08/08/2026
شاہ گئی، علی مسجد اور گرد و نواح کے علاقوں کے طلبہ کے لیے ایک بڑی خوشخبری!
گورنمنٹ ہائی سکول شاہ گئی کو باقاعدہ طور پر ہائر سیکنڈری سکول کا درجہ دے دیا گیا ہے۔
اب شاہ گئی، علی مسجد اور گرد و نواح کے علاقوں سے تعلق رکھنے والے وہ طلبہ جو میٹرک مکمل کر چکے ہیں اور FSc میں داخلہ لینے کے خواہشمند ہیں، انہیں تعلیم جاری رکھنے کے لیے شہر کے کالجز کا رخ کرنے کی ضرورت نہیں ہوگی، بلکہ وہ اپنے ہی علاقے میں اپنی تعلیم جاری رکھ سکیں گے۔
یہ پیش رفت بالخصوص ان طلبہ کے لیے نہایت اہم ہے جو محدود مالی وسائل کے باعث شہر کے کالجز میں داخلہ، روزانہ آمدورفت اور دیگر تعلیمی اخراجات برداشت کرنے میں مشکلات کا سامنا کرتے ہیں۔
گورنمنٹ ہائی سکول شاہ گئی میں FSc کی تعلیم کا آغاز مقامی طلبہ کے لیے اپنے ہی علاقے میں تعلیم جاری رکھنے کا ایک اہم موقع فراہم کرے گا اور والدین پر عائد اضافی مالی بوجھ کو کم کرنے میں بھی معاون ثابت ہوگا۔
فرید سٹوڈنٹس یونین (FSU) اس اہم تعلیمی پیش رفت کو شاہ گئی، علی مسجد اور گرد و نواح کے علاقوں میں تعلیمی سہولیات کی بہتری کی جانب ایک قابلِ قدر قدم قرار دیتی ہے اور میٹرک مکمل کرنے والے طلبہ کو اس موقع سے بھرپور استفادہ کرنے کی ترغیب دیتی ہے۔
