ng pagiging isang Pilipino...
15/05/2026

SAMANPEEPS, handog ng SAMANFIL ang kuwentong makapaghahatid sa atin tungo sa tunay na esensya ng pagiging isang Pilipino. ✊🏻

Sa likod ng bawat taludtod ng “Dalit Kay Maria”, isa itong kulturang patuloy na sa atin ay humuhubog. Kaya naman, hayaan nating muling buhayin ng mga salitang ito ang debosyon, pagkakaisa, at diwang hindi kailanman kumukupas sa anumang aspeto. ✨

✒️: Jhayrhose Magdaraog
🎨: Dwayne Lazaca

SAMANPEEPS, pamilyar ka ba sa salitang ito? 🤔Ito ay hindi lamang pagdiriwang, kundi isang makulay na tradisyong sumasala...
14/05/2026

SAMANPEEPS, pamilyar ka ba sa salitang ito? 🤔

Ito ay hindi lamang pagdiriwang, kundi isang makulay na tradisyong sumasalamin sa debosyon sa Birheng Maria, pagkakaisa ng pamayanan, at pagpapahalaga sa ating mayamang kultura. Sa bawat dasal, prusisyon, at pag-aalay, buhay ang diwang Pilipinong may pananampalataya at pagmamahal sa tradisyon. ✨

Sa bawat bulaklak na inaalay, patuloy na namumulaklak ang pananampalataya at kulturang Pilipino. Halina’t sabay-sabay nating alamin! 🌟

✒️: Jhayrhose Magdaraog
🎨: Rhyza Leih Tolo

Address

San Jose Del Monte

Website

Alerts

Be the first to know and let us send you an email when SAMANFIL posts news and promotions. Your email address will not be used for any other purpose, and you can unsubscribe at any time.

Contact The University

Send a message to SAMANFIL:

Shortcuts

Share

Category