28/07/2025
كتبت البوست دا ومسحتو كم مره .. لأنو كلما صغت الكلام بحسو ما قدر الوصف والله 💔
صحبي من الفاشر .. رسلت ليه حبيبنا أها اموركم كيف ؟ طمنا عليكم ؟
قال لي الحمد لله .. الليلة أولادي فطرو ب " أمباز "
علف البهائم للناس الما بعرفوه 💔
عسنا ليهم عصيد وغايتو الأمور مشت الحمد لله .."
وإنت في مكانك .. ممكن يكون أجر وأجر الشايل بندق.ية ومرابط في الفاشر وااحد بوقفتك مع أهلنا هناك .."
عايزك تتخيل بس زول ماسك سلاح.و بقاتل .. وفي مخيلتو ما إنو يموت هو .. لالا دي ما مشكلة .. تصدق دي ما مشكلة .."
المصيبة يموتو أولادي بالجوع 💔
واحد من الجياشة الهناك .. سألتو .. عن الأوضاع وأنا حريص جداً أتابع أخبار الفاشر يوم بيوم .."
قال لي العدو الشايفنو بنداوسو إن شاء الله بعصي .. وبنموت ما مشكلة .. كعب العدو الما شايفنو ومتبرص بأطفالنا وبناتنا .. اللهو الجوع
💔💔💔
إنت بتقدر تقدم شنو ؟
جنيه منك ممكن يسد جوع طفل ممكن يفارق حياتو بسبب الجوع .. واتخيل أجر اللقمة للزول الجيعان .. دي درجة .. أها إتخيلتها للزول الحيموت ؟ وأتخيلتها للزول المحاصر ؟
الحملة حقتنا الفاتت كان رسلنا لناس الفاشر مبلغ كويس وقضاهم بفضل الله لفترة .. مبلغ حملتنا كنا مستهدفين ٢٠ مليار وزدنا عليها بفضل الله .."
أها أسي نجمع ليهم ٢٠ مليار بإذن الله .. وأقل شي بتقدر تعملو .. إنك في مكانك تشارك البوست في صفحتك ودا أقل شي .."
رقم الحساب بأسم ظلال الرحمة بنك الخرطوم
برقم : 2136925
فووري ظلال الرحمة بنك فيصل برقم :
30029511
