Halqa Bazm e Mushaira LCWU

11/05/2026

9مئی بروز ہفتہ، حلقۂ بزمِ مشاعرہ کے زیرِ اہتمام “معرکۂ بنیانِ مرصوص” کے حوالے سے ایک آن لائن بین الجماعتی محفلِ تحت اللفظ و ترنم کا انعقاد کیا گیا، جس میں طالبات نے بھرپور جوش و جذبے کے ساتھ شرکت کی۔ تقریب کا باقاعدہ آغاز تلاوتِ کلامِ پاک سے ہوا، جس کے بعد طالبات نے وطنِ عزیز سے محبت اور افواجِ پاکستان کی عظمت پر نہایت مؤثر نظمیں پیش کیں۔
پروگرام کے دوران “بنیانِ مرصوص” کے حوالے سے ایک معلوماتی ڈاکومنٹری بھی دکھائی گئی، جسے حاضرین نے بے حد سراہا۔ طالبات نے ترنم کے ساتھ ملی نغمے بھی پیش کیے، جنہوں نے تقریب کے جذبۂ حب الوطنی اور ولولے کو مزید مہمیز دی۔
اس موقع پر صدرِ شعبۂ اردو، محترمہ ڈاکٹر ریحانہ کوثر نے خصوصی شرکت فرمائی۔ پروگرام کے اختتام پر انچارج بزمِ مشاعرہ، ڈاکٹر شازیہ رزاق نے وائس چانسلرپروفیسر ڈاکٹر عظمی قریشی صا حبہ کا شکریہ ادا کیا جن کی ادب دوستی نے ہمیشہ ایسی ادبی و تخلیقی تقریبات کے انعقاد کو ممکن بنانے میں بھر پور مدد کی ۔ انھوں نے طالبات کی کاوشوں کو سراہتے ہوئے اُن کی حوصلہ افزائی کی اور وطنِ عزیز کے لیے ہر قسم کی قربانی دینے کے عزم کا اظہار کیا۔

08/05/2026

14/12/2025

بزمِ مشاعرہ لاہور کالج برائے خواتین یونیورسٹی کی جانب سے ناصر کاظمی کو خراج تحسین پیش کرنے کے لیے "بیاد ناصر کاظمی " کے نام سے مقابلہ تحت اللفظ اور ترنم کا انعقاد کیا جا رہا ہے۔

مقابلے کے قواعد و ضوابط درج ذیل ہیں:

1. مقابلے میں شریک طالبات ناصر کاظمی کا کوئی بھی منتخب کردہ کلام پیش کر سکتی ہیں۔

2. یہ مقابلہ بین الجماعتی ہے ( جامعہ کے کسی بھی شعبہ سے تعلق رکھنے والے طالبات اس میں حصہ لے سکتی ہیں ) ۔

3. مقابلے کا فیصلہ تلفظ اور انداز بیاں کی بنیاد پر کیا جائے گا۔

4. مقابلے کے تمام شرکاء میں سرٹیفکیٹس تقسیم کیے جائیں گے۔

5. منصفین کا فیصلہ حتمی ہو گا۔

6۔مقابلے کا حصہ بننے کے لیے اپنا نام اور شعبہ متعلقہ کمیٹی کو واٹس ایپ یا ای میل کے ذریعے بھیجا جا سکتا ہے۔
03111649882
0321 4848782
[email protected]

منجانب
صدر حلقہ بزم مشاعرہ
لاہور کالج برائے خواتین یونیورسٹی

14/11/2025