01/09/2024
مدرسہ کے ایک طالب علم کے اوپر صرف چار درہم خرچ کرنے کی عجیب فضیلت
۔ِ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصہ کچھ یوں ہیکہ
ایک شرابی کے ہاں
ہر وقت شراب کا دَور رہتا تھا-
ایک مرتبہ
اس کے دوست احباب جمع تھے شراب تیار تھی
اس نے اپنے غلام کو چار درہم دیے کہ شراب پینے سے پہلے دوستوں کو کھلانے کے لیے کچھ پھل خرید کر لائے.
وہ غلام بازار جا رہا تھا کہ راستے میں حضرت منصور بن عمار بصری رحمتہ اللہ علیہ: کی مجلس پر گزر ہوا وہ کسی مدرسہ کے طالب علم کے واسطےلوگوں سے کچھ مانگ رہے تھے اور فرما رہے تھے کہ
"جو شخص اس طالب علم کو چار درہم دے میں اس کو چار دعائیں دوں گا"
اس غلام نے وہ چاروں درہم اس طالب علم کو دے دیے.
حضرت منصور رحمتہ اللہ علیہ نے فرمایا, بتا کیا دعائیں چاہتا ہے...؟
غلام نے کہا میرا ایک: آقا ہے میں اس سے خلاصی چاہتا ہوں.
حضرت منصور رحمتہ اللہ علیہ نے دعا فرمائی اور پوچھا دوسری دعا کیا چاہتا ہے..؟
غلام نے کہا مجھے ان درہموں کا بدل مل جائے.
حضرت منصور رحمتہ اللہ علیہ نے اس کی بھی دعا کی پھر پوچھا تیسری دعا کیا ہے..؟
غلام نے کہا حق تعالٰی شانہ میرے سردار کو توبہ کی توفیق دے اور اس کی دعا قبول کرے
آپ رحمتہ اللہ علیہ نے اس کی بھی دعا کی پھر
پوچھا چوتھی دعا کیا ہے...؟
غلام نے کہا حق تعالٰی شانہ میری, میرے سردار کی, تمہاری اور یہاں مجمعے میں موجود ہر شخص کی مغفرت کرے.
حضرت منصور رحمتہ اللہ علیہ نے اس کی یہ بھی دعا کی.
اس کے بعد وہ غلام خالی ہاتھ اپنے سردار کے پاس واپس چلا گیا.
سردار اسی کے انتظار میں تھا. دیکھ کر کہنے
لگا
" اتنی دیر لگا دی...؟
غلام نے قصہ سنایا. سردار نے ان دعاؤں کی برکت سے بجائے غصہ ہونے اور مارنے کے یہ پوچھا کہ کیا کیا دعائیں کرائیں...؟
غلام نے کہا پہلی تو یہ کہ میں غلامی سے آزاد ہو جاؤں
سردار نے کہا میں نے تجھے آزاد کر دیا
,دوسری کیا تھی...؟
غلام نے کہا مجھے ان درہموں کا بدلہ مل جائے.
سردار نے کہا میری طرف سے تمہیں چار ہزار
درہم نذر ہیں
,تیسری کیا تھی....؟
غلام نے کہا حق تعالٰی شانہ تمہیں شراب وغیرہ فسق و فجور سے توبہ کی توفیق دے.
سردار نے کہا میں نے اپنے سب : گناہوں سے توبہ کر لی,
چوتھی کیا تھی....؟
غلام نے کہا حق تعالٰی شانہ میری,آپ کی, ان بزرگ کی اور سارے مجمع کی مغفرت فرما دے
سردار نے کہا کہ یہ میرے اختیار میں نہیں ہے.
رات کو سردار کو خواب میں ایک آواز سنائی دی.
جب تو نے وہ تینوں کام کر دیے جو تیرے اختیار میں تھے تو کیا تیرا یہ: خیال ہے کہ اللہ وہ کام نہیں کرے گا جس پر وہ قادر ہے....؟
اللہ نے تیری, اس غلام کی, منصور کی, اور اس سارے مجمعے کی مغفرت کر دی ہے..
(ریاض الصالحین صفحہ ۱۲۰)
اس لیے میری تمام مسلمانوں سے گزارش ہے ک وہ اپنی زکوۃ اور صدقات دینی مدارس کو جمع کرائیں اس لیے کہ آپ کی زکوۃ اور صدقات سے دین کے طلباء جو قوت حاصل کریں گے اس کے ذریعے علم دین حاصل کریں گے، علم دین کو پھیلائیں گے قران و حدیث پڑھیں گے اور اپنی شب و روز کی زندگی میں جو بھی نیک کام کریں گے تو اس میں آپ کو بھی اجر و ثواب ملے گا۔
اللہ تبارک و تعالی ہمیں سمجھنے اور عمل کرنے کی توفیق عطا فرمائے
آمین ثم آمین یا رب العالمین بحرمت سید المجاہدین و خاتم النبیین ورحمۃ اللعالمین محمد وعلی آلہ و اصحابہ اجمعین
