10/09/2025
سرائیکی وسیب کا دُکھ ہمارا دُکھ ہے !
سرائیکی سٹوڈنٹس کونسلز لاہور چیپٹر عملی طور پر وسیب کے سیلاب متاثرین کی آواز بننے جا رہا ہے۔ ہمارے وسیب کے لوگ یہ جان لیں کہ ان کے بچے تختِ لاہور میں بھی ان کو تنہا نہیں چھوڑیں گے، ہم ان کے دکھ درد میں ان کے ساتھ ہیں۔
لاہور میں موجود تمام وسیب واسیوں سے گزارش ہے کہ ہمارے ساتھ کھڑے ہوں اور جتنا ہو سکے اپنے لوگوں کی آواز بنیں، کیونکہ ہمارے معصوم بچے بے گھر ہو چکے ہیں، خاندان سڑکوں پر آ چکے ہیں اور مال مویشی و گھر برباد ہو چکے ہیں۔
لاہور چیپٹر نے فیصلہ کیا ہے کہ وہ بھرپور طریقے سے ان کی مدد کرے گا۔ اس مقصد کے لیے ہم لاہور میں موجود مختلف تنظیموں کے ساتھ رابطے میں ہیں تاکہ امداد کو جلد از جلد اپنے علاقوں تک پہنچایا جا سکے۔
