Deputy Director Colleges Vehari

19/05/2026

ضلع وہاڑی کے تمام سیکنڈ ایئر کے طلبہ و طالبات کو آنے والے سالانہ بورڈ امتحانات کے لیے دل کی گہرائیوں سے نیک تمنائیں۔

امید ہے کہ آپ اپنی محنت، لگن اور عزم کے ساتھ بہترین کارکردگی کا مظاہرہ کریں گے اور اپنے والدین، اساتذہ اور اداروں کا نام روشن کریں گے۔

اللہ تعالیٰ آپ سب کو کامیابی، اعتماد اور روشن مستقبل عطا فرمائے۔
Best of Luck to all students

19/05/2026

گورنمنٹ گریجویٹ کالج برائے خواتین وہاڑی میں وزیراعلیٰ پنجاب کے عوامی فلاحی اقدامات کے تحت کالجز میں مسنگ فیسلٹیز، خصوصاً اضافی کلاس رومز کی تعمیر کے منصوبوں پر عملدرآمد کے حوالے سے ایک اہم میٹنگ/اجلاس منعقد ہوا۔

اجلاس میں میاں محمد ثاقب خورشید صاحب، ممبر صوبائی اسمبلی، عزیز احمد طاہر ملانہ صاحب، ڈپٹی ڈائریکٹر کالجز وہاڑی، نذر بخاری صاحب, ایکسین بلڈنگز ڈیپارٹمنٹ، محترمہ اسماء خبیب، پرنسپل گورنمنٹ گریجویٹ کالج برائے خواتین وہاڑی، اور سید غلام محمد بخاری صاحب، پرنسپل گورنمنٹ گریجویٹ کالج وہاڑی نے شرکت کی۔

اس موقع پر وزیراعلیٰ پنجاب محترمہ مریم نواز شریف صاحبہ کے اس احسن اقدام کو بھرپور سراہا گیا، جس کے تحت سرکاری کالجز میں طلبہ و طالبات کو بہتر تعلیمی سہولیات کی فراہمی یقینی بنائی جا رہی ہے۔ مزید برآں صوبائی وزیر ہائر ایجوکیشن رانا سکندر حیات صاحب کی کاوشوں کو بھی خراجِ تحسین پیش کیا گیا۔

اجلاس میں میاں محمد ثاقب خورشید صاحب (ایم پی اے وہاڑی) کی مسلسل دلچسپی، تعاون اور تعلیمی شعبہ کی بہتری کے لیے ان کی کاوشوں کو بھی خصوصی طور پر سراہا گیا۔

19/05/2026

گورنمنٹ گریجویٹ کالج برائے خواتین وہاڑی میں شجرکاری مہم کے سلسلہ میں عزیز احمد طاہر ملانہ صاحب، ڈپٹی ڈائریکٹر کالجز وہاڑی نے دورہ کیا، اس موقع پر محترمہ اسماء خبیب، پرنسپل گورنمنٹ گریجویٹ کالج برائے خواتین وہاڑی، سید غلام محمد بخاری صاحب، پرنسپل گورنمنٹ گریجویٹ کالج وہاڑی، نذر بخاری صاحب ایکسین بلڈنگ وہاڑی اور دیگر معزز شخصیات بھی موجود تھیں۔

شجرکاری نہ صرف ماحول کو خوبصورت بناتی ہے بلکہ آنے والی نسلوں کے لیے ایک صحت مند، سرسبز اور محفوظ مستقبل کی ضمانت بھی ہے۔

17/05/2026

17/05/2026

12/05/2026

ضلع وہاڑی کے منتخب ہونے والے بہترین کالجز کو دلی مبارکباد جنہیں ہائر ایجوکیشن ڈیپارٹمنٹ کی جانب سے KPIs کی بنیاد پر “بیسٹ کالج” کے اعزاز کے لیے منتخب کیا گیا، جن میں گورنمنٹ گریجویٹ کالج (ویمن) بورےوالا اور گورنمنٹ گریجویٹ کالج (ویمن) ٹبہ سلطان پور شامل ہیں۔ یہ کامیابی اداروں کی بہترین تعلیمی کارکردگی، مؤثر انتظامی صلاحیت، نظم و ضبط اور معیاری تدریسی ماحول کا واضح اعتراف ہے۔

یہ اعزاز متعلقہ پرنسپلز، اساتذہ اور انتظامیہ کی انتھک محنت، لگن اور تعلیمی بہتری کے لیے مسلسل کوششوں کا ثمر ہے۔ امید ہے کہ یہ ادارے مستقبل میں بھی اسی عزم اور جذبے کے ساتھ طلبہ کو بہترین تعلیمی مواقع فراہم کرتے رہیں گے اور ضلع وہاڑی میں معیاری تعلیم کے فروغ میں اپنا مؤثر کردار ادا کرتے رہیں گے۔

12/05/2026

ضلع وہاڑی کے منتخب ہونے والے بہترین اساتذہ کو دلی مبارکباد جنہیں ہائر ایجوکیشن ڈیپارٹمنٹ کی جانب سے KPIs کی بنیاد پر “بیسٹ ٹیچر” کے اعزاز کے لیے منتخب کیا گیا۔ یہ اعزاز اُن کی محنت، لگن، پیشہ ورانہ مہارت اور تدریس کے ساتھ غیر معمولی وابستگی کا منہ بولتا ثبوت ہے۔

یہ کامیابی یقیناً اُن کی انتھک محنت اور طلبہ کی بہترین رہنمائی کا صلہ ہے۔ دعا ہے کہ وہ اسی جذبے اور عزم کے ساتھ علم کی روشنی پھیلاتے رہیں اور مستقبل میں بھی طلبہ کی بہترین تربیت اور رہنمائی کا فریضہ انجام دیتے رہیں۔ یہ اعزاز واقعی اُن کے لیے ایک قابلِ فخر اور خوبصورت اعتراف ہے۔

12/05/2026

پری بورڈ امتحانات کے بعد ضلع وہاڑی کے تمام سرکاری کالجز میں والدین و اساتذہ ملاقات (PTM) کا انعقاد کامیابی کے ساتھ کیا گیا۔ ان PTMs میں والدین نے بھرپور دلچسپی کے ساتھ شرکت کی اور طلبہ کی تعلیمی کارکردگی، نظم و ضبط اور بہتری کے حوالے سے اساتذہ سے تفصیلی تبادلۂ خیال کیا۔

یہ میٹنگز ڈپٹی ڈائریکٹر کالجز وہاڑی، جناب عزیز احمد طاہر ملانہ صاحب کی قیادت اور متعلقہ پرنسپلز کی زیرِ نگرانی منعقد ہوئیں۔ ڈپٹی ڈائریکٹر کالجز نے مختلف کالجز کا دورہ بھی کیا اور PTM میٹنگز کا ذاتی طور پر مشاہدہ کیا۔

ان ملاقاتوں کا مقصد والدین اور تعلیمی اداروں کے درمیان مؤثر رابطہ قائم کرنا، طلبہ کی تعلیمی استعداد میں بہتری لانا اور تعلیم کے معیار کو مزید بلند کرنا تھا، جس میں یہ اقدام نہایت کامیاب ثابت ہوا۔

09/05/2026

09/05/2026

وہاڑی () معرکۂ حق — آپریشن “بنیان مرصوص” میں پاکستان کی بے مثال فتح کو ایک سال مکمل ہونے کی خوشی میں تقریب کا انعقاد کیا گیا۔
گورنمنٹ گریجویٹ کالج وہاڑی میں بوائز و گرلز کالجز کی ایک پُروقار مشترکہ تقریب منعقد ہوئی۔ ڈپٹی ڈائریکٹر کالجز عزیز احمد طاہر اور پرنسپل سید غلام محمد بخاری نے خصوصی شرکت کی۔
تقریب کے آغاز میں گورنمنٹ گریجویٹ کالج وہاڑی میں پرچم کشائی کی گئی اور قومی ترانہ پیش کیا گیا۔ اس کے بعد طلبہ و طالبات کے درمیان مضمون نویسی اور ولولہ انگیز تقریری مقابلے منعقد کیے گئے۔ وطن سے محبت کے اظہار کے لیے ریلی بھی نکالی گئی۔
اس موقع پر پاک فوج کی لازوال قربانیوں اور بہادری کو زبردست خراجِ تحسین پیش کیا گیا۔ “پاکستان زندہ باد” اور “پاک فوج زندہ باد” کے فلک شگاف نعروں سے فضا گونج اٹھی۔
نوجوان نسل نے قومی اتحاد، حب الوطنی اور دفاعِ وطن کے عزم کی تجدید کی۔ مقررین نے اپنے خطابات میں کہا کہ معرکۂ حق میں بھارت کو عبرتناک شکست کا سامنا کرنا پڑا اور پاکستان کا وقار بلند ہوا۔ انہوں نے مزید کہا کہ اس معرکے کی گونج دشمن کے دفاعی نظام میں طویل عرصے تک سنائی دیتی رہے گی۔
تقریب کے اختتام پر طلبہ و طالبات میں تعریفی سرٹیفکیٹس تقسیم کیے گئے۔ اس موقع پر اساتذہ اور طلبہ و طالبات کی بڑی تعداد موجود تھی۔