20/09/2026
ظلم کا ننگا ناچ بند کرو!
علیمہ خانم اور نورین خان نیازی کی گرفتاری نے اس فسطائی حکومت کا مکروہ چہرہ ایک بار پھر بے نقاب کر دیا ہے۔ یہ قانون کی حکمرانی نہیں، یہ کھلی غنڈہ گردی اور سیاسی انتقام ہے!
کیا یہی جمہوریت ہے؟ سیاسی مخالفین کے خاندانوں، بہنوں اور بزرگوں کو گھسیٹنا، جیلوں میں ڈالنا، 3-MPO جیسے کالے قانون کے پیچھے چھپنا - یہ بزدلی کی انتہا ہے۔ حکومتیں آتی جاتی ہیں، یہ کرسیاں ہمیشہ نہیں رہیں گی، لیکن تم آئین کو پاؤں تلے روند کر تاریخ میں سیاہ دھبے کے طور پر یاد رکھے جاؤ گے۔
اگر اتنا ہی قانون مضبوط ہے تو عدالت میں کھلا ٹرائل کیوں نہیں؟ کیوں چھپ کر راتوں رات گرفتاریاں؟ اس سے ثابت ہوتا ہے کہ تمہارے پاس ثبوت نہیں، صرف بوکھلاہٹ اور خوف ہے۔
ہم دو ٹوک اعلان کرتے ہیں: کسی بھی شہری کے بنیادی حقوق پر کوئی سمجھوتہ قبول نہیں! گرفتار خواتین کو فوری عدالت میں پیش کرو، وکیل تک رسائی دو، ورنہ یہ اغوا ہے، گرفتاری نہیں۔
انصاف اسٹوڈنٹس فیڈریشن، لکی مروت کا مطالبہ ہے:
علیمہ خانم اور نورین خان نیازی کو فی الفور رہا کیا جائے! اگر رہا نہیں کرنا تو شرم اور خوف کے بجائے قانونی جواز دنیا کے سامنے رکھو!
یاد رکھو! ریاست قانون سے بالاتر نہیں! ادارے آئین سے بالاتر نہیں! اور ہم اپنے حقوق سے ایک انچ پیچھے نہیں ہٹیں گے!
انصاف اسٹوڈنٹس فیڈریشن، لکی مروت
Farid Tofan Isf Arif Khan Hassan Khan Marwat IK
