Govt.Girls Degree College No. 2 Lakki Marwat

15/10/2026

ڈائریکٹر ہائر ایجوکیشن ساؤتھ ریجن پروفیسر ڈاکٹر فضلِ ہادی صاحب کا گورنمنٹ گرلز ڈگری کالج نمبر 2، لکی مروت کا دورہ.

ڈاکٹر فضلِ ہادی صاحب، ڈائریکٹر ہائر ایجوکیشن ساؤتھ، اور جناب اقبال پارس صاحب، پرنسپل / JMC، گورنمنٹ پوسٹ گریجویٹ کالج، نے گورنمنٹ گرلز ڈگری کالج نمبر 2، لکی مروت کا دورہ کیا۔

دورے کے دوران معزز مہمانوں نے مختلف کلاس رومز کا دورہ کیا، تدریسی عمل کا جائزہ لیا اور تدریسی عملے کی کارکردگی کا مشاہدہ کیا۔ اس موقع پر انہوں نے کلریکل اسٹاف سے بھی ملاقات کی اور دفتری امور کی بہتر انجام دہی، سرکاری ریکارڈ کی درست دیکھ بھال اور ذمہ داریوں کی بروقت ادائیگی کے حوالے سے ضروری ہدایات دیں۔

کالج انتظامیہ معزز مہمانوں کی آمد، رہنمائی اور تعلیمی و انتظامی امور میں دلچسپی پر تہہ دل سے شکر گزار ہے۔

07/10/2026

Teachers’ Day Celebration۔
گورنمنٹ گرلز ڈگری کالج نمبر 2، لکی مروت میں گزشتہ روز Teachers’ Day کے موقع پر ایک خوبصورت اور پُروقار تقریب کا انعقاد کیا گیا۔
اس موقع پر طالبات نے اپنے اساتذہ کو خراجِ تحسین پیش کرتے ہوئے مختلف خوبصورت سرگرمیوں میں حصہ لیا۔
اساتذہ کی محنت، رہنمائی اور طالبات کی شخصیت سازی میں ان کے اہم کردار کو اجاگر کیا گیا۔
یہ دن ہمیں یاد دلاتا ہے,
کہ ایک استاد صرف علم نہیں دیتا بلکہ آنے والی نسلوں کی شخصیت اور مستقبل کی تعمیر بھی کرتا ہے۔
تمام معزز اساتذہ کو Teachers’ Day کی دلی مبارکباد پیش کی۔

30/09/2026

اطلاع برائے طالبات.

تمام طالبات کو مطلع کیا جاتا ہے کہ کل سے کالج کے نئے اوقاتِ کار درج ذیل ہوں گے:

حاضری: صبح 8:30 بجے
چھٹی: دوپہر 1:00 بجے

تمام طالبات سے گزارش ہے کہ وقت کی پابندی کریں اور مقررہ وقت پر کالج پہنچیں۔

شکریہ
بحکم: انتظامیہ کالج.

28/09/2026

***والدین کے لیے اہم اطلاع***
جن طالبات کا گورنمنٹ گرلز ڈگری کالج نمبر 1 لکی مروت میں کسی وجہ سے داخلہ نہیں ہو سکا یا جو داخلے سے رہ گئی ہیں، وہ پریشان نہ ہوں۔
ایسی طالبات کل گورنمنٹ گرلز ڈگری کالج نمبر 2، لکی مروت میں اپنا داخلہ کروا سکتی ہیں۔
لہٰذا جن طالبات کا ابھی تک داخلہ نہیں ہوا،
ان کے والدین سے گزارش ہے کہ کل ہی کالج نمبر 2 سے رابطہ کرکے اپنی بچی کا داخلہ مکمل کروائیں تاکہ وہ داخلے سے محروم نہ رہیں۔

25/09/2026

22/09/2026

اطلاع برائے تمام طالبات و والدین.
تمام طالبات کو مطلع کیا جاتا ہے کہ کالج میں باقاعدہ کلاسز کا آغاز ہو چکا ہے۔
کالج کے اوقاتِ کار صبح 8:00 بجے سے دوپہر 12:30 بجے تک ہیں۔ تمام طالبات سے مؤدبانہ گزارش ہے کہ مقررہ وقت کی پابندی کرتے ہوئے روزانہ بروقت کالج پہنچیں اور اپنی کلاسز میں باقاعدگی سے شرکت کریں۔
والدین سے بھی گزارش ہے کہ اپنی بیٹیوں کی بروقت حاضری اور باقاعدہ کلاسز میں شرکت کو یقینی بنانے میں کالج کے ساتھ تعاون کریں۔
آپ کا تعاون طالبات کے بہتر تعلیمی مستقبل کے لیے نہایت اہم ہے۔
پرنسپل
Government Girls Degree College No. 2, Lakki Marwat.

15/09/2026

الحمدللہ! نئے تعلیمی سفر کا خوبصورت آغاز.
آج Government Girls Degree College No. 02, Lakki Marwat میں باقاعدہ کلاسز کے پہلے دن نئی طالبات کے اعزاز میں ایک پُروقار Welcome Party کا اہتمام کیا گیا۔
اس موقع پر طالبات کا پُرتپاک استقبال کیا گیا اور ان میں تحائف بھی تقسیم کیے گئے۔
نئی طالبات کو GGDC No. 02, Lakki Marwat میں دل کی گہرائیوں سے خوش آمدید کہتے ہیں۔

12/09/2026

الحمدللہ! ایک نئے تعلیمی سفر کا باقاعدہ آغاز.
الحمدللہ! گورنمنٹ گرلز ڈگری کالج نمبر 2، لکی مروت کا باقاعدہ افتتاح آج 12 ستمبر 2026 کو معزز ایم پی اے و چیئرمین ڈیڈک، جوہر محمد خان صاحب کے دستِ مبارک سے کر دیا گیا۔
افتتاحی تقریب میں پرنسپل JMC/GPGC، اقبال پارس صاحب سمیت علاقے کے معزز مشران بھی موجود تھے۔
یہ ادارہ لکی مروت کی طالبات کے لیے اعلیٰ تعلیم کے مزید مواقع فراہم کرنے کی جانب ایک اہم قدم ہے۔
امید ہے کہ یہ کالج علاقے کی بیٹیوں کو معیاری تعلیم اور روشن مستقبل کی جانب آگے بڑھانے میں اہم کردار ادا کرے گا،
خصوصاً قریبی دیہات اور محلّہ جات کی طالبات کے لیے یہ ادارہ ایک بہترین تعلیمی سہولت ثابت ہوگا۔

پرنسپل
گورنمنٹ گرلز ڈگری کالج نمبر 2، لکی مروت..