22/02/2026
پختون سٹوڈنٹس فیڈریشن، یونیورسٹی آف سائنس اینڈ ٹیکنالوجی بنوں کی جانب سے انتظامیہ کی توجہ ایک نہایت سنجیدہ مسئلے کی طرف مبذول کروائی جاتی ہے۔
گزشتہ روز ہماری پوسٹ کے بعد ایک طالب علم نے ہم سے رابطہ کیا، جس کا نام صیغۂ راز میں رکھا جا رہا ہے۔ مذکورہ طالب علم ڈیپارٹمنٹ آف کمپیوٹر سائنس، سمسٹر اول سے تعلق رکھتا ہے اور اس کا آبائی تعلق ضلع لکی مروت سے ہے۔
طالب علم کے مطابق وہ اس وقت ایک ایکسٹرنل ہاسٹل میں رہائش پذیر ہے جبکہ وہ انٹرنل ہاسٹل میں منتقلی چاہتا ہے، مگر جگہ نہ ہونے کی وجہ سے اس کی الاٹمنٹ نہیں ہو پارہی۔ مزید یہ کہ سینئر طلبہ اور فیکلٹی ممبران کے مطابق نئے ہاسٹل کی تعمیر کا آغاز تقریباً دو سال قبل کیا گیا تھا، لیکن افسوس کے ساتھ کہنا پڑتا ہے کہ تاحال یہ منصوبہ مکمل نہیں ہو سکا۔ دو سال کے عرصے میں بڑے بڑے منصوبے مکمل ہو جاتے ہیں، مگر بدقسمتی سے طلبہ کے لیے ایک ہاسٹل مکمل نہ ہو سکا۔
طالب علم کا کہنا ہے کہ اس کی طرح بہت سے دیگر طلبہ بھی ایکسٹرنل ہاسٹلز میں رہائش پذیر ہیں جہاں نہ تو مناسب سہولیات میسر ہیں اور نہ ہی مکمل سیکیورٹی۔ سیکیورٹی خدشات اور بنیادی سہولیات کے فقدان کی وجہ سے طلبہ کو تعلیمی سرگرمیوں میں شدید مشکلات کا سامنا ہے، اور وہ یکسوئی کے ساتھ اپنی پڑھائی جاری نہیں رکھ پا رہے۔ آپ ہمارا یہ مسئلہ متعلقہ حکام تک پہنچائیں۔ میں آپ کا بے حد مشکور رہونگا۔
پختون سٹوڈنٹس فیڈریشن اس مسئلے کو انتہائی سنجیدگی سے اٹھاتی ہے اور یونیورسٹی انتظامیہ سے پرزور مطالبہ کرتی ہے کہ نئے ہاسٹل کی تعمیر کا کام فوری طور پر مکمل کیا جائے اور طلبہ کو مناسب سہولیات دی جائیں۔ یہ معاملہ صرف ایک طالب علم کا نہیں بلکہ درجنوں طلبہ کا مشترکہ مسئلہ ہے۔ ہم ہر طالب علم کی آواز بنیں گے اور اس مسئلے کو ہر فورم پر اٹھائیں گے تاکہ جلد از جلد اس کا حل ممکن بنایا جا سکے۔
ہم آپ کے کمینٹس دیکھ رہے ہیں اور آپ سب ہمارے لئے معزز ہیں لیکن آپ سب سے گزارش ہے کہ آپ سب اپنے مسائل ہمارے ساتھ انباکس میں شئیر کریں تاکہ ہم تفصیل کے ساتھ بات کرسکیں۔
