Govt. Graduate College Muzaffargarh

21/09/2026

📢 گورنمنٹ گریجویٹ کالج مظفر گڑھ — DPI سے منظور شدہ تدریسی اسامیوں (CTIs) کی تفصیلات جاری!
گورنمنٹ گریجویٹ کالج مظفر گڑھ میں DPI کی جانب سے کل 24 تدریسی اسامیاں منظور کر دی گئی ہیں:
🔹 انگریزی: 04
🔹 کمپیوٹر سائنس / آئی ٹی: 04
🔹 اسلامیات: 03
🔹 اردو: 03
🔹 شماریات (Statistics): 03
🔹 اکنامکس / معاشیات: 02
🔹 عربی: 01
🔹 سوکس / شہریت: 01
🔹 پولیٹیکل سائنس: 01
🔹 نفسیات (Psychology): 01
🔹 کامرس: 01
خواہشمند امیدوار تفصیلات کے لیے کالج انتظامیہ یا نوٹس بورڈ سے رابطہ کریں۔ اس پوسٹ کو اپنے دوستوں کے ساتھ ضرور شیئر کریں تاکہ ضرورت مند اساتذہ تک معلومات پہنچ سکیں!

20/09/2026

مظفرگڑھ کے نوجوانوں کا شاندار کارنامہ -وزیراعلیٰ پنجاب یوتھ گیمز" (CM Punjab Youth Games) میں رجسٹریشن کے اعتبار سے ضلع مظفرگڑھ پنجاب بھر میں دوسرے نمبر پر آ گیا ہے۔ اب تک ہمارے ضلع کے 7,400 سے زائد باصلاحیت نوجوان مختلف کھیلوں کے لیے اپنی رجسٹریشن مکمل کروا چکے ہیں۔
یہ میدان اب بھی آپ کا منتظر ہے! وہ تمام طلبہ و طالبات جنہوں نے ابھی تک رجسٹریشن نہیں کروائی، وہ فوری طور پر پورٹل پر جا کر اپنی پسند کے کھیل میں انرولمنٹ کروائیں اور نہ صرف اپنی صلاحیتوں کا لوہا منوائیں بلکہ اپنے ضلع کو پنجاب بھر میں پہلے نمبر پر لانے میں اپنا کردار ادا کریں۔
آگے بڑھیں، رجسٹر ہوں اور کھیل کا میدان سجائیں!


Rana Sikandar HayatHigher Education Department-HED PunjabMuhammad Ajmal ChandiaHED South PunjabDeputy Director Colleges District Muzaffar Garh DC MUZAFFARGARH_OfficialMaryam Nawaz SharifRana Arif JavedDPI Colleges, Punjab, Lahore

20/09/2026

ایرانی سیاحوں کا گورنمنٹ گریجویٹ کالج مظفرگڑھ کا دورہ، پرنسپل پروفیسر ڈاکٹر اشرف حسین سے ملاقات، باہمی ثقافتی و علمی روابط پر تبادلہ خیال

مظفرگڑھ (پریس ریلیز): ایران سے تعلق رکھنے والے سیاحوں کے ایک وفد نے گورنمنٹ گریجویٹ کالج مظفرگڑھ کا دورہ کیا اور پرنسپل پروفیسر ڈاکٹر اشرف حسین سے ان کے دفتر میں تفصیلی ملاقات کی۔
اس موقع پر پرنسپل پروفیسر ڈاکٹر اشرف حسین نے معزز مہمانوں کا خیرمقدم کرتے ہوئے انہیں کالج کی تاریخی و علمی حیثیت، تدریسی شعبہ جات اور طلبہ کی نصابی و ہم نصابی سرگرمیوں سے آگاہ کیا۔ انہوں نے گفتگو کرتے ہوئے کہا کہ پاک ایران تعلقات تاریخی، مذہبی اور مشترکہ ثقافتی رشتوں میں بندھے ہوئے ہیں، اور ایسے دورے عوامی و علمی سطح پر ہم آہنگی اور دوستانہ تعلقات کے فروغ میں کلیدی کردار ادا کرتے ہیں۔
ایرانی وفد نے کالج کی شاندار علمی فضا، سرسبز کیمپس اور مہمان نوازی کو سراہتے ہوئے پرنسپل پروفیسر ڈاکٹر اشرف حسین اور اساتذہ کا شکریہ ادا کیا۔ وفد کے ارکان نے گفتگو میں خطے کی ثقافت اور ادب میں گہری دلچسپی کا اظہار کیا اور کالج کے تدریسی ماحول کی تعریف کی۔
ملاقات کے اختتام پر پرنسپل پروفیسر ڈاکٹر اشرف حسین نے ایرانی مہمانوں کو نیک خواہشات کے ساتھ رخصت کیا۔
اس موقع پر کالج انتظامیہ، چیئرمین کیریئر کونسلنگ سینٹر پروفیسر شفیع اللہ خان، پبلک ریلیشنز آفیسر پروفیسر محمد مزمل صدیقی اور سینیئر صحافی شیراز بشیر بھی ہمراہ تھے۔

Rana Sikandar Hayat DC MUZAFFARGARH_Official Higher Education Department-HED Punjab Muhammad Sheraz Bashir
بازدید گردشگران ایرانی از کالج دولتی مظفرگڑھ، دیدار با رئیس کالج پروفسور دکتر اشرف حسین و گفت‌وگو درباره پیوندهای فرهنگی و علمی مشترک

مظفرگڑھ (بیانیه مطبوعاتی): هیئتی از گردشگران کشور ایران از کالج دولتی مظفرگڑھ (Government Graduate College Muzaffargarh) بازدید کردند و در دفتر ریاست کالج، دیدار و گفت‌وگوی مفصلی با پروفسور دکتر اشرف حسین داشتند.
در این دیدار، پروفسور دکتر اشرف حسین ضمن خوش‌آمدگویی به مهمانان گرامی، آنان را با جایگاه علمی و تاریخی کالج، دپارتمان‌های آموزشی و فعالیت‌های درسی و فوق‌برنامه دانشجویان آشنا کرد. وی در سخنان خود اظهار داشت که روابط پاکستان و ایران بر پایه پیوندهای عمیق تاریخی، مذهبی و فرهنگی مشترک استوار است و چنین دیدارهایی نقشی کلیدی در ارتقای همدلی و تعمیق دوستی در سطح مردمی و دانشگاهی ایفا می‌کنند.
هیئت ایرانی نیز با قدردانی از فضای علمی ارزشمند، محوطه سرسبز و مهمان‌نوازی گرم، از رئیس کالج و استادان تشکر کردند. اعضای این هیئت همچنین به فرهنگ و ادب این منطقه ابراز علاقه‌مندی کرده و محیط آموزشی کالج را ستودند.
در پایان این نشست، پروفسور دکتر اشرف حسین با آرزوی موفقیت و بهترین‌ها، مهمانان ایرانی را بدرقه کرد.
در این مراسم، مسئولان کالج، رئیس مرکز مشاوره شغلی پروفسور شفیع‌الله خان، مدیر روابط عمومی پروفسور محمد مزمل صدیقی و روزنامه‌نگار ارشد شیراز بشیر نیز حضور داشتند.
#مظفرگڑھ #گردشگری

20/09/2026

🌙 عید میلاد النبی ﷺ کانفرنس | گورنمنٹ گریجویٹ کالج مظفرگڑھ-گورنمنٹ گریجویٹ کالج مظفرگڑھ میں منعقدہ عید میلاد النبی ﷺ کانفرنس کے موقع پر طالب علم خوبصورت انداز میں نعتِ رسولِ مقبول ﷺ پیش کر رہے ہیں۔ ﷺ❤️

ﷺ

20/09/2026

🌙 عید میلاد النبی ﷺ کانفرنس | گورنمنٹ گریجویٹ کالج مظفرگڑھ

گورنمنٹ گریجویٹ کالج مظفرگڑھ میں منعقدہ عید میلاد النبی ﷺ کانفرنس کے موقع پر طالب علم خوبصورت انداز میں نعتِ رسولِ مقبول ﷺ پیش کر رہے ہیں۔ ﷺ❤️

ﷺ

18/09/2026

18/09/2026

📢 اہم اعلان | برائے بھرتی کالج ٹیچنگ انٹرنز (CTIs)
گورنمنٹ گریجویٹ کالج مظفرگڑھ میں شعبہ کمپیوٹر سائنس کے لیے CTI کی ایک نشست اقلیتی کوٹہ (Minority Quota) کے تحت مختص ہے۔
تمام اہل اور متعلقہ معیار پر پورا اترنے والے غیر مسلم امیدواران سے گزارش ہے کہ وہ حکومتِ پنجاب کی وضع کردہ پالیسی اور مقررہ طریقۂ کار کے مطابق اپنی درخواستیں بروقت جمع کروائیں۔
تفصیلات:
* عہدہ: کالج ٹیچنگ انٹرن (CTI)
* مضمون: کمپیوٹر سائنس
* نوعیتِ نشست: اقلیتی کوٹہ (مخصوص)
* ادارہ: گورنمنٹ گریجویٹ کالج مظفرگڑھ
اہل امیدواران اس سنہری موقع سے فائدہ اٹھاتے ہوئے آخری تاریخ سے قبل اپنی درخواستیں لازمی جمع کروائیں۔
Ullah KhanRana Sikandar HayatHigher Education Department-HED PunjabMuhammad Ajmal ChandiaHED South PunjabDeputy Director Colleges District Muzaffar Garh DC MUZAFFARGARH_OfficialMaryam Nawaz Sharif

18/09/2026

🏆 پنجاب یوتھ گیمز 2026 — رجسٹریشن کا آغاز

نوجوان کھلاڑی پنجاب یوتھ گیمز 2026 میں شرکت کے لیے آن لائن رجسٹریشن کروا سکتے ہیں۔

🔗 رجسٹریشن پورٹل:
https://youthgames.punjab.gov.pk/

🎥 آن لائن اپلائی کرنے کا طریقہ کار:
https://www.youtube.com/watch?v=C3eijXDmhCU

تمام اہل نوجوان مقررہ طریقہ کار کے مطابق اپنی رجسٹریشن مکمل کریں اور کھیلوں کے اس بڑے پلیٹ فارم کا حصہ بنیں۔


Higher Education Department-HED PunjabRana Sikandar HayatMuhammad Ajmal ChandiaHED South PunjabDeputy Director Colleges District Muzaffar Garh DC MUZAFFARGARH_OfficialMaryam Nawaz Sharif

18/09/2026

نبی کریم ﷺ کی حیاتِ مبارکہ تمام انسانیت کے لیے رشد و ہدایت اور کامیابی کا سرچشمہ ہے: پرنسپل، پروفیسر ڈاکٹر اشرف حسی

سیرت النبی ﷺ کا پیغام اخوت، امن اور انسانیت کی غیر مشروط خدمت ہے: وائس پرنسپل ،پروفیسر ڈاکٹر رحمت اللہ

گورنمنٹ گریجویٹ کالج مظفرگڑھ میں عید میلاد النبی ﷺ کانفرنس اور ہم نصابی مقابلوں کا انعقاد؛ طلبہ کی بھرپور شرکت

مظفر گڑھ (پ ر) گورنمنٹ گریجویٹ کالج مظفرگڑھ کے ملٹی پرپز ہال میں جشنِ عید میلاد النبی ﷺ کے پُرمسرت موقع پر ایک پُروقار کانفرنس کا انعقاد کیا گیا، جس میں سیرتِ طیبہ کے مختلف گوشوں کو اجاگر کرنے کے لیے تقریری مقابلے، حسنِ قرات اور نعت خوانی کے روح پرور مقابلے کروائے گئے۔ تقریب میں فیکلٹی ممبران اور طلبہ و طالبات نے بھرپور جوش و خروش سے شرکت کی۔
تقریب سے صدارتی خطاب کرتے ہوئے پرنسپل کالج پروفیسر ڈاکٹر اشرف حسین نے کہا کہ نبی کریم حضرت محمد مصطفیٰ ﷺ کی حیاتِ مبارکہ تمام انسانیت کے لیے رشد و ہدایت اور ابدی کامیابی کا سرچشمہ ہے۔ انہوں نے زور دیتے ہوئے کہا کہ طلبہ اپنی عملی زندگی میں اسوۂ حسنہ کو مشعلِ راہ بنائیں، معاملات میں دیانت، اخلاقِ حسنہ اور رواداری کو اپنائیں اور محض نصابی تعلیم تک محدود رہنے کے بجائے اپنی کردار سازی پر خصوصی توجہ دیں۔ انہوں نے کہا کہ عصرِ حاضر کے فکری و اخلاقی بحرانوں سے نجات صرف اور صرف تعلیماتِ نبوی ﷺ پر خلوصِ نیت سے عمل پیرا ہونے میں ہی مضمر ہے۔ پرنسپل صاحب نے تمام منتظمین کو شاندار انعقاد پر مبارکباد پیش کی اور مختلف مقابلوں میں نمایاں کارکردگی دکھانے والے طلبہ کی صلاحیتوں کو زبردست الفاظ میں سراہا۔

وائس پرنسپل پروفیسر ڈاکٹر رحمت اللہ نے کہا کہ سیرت النبی ﷺ کا پیغام اخوت، امن اور انسانیت کی غیر مشروط خدمت ہے۔ انہوں نے کہا کہ نوجوان نسل پر یہ بھاری ذمہ داری عائد ہوتی ہے کہ وہ آپ ﷺ کے لائے ہوئے آفاقی پیغامِ محبت اور باہمی احترام کو معاشرے میں عام کریں اور اپنے روزمرہ معاملات میں صداقت و دیانت کو اپنا کر ایک پرامن اور باوقار معاشرے کی تشکیل میں اپنا کردار ادا کریں۔
تقریب کے دوران شعبہ انفارمیشن ٹیکنالوجی (IT) کے انچارج پروفیسر ندیم احمد نے بارگاہِ رسالت مآب ﷺ میں عقیدت و محبت سے لبریز ہدیۂ نعت پیش کیا، جسے حاضرین نے بے حد سراہا۔
حسنِ قرات کے مقابلے میں محمد عون (فرسٹ ایئر) نے پہلی، محمد مزمل (بی ایس انگلش) نے دوسری جبکہ عائشہ یعقوب (بی ایس فزکس) نے تیسری پوزیشن حاصل کی۔ نعت خوانی کے مقابلے میں علی حیدر (بی ایس آئی ٹی) نے پہلی، ہمایوں احمد (بی ایس فزکس) نے دوسری جبکہ کاظم علی (سیکنڈ ایئر) نے تیسری پوزیشن حاصل کی۔ اسی طرح تقریری مقابلے میں یوسف بلال نے پہلی، محمد آکاش نے دوسری جبکہ محمد دانش نے تیسری پوزیشن حاصل کی۔
تقریب کے اختتام پر پرنسپل پروفیسر ڈاکٹر اشرف حسین نے پوزیشن حاصل کرنے والے طلبہ میں اسناد و انعامات تقسیم کیے اور ان کی بھرپور حوصلہ افزائی فرمائی۔ بعد ازاں امتِ مسلمہ کے اتحاد، ملک و قوم کی سلامتی اور کالج کی علمی و تعلیمی ترقی کے لیے وائس پرنسپل پروفیسر ڈاکٹر رحمت اللہ نے رِقت آمیز اجتماعی دعا کروائی،بعد ازاں تمام شرکاء میں روایتی شیرینی تقسیم کی گئی۔


Rana Sikandar HayatHigher Education Department-HED PunjabDeputy Director Colleges District Muzaffar Garh DC MUZAFFARGARH_Official

16/09/2026

گورنمنٹ گریجویٹ کالج مظفرگڑھ میں کل ہونے والی میلاد النبی ﷺ کانفرنس کے سلسلے میں پرنسپل پروفیسر ڈاکٹر اشرف حسین کی زیرِ صدارت جائزہ اجلاس

مظفرگڑھ (پ ر): گورنمنٹ گریجویٹ کالج مظفرگڑھ میں کل منعقد ہونے والی عظیم الشان میلاد النبی ﷺ کانفرنس اور مقابلہ جات کے حوالے سے ایک اہم جائزہ اجلاس پرنسپل پروفیسر ڈاکٹر اشرف حسین کی زیرِ صدارت منعقد ہوا۔ اجلاس میں پروگرام کے فوکل پرسن پروفیسر رحمت اللہ نے چیئرمین پروکٹوریل بورڈ پروفیسر شفیع اللہ خان اور انتظامی ٹیم کے ہمراہ کانفرنس کے انعقاد اور نظم و ضبط کے تمام انتظامات کا تفصیلی جائزہ لیا۔
اجلاس کے دوران کل ہونے والے مقابلہ حسنِ تلاوت، مقابلہ حسنِ نعت اور تقریری مقابلے (عنوان: "حضور ﷺ بطورِ رحمۃٌ للعالمین") کے انتظامی مراحل، ججز کے پینل، ہال کی تزئین و آرائش اور پوزیشن ہولڈر طلبہ کے لیے نقد انعامات و تعریفی اسناد کی فراہمی کے امور پر تفصیلی غور و خوض کیا گیا۔ چیئرمین پروکٹوریل بورڈ پروفیسر شفیع اللہ خان نے تقریب کے دوران نظم و ضبط، طلبہ کے بیٹھنے اور سکیورٹی پلان سے متعلق شرکاء کو بریفنگ دی۔
اس موقع پر پرنسپل پروفیسر ڈاکٹر اشرف حسین نے انتظامی کمیٹی کی کاوشوں کو سراہتے ہوئے ہدایت کی کہ پروگرام کو شایانِ شان اور پُروقار طریقے سے منعقد کروانے کے لیے تمام متعلقہ شعبہ جات باہمی رابطے کو مزید مؤثر بنائیں۔ انہوں نے کہا کہ سیرت النبی ﷺ اور ولادتِ با سعادت کے حوالے سے منعقدہ یہ کانفرنس طلبہ کی روحانی و اخلاقی تربیت میں سنگِ میل ثابت ہوگی، لہٰذا تمام تر تیاریوں کو احسن انداز میں پایۂ تکمیل تک پہنچایا جائے۔ اجلاس کے اختتام پر کانفرنس کے کامیاب انعقاد کے لیے نیک خواہشات کا اظہار کیا گیا۔










Higher Education Department-HED PunjabRana Sikandar HayatMuhammad Ajmal ChandiaHED South PunjabDeputy Director Colleges District Muzaffar Garh DC MUZAFFARGARH_OfficialMaryam Nawaz Sharif