Govt. Abdul Ali Khan Degree College Utmanzai Charsadda

07/12/2025

Provisional merit list of candidates who applied for the posts of temporary teachers in Computer Science at Govt.Abdul Ali Khan College.In case of any complaint/grievance or query ,submit a written application to the principal till December 9 2025.
List of TEN shortlisted candidates will be published on Dec.10.

27/11/2025

Advertisement for Hiring of temporary teachers in govt. colleges of Charsadda.Last date for submission of applications is 05.12.2025.

24/11/2025

کالج ہذا کے لیکچرار ذاکر خان (زوالوجی ) نے قرطبہ یونی ورسٹی پشاور سے ایم۔ فل ڈگری مکمل کر لی ۔انھوں نے اپنے مقالے کا کامیابی سے دفاع کیا ۔
کالج انتظامیہ کی جانب سے ان کو ایم فل ڈیفنس کی کامیاب تکمیل پر دل کی گہرائیوں سے مبارکباد پیش کی جاتی ہے۔
یہ کامیابی ان کی علمی کاوش، محنت، استقامت اور تحقیقی جذبے کا ثبوت ہے۔
ہمیں آپ پر فخر ہے کہ آپ جیسے قابل اور باصلاحیت استاد ہمارے ادارے کا حصہ ہیں۔
دعا ہے کہ آپ کا علمی سفر اسی جذبے کے ساتھ آگے بڑھتا رہے اور آپ آئندہ بھی علم و تحقیق کے میدان میں ادارے اور طلبہ کے لیے باعثِ فخر بنیں۔

انتظامیہ، گورنمنٹ عبدالعلی خان کالج چارسدہ

03/10/2025

بروز جمعرات بتاریخ 2/10/2025 کو گورنمنٹ عبدالعلی خان کالج اتمانزی چارسدہ میں BS کمپیوٹر سائنس کے پہلے سمسٹر کے طلبہ و طالبات کے لیے *Orientation Day* کا باقاعدہ انعقاد کیا گیا۔ اس تقریب کا مقصد نئے طلبہ کو کالج کے تعلیمی ماحول، شعبہ کمپیوٹر سائنس کے نظام، اور نصابی و غیر نصابی سرگرمیوں سے روشناس کرانا تھا۔

*شعبہ کمپیوٹر سائنس کے اساتذہ کرام* نے طلبہ کو خوش آمدید کہا اور ان کے تعلیمی سفر کے لیے نیک تمناؤں کا اظہار کیا۔
کمپیوٹر سائنس ڈپارٹمنٹ کے ایچ او ڈی پروفیسر عنایت اللہ صاحب نے کمپیوٹر سائنس کی اہمیت وافادیت پر سیر حاصل گفتگو فرمائی۔ نیز انھوں نے طلبہ کو نصاب ، کلاس شیڈول ،لیب فیسلٹیز، رولز اینڈ ریگولیشننز سے متعلق معلومات دی گئیں ۔اور طلبہ کو مطالعہ کا طریقہ کار سمجھایا۔

*پرنسپل پروفیسر گل رحمان* صاحب نے خطاب کرتے ہوئے کہا کہ کمپیوٹر سائنس آج کے دور کی اہم ترین فیلڈز میں سے ایک ہے، اور طلبہ کو چاہیے کہ وہ محنت، لگن اور ایمانداری سے تعلیم حاصل کریں تاکہ وہ مستقبل میں قوم کی خدمت کر سکیں۔ ساتھ انھوں نے "علی خان " کالج ھذاجس شخصیت کے نام سے موسوم ہے (جو ایک اعلی تعلیم یافتہ ،ایک اچھے ایڈمنسٹریٹر اور ماہر تعلیم تھے ) کے حالات زندگی اور شخصیت کے بارے میں تفصیلی گفتگو فرمائی ۔
نیز پرنسپل صاحب نے طلبہ کو کالج کے ڈسپلن و نظم وضبط کا خیال رکھنے کی تلقین کی ۔انھوں نے کہا کہ ایسی قوم ترقی کی راہ پر گامزن ہوتی ہے جو ڈسپلن کا خیال رکھتی ہو، انھوں نے کہا جس ادارے میں ڈسپلن نہ ہو ایسے ادارے کی تعلیمی معیار نہیں رہتا اور امن و آمان کے مسائل بھی پیدا ہوتے ہیں ۔انھوں نے طلبہ کو سیاست سے گریز اور اپنی پوری توجہ تعلیم حاصل کرنے پر مرکوز رکھنے کی تلقین کی۔پرنسپل صاحب نے مذید کہا کہ کالج میں طلبہ کو جو بھی مسلہ ہو،جس چیز کی کمی ہو ،میں اسے ہنگامی اور ترجیحی بنیاد پر حل کرنے کی کوشش کروں گا ۔

آخر میں سوال و جواب کا سیشن بھی رکھا گیا تاکہ طلبہ اپنی الجھنوں کو واضح کر سکیں۔

تقریب کا اختتام دعائیہ کلمات اور طلبہ کی حوصلہ افزائی کے ساتھ کیا گیا۔ یہ دن نئے طلبہ کے لیے تعلیمی سفر کا ایک یادگار آغاز ثابت ہوا۔

24/09/2025

Ist Merit List BS Computer Science.(Open Merit)

09/09/2025

۔Notice for Admissions in BS Computer Science 2025

بی ۔ایس کمپیوٹر سائنس میں داخلے جاری ہیں ۔

ایف ۔ایس ۔سی(F.SC)،پری میڈیکل ،پری انجنیرنگ /ایف سی ایس /جنرل سائنس بمع میھتس یا مساوی تعلیم کم از کم 50فیصد نمبرات کے حامل امیدوران طلبہ وطالبات کو مطلع کیا جاتا ہے کہ" گورنمنٹ عبدالعلی ڈگری کالج چارسدہ" میں" بی ایس "چار سالہ ڈگری پروگرام ( کمپیوٹر سائنس) میں آن لائن داخلے جاری ہیں ۔ جوکہ آخری تاریخ 21/9/2025 تک جاری رہیں گے ۔ آن لائن درخواستیں درج ذیل ویب سائیڈ پر جاکر جمع کرائے جاسکتے ہیں ۔https://admission.hed.gkp.pk
نوٹ :کالج ہذا میں بھی طلبہ وطالبات کی مدد و راہنمائی کے لئے HELP DESK اور أن لائن درخواستیں/ داخلہ کے لئے اپلائی کی سہولت میسر ہوگی ، لہذا آپ کالج آکر یہاں سے بغیر کسی معاوضہ کے اپلائی کر سکتے ہیں ۔

تفصیل کے لئے نیچے ایڈمشن شیڈول ملاحظہ کیجیے۔

05/09/2025

04/09/2025

آج ،بروز جمعرات بہ تاریخ 04/09/2025
گورنمنٹ عبدالعلی خان کالج چارسدہ میں ایک عظیم الشان *سیرت النبی ﷺ کانفرنس* کا انعقاد کیا گیا، جس کا مرکزی موضوع *"عقیدہ ختمِ نبوت"* تھا۔ اس کانفرنس کا مقصد نوجوان نسل کو اس عقیدے کی اہمیت، دینی و تاریخی حیثیت، اور تحفظِ ختمِ نبوت کے تقاضوں سے روشناس کروانا تھا۔
تقریب کا آغاز تلاوتِ کلامِ پاک سے ہوا، جس کے بعد حضور نبی کریم ﷺ کی بارگاہ میں عقیدت کے پھول نعت کی صورت میں نچھاور کیے گئے۔
عشرۂ رحمت للعالمین ﷺ کے سلسلے میں
"عقیدۂ ختمِ نبوت ﷺ"
کے اس اہم موضوع اور نہایت اہم کانفرس/ ورکشاپ کے
اس بابرکت پروگرام میں عالمی مجلس تحفظ ختم نبوت، نوشہرہ کے معزز اراکین بطور مہمانِ خصوصی شریک ہوئے جبکہ صدارت کالج کے اسسٹنٹ پروفیسر مفتی فہیم اللہ صاحب نے کی ، سٹیج کے فرائض بصراج گل صاحب سر انجام دے رہے تھے ۔کالج ہذاکے
تمام پروفیسر صاحبان اور طلبۂ وطالبات نے اس علمی و روحانی نشست /ورکشاپ میں محبت ،عقیدت اور جذبے سےشرکت کی۔
مہمان مقرر مولانا قاری محمد حسن نے عقیدہ ختم نبوت پر تفصیلی کفتگو فرمائی ۔ انھوں نے طلبہ کو عقیدہ ختم نبوت کے معنی ومطالب اور اس کی اہمیت مدلل اور عام فہم انداز میں سمجھانے کی بھر پور کوشش کی ۔ انھوں اپنے بیان میں فرمایا :کہ ختم نبوت دینِ اسلام کا بنیادی عقیدہ ہے۔ انھوں نے کہا کہ ختم نبوت کے موضوع پر قرآن کریم میں سو (100)آیات کریمہ اور نبی علیہ السلام کے210 احادیث مبارکہ موجو ہیں۔اور عقیدہ ختم نبوت کے تحفظ پر ہزاروں کی تعداد میں اصحابہ کرام اور تابعین نے جان کے نذرانے پیش کئے ہیں۔
انھوں نے نوجوانوں کو گمراہ فرقوں سے بچنے اور دینی بصیرت حاصل کرنے کی تلقین کی۔
آخر میں بصراج گل صاحب نے تمام مقررین اور حاضرین کا شکریہ ادا کیا۔
دعا کے ساتھ یہ عظیم الشان کانفرنس/ورکشاپ اپنے اختتام کو پہنچی۔ کانفرنس نے طلبہ کے دلوں میں عقیدہ ختمِ نبوت کی اہمیت کو مزید اجاگر کیا اور انھیں اس کے تحفظ کے لیے پرعزم کیا۔

منتظمین :لائبریرین حافظ بصراج گل صاحب وجملہ سٹاف ممبران
گورنمنٹ عبدالعلی خان کالج چارسدہ

03/09/2025

السلام علیکم ورحمۃ اللہ وبرکاتہ

محترم اساتذۂ کرام و عزیز طلبۂ گرامی!

گورنمنٹ عبدالعلی خان کالج میں
بروز جمعرات، چار ستمبر
2025 کو صبح 10 بجے، بلاک نمبر 3 ہال میں
عشرۂ رحمت للعالمین ﷺ کے سلسلے میں

"عقیدۂ ختمِ نبوت ﷺ"
کے موضوع پر ایک مختصر مگر نہایت اہم ختم نبوت ورکشاپ کا انعقاد کیا جا رہا ہے۔

اس بابرکت پروگرام میں عالمی مجلس تحفظ ختم نبوت، نوشہرہ کے معزز اراکین بطور مہمانِ خصوصی شریک ہوں گے۔

تمام پروفیسر صاحبان اور طلبۂ کرام سے مودبانہ گزارش ہے کہ اس علمی و روحانی نشست میں ضرور شریک ہوں اور اپنی حاضری یقینی بنائیں۔

نوٹ ۔۔ گورنمنٹ پوسٹ گریجویٹ کالج کے پروفیسر صاحبان اور طلبہ کرام بھی شرکت کرسکتے ہیں ۔

✦ جزاکم اللہ خیراً ✦

02/09/2025

عشرہ رحمت اللعالمین ۔

سلام اس پر کہ جس نے خون کے پیاسوں کو قبائیں دی
سلام اس پر کہ جس نے گالیاں سن کر دعائیں دی

گورنمنٹ عبدالعلی
خان کالج اتمانزی چارسدہ میں آج ، 2 ستمبر 2025 کو سیرت النبی ﷺ کے حوالے سے تقریری مقابلہ منعقد ہوا۔ اس مقابلے کا موضوع تھا *"رسول اللہ ﷺ بحیثیت رحمت اللعالمین"*۔ اس روح پرور تقریب میں پروفیسر حضرات ،کلرک حضرات،درچہ چہارم کے ملازمین اور طلبہ وطالبات نے بڑی محبت، عقیدت اور جذبے سے شرکت کی۔

تقریب کا آغاز تلاوت قرآن پاک سے ہوا، جس کے بعد نعتِ رسولِ مقبول ﷺ پیش کی گئی۔
بعد ازاں کالج ہذا کے اسسٹنٹ پروفیسر مفتی فہیم اللہ صاحب نے
رحمت اللعالمین ،خاتم الانبیاء حضور اقدس صلی اللہ علیہ وآلہ وسلم کی،سیرتِ طیبہ کے مختلف پہلوؤں کو اجاگر کیا، جیسے کہ:

- دشمنوں سے حسنِ سلوک
- یتیموں، بیواؤں اور غلاموں کے ساتھ رحمت
- جانوروں سے ہمدردی
- فتح مکہ پر عام معافی کا اعلان وغیرہ وغیرہ
- مفتی صاحب نے دل نشین اشعار،حوالہ جات اور تاریخی واقعات کے زریعے نبی کریم صلی اللہ علیہ وآلہ وسلم کی رحمت اور شفقت کو خوب صورتی سے بیان کیا۔
قوت عشق سے ہر پست کو بالاکر دے
دہر میں اسم محمد سے اجالا کر دے ۔
کی محمد سے وفا تو نے تو ہم تیرے ہیں ۔
یہ جہاں چیز ہے کیا لوح قلم تیرے ہیں

مقابلے کے اختتام پر پروفیسر مقصود جان صاحب نے نمایاں کارکردگی دکھانے والے طلباء کو نقد انعامات دیے۔
آخر میں بسراج گل صاحب نے طلباء کو سیرتِ نبوی ﷺ کو اپنی عملی زندگی میں اپنانے کی نصیحت کی ، اور ملگ کی ترقی ،امن ، حالیہ سیلاب میں شہید ہونے والوں کے لئے اجتماعی دعا کی ۔
سب طلبہ اور اساتذہ کرام نے حکومت کے احکامات کی روشنی میں
"عشرہ رحمت اللعالمین" کے منانے کے اقدام کو خوب سراہا ۔

گورنمنٹ عبدالعلی خان کالج چارسدہ

01/09/2025

نوٹس

سال دوم (سیکنڈ ائیر)کے طلبا کو مطلع کیا جاتا ہے کہ آج سے باقاعدہ کلاسسز کا آغاز ہوچکا ہے ۔لہذا اپنی حاضری یقینی بنائیں ۔
مسلسل 6 دن غیر حاضر رہنے والے طالب علم کو فی الفور خارج کیا جائے گا۔ 15 دن کے اندر اندر داخلہ نہ کرنے کی صورت میں متعلقہ طالب علم کو کسی بھی صورت میں دوبارہ داخل نہیں کیا جائے گا۔
والدین سے گزارش ہے کہ وہ خود بھی اپنے بچوں کے بارے میں آگاہ رہیں اور وقتا فوقتا کالج انتظامیہ سے رابطے میں رہیں
۔طلبہ کے لیے ڈریس کوڈ سفید شلوار قمیض اور سیاہ بند جوتے ہیں ۔
کالج قواعد و ضوابط کی پابندی نہ کرنے کی صورت میں سخت قانونی کاروائی کی جائے گی۔

گورنمنٹ عبدالعلی خان کالج چارسدہ