11/09/2024
کپتان گراہم گوچ سے ایک ٹی وی پروگرام میں پوچھا گیا کہ کس فیکٹر نے فائنل ہرانے میں سب سے اہم کردار ادا کیا؟
گوچ نے جواب دیا:
ویسے تو یہی سمجھا جاتا ہے کہ ہم نے فائنل وسیم اکرم کی آل راؤنڈ پرفارمنسس، انضمام کی بیٹنگ اور مشتاق کی لیگ سپن باؤلنگ کی وجہ سے ہارا۔ لیکن میرے خیال میں ہمارے شکست میں سب سے اہم کردار عمران خان کی وہ اننگ تھی جو اس نے 8 ویں اوور سے لے کر 33 اوور تک انتہائی سلو رفتار سے کھیلی۔ ہم یہی سمجھتے رہے کہ پاکستان کو ڈیڑھ سو پر روک دیں گے لیکن ہم یہ نہ جان پائے کہ عمران خان اس دوران ایک مضبوط اننگ کی بنیاد رکھ رہا تھا جس کی بدولت وہ ڈھائی سو رنز کا ٹارگٹ دینے میں کامیاب رہا۔ میرے خیال میں ہماری شکست کی یہی وجہ بنی۔
عمران خان پچھلے چودہ ماہ سے اڈیالہ میں بیٹھ کر وہی اننگ کھیل رہا تھا۔ اب 33 اوور کا کھیل ہوچکا، چنانچہ اب گئیر شفٹ کردیئے۔ اب صرف ایکسیلیریشن دیکھنے کو ملے گی، اب سلاگ ہٹنگ ہوگی، اب ملبورن گراؤنڈ کی تاریخ کا سب سے لمبا سٹریٹ چھکا لگے گا، اب مغرور آئن بوتھم کو رسوا کیا جائے گا، اب خطرناک بیٹسمین ایلن لیمب کی وکٹ اڑائی جائے گی، اب کرکٹ ایجاد کرنے والی ٹیم کو عبرتناک شکست دی جائے گی۔
92 میں قوم کی صرف دعائیں شامل تھیں، اب کی بار قوم خود میدان میں موجود ہے۔
33 اوور ہوچکے،
اب تمہیں دُھول چٹائی جائے گی،
سربازار رسوا کیا جائے گا۔
