HYMSA

22/07/2026

هر سال جيان هن سال پڻ سيرت النبي ﷺ جي حوالي سان هڪ پروقار ۽ روح پرور تقريب منعقد ڪئي پئي وڃي.

هن تقريب ۾ ڪلاس ڇهين (6th) کان ڪلاس ٻارهين (12th) تائين جا شاگرد ۽ شاگردياڻيون حصو وٺي سگهن ٿا.

مقابلا:
نعت رسول مقبول ﷺ
تقريري مقابلو
سيرت النبي ﷺ ڪوئز مقابلو

مقابلي ۾ حصو وٺڻ جا خواهشمند شاگرد ۽ شاگردياڻيون هيٺ ڏنل نمبر تي پنهنجو نالو رجسٽر ڪرائين.

رابطي ۽ رجسٽريشن لاءِ: 📞 0300-3069281

اچو ته پنهنجي پياري نبي حضرت محمد ﷺ جي پاڪ سيرت، اعليٰ اخلاق ۽ روشن تعليمات کي سمجهي پنهنجي زندگيءَ جو حصو بڻايون.

24/06/2026

سائين طلعت قريشي صاحب اڄ اسان کان جسماني طور جدا ٿي ويا آهن. يقيناً سندن وڇوڙو سندن شاگردن، عزيزن، رشتيدارن ۽ چاهيندڙن لاءِ انتهائي ڏک ڀريو صدمو آهي.
سائين طلعت قريشي صاحب هڪ باوقار، علم دوست ۽ طلسماڻي شخصيت جا مالڪ هئا. سندن شاگرد کين پنهنجي زندگيءَ جو رول ماڊل سمجهندا هئا. هالا پراڻا ۾ تبليغي جماعت جي واڌ ويجهه ۽ نوجوانن جي ديني تربيت ۾ سندن خدمتون هميشه ياد رکيون وينديون. سوين نوجوان سندن محنتن، اخلاص ۽ محبت ڀريي انداز جي نتيجي ۾ تبليغي ڪم سان وابسته ٿيا.
سندن زندگي دين، اخلاق ۽ انسانيت جي خدمت سان سرشار رهي. سندن وڇوڙي سان جيڪو خال پيدا ٿيو آهي، اهو آساني سان پورو ٿيڻ وارو ناهي.
الله پاڪ کان دعا آهي ته مرحوم سائين طلعت قريشي صاحب جن جي مڪمل مغفرت فرمائي، سندن قبر کي جنت جي باغن مان هڪ باغ بڻائي، کين جنت الفردوس ۾ اعليٰ مقام عطا فرمائي، ۽ سندن پونئرن، شاگردن ۽ سڀني چاهيندڙن کي صبر جميل نصيب فرمائي.

17/06/2026

05/12/2025

حاجي يار محمد صدر اڪيڊمي ھالا پراڻا پاران سنڌ جي نامياري شاعر سوز هالائي جي سرجيل حمديہ نعتيہ منقبتيہ شاعري جو مجموعو "سڀ ۾ پنهون پاڻ" جي مهورتي تقريب سوز هالائي جي 88 جنم ڏڻ 5 ڊسمبر بروز جمع تي حيمص اڪيڊمي ۾ ڪئي وئي. مهورتي تقريب جي صدارت ناليواري اديب قاضي خادم ڪئي ان سان گڏ نصير مرزا نياز پنوهر موهن مدهوش جاويد سوز مخدوم حسام الدين ڀٽي ايڊووڪيٽ قربان علي ڀٽو ۽ ٻيا دوست شامل هئا.
تلاوت ڪلام پاڪ جي سعادت حافظ وليﷲ اسامہ صدر ماڻي. نوجوان اديب ۽ مٺڙي آواز جي مالڪ آخوند محمد عباس سوز هالائي جي نئين نعت پنهنجي ڪمپوزنگ ۾ سامعين اڳيان پيش ڪئي. قاضي خادم نياز پنوهر نصير مرزا جاويد سوز موهن مدهوش مختصر ڳالهين ۾ سوز هالائي جي ڪم کي ساراهيو ۽ هن ديار جو اهم شاعر قرار پڻ ڏنو. سوز هالائي جي 88 جنم ڏڻ جو ڪيڪ پڻ ڪٽيو ويو. مهورتي تقريب ۾ ميان منصور احمد ڀٽي ڊاڪٽر عطاءُﷲ صدر امتياز سوز مخدوم آفتاب ڪوثر هالائي مولوي حاجي احمد سنائي عبيد صدر علي بخش حيدري پروفيسر محمد شارق قريشي حافظ صبغت تنوير سوز هالائي رضا محمد ميمن طارق احمد سنائي ممتاز علي دايو محمد عارف ميمڻ حافظ احمد انڍڙ غلام علي ميمڻ احمد صدر آڪاش آسواني عبدالرحيم ميمڻ نوجوان شاعر غضنفر علي اسدﷲ ميمڻ حيدر علي ميمڻ ۽ ٻين مڪتب فڪرن جي فردن پڻ شرڪت ڪئي. پروگرام جي ڪارروائي امان صدر هلائي.

14/06/2025

"اسين اڪثر رڳو پنهنجن ڪمرن ۽ گهرن کي ٿڌو ۽ صاف رکڻ جي ڪوشش ڪندا آهيون،
پر ڇا اسان ڪڏهن سوچيو آهي ته اسانجو پاڙو، اسانجي گلي، اسانجا رستا، اسانجو ڳوٺ ۽ اسانجو شهر ڪيئن ٿڌو، صاف ۽ صحت بخش ٿي سگهي ٿو؟
جيڪڏهن سوچ جو دائرو وڌنداسين، ته ماحول به بهتر ٿيندو، زندگي به.
ٿورو تصور ڪريو: جيڪڏهن هر ماڻهو رڳو رستي جي ڪناري لڳل هڪ وڻ کي روزانه هڪ بوتل پاڻي به ڏئي،
ته سوچي ڏسو ڪيترا وڻ بچندا، وڌندا ۽ ڪيتري ٿڌڪار پيدا ٿيندي.
اهو ننڍڙو قدم وڏو اثر ڏيئي سگهي ٿو. اچو ته پنهنجي ڌرتي لاءِ هي ننڍڙو فرض ضرور نڀايون."

12/06/2025

هالا جي عوام کي خصوصي گذارش

اچو ته "هالا لاءِ هڪ وڻ" مهم ۾ حصو وٺون!

هالا کي سرسبز بڻائڻ لاءِ هر شهري پنهنجي حصي جو وڻ ضرور لڳائي:

🏠 گهر، 🕌 مسجد، ⛩ مندر، ⛪ چرچ، 🌳 اوتارو، 📌 آفيس يا جيڪا به مناسب جڳهه هجي جتي وڻ جي سنڀال ممڪن هجي – اتي هڪ وڻ ضرور لڳايو.

🌿 ان کي صدقو جاري سمجھون، ۽ ايندڙ نسلن لاءِ ڇانوَ ڇڏيون!

12/06/2025

General Instructions for the Candidates_ Screening Test of Matriculation Category (BPS-05 to BPS-15) Project, SGA&CD, Govt. of Sindh. Tests to be held from June 21 to 30, 2025.