16/07/2026
غازی یونیورسٹی ہمارا فخر ہے، اسے بچانا ہم سب کی ذمہ داری ہے! 🇵🇰🎓
غازی یونیورسٹی ڈیرہ غازی خان کی اکلوتی یونیورسٹی اور ہمارے پورے خطے کے مستقبل کی ضامن ہے۔ یہ وہ ادارہ ہے جس سے ہزاروں غریب اور متوسط طبقے کے طلبہ کا مستقبل وابستہ ہے۔ ہمیں اس ادارے سے پیار ہے، اور ہم ہرگز نہیں چاہتے کہ کسی بھی وجہ سے ہماری اس اکلوتی یونیورسٹی کی ساکھ کو نقصان پہنچے یا یہ بدنام ہو۔
لیکن خاموشی اب حل نہیں ہے!
ہمیں یہ تسلیم کرنا ہوگا کہ یونیورسٹی میں سب کچھ ٹھیک نہیں ہے۔ غازی یونیورسٹی میں کچھ ایسی کالی بھیڑیں موجود ہیں جو اپنے رویے، ضد اور ذاتی انا کی وجہ سے اس عظیم ادارے کو تباہی کی طرف دھکیل رہی ہیں۔ چند اساتذہ اور عملے کے لوگوں کا رویہ طلبہ کے ساتھ انتہائی غیر مناسب، ہتک آمیز اور مایوس کن ہے۔ اس سخت اور نامناسب رویے کے ٹھوس ثبوت (Proofs) بھی اکثر طلبہ کے پاس موجود ہیں۔
ہماری غازی یونیورسٹی انتظامیہ اور اعلیٰ حکام سے گزارش:
ہم غازی یونیورسٹی کے اعلیٰ حکام اور وائس چانسلر صاحب سے پرزور اپیل کرتے ہیں کہ وہ اس صورتحال پر فوری نظرِ ثانی کریں۔
طلبہ کی بات سنی جائے: طلبہ کے احتجاج اور سوشل میڈیا پر چلنے والی مہم کو محض ایک ہنگامہ نہ سمجھا جائے، بلکہ ان کے جائز تحفظات کو سنا اور حل کیا جائے۔
سخت احتساب کیا جائے: جو اساتذہ یا اسٹاف ممبرز اپنے اختیارات کا غلط استعمال کر رہے ہیں اور بچوں کے مستقبل اور ذہنی سکون سے کھیل رہے ہیں، ان کے خلاف فوری اور
سخت تادیبی کارروائی کی جائے۔
