13/03/2025
اپریل 2025ء کے دوسرے ھفتہ میں ہم جامعہ دارالاسلام جوہر آباد ضلع خوشاب میں داخلہ کر رہے ہیں۔ پہلی تین جماعتوں کا داخلہ مقامی طلبہ کا ہوتا ہے۔ چہارم تا دہم دارالاقامہ(ہوسٹل) میں رہنا لازمی ہے۔ اگر کوئی مقامی طالب علم فجر کی نماز جامعہ کی مسجد میں ادا کر سکتا ہو تو اس کے لیے اپنے گھر رہنے کی سہولت دی جا سکتی ہے۔ یاد رہے ہمارے ادارے کا سب اہم مضمون قرآن مجید ہے۔ ہر روز بلا ناغہ نماز فجر کے بعد چہارم تا دہم قرآن مجید کا پیریڈ ہوتا ہے۔ چہارم تا ششم کے طلبہ حفظ کرتے ہیں۔ ہفتم تا دہم قرآن مجید کا ترجمہ عربی قواعد کے اجراء کے ساتھ پڑھتے ہیں۔ یاد رہے ہم چھٹی جماعت سے عربی کی تدریس شروع کر تے ہیں۔ایک کامیاب تجربہ ہم نے پرائمری پاس طلبہ کا کیا۔ جو مدارس صرف حفظ کرواتے ہیں، وہ بالعموم پرائمری پاس طالب علم کو لیتے ہیں اور تین سال میں حفظ مکمل کرواتے ہیں۔ ہم ایسے حفاظ کی اسپیشل کلاس بناتے ہیں۔ عربی کی الگ سے سپیشل کلاس۔ دوسرے مضامین ششم تا ہشتم ایک ایک میقات (سمسٹر) میں کرواتے ہیں۔ یہ طلبہ نہایت کامیابی کے ساتھ ایک سال میں عربی اور مڈل پاس کرتے ہیں۔ نہم اور دہم کا بورڈ کا امتحان اعلیٰ نمبروں کےساتھ پاس کرتے ہیں۔
