14/07/2019
اک آدھ روٹی کے واسطے کیسے کیسے چکر چلا رھا ھُوں
مِرے خُدا ! تُو تو جانتا ھے مَیں جس طرح گھر چلا رھا ھُوں
تُمہارے پیروں سے جو چُھوئے تھے وہ مَیں نے جیبوں میں بھر لیے تھے
طلائی سِکّوں کی جگہ مَیں آج بھی وہ کنکر چلا رھا ھُوں
تُمہی بتاؤ، تمہارے دل پر چلے بھی کیسے مِری محبت ؟
یہ گہرے پانی کی ناؤ ھے اور مَیں سڑک پر چلا رھا ھُوں
اِسی لیے تو مِری غزل کی شراب بِکتی ھے بےتحاشا
یہ مَے کدہ مَیں تُمہاری آنکھوں سے مِل مِلا کر چلا رھا ھُوں
جمال و ثروت کی شاعری پڑھ کے اور کیا روزگار مِلتا ؟
سو ایم اے اُردو میں اوّل آکر بھی آج اُوبر چلا رھا ھُوں
نتیجہ جو بھی ھو جنگ کا لیکن اس حقیقت کی داد تو دو
کہ مَیں قلم کو تمہاری تلوار کے برابر چلا رھا ھُوں
تبھی تو ملّاحوں کا قبیلہ ھُوا ھے میرے لہُو کا پیاسا
یہ سارے کشتی چلانے والے ھیں، مَیں سمندر چلا رھا ھُوں
یہ لوگ یُوں اپنے مسئلوں کے تمام حل مُجھ سے پُوچھتے ھیں
کہ جیسے مَیں آج کل زمیں پر خُدا کا دفتر چلا رھا ھُوں
ھم ایک اُجڑے ھوئے کلیسا میں روز مِلتے ھیں چُھپ چُھپا کر
وہ ایک مندر چلا رھی ھے، مَیں ایک مِنبَر چلا رھا ھُوں
مَیں اپنی فہرستِ دوستاں سے جھٹک رھا ھُوں مُنافقوں کو
یہ سارے ناسور خُود ھی پالے تھے، خود ھی نشتر چلا رھا ھُوں
مُجھے محبت کی سلطنت ورثے میں نہیں، جنگ سے مِلی ھے،
سو مَیں اِسے پچھلے بادشاھوں سے کافی بہتر چلا رھا ھُوں
نہ مَیں پیمبر نہ یہ پیمبر نہ کوئی حُکمِ خدا ھے، فارس !
مَیں بُھوک کے دُکھ سے اپنے بیٹے پہ آپ خنجر چلا رھا ھُوں
رحمان فارس
Ik Aadh Roti K Waastey Kesey Kesey Chakkar Chala Raha Hu’n
Mrey Khuda ! Tu To Jaanta Hey Mai’n Kis Tarah Ghar Chala Raha Hu’n
Tumhaarey Pero’n Sey Jo Chhuey They Wo Mai’n Ney Jebo’n Mei’n Bhar Liey They
T’laai Sikko’n Ki Jag’h Mai’n Aaj Bhi Wo Kankar Chala Raha Hu’n
Tumhi B’taao Tumhaarey Dil Per Chaley Bhi Kesey Mri Muhabbat
Yeh Gehrey Paani Ki Naao Hey Aur Mai’n Sarak Per Chala Raha Hu’n
Isi Liey To Mri Ghazal Ki Sh’raab Bikti Hey Bey-Tahaasha
Yeh May-Kada Mai’n Tumhaari Aankho’n Sey Mil-Mila Ker Chala Raha Hu’n
Jamal-o-Sarwat Ki Shaa’iree Parh K Aur Kya Rozgaar Milta ?
So M.A. Urdu Mei’n Awwal Aa Ker Bhi Aaj Uber Chala Raha Hu’n
Nateeja Jo Bhi Ho Jang Ka Lekin Is Haqeeqat Ki Daad To Do
K Mai’n Qalam Ko Tumhaari Talvaar Key Braabar Chala Raha Hu’n
Tabhi To Mallaaho’n Ka Qabeela Hua Hey Merey Lahoo Ka Pyaasa
Yeh Saarey Kashti Ch’laaney Waaley Hei’n, Mai’n Samundar Chala Raha Hu’n
Yeh Log Yu’n Apney Mas’alo’n Key T’maam Hal Mujh Sey Poochhtey Hei’n
K Jesey Mai’n Aaj Kal Zamee’n Per Khuda Ka Daftar Chala Raha Hu’n
Ham Aik Ujrey Huey Kleesa Mei’n Roz Miltey Hei’n Chhup Chhupaa Ker
Wo Aik Mandir Chala Rahi Hey, Mai’n Aik Mimber Chala Raha Hu’n
Mai’n Apni Fehrist-e-Dostaa’n Sey Jhatak Raha Hu’n Munaafiqo’n Ko
Yeh Saarey Naasoor Khud Hi Paaley They, Khud Hi Nishtar Chala Raha Hu’n
Mujhey Muhabbat Ki Saltanat Virsey Mei’n Nahi’n Jang Sey Mili Hey
So Mai’n Isey Picchley Baadshaaho’n Sey Kaafi Behtar Chala Raha Hu’n
Na Mai’n P’yambar No Yeh P’yambar Na Koi Hukm-e-Khuda Hey, Faris !
Mai’n Bhook Key Dukh Sey Apney Betey Pey Aap Khanjar Chala Raha Hu’n
Rehman Faris
