IES Ateneo de Lengua y Cultura Guaraní - Primero de Marzo

22/08/2026

TAVARANDU ÁRA ÑEMOMORÃ
JEROKY

22/08/2026

🇵🇾TAVARANDU ÁRA, ÑANE RETÃYGUA REKOHA ÁRAPYGUA – 22 JASYPOAPY

Ko 22 jasypoapy romomorã Ñane Retãygua Rekoha Árapy, peteĩ ára ñanerenoihápe ñamomba’e, ñañangareko ha ñambohasa ñane ñemoñarenguér**e umi jepokuaa ha teko ymaguaréva, omoheñóiva ñande reko ha ñande rekoha. Ñande reko oikove ñande jepokuaápe, ñande jeroviápe, ñane arandu tetãygua rehe, purahéi ha jerokýpe, ñane rembi’úpe, umi mombe’upy ñande tuakuéra ha ñande jarýikuéra ombohasáva ñemoñare guive ñemoñare peve, ha ko’ýte ñane ñe’ẽ ha reko guaraníme.

Ko ár**e omomba'eguasuetévo, ATENEO Lengua ha Cultura Guaraní – Primero de Marzo pegua Mbo’ehaovusu oñembojoaju vy’apópe ko arete rehe, omoheñóivo peteĩ pa’ũ ñañombyaty, ñañemoarandu ha ñamomba’e hag̃ua ñande rapo ha ñande reko tee.

Peteĩteĩ mbo’esyrykuéra oñembosako’i peteĩ mba’e ñande rekogua rehe, ha péicha temimbo’ekuéra ojapo peteĩ jehechauka guasu ñane retãygua reko tee rehegua. Peteĩteĩ jehechaukaha rupive, ñane temimbo’ekuéra oheka marandu, omopu’ã jey, ohechauka ha ombohasa umi arandu ha kuaapy ymaguaréva, oĩvagueteri ñande retãygua reko ryepýpe.

Jerovia ha jepokuaa tetãygua: umi mba’e ñande ypykuéra ogueroviáva ha ojapóva, ha umi mba’e ñanemoarandúva mba’éichapa ñaikûmby ñande rekove ha ñande jerére oikóva. Ko’ã mba’e oñembohasa ñemoñarenguér**e ha opyta ñande mandu’ápe.

Tembipuru ha mba’e ojepurúva Paraguay-pe: umi mba’e ñande ypykuéra oipuru va’ekue hembiapokuér**e, kokue ha ogapýpe. Ko’ã tembiporu ñanepytyvõ jaikuaa hag̃ua mba’éichapa oiko ha omba’apo va’ekue ñande ypykuéra.

Pohã ro’ysã ha pohã aku: ñande ypykuéra arandu rehegua, ojoajúva ka’avo ha pohã ñana jepuru rehe. Ko kuaapy ñande ypykuéra oheja va’ekue ñandéve ha’e peteĩ mba’e tuicháva ñande reko ha ñande arandu tetãygua ryepýpe.

Ao yma guaréva: ñande reko tee rehegua jehechauka, ñanemomandu’áva ñande rapo, ñande arete ha umi ao yma guaréva ojepuru va’ekue ñane retãme.

Mombe’ugua’u ha mombe’upy: umi tembiasakue ha mombe’upy ohasáva ára ha ára, ha opytáva ñande mandu’ápe. Umi tekove, tembiasakue ha ñembo’e ñande jarýi ha ñande ru ha sykuéra ombohasáva ñemoñarenguér**e.

Umi peteĩteĩ tenda ndaha’éi peteĩ jehechaukaha añónte: ha’e ñane mandu’a, ñande reko tee, ñane arandu ha ñande Paraguay-gua rekoháre ñañemomba’e hag̃ua.

Ñamomorãvo ñane rekoha, ndaha’éi ñanemandu’ánte umi mba’e ymaguarévare; ñamombarete avei ko’ág̃a ñande reko ha ñambohasa ñane ñemoñarenguér**e. Temimbo’ekuéra ohekáramo peteĩ jepokuaa, oikuaáramo peteĩ pohã ñana, ohechaukáramo ao yma guaréva, omyesakãramo peteĩ jerovia térã omombe’úramo peteĩ mombe’ugua’u, oipytyvõ hína ani hag̃ua okañy ko’ã kuaapy ha arandu ñande ypykuéra rehegua.

ATENEO Lengua ha Cultura Guaraní – Primero de Marzo pegua Mbo’ehaovusu guive, romomorã ko ára ha roñemomba’e ñane rembiaporã rehe: ñamotenonde, ñamomba’e, ñañangareko ha ñamyasãi ñande reko Paraguay-gua ha ñane ñe’ẽ guarani, ha’éva peteĩ mba’e oikovéva, ñanemopeteĩva ha ohechaukáva mávapa ñande.

Rovy’a ha rombovy’a opavavépe, temimbo’e, mbo’ehára ha ñande aty mbo’ehao pegua, omba’apo ha oipytyvõ va’ekue ko arete porãite ojejapo hag̃ua. Peteĩteĩ tenda, peteĩteĩ jeheka ha peteĩteĩ jehechauka ohechaukáva ñandéve: jaikuaávo ñande rapo, ñamombarete ñande reko tee.

Vy’apavẽ Ñane Retãygua Rekoha Ár**e!
¡Toikove ñane arandu yma guaréva!
¡Toikove ñande reko, toikove ñane ñe’ẽ, toikove Paraguay!

’ẽGuaraní ’ysã ’ugua’u ’upy

24/06/2026

Ko ár**e, Instituto de Educación Superior Ateneo de Lengua y Cultura Guarani, táva Primero de Marzo-pegua, ogueromandu’a Huã Marangatu Ára (San Juan ára) vy’a ha tory reheve.
Ko ñemomorã rupive ojejapo heta mba’e ñande reko ymaguare rehegua: ñembosarái yma guare, tembi’u Paraguái ñande rekopegua, jeroky ha purahéi ñane retã rehegua, ha heta ambue mba’e omombaretéva ñande arandupy.
Ko’ãichagua tembiapo rupive oñemombarete ñane ñe’ẽ guarani ha ñande reko Paraguái, ñamomba’eguasúvo ñande jepokuaa ha ñande rapo tee.

24/06/2026

¡Vy’apavẽ táva Primero de Marzo nde 71 ary rehe! 🎉🇺🇿
Ko ár**e ojehasa peteĩ ára ijojaha’ỹva táva Primero de Marzo-pe, ojegueromandu’ávo 71 ary iñepyrũhague, ojejapóva 23 jasypoteĩ rehe.
Ko ára tuichaitépe, Instituto de Educación Superior Ateneo de Lengua y Cultura Guarani, táva Primero de Marzo-pegua, oĩ kuri peteĩ tembiapo porãitévape, ha'éva temimbo'ekuéra jeguatápe, omoirũ hag̃ua ko ñemomorã guasu.
Ateneo de Lengua y Cultura Guaraní ha’e peteĩ temimoĩmby arandukuaaty ha arandupy rehegua, oñemoheñóiva’ekue ary 1985-pe, ha hembipotápe oguereko ñemombarete, ñangareko ha ñemyasãi ñe’ẽ ha teko guarani tetã pukukue javeve. ko’ãichagua tembiapópe ohechauka mba’éichapa oñemombarete ñande rekotee ha ñane ñe’ẽ tee.
Umi temimbo'e jeguata, koichagua oikóva ko’ár**e, oike umi ñemomorã aty Paraguáipe, oimehápe oñembyaty opaichagua mbo’ehao ha temimoĩmby oñemomba’eguasu hag̃ua tembiasakue ha ñakãrapu’ã tetã térã táva rehegua.
¡Vy’apavẽ táva Primero de Marzo-pe nde 71 ary rehe! 🎉🇺🇿

11/05/2026

¡Vy’apavẽ Mbo’ehára ha Mba’apohára ára!
Ko ár**e ñamomorã ha ñamomba’e guasu ñane mbo’ehára ha opaite mba’apohakuérar**e. Ha’ekuéra niko ñane retã ñemongakuaa ñemitŷhára, ombo’e, omotenonde ha omba’apo kyre’ỹme ára ha ára.
Mbo’ehára ombohasa ñandéve arandu ha tekokatu, oipytyvõ ñande rekove r**e ñağuahẽ hag̃ua ñane rembiapo porãme. Mba’apohára katu, ipy’aguasu ha ikyre’ỹ rupive omopu’ã ñane retã ha ñande rekove.
Ko ár**e ojejapo ñemomorã guasu, jahechauka ñande aguyje ha ñande mborayhu chupekuéra. Ha’ekuéra rehe ae oñemopyenda ñane renonderã ha ñane reko porã.
¡Vy’apavẽ Mbo’ehára ha Mba’apohára Ára!

09/02/2025

02/06/2024

Ko ár**e mbo’eharakuéra oñemoaranduve ñane Ñe'ẽ Guaraníme.

11/03/2024

👨🏻‍🎓👩🏻‍🎓👨🏼‍🏫👩🏻‍🏫