30/05/2025
پښتو اكېډېمۍ كښې د كتابونو د مخكتنې دستوره
پښتو اكېډېمۍ پېښور پوهنتون كښې د اكېډېمۍ د مشرې پروفېسر ډاكټر فرخنده حيات په مشرۍ كښې د څلورو كتابونو د مخكتنې تقريب ونمانځلے شو.د اكېډېمۍ پخوانۍ ډائركټره پروفېسر ډاكټر سلمى شاهين په دې موقع د مشرې مېلمنې په توګه تشريف لرلو. د ډاكټر شېرزمان سيماب او سكالرانو په كوششونو راجوړ د دې تقريب نظامت نويد شاه وكړو چې د پښتو اكېډېمۍ د پي اېچ ډي سكالرانو انوارالله د كتاب 'د امير رازق امير د شاعرۍ فكري او فني جاج '،د محمد اسحاق مومند د كتاب 'پښتوادب كښې رومانيت'،د سيما كاكاخېل دكتاب 'ستاد خيال زمزمې'،اود سيدالامين احسن خوېشګي د كتاب 'د نصير احمداحمدي ناولونوكښې پس جنګ هېجان اود هجرت اثرات : يوه تجزياتي مطالعه' مخكتنه وشوه.
د خپل نوعيت دې وړومبي تقريب كښې ډاكټر شېرزمان سيماب موجودو اېم فل او پي اېچ ډي سكالرانو ته د معياري تحقيق كولو او زر شائع كولو تاكيد وكړو.ډاكټر بشرى خاتون سكالران ته تحريك وركړو چې خپل تحقيق كښې د معياراو اصولو خيال وساتي. پروفېسر ډاكټر سلمى ٰ شاهين د اكېډېمۍ د تېرو او اوسنو وختونو لنډه تقابلي جائزه وړاندې وكړه او دا ئې ضروري وګڼله چې پښتو ادب له د لوستونكو پېدا كولود پاره ضروري ده چې له پورته جماعتونو نه علاوه په اولنو جماعتونوكښې د پښتو تدريس لازم او ضروري كړې شي چې ژبه خپل سفر روان وساتي.
پروفېسر ډاكټر فرخنده حيات د دې خبرې پوخوالے وكړو چې دې علمي ادارې تر اوسه په لنډو تنګو پكار وسيلوكښې د تحقيق ضمن كښې ډېر بنيادي كارونه كړي دي خو ضرورت د دې خبرې دے چې اكېډېمي دې په خپلو مثبتو علمي كوششونو اباده وساتلې شي. او دې د پاره به اداره او سكالران په يو ځاے هڅې كوي.دوي د كتابونو ليكونكيو ته مباركي وركړه او دغه ئې د ادارې او ليكونكيو خوش بختي وګرځوله.
په دې تقريب كښې په ګڼ شمېر كښې د تحقيق او علم او ادب سره تړون لرونكيو برخه واخسته .
Books launching ceremony was held at Pashto Academy, University of Peshawar .The event was presided over by Professor Dr Farkhanda Hayat, Director Pashto Academy, while Professor Dr Salma Shaheen has graced the event as Chief Guest.
Muhamamad Ishaq Momand’s book about Romanticism in Pashto literature, Seema KakaKel’s poetry book,Anwaarullah’s book about the works of Ameer Razzaq Ameer,and Said Ul Amin Ahsan Kheshgi’s book about Naseer Ahmad Ahmadi’s novel were launched and the writers were appreciated.
Besides Dr Sher Zman Seemab,Dr Bushra Khatoon’s short discussions about the books and research, Dr Salma Shaheen shared her experiences while working at the academy. Professor Dr Farkhanda Hayat motivated the researchers for carrying out and accomplishing their on-going research works with full dedication and professional zeal.
