Roza Food

30/06/2024

الله يعوضنا خير عكل الايام الصعبة الي مرينا فيها

18/04/2024

رجعولنا حياتنا بكفي حرب بكفي قهر حرام الي بسير فينا مش قادرين نتعود على الخوف والرعب الي شايفينه كل يوم احنا بنموت الف مرة باليوم وقفوا الابادة ارحمونا

23/09/2021

يحكون عن الحياة فلا يعلمون أن الحياة هي في جمعة الحبايب التي تُقتل فينا ألف جرح ألف تعب ألف وجع وفي لمتهم معنا مصدر مضاد يكافح حياتنا

30/07/2021

يسعد اوقاتكم ياحلوين

طشتنا الحلوه مع الحبايب

الرز جاهز من مطعم مطبخ بيروت Beirut kitchen

والطعم روعة 😋

19/05/2021

15/05/2021

🇵🇸🇵🇸🇵🇸🇵🇸🇵🇸🇵🇸🇵🇸🇵🇸🇵🇸🇵🇸🇵🇸🇵🇸🇵🇸🇵🇸🇵🇸🇵🇸🇵🇸🇵🇸🇵🇸🇵🇸🇵🇸🇵🇸🇵🇸🇵🇸🇵🇸🇵🇸🇵🇸🇵🇸🇵🇸🇵🇸🇵🇸🇵🇸🇵🇸🇵🇸🇵🇸🇵🇸🇵🇸🇵🇸🇵🇸🇵🇸🇵🇸🇵🇸🇵🇸🇵🇸🇵🇸🇵🇸🇵🇸اللهم إنا نستودعك فلسطين وأهلها 🇵🇸 أرضها وسماءها رجالها ونساءها وأطفالها اللهم فاحفظها من كل شر وسوء يا من لا تضيع عنده الودائع اللهم من أراد بها أو بأهلها السوء فاجعل دائرة السوء تدور عليه يارب العالمين
#فلسطين🇵🇸


الله ينتقم منكم

حسبنا الله ونعم الوكيل

12/04/2021

خبز الشعير

ممتاز لمرضى السكر وللي بعملو رجيم

وسعراته قليله 😃

04/04/2021

يسعدلي اوقاتكم

حلا جوز الهند

خفيف ولزيز كتير

انا اعملته بكريمه ريتش وماضفت حليب مكثف مابتحتاج

الي حابب يستخدم دريم ويب هي المقادير

كوب جوز هند

علبة قشطة

٢ دريم ويب مع ٣ فناجين ماء ثالج و٤معالق سكر

ومعلقتين كبار حليب مكثف

طبعا بنخفق الكريمه ونضع الماء بس تنفش معنا نضيف باقي المكونات الجوز الهند وعلبة القشطه والحليب المكثف

بالبايركس نضع بسكوت تي تايم مسقى بنسكافيه ونضع الخليط

ونحمص ع الغاز بمقلاه جوز هند نحركه حتى يتغير لونه ونرشه عل وجه الكريمه

صحة وهنا

03/04/2021

بعض التعليمات لست البيت

🌸 الملوخية وطبخات اللبن والطحينية ما بيتغطوا ابدا اثناء الطبخ او بعده لحتى يبردوا ...الملوخية بتسود وبتفصل واللبن والطحينة بيفرطوا.

🌸 لا تفتحي ابدا على ورق العنب لانه رح يسود ويقسى، عيريله ساعة ونص بالطنجرة العادية وساعة الا ربع بالضغط واتركيه مسكر حتى يدفأ وشوفي لونه الأخضر ما احلاه .

🌸 حطي مع سلق ورق العنب شوية ملح ليمون بيحافظ على لونه عند الطبيخ وما بيسود .

🌸قطعي الباذنجان بالطول ما بيشرب زيت وبعد ربع ساعة من رش الملح عليه اغسليه وصفيه غطيه بطحين واقليه بزيت حامي اولها وبعدين خففي النار بيطلع مقرمش وناشف وشكله بيشهي.

🌸اياك تحطي خل بميه سلق اللحمه
بيتحول لونها اسود وعالفاضي

🌸سر طراوة العجين ضعي ملعقة خل ابيض تصبح العجينه هشه وطريه ولونها ابيض

🌸عند قلي السمك ضعي قليل من رشة الفانيلا البودره في الزيت حتى لة تظهر رائحة السمك في البيت

🌸سر الكبسه اعصري برتقاله فوق الكبسه عند استوائها أوبرش البرتقال بيعطيها طعم رائع، وبالنسبه للزبيب انقعيه في عصير البرتقال يصبح طعمه خيالي

🌸أهم شيء بالكبسة والصيادية لا تحطي بندورة معصورة عالخلاط بتخبص الرز .حطي معجون البندورة.

🌸عشان تحفظي ثوم الخزين بدون ما يفضى لفتره طويله تصل لسنتين ويمكن اكتر افصلي سنون الثومه عن بعض بدون تقشير وحطيهم بقنية وفي الثلاجه وكل ما بدك خذي من الثلاجه وبكون سهل التقشير

🌸بنكاشة الاسنان اثقبي حبة الكوسا 3ثقوب قبل الطبخ بتدخل المي جواتها وبستوي الرز كلة ...واطبخية اول ثلث ساعة بمية وملح لحالها بعدين بتضيفي دبس البندورة او اللبن جربوها ودعولي.

🌸حتى تحافظي على الخضره فتره طويله احفظيها بكيس خيش .كيس رز بسمتي بظل ثلاثه اشهر بالثلاجه ما بصير عليه شي

🌸الجاج ما تغطيه عند السلق قبل ماتشيلي الزفرة تطلع بفرق بطعمه كتير واذا بالضغط نفس المبدأ شيلي الزفرة بعدين غطيه

🌸اذا طبخت لبن رايب ما تحطي ملح الا بعد ما تطفي الغاز ويهدى غليان اللبن ما بيفرط معك و لو حسيته فرط بس يبرد شوي عيدي عليه بالخلاط بيرجع تمام

🌸لتبييض لون الحمص ..حطي بالخلاط عند الطحن قطعة ثلج او فرزي الحمص ساعتين قبل الطحن بصير لونه أبيض وطعمه الذ.

🌸اذا كنت ناقعة رز وماصحلك تطبخيه بنفس اليوم ضيفيلو ملح وحطيه بميته بالتلاجة بضل يومين تلاتة مابيصرلو شي
ووقت الطبخ اغسليه منيح من الملح

🌸عند شوي السمك بالصينية او الجريل حطي فوق شرائح الليمون اعشاب بيعطيه ريحة وطعم روعة وبيمنع التصاقة.

🌸حطي رشة سميد تحت عجينة البيتزا اثناء فردها بتعطيها قرشة مرتبة ولون حلو وما بتلزق .

11/03/2021

يسعدلي اوقاتكم

كنافه شعر بجبنة العكاوي

09/02/2021

الله يسعد اوقاتكم

جبتلكم وصفه بتجنن واي حد حيجربها حتعجبه

عصمليه او بالسوبر ماركت موجوده بعلب اسمها قطايف

06/02/2021

مساء الفل على عيونكم الحلوة

دوناتس

الطعم روعه وفي منه حشيته شوكلاته من جوا

كوب ماء دافئ 3 ملاعق حليب بيضة بحرارة الغرفة ورشة فانيلا و40 غرام زبدة بحرارة الغرفة او زيت ذرة ومعلقة صغيرة ممتلئة خميرة ومعلقة سكر وتقريبا 3 كوب طحين أو حسب نوع الطحين ورشة ملح بتكون العجينة متماسكة
هلء نخلط المية والحليب والبيضة وفانيلا والسكر والزبدة والخميرة مع بعض ونضيف بالتدريج الطحين لتصبح عجينة متماسكة ونتركها تخمر نص ساعة
ونرقها بشكل دائري سمك تقريبا 1 سم ونقطعها بالقطاعة ونعمل ثقب بالنص بغطاية الزيت الذرة أصغر من مقاس القزازة او اذا عندكم قمع لتزيين الكيك حجمه ممتاز ونتركه نص ساعه مغطى لينفش معنا
هلء بنحمي السيرج مايكون حامي كتير اول مايبدا يسخن نضيف الدونات ولمن يحمر بنقلبه عجهة التانية
هلء الصوص اول واحد توفي كراميل عمايلي الطريقة بالصفحة
التاني سكر مطحون
التالت شوكلاته مع علبه قشطه سيحتهم عل حمام مائي

وفي اشكال ماعملت ثقب خليتهم شكل دائري وحشيته من جوا شوكلاته