Govt. Associate College Ban Hafiz Jee

12/12/2025

محکمہ ہائر ایجوکیشن، حکومت پنجاب کی ہدایات کے مطابق گورنمنٹ ایسوسی ایٹ کالج بن حافظ جی، میانوالی میں فرسٹ ایئر اور سیکنڈ ایئر کلاسز کے دسمبر ٹیسٹس کا سلسلہ بھرپور انداز میں جاری ہے۔ پرنسپل پروفیسر محسن غنی بذات خود دسمبر ٹیسٹ سیریز کی نگرانی کر رہے ہیں اور کنٹرولر امتحانات پروفیسر محمد احسن صاحب ٹیسٹ سیریز کے منظم، مربوط اور شفاف انداز میں انعقاد کو یقینی بنا رہے ہیں۔ دسمبر ٹیسٹ مجموعی سلیبس کے 50 سے 60 فیصد حصہ میں سے لیا جا رہا ہے اور تمام پیپرز بورڈ کے پیٹرن اور مارکنگ سکیم کے مطابق ڈیزائن کیے گئے ہیں۔ طلباء انتہائی جوش و خروش اور بھرپور تیاری کے ساتھ امتحانات میں شرکت کر رہے ہیں۔
رواں برس محکمہ ہائر ایجوکیشن کی طرف سے طلباء کی سالانہ امتحانات میں بہترین کارکردگی کا یقینی بنانے کے لیے مختلف ٹیسٹ سیریز کے بھرپور اور منظم انداز میں انعقاد کی خصوصی ہدایت کی گئی ہے۔
ہم تمام طلباء کے دسمبر ٹیسٹ سمیت سالانہ امتحانات میں نمایاں کامیابی کے لیے دعاگو ہیں۔

01/12/2025

اسلام و علیکم 🌹
قانون کی پابندی ہر فرد پر لازم ہے. محتاط رہیے. محفوظ رہیے. ✨

18/11/2025

بس اسی بات پہ جھگڑا ہے میرا دنیا سے
پیڑ کے سائے کو پھل کیوں نہیں سمجھا جاتا

درخت بلاشبہ زمین کے پھیپھڑے مانے جاتے ہیں جو تمام جانداروں کو بیش بہا آکسیجن فراہم کرتے ہیں. گورنمنٹ ایسوسی ایٹ کالج بن حافظ جی میانوالی میں پودوں کی ساٹھ (60) سے زائد اقسام ہیں جن میں سے بیشتر اسسٹنٹ پروفیسر بیالوجی ملک عصمت اللہ کی مرہون منت ہیں. ہر انسان کا فرض ہے کہ وہ اپنے نام سے کم از کم دس پودے ضرور لگائے اور قدرت کی اس عظیم نعمت کو صدقہ جاریہ کا باعث بنائے.

06/11/2025

جھپٹنا، پلٹنا، پلٹ کر جھپٹنا
لہو گرم رکھنے کا ہے ایک بہانہ

✨تعلیم اور کھیل ساتھ ساتھ✨

ہائر ایجوکیشن ڈیپارٹمنٹ کے زیر اہتمام ڈسٹرکٹ سطح کے انٹر کالجیٹ سپورٹس مقابلہ جات میں گورنمنٹ کالج بن حافظ جی کی شاندار کارکردگی

پہلے مرحلے کے تحت ڈسٹرکٹ سطح پر ایتھلیٹکس، بیڈمنٹن اور فٹبال کے مقابلہ جات گورنمنٹ گریجویٹ کالج میانوالی میں منعقد ہوئے۔ ان مقابلہ جات میں گورنمنٹ کالج بن حافظ جی کے طلباء نے بھرپور شرکت کی اور اپنی صلاحیتوں کا شاندار مظاہرہ کرتے ہوئے نمایاں کامیابی حاصل کی۔

🏅 ایتھلیٹکس میں ریکارڈ ساز کارکردگی

گورنمنٹ کالج بن حافظ جی کی ایتھلیٹکس ٹیم نے مختلف ریس اور جمپ مقابلوں میں برتری حاصل کی۔ اہم کامیابیاں مندرجہ ذیل ہیں:

100 میٹر ریس: محمد کیف (پہلی پوزیشن)
200 میٹر ریس: محمد کیف (پہلی پوزیشن)
400 میٹر ریس: محمد آفتاب (دوسری پوزیشن)
800 میٹر ریس: محمد آصف (پہلی پوزیشن)
لانگ جمپ: محمد کیف (پہلی پوزیشن)
لانگ جمپ: محمد عثمان حمزہ (تیسری پوزیشن)

🏸بیڈمنٹن میں کارکردگی

بیڈمنٹن کے مقابلوں میں بھی کالج کی ٹیم نے شاندار کھیل پیش کیا:
* ڈبلز مقابلہ: محمد منیب اور نعلین عباس نے ٹیم مقابلے کے فائنل کے لیے کوالیفائی کیا۔
* سنگل مقابلہ: محمد منیب نے بھرپور کارکردگی دکھاتے ہوئے ڈویژن لیول کے مقابلوں کے لیے کوالیفائی کیا۔

⚽ فٹبال میں رنر اپ

فٹبال کے مقابلے میں گورنمنٹ کالج بن حافظ جی کی ٹیم نے سخت مقابلہ کیا اور فائنل میں جگہ بنائی۔ ٹیم اگرچہ فائنل میچ میں 1-0 سے کامیاب نہ ہو سکی، لیکن ڈسٹرکٹ سطح پر رنر اپ پوزیشن حاصل کی۔

گورنمنٹ کالج بن حافظ جی کے طلباء نے مجموعی طور پر بہترین کھیل اور نظم و ضبط کا مظاہرہ کرتے ہوئے اپنے ادارے کا نام روشن کیا۔

30/10/2025

سفر آغاز جب کرنا
تو بس اتنا سمجھ لینا

جہاں میں کامیابی کی
یقیں والوں سے یاری ہے

اگر تم بھی یقیں رکھو
تو پھر منزل تمھاری ہے!

✨ گورنمنٹ ایسوسی ایٹ کالج بن حافظ جی میں اکتوبر ٹیسٹ سیریز کا انعقاد: تعلیمی معیار میں بہتری کی جانب اہم قدم ✨

محکمہ ہائر ایجوکیشن، حکومت پنجاب کی ہدایات کی روشنی میں گورنمنٹ ایسوسی ایٹ کالج بن حافظ جی میں انتہائی شفاف اور منظم انداز میں اکتوبر ٹیسٹ سیریز کا انعقاد جاری ہے۔

اس اہم تعلیمی سرگرمی کی نگرانی پرنسپل پروفیسر محسن غنی صاحب کر رہے ہیں جو تعلیم کے معیار اور طلباء کی فلاح و بہبود کے لیے اپنی گہری دلچسپی کا ثبوت دے رہے ہیں۔

امتحانات کے تمام انتظامی امور کو کنٹرولر امتحانات محمد احسن صاحب کی ماہرانہ نگرانی میں مکمل کیا جا رہا ہے۔ ان کی ٹیم ٹیسٹ کے شیڈول، پرچوں کی تقسیم، اور نتائج کی بروقت تیاری کو یقینی بنانے کے لیے مسلسل مصروف عمل ہے۔ ان کی کوششوں سے طلباء کو ایک حقیقی امتحانی ماحول میسر آیا ہے۔

اکتوبر ٹیسٹ سیریز کا بنیادی مقصد طلباء کی تعلیمی کارکردگی کو جانچنا اور ان کی تیاری کو بہتر بنانا ہے۔ اس سیریز کے ذریعے اساتذہ کو موقع ملے گا کہ وہ دیکھیں کہ نصاب کا کون سا حصہ طلباء کو سمجھنے میں مشکل پیش آ رہی ہے، تاکہ مزید خصوصی توجہ دی جا سکے۔
اس کے ساتھ ساتھ طلباء کو اپنی کمزوریوں اور کوتاہیوں کو بروقت پہچاننے اور انہیں دور کرنے کا موقع ملے گا۔
یہ ٹیسٹ طلباء کو بورڈ امتحانات کے حقیقی ماحول اور ٹائم مینجمنٹ کی مشق فراہم کریں گے۔

طلباء اور اساتذہ نے اس ٹیسٹ سیریز کو ایک مثبت قدم قرار دیا ہے۔ اس کے نتائج کی بنیاد پر، کالج انتظامیہ آئندہ تعلیمی حکمت عملی کو تشکیل دے گی، جس میں اضافی کوچنگ سیشنز اور کمزور طلباء کے لیے خصوصی کلاسز شامل ہو سکتی ہیں۔

رواں تعلیمی سیشن کے دوران اکتوبر ٹیسٹ، دسمبر/سینڈ آپ امتحان، فروری ٹیسٹ اور پری بورڈ امتحان سمیت مختلف قسم کے revision ٹیسٹس کا انعقاد کالج لیول پر کیا جائے گا جس سے طلباء کی امتحانی کارکردگی میں نمایاں بہتری آنے کی توقع ہے۔

28/10/2025

گورنمنٹ ایسوسی ایٹ کالج بن حافظ جی میں پروقار تقریب کا انعقاد

چگدہ (بن حافظ جی): جمعرات 23 اکتوبر 2025 کو گورنمنٹ ایسوسی ایٹ کالج بن حافظ جی میں ایک پروقار تقریب کا انعقاد کیا گیا۔ اس تقریب کے کثیر المقاصد اہداف تھے، جن میں کالج میں نئے تعینات ہونے والے کالج ٹیچنگ انٹرنز (CTIs) کو خوش آمدید کہنا، سال اول کے سالانہ امتحانات میں نمایاں پوزیشن حاصل کرنے والے طلباء میں انعامات تقسیم کرنا، اور بہترین کارکردگی کا مظاہرہ کرنے والے ٹیچنگ و نان ٹیچنگ سٹاف کی حوصلہ افزائی کرنا شامل تھا۔

تقریب کا باقاعدہ آغاز سیکنڈ ایئر کے طالب علم عبدالرحمٰن کی تلاوتِ کلام پاک سے ہوا۔ اس کے بعد فرسٹ ایئر کے طالب علم محمد عثمان نے نعتِ رسول مقبول پیش کرنے کی سعادت حاصل کی۔

تقریب کا مرکزی نقطہ ہونہار طلباء کی شاندار کامیابیوں کو سراہنا تھا۔

آئی سی ایس کے طالب علم حفیظ اللہ خان کو ان کی غیر معمولی کارکردگی پر خصوصی انعامات سے نوازا گیا۔ حفیظ اللہ خان نے نہ صرف کالج میں پہلی پوزیشن حاصل کی، بلکہ علاقہ تھانہ چکڑالہ و تھانہ لاوہ کے تمام سرکاری و نجی تعلیمی اداروں (بوائز) اور ضلع میانوالی کے تمام گورنمنٹ بوائز کالجز میں بھی پہلی پوزیشن حاصل کرنے کا اعزاز حاصل کیا۔

کالج سٹاف کی جانب سے انہیں 10,000 روپے نقد انعام دیا گیا۔ اس کے علاوہ، گورنمنٹ ہائی سکول ڈھبہ کرسیال کے ہیڈ ماسٹر جناب رضا محمد خان صاحب نے بھی ان کی حوصلہ افزائی کرتے ہوئے 5,000 روپے نقد انعام کا اعلان کیا۔

ایف اے گروپ کے طالب علم سلیم اقبال کو بھی ان کی نمایاں کامیابی پر نقد انعامات دیے گئے۔ سلیم اقبال نے علاقہ تھانہ چکڑالہ و تھانہ لاوہ کے بوائز تعلیمی اداروں اور ضلع میانوالی کے تمام گورنمنٹ بوائز کالجز کے ایف اے گروپ میں پہلی پوزیشن حاصل کی۔

تقریب میں قریبی گورنمنٹ ہائی سکولز کے سربراہان کو بھی مدعو کیا گیا تھا۔ گورنمنٹ ہائی سکول ڈھوک علی خان کے ہیڈ ماسٹر جناب حق نواز صاحب نے طلباء سے خطاب کیا اور ان کی کامیابیوں کو سراہا۔

پرنسپل ادارہ ہذا، جناب پروفیسر محسن غنی نے اپنے خطاب میں تمام طلباء کو مزید دل لگا کر تعلیم حاصل کرنے اور دن رات محنت کرنے پر زور دیا۔ انہوں نے اس عزم کا اظہار کیا کہ آئندہ سالوں کے نتائج ان شاءاللہ گورنمنٹ کالج بن حافظ جی کے لیے مزید نمایاں کامیابیوں کا پیغام لے کر آئیں گے۔
انہوں نے رواں برس کی کامیاب ترین داخلہ مہم اور گزشتہ دس برس کے ریکارڈ داخلے کرنے پر تمام ٹیچنگ اور نان ٹیچنگ سٹاف کی محنت کو سراہتے ہوئے ان کی خدمات کا اعتراف کیا۔

معزز مہمانان اور گورنمنٹ سکولز کے سربراہان نے ادارے کی شاندار کامیابی پر اپنی خوشی و اطمینان کا اظہار کیا اور پرنسپل جناب محسن غنی سمیت تمام ٹیچنگ سٹاف کی محنت اور کاوشوں کو سراہا۔

تقریب کا اختتام اس عزم کے ساتھ ہوا کہ گورنمنٹ کالج بن حافظ جی ان شاءاللہ علاقہ کے طلباء کو بہترین معیار کی اعلیٰ تعلیم فراہم کرنے کی اپنی خدمات کو نہ صرف جاری رکھے گا بلکہ مستقبل میں ضلع بھر کا ایک مثالی ادارہ بن کر ابھرے گا۔

تقریب کے بعد معزز مہمانوں کے لیے پُرتکلف ضیافت کا اہتمام کیا گیا تھا۔

GC Ban Hafiz Jee

Per Ardua Ad Astra
Though Struggle, to the Stars!

21/10/2025

15/10/2025

✨ الحمدللّٰہ ✨

*زرا نم ہو تو یہ مٹی بڑی زرخیز ہے ساقی!*

گورنمنٹ ایسوسی ایٹ کالج بن حافظ جی، میانوالی
ایک شاندار کامیابی! 🎓🌟

ہمارے ہونہار طالب علم حفیظ اللہ خان نے *سرگودھا بورڈ* کے تحت آئی سی ایس فرسٹ ایئر کے امتحان میں 476 نمبر حاصل کر کے نمایاں کامیابی حاصل کی ہے۔
ان کے حاصل کردہ نمبر نہ صرف علاقہ *بن حافظ جی، چکڑالہ، دندہ شاہ بلاول اور لاوہ* کے تمام سرکاری و نجی بوائز کالجز اور اسکولز میں سب سے زیادہ ہیں،
بلکہ ضلع میانوالی کے تمام گورنمنٹ بوائز کالجز میں بھی سب سے زیادہ ہیں۔

یہ کامیابی طالب علم حفیظ اللہ خان کی محنت اور لگن کے ساتھ ساتھ ہمارے کالج کے قابل اساتذہ کی بہترین رہنمائی اور تعلیمی معیار کا بھی مظہر ہے۔

مزید برآں، ہمارے کالج کے چار طلباء نے 400 سے زائد نمبر حاصل کر کے ادارے کی مجموعی تعلیمی کارکردگی کو مزید اُجاگر کیا ہے۔

پرنسپل، اساتذہ، اور انتظامیہ حفیظ اللہ خان سمیت تمام کامیاب طلباء کو دل کی گہرائیوں سے مبارکباد پیش کرتے ہیں
اور دعا گو ہیں کہ وہ مستقبل میں بھی اسی جذبے کے ساتھ کامیابیوں کی نئی منزلیں طے کریں۔ 🌺

گورنمنٹ کالج بن حافظ جی
Per Ardua Ad Astra!

*Through Struggle to the Stars!*

04/10/2025

CTI Interview Update for Candidates
Please note the revised interview timings:
🕘 9:00 AM to 3:00 PM (curtailed from 9 to 5 as per official working hours)
📅 Interview Dates: 5th to 7th October
🏫 Visit all 5 colleges you applied to during this period.
📝 Walk-in Interviews — no prior appointment required.
📨 Interview Call Letters have been issued via Email, WhatsApp, and Postal Mail.
✅ Even if you haven’t received your letter, you are still eligible and should appear for the interview at the respective colleges.
Let’s ensure timely participation and uphold merit. Best of luck!

27/09/2025

27/09/2025

Attention CTI candidates!