25/09/2026
بہترین کارکردگی
گورنمنٹ پرائمری سکول شبقدر فورٹ نمبر 2 کے PTC ہائرنگ ٹیچر جناب داؤد خان صاحب نے قلیل مدت میں اپنی محنت، لگن، پیشہ ورانہ صلاحیتوں اور خلوصِ نیت سے سکول کی کارکردگی اور تعلیمی ماحول میں نمایاں بہتری لانے میں اہم کردار ادا کیا۔
بالخصوص EMIS کے فوکل پرسن کی حیثیت سے انہوں نے اپنی ذمہ داریاں نہایت احسن انداز، مستعدی اور ذمہ داری کے ساتھ انجام دیں۔ سکول کی تعلیمی و انتظامی سرگرمیوں میں ان کی فعال شرکت اور مثبت کردار قابلِ تحسین رہا۔
ان کی شاندار کارکردگی، محنت اور قابلِ قدر خدمات کے اعتراف میں سکول کے ہیڈ ماسٹر اور سکول لیڈر کی جانب سے انہیں تعریفی سند (Certificate of Appreciation) سے نوازا گیا۔
ہم جناب داؤد خان صاحب کی خدمات کو خراجِ تحسین پیش کرتے ہیں اور امید کرتے ہیں کہ وہ آئندہ بھی اسی جذبۂ خدمت اور لگن کے ساتھ سکول کی ترقی اور طلبہ کے روشن مستقبل کے لیے اپنا کردار ادا کرتے رہیں گے۔
