Yousafzai Students Organization KUST

Yousafzai Students Organization KUST Official page of Yousafzai Students Organization (YSO KUST).

یوسفزئی سٹوڈنٹس آرگنائزیشن KUST کا اظہارِ یکجہتی ✊یوسفزئی سٹوڈنٹس آرگنائزیشن KUST، شعبۂ الائیڈ ہیلتھ سائنسز کے طلبہ کے ج...
07/06/2026

یوسفزئی سٹوڈنٹس آرگنائزیشن KUST کا اظہارِ یکجہتی ✊
یوسفزئی سٹوڈنٹس آرگنائزیشن KUST، شعبۂ الائیڈ ہیلتھ سائنسز کے طلبہ کے جائز مطالبات اور رجسٹریشن کے حصول کے لیے جاری جدوجہد کی مکمل حمایت کرتی ہے۔

ہم سمجھتے ہیں کہ طلبہ کے حقوق کا تحفظ اور ان کے مستقبل کا تحفظ ہم سب کی مشترکہ ذمہ داری ہے۔ ہم اس پرامن جدوجہد میں اپنے بھائیوں اور بہنوں کے ساتھ کھڑے ہیں اور متعلقہ حکام سے مطالبہ کرتے ہیں کہ طلبہ کے مسائل فوری طور پر حل کیے جائیں۔
آپ کی آواز، ہماری آواز۔
آپ کی جدوجہد، ہماری جدوجہد۔

یوسفزئی سٹوڈنٹس آرگنائزیشن KUST

02/05/2026

آج کوہاٹ یونیورسٹی آف سائنس اینڈ ٹیکنالوجی، کوہاٹ کی تمام سوسائٹیز، فیڈریشنز اور کمیونٹیز کے صدور کی ایک اہم میٹنگ، کسٹ نرسنگ کمیونٹی کی دعوت پر منعقد ہوئی۔
میٹنگ میں نرسنگ کمیونٹی نے اپنے درپیش مسائل، خصوصاً پاکستان نرسنگ کونسل (PNC) کے ساتھ نرسنگ ڈیپارٹمنٹ کی رجسٹریشن کے مسئلے کو تفصیل سے پیش کیا۔ کسٹ نرسنگ کمیونٹی نے بتایا کہ اس مسئلے کے حل کے لیے ہر ممکن کوشش کی گئی۔۔۔ متعلقہ اداروں اور انتظامیہ سے رابطے کیے گئے، حتیٰ کہ مسلسل احتجاج بھی کیا گیا مگر تاحال مسئلہ حل نہیں ہو سکا۔
اس موقع پر نرسنگ کمیونٹی نے اپنا مسئلہ تمام سوسائٹیز اور فیڈریشنز کے حوالے کرتے ہوئے اپیل کی کہ وہ اس جدوجہد میں بھرپور ساتھ دیں۔ تمام صدور نے اس بات پر اتفاق کیا کہ یہ مسئلہ اب صرف نرسنگ طلبہ کا نہیں بلکہ پوری یونیورسٹی کے ہر طالب علم کا مشترکہ مسئلہ ہے۔
میٹنگ کے اختتام پر اس عزم کا اظہار کیا گیا کہ تمام سوسائٹیز، فیڈریشنز اور کمیونٹیز مل کر ایک مؤثر اور مضبوط لائحہ عمل تیار کریں گی تاکہ اس مسئلے کو اعلیٰ سطح پر اٹھایا جا سکے اور جلد از جلد حل یقینی بنایا جا سکے.

یوسفزئی سٹوڈنٹس آرگنائزیشن کسٹ

📢 پریس ریلیزیوسفزئی اسٹوڈنٹس آرگنائزیشن، کسٹ کی جانب سے کوہاٹ یونیورسٹی آف سائنس اینڈ ٹیکنالوجی میں کل سے فزیکل کلاسز کے...
20/04/2026

📢 پریس ریلیز

یوسفزئی اسٹوڈنٹس آرگنائزیشن، کسٹ کی جانب سے کوہاٹ یونیورسٹی آف سائنس اینڈ ٹیکنالوجی میں کل سے فزیکل کلاسز کے باقاعدہ آغاز کے فیصلے کا بھرپور خیرمقدم کیا جاتا ہے۔ یہ ایک مثبت اور بروقت اقدام ہے جو طلباء کے تعلیمی ماحول کو مزید مؤثر اور فعال بنانے میں اہم کردار ادا کرے گا۔

اس اہم فیصلے پر یوسفزئی اسٹوڈنٹس آرگنائزیشن، کسٹ کے صدر سمیت مختلف طلباء تنظیموں، سوسائٹیز اور فیڈریشنز نے یونیورسٹی کے معزز رجسٹرار کا تہہ دل سے شکریہ ادا کیا ہے، جنہوں نے طلباء کے مفاد کو مدنظر رکھتے ہوئے یہ قدم اٹھایا۔

ہم پُرامید ہیں کہ فزیکل کلاسز کی بحالی سے نہ صرف طلباء کے تعلیمی معیار میں نمایاں بہتری آئے گی بلکہ سیکھنے کے عمل، باہمی رابطے اور عملی سرگرمیوں کو بھی فروغ ملے گا، جو ایک معیاری تعلیمی نظام کے لیے نہایت ضروری ہیں۔

مزید برآں، ہم یونیورسٹی انتظامیہ سے توقع رکھتے ہیں کہ وہ آئندہ بھی طلباء کے بہترین مفاد میں ایسے اقدامات جاری رکھیں گے اور تعلیمی ماحول کو مزید بہتر بنانے کے لیے اپنی کاوشیں جاری رکھیں گے۔

منجانب:
وائس پریزیڈنٹ فہیم خان
یوسفزئی اسٹوڈنٹس آرگنائزیشن، کسٹ

جیسے کہ آپ سب کو معلوم ہیں کہ دو دن قبل ہم نے یونیورسٹی انتظامیہ کو فزیکل کلاسز کے حوالے سے مہلت دی تھی جو آج ختم ہو گئ...
15/04/2026

جیسے کہ آپ سب کو معلوم ہیں کہ دو دن قبل ہم نے یونیورسٹی انتظامیہ کو فزیکل کلاسز کے حوالے سے مہلت دی تھی جو آج ختم ہو گئی۔ اس سلسلے میں آج تمام سوسائٹیز کی انتظامیہ کے ساتھ دوبارہ میٹنگ ہوئی، جس میں یوسفزئی سٹوڈنٹس آرگنائزیشن کسٹ کی نمائندگی *وائس پریزیڈنٹ فہیم خان* نے کی۔ جس میں ہمیں آگاہ کیا گیا کہ HODs اور Deans کی مشاورت سے پیر سے فزیکل کلاسز شروع کرنے کا فیصلہ کیا گیا ہے۔ تاہم، باضابطہ نوٹیفکیشن جمعہ تک جاری کیا جائے گا تاکہ حکومتی صورتحال واضح ہو سکے۔
ہم نے بھی انتظامیہ کو جمعہ تک کا وقت دے دیا ہے۔ مزید یہ کہ تمام امتحانات کو ری شیڈول کیا جائے گا، جبکہ *فارمیسی ڈیپارٹمنٹ کے امتحانات منسوخ کروا دیے گئے ہیں۔*
اگر پیر کو دیگر جامعات کھلتی ہیں تو کوہاٹ یونیورسٹی میں بھی کلاسز شروع ہوں گی، بصورت دیگر حکومتی ہدایات کے مطابق عمل کیا جائے گا۔

.



کوہاٹ یونیورسٹی آف سائنس اینڈ ٹیکنالوجی میں منعقد ہونے والے بزنس ایکسپو اور کلچرل ایونٹ کے پہلے دن یوسفزئی اسٹوڈنٹس آرگن...
03/02/2026

کوہاٹ یونیورسٹی آف سائنس اینڈ ٹیکنالوجی میں منعقد ہونے والے بزنس ایکسپو اور کلچرل ایونٹ کے پہلے دن یوسفزئی اسٹوڈنٹس آرگنائزیشن کی جانب سے ایک شاندار اور منفرد اسٹال کا اہتمام کیا گیا، جس نے شرکاء کی بھرپور توجہ حاصل کی۔ اس اسٹال میں سوات، دیر، مردان، ملاکنڈ، باجوڑ، صوابی اور دیگر علاقوں سے تعلق رکھنے والے طلبہ نے اپنے اپنے علاقے کی ثقافت کو نہایت جوش و خروش اور فخر کے ساتھ پیش کیا۔ مختلف روایتی اشیاء، مقامی مصنوعات، دستکاری، ثقافتی لباس اور علاقائی خاص چیزوں کو نمایاں انداز میں پیش کیا گیا، جس سے نہ صرف یوسفزئی ثقافت اجاگر ہوئی بلکہ اسٹال کو ایک خاص پہچان اور کامیابی بھی ملی۔

اس کامیاب ایونٹ میں ڈاکٹر عمران علی صاحب اور ڈاکٹر محمد قاسم صاحب نے خصوصی طور پر شرکت کی اور طلبہ کے ساتھ بھرپور تعاون کرتے ہوئے ان کی حوصلہ افزائی کی۔ یوسفزئی اسٹوڈنٹس آرگنائزیشن کسٹ کے صدر عنایت اللہ، فاؤنڈر ممبر صاحبزادہ، جنرل سیکرٹری معاذ خان، چیئرمین آفاق مشتاق، عباس خان، فہیم خان، فضل حق، اعظم خان اور دیگر ٹیم ممبران و طلبہ نے بڑھ چڑھ کر حصہ لیا اور اپنی ثقافت کو بہترین انداز میں نمائندگی دی۔

وائی ایس اوو کی ٹیم نے دیگر اسٹالز کا بھی دورہ کیا، مختلف ثقافتوں کو سراہا اور باہمی ہم آہنگی اور بھائی چارے کا عملی مظاہرہ کیا۔ بلاشبہ یہ ایونٹ نہ صرف ثقافتی ہم آہنگی بلکہ طلبہ کی صلاحیتوں، اتحاد اور مثبت سرگرمیوں کا خوبصورت عکاس ثابت ہوا۔ ❤️

مہران خان
انفارمیشن سیکرٹری
یوسفزئی سٹوڈنٹس آرگنائزیشن کسٹ






28/01/2026

یوسفزئی اسٹوڈنٹس آرگنائزیشن (YSO) KUST کے صدر اور کابینہ اراکین نے آج ہونے والے نرسنگ احتجاج میں بھرپور شرکت کی۔ اس موقع پر YSO کی قیادت نے نرسنگ طلبہ کے جائز مطالبات کی مکمل حمایت کا اعلان کیا۔
یوسفزئی اسٹوڈنٹس آرگنائزیشن اس بات پر یقین رکھتی ہے کہ نرسنگ طلبہ معاشرے میں ریڑھ کی ہڈی کی حیثیت رکھتے ہیں اور ان کے مسائل کا فوری اور منصفانہ حل وقت کی اہم ضرورت ہے۔ تنظیم کی جانب سے یہ واضح کیا گیا کہ نرسنگ طلبہ کے حقوق کے لیے YSO ہر فورم پر آواز بلند کرتی رہے گی اور ان کے ساتھ شانہ بشانہ کھڑی رہے گی۔
ہم امید کرتے ہیں کہ متعلقہ حکام نرسنگ طلبہ کے مطالبات کو سنجیدگی سے لیں گے اور جلد از جلد مثبت اقدامات اٹھائیں گے.
YSO KUST ,ہمیشہ طلبہ کے حقوق اتحاد اور انصاف کے لیے پُرعزم رہی ہے اور رہے گی۔
یوسفزئی اسٹوڈنٹس آرگنائزیشن.

28/01/2026

یوسفزئی اسٹوڈنٹس آرگنائزیشن (YSO) KUST کے صدر اور کابینہ اراکین نے آج ہونے والے نرسنگ احتجاج میں بھرپور شرکت کی۔ اس موقع پر YSO کی قیادت نے نرسنگ طلبہ کے جائز مطالبات کی مکمل حمایت کا اعلان کیا۔
یوسفزئی اسٹوڈنٹس آرگنائزیشن اس بات پر یقین رکھتی ہے کہ نرسنگ طلبہ معاشرے میں ریڑھ کی ہڈی کی حیثیت رکھتے ہیں اور ان کے مسائل کا فوری اور منصفانہ حل وقت کی اہم ضرورت ہے۔ تنظیم کی جانب سے یہ واضح کیا گیا کہ نرسنگ طلبہ کے حقوق کے لیے YSO ہر فورم پر آواز بلند کرتی رہے گی اور ان کے ساتھ شانہ بشانہ کھڑی رہے گی۔
ہم امید کرتے ہیں کہ متعلقہ حکام نرسنگ طلبہ کے مطالبات کو سنجیدگی سے لیں گے اور جلد از جلد مثبت اقدامات اٹھائیں گے.
YSO ,ہمیشہ طلبہ کے حقوق اتحاد اور انصاف کے لیے پُرعزم رہی ہے اور رہے گی۔
یوسفزئی اسٹوڈنٹس آرگنائزیشن

جیسا کہ آپ سب کو معلوم ہے، آج یوسفزئی اسٹوڈنٹس آرگنائزیشن کی باقاعدہ بنیاد رکھی گئی اور صدر سمیت پوری کابینہ کا باقاعدہ ...
18/01/2026

جیسا کہ آپ سب کو معلوم ہے، آج یوسفزئی اسٹوڈنٹس آرگنائزیشن کی باقاعدہ بنیاد رکھی گئی اور صدر سمیت پوری کابینہ کا باقاعدہ اعلان کیا گیا۔ اسی موقع پر تنظیم کی پہلی گرینڈ میٹنگ کامیابی کے ساتھ منعقد ہوئی، جس میں مختلف اسٹوڈنٹس سوسائٹیز اور فیڈریشنز کے صدور، ایم ٹی ایم کے جنرل سیکرٹری اور ان کی ٹیم نے شرکت کی۔ تمام معزز مہمانوں نے ہمیں بھرپور حوصلہ افزائی فراہم کی اور وائی ایس او کے ساتھ تعاون اور یکجہتی کا اظہار کیا، جس پر ہم ان سب کے تہہ دل سے مشکور ہیں۔

جنرل باڈی میٹنگ کے دوران بانی رکن اور پیٹرن اِن چیف صاحب ذادہ نے یوسفزئی اسٹوڈنٹس آرگنائزیشن کا تعارف کروایا، تنظیم کے قیام کا باضابطہ اعلان کیا اور اس کے مشن، اہداف اور مقاصد پر تفصیلی گفتگو کی۔

اس موقع پر صدر عنایت اللہ نے اپنے خطاب میں تمام طلبہ کا شکریہ ادا کیا جنہوں نے ان پر اعتماد کرتے ہوئے انہیں اپنی قیادت کے لیے منتخب کیا۔ انہوں نے اس ذمہ داری کو اپنے لیے ایک اعزاز اور امتحان قرار دیتے ہوئے یقین دلایا کہ وہ ان شاء اللہ تمام طلبہ کو ساتھ لے کر چلیں گے اور کسی کو بھی مایوس نہیں کریں گے۔

آخر میں یوسفزئی اسٹوڈنٹس آرگنائزیشن کے بانی رکن صاحب ذادہ نے تمام اسٹوڈنٹس فیڈریشنز، متحدہ طلباء محاذ اور مختلف سوسائٹیز کا ایک بار پھر شکریہ ادا کیا جنہوں نے اس اہم موقع پر شرکت کر کے یوسفزئی سٹوڈنٹس آرگنائزیشن کی حوصلہ افزائی کی۔

مہران خان
انفارمیشن سیکرٹری
یوسفزئی اسٹوڈنٹس آرگنائزیشن (YSO KUST)







Address

KUST Kohat University Of Science And Technology Kohat
Kohat
26010

Website

Alerts

Be the first to know and let us send you an email when Yousafzai Students Organization KUST posts news and promotions. Your email address will not be used for any other purpose, and you can unsubscribe at any time.

Shortcuts

Share

Category