17/08/2026
محفلِ میلاد النبی ﷺ
2 ربیع الاول شریف
مسجدِ عالیہ محمودیہ تونسہ شریف
زیرِ اہتمام: حضور جگر گوشہء پیر پٹھان حضرت خواجہ محمد نصر المحمود صاحب فخری تونسوی زید شرفہ (سجادہ نشین دربارِ عالیہ محمودیہ تونسہ شریف)
حضور نبی کریم صلی اللہ علیہ وآلہ وسلم کی ولادتِ باسعادت کے متعلق مختلف اقوال منقول ہیں اسی طرح حضرات خواجگان محمودیہ شریف کا یہ امتیاز ہے کہ مختلف روایات کے مطابق ہرسال انہی تاریخ کو برکت حاصل کرنے کے لیے ربیع الاول شریف کے مختلف ایام میں محافلِ میلاد النبی ﷺ کا انعقاد کرتےہیں
چنانچہ 2، 7، 9، 12ربیع الاول شریف کے ایام میں محافلِ میلاد کا انعقاد کرتے ہیں جبکہ اس کے علاوہ 22 اپریل کو بھی محفلِ میلاد کا اہتمام کیا جاتا ہے۔
اسی مبارک سلسلے کے تحت 2 ربیع الاول شریف کو مسجدِ عالیہ محمودیہ تونسہ شریف میں محفلِ میلاد النبی ﷺ منعقد ہوئی، جس میں تلاوتِ قرآنِ پاک، نعتِ رسولِ مقبول ﷺ، علماء و اساتذہ کے ایمان افروز بیانات اور سیرتِ طیبہ کا تذکرہ ہوا جبکہ اختتام پر بارگاہِ رسالت مآب ﷺ میں ہدیۂ درود و سلام پیش کیا گیا۔
محمودیہ شریف کے معمولات میں یہ بھی شامل ہے کہ یکم ربیع الاول شریف سے 12 ربیع الاول شریف تک روزانہ فجر کی نماز کے بعد محفلِ درود شریف منعقد ہوتی ہے اور بعد ازاں شرینی تقسیم کی جاتی ہے۔ اسی طرح ان مبارک ایام میں دربارِ عالیہ محمودیہ میں بھی محفلِ درود شریف کا اہتمام ہوتا ہے اور شرینی تقسیم کی جاتی ہے۔
یہ تمام معمولات محبتِ رسول ﷺ اور مشائخ و اسلاف سے چلی آنے والی مبارک روایت کی خوبصورت ترجمانی کرتے ہیں۔
اللہ تعالیٰ محمودیہ شریف کے اس سلسلۂ محبت و عقیدت کو شرفِ قبول عطا فرمائے اور ہم سب کو سچی محبتِ رسول ﷺ اور اتباعِ سنت نصیب فرمائے۔
آمین یا رب العالمین۔
ہوتے کہاں خلیل و بِنا کعبہ و منیٰ
لولاک والے صَاحبی سب تیرے گھر کی ہے
مَولیٰ علی نے واری تِری نیند پر نماز
اور وہ بھی عصر سب سے جو اَعلیٰ خطرکی ہے
صِدیق بلکہ غار میں جان اس پہ دے چکے
اور حفظِ جاں تو جان فروضِ غررکی ہے
ہاں تو نے ان کو جان انھیں پھیر دی نماز
پَر وہ تو کر چکے تھے جو کرنی بشر کی ہے
ثابت ہوا کہ جملہ فرائض فروع ہیں
اصل الاصول بندگی اس تاجور کی ہے
صلی اللہ علی النبی الامی وآلہ صلی اللہ علیہ وسلم صلوۃ و سلاما علیک یا رسول اللہ
❤❤❤
