جامعہ عمر آفیشل بلدیہ ٹاؤن کراچی

23/01/2026

تشنگانِ علومِ نبوت جب اپنی علمی آشیانوں سے گھروں کی سمت روانہ ہوئے تو وہ درسگاہیں، جو قالَ اللہ اور قالَ الرسول ﷺ کی روح پرور صداؤں سے گونجتی تھیں، اب خاموشی کی چادر اوڑھے ویرانی کا منظر پیش کر رہی ہیں

05/01/2026

وفاق المدارس العربیہ پاکستان کے سرپرست، جامعہ اشرفیہ کے مہتمم حضرت مولانا فضل الرحیم اشرفی صاحب خلد آشیاں ہو گئے۔
آپ علم و عمل کے پیکر اور عرفانِ دین کا روشن مینار تھے۔ مدتوں سے حدیثِ نبوی ﷺ کے جواہر بکھیرنے والی یہ چہچہاتی بلبل ہمیشہ کے لیے خاموش ہو گئی۔ حضرت کی دینی، ملی اور قومی خدمات کو ہمیشہ یاد رکھا جائے گا، اور آپ اپنی بے مثال خدمات کے باعث ہمیشہ زندۂ جاوید رہیں گے۔
ربِ کریم مرحوم کی کامل مغفرت فرمائے، ان کی منازلِ آخرت کو آسان فرمائے، اور ان کے وصال سے جو خلا پیدا ہوا ہے، اس کا نعمُ البدل عطا فرمائے۔ آمین۔

02/01/2026

01/01/2026

رسمِ دستار بندی کے روح پرور مناظر

29/12/2025

آہ پیرمختارالدین صاحب رحمتہ اللہ علیہ
دسمبر پھر ستمگر ثابت ہوا؛ اکابر و اسلاف کی جدائی نے قافلۂ دل کو لُوٹ لیا۔ وہ چراغِ ہدایت جو صدیوں کے اندھیروں میں راہ دکھاتے رہے، ایک ایک کر کے بجھتے چلے گئے۔ فضا نوحہ کناں ہے، دل زخم زخم اور آنکھیں اشک بار—گویا زمانہ خود ہمارے غم پر ماتم کناں ہے۔

27/12/2025

سروں پر دستارِ فضیلت سجنے کے روحانی لمحات

25/12/2025

وقارِ علم، سحرِ قلم

اہلِ فضل سے یہ امر پوشیدہ نہیں کہ کچھ نفوس ایسے ہوتے ہیں جن کے سینوں میں علم امانت نہیں بلکہ امانتِ الٰہی بن کر ٹھہرتا ہے، اور کچھ اربابِ قلم ایسے ہوتے ہیں جن کی تحریر محض سطور کی ترتیب نہیں بلکہ فیضانِ فکر کا مظہر ہوتی ہے۔ حضرت مولانا عزیز الرحمن عظیمی صاحب اسی زمرۂ خاص سے تعلق رکھتے ہیں، جن میں علم کی متانت اور قلم کی حلاوت اس حسنِ اعتدال کے ساتھ جمع ہو گئی ہے جو کم کم نصیب ہوتا ہے۔

موصوف کی ہمارے ادارے جامعہ عمر میں تشریف آوری اہلِ نظر کے نزدیک ایک سعادتِ غیر مترقبہ تھی۔ یہ آمد محض قدم رنجہ فرمانا نہ تھی، بلکہ گویا علم نے اپنے وقار کے ساتھ درس گاہ میں نزول فرمایا، اور قلم نے اپنی خاموش تاثیر کے ساتھ فضا کو معطر کر دیا۔ اس ساعت میں گفتار بھی بامعنی تھی اور سکوت بھی ترجمانِ فکر۔

حضرت مولانا عظیمی صاحب کا مرتبۂ علمی القابات کا محتاج نہیں؛ ان کی نظر کی پختگی، فہمِ دین کی رسائی اور مزاج کی سنجیدگی خود ان کی پہچان ہے۔ اور جب یہی علمی رسوخ قلم کے سانچے میں ڈھلتا ہے تو نثر میں وہ اثر پیدا ہو جاتا ہے جو دل پر ٹھہرتا اور ذہن میں نقش ہو جاتا ہے۔ ان کا قلم نہ تکلف کا بار اٹھاتا ہے اور نہ تصنع کی راہ اختیار کرتا ہے؛ وہ سادگی میں جلال اور خاموشی میں بیان رکھتا ہے۔

ان کی تحریر کا قاری جب مطالعہ کرتا ہے تو محض لفظ نہیں پڑھتا بلکہ معانی کی ایک دنیا میں قدم رکھتا ہے۔ عبارت میں ایسی شائستگی اور ترکیب میں ایسی استواری پائی جاتی ہے کہ پڑھنے والا بے اختیار ٹھہر جاتا ہے، اور ہر سطر اسے فکر کے ایک نئے گوشے سے آشنا کر دیتی ہے۔

جامعہ عمر کے لیے حضرت مولانا عزیز الرحمن عظیمی صاحب کی یہ تشریف آوری موجبِ افتخار تھی کہ اس ادارے کو ایک ایسے عالمِ باعمل اور صاحبِ اسلوب قلم کار کی صحبت میسر آئی جس کا علم بھی معتبر ہے اور قلم بھی امین، جس کی نثر میں تہذیبِ فکر اور تربیتِ دل یکجا نظر آتی ہے۔

اللہ تعالیٰ حضرت مولانا عزیز الرحمن عظیمی صاحب کے علم و قلم میں دوام عطا فرمائے، ان کے فیض کو عام کرے اور ہمیں ایسے اہلِ فضل کی قدر شناسی کی توفیق بخشے۔ آمین

24/12/2025

تقریبِ ختمِ بخاری شریف
جامعہ عمر، مکہ جامع مسجد، بلدیہ ٹاؤن کراچی
(2025ء)

مصر سے تشریف لائے ہوئے مہمان، الشیخ یاسر عبدالسلام تلاوتِ کلامِ پاک فرما رہے ہیں۔

23/12/2025

تقریبِ ختمِ بخاری شریف
جامعہ عمر، مکہ جامع مسجد، بلدیہ ٹاؤن کراچی
(2025ء)

درجۂ ثانیہ کے متعلم احمد، جنہوں نے تقریری مقابلے میں اوّل پوزیشن حاصل کی، آپ کی سماعتوں کے نذر ہیں۔

22/12/2025

تقریبِ ختمِ بخاری شریف
جامعہ عمر، مکہ جامع مسجد، بلدیہ ٹاؤن کراچی
(2025ء)

جامعہ کے متعلّم فضل السبحان نعتِ رسولِ مقبول ﷺ پیش کرنے کے بعد ترانہ پیش کرتے ہوئے