Alumni -Alneelain Faculty Of Medicine

Alumni -Alneelain Faculty Of Medicine رابطة خريجي كلية الطب جامعة النيلين
We Are The Best For The Best

الخريجين منورين بيتهم الثاني... احدى معايير التقويم والاعتماد وجزء اصيل منه "الخريجين"حيث ان اللجنة الموقرة اجتمعت بعدد ...
19/10/2022

الخريجين منورين بيتهم الثاني... احدى معايير التقويم والاعتماد وجزء اصيل منه "الخريجين"
حيث ان اللجنة الموقرة اجتمعت بعدد من الخريجين للتقييم الكلي..واشادت بأداء خريجي الكلية في شتى المجالات ...

بحمد الله وفضله وجهود ابناء االنيلين طلابا وخريجين انتهت زيارة المجلس الطبي والفيدرالية WFEM لتقييم كلية الطب جامعة الني...
19/10/2022

بحمد الله وفضله وجهود ابناء االنيلين طلابا وخريجين انتهت زيارة المجلس الطبي والفيدرالية WFEM لتقييم كلية الطب جامعة النيلين حسب المعايير العالمية ....

اجيال عظيمة د.راما الدفعه 11د.رحاب الدفعه 11د.احمد الدفعه 16د.عماد الدفعه 16د.مروة الدفعه 18
15/10/2022

اجيال عظيمة
د.راما الدفعه 11
د.رحاب الدفعه 11
د.احمد الدفعه 16
د.عماد الدفعه 16
د.مروة الدفعه 18

Batch 17🤍🔥
15/10/2022

Batch 17🤍🔥

15/10/2022

راسلونا على بريد الصفحه
ورونا انتو وين وعملتو شنو بعد اتخرجتو ونصيحتكم شنو للخريجين الجديدين وياريت لو تلحقو معاها صورة نتعرف بيها عليكم لو سافرنا المكان الانتو فيهو او اشتغلنا في مكان في السودان انتو فيهو برضو🤍📌

14/10/2022

=الاسم:منير على عبدالله علي
=الدفعة :الخامسة
=المدرسة الثانوية:مدرسة الإمام الطيب المشتركة بالجديد الثورة ولاية الجزيرة
=اوصف لينا شعورك كان كيف لمن قبلوك في كلية الطب جامعة النيلين وشعورك بعد التخرج؟؟
اصلا كانت رغبتي اقرأ صيدلة وكنت واثق حا يشيلوني صيدلة الخرطوم بس فرقت ب 2 من 10 في المية واتفاجات انو شالوني طب النيلين بس بعد درست فيها بعتقد انها أفضل كلية طب في السودان والخرطوم فايتانا بالاسم والتاريخ فقط ولو رجع بي الزمن وخيروني بين طب الخرطوم وطب النيلين حا اختار النيلين من غير تردد..اتعلمنا فيها أشياء كتيرة غير الطب من أبونا وعميدنا بروف أحمد بابكر ربنا يديهو الصحة والعافية ويجزيهو عننا كل خير من اهمها احترام الأساتذة والزملاء وخصوصاً السناير واحترام المظهر العام لينا كطلاب طب وأطباء مستقبل.. واتعلمنا الطب على اصولو من أساتذة اجلاء خصوصا في المستشفيات ومجموعة المرور السريري كانت فيها أقل من 10 طلاب واي طالب لازم يعمل تاريخ مرضي وكشف سريري على المرضى على الأقل مرة واحدة في الاسبوع.
=نصيحة تقدما لي طلاب الدفعة٢١.
نصيحتي لطلاب الدفعة 21 انهم يقرو عشان مصلحة مرضاهم في المستقبل وما يقرو عشان يمرو في الامتحان وبس وما يعتمدو على الشيتات ويقرو من المراجع.. ويحترمو سنايرهم ويحافظو على مظهرهم العام كطلاب طب وأطباء مستقبل ويستمتعو بايامهم في الكلية ويحددو أهدافهم والبدء في تنفيذها💙
# في الختام اتمنى من كل طلاب وخريجي كلية الطب جامعة النيلين المحافظة على شعارها الدائم
We are the best for the best and we are Neelainians and proud ❤️
اخوكم د. منير علي عبدالله علي اختصاصي طب المجتمع

14/10/2022

السلام عليكم....
#الاسم: باسل أحمد.
#الدفعه: 18 الحمد لله خلصنا المستوى التالت.
#المدرسة الثانوية: بشير محمد سعيد.
#أوصف لينا شعورك كان كيف لمن قبلوك في كلية الطب جامعة النيلين وشعورك و أنت حالياً طالب فيها ؟
كنت جايب 91.9 وطبعا كنت عايز اخش طب الخرطوم كان 92.9 تقريبا والنيلين دي ولاااا كنت بعرفها زاتو😂طبعا الوقت داك كان طبها بي 92 المهم قدمت طب الخرطوم اول وطب النيلين كانت تاني رغبه والحمد لله ولحكمه ولي خير اتقبلت في النيلين الما كنت بعرفها اصلا وكمان ايام التسجيل جيت شفت المبنى حقها الكان مدرستنا الثانويه اكبر منو😂😂يعني م كانت عاجباني نهائي وسبحان الله لقيت الناس كلها يعني الاتقبلو في النيلين بالذات الداخلين عام لانهم بكونو قربو من الخرطوم فماا بكونو مبسوطين بالنيلين فمرت الايام وكنا نحن ما شاء الله يمكن اول دفعه يكون فيها كميه كبيره من اولاد بشير فكنا طالعين نازلين مع بعض وشويه شويه دخلنا في باقي الدفعه اولاد على بنات وشويه كمان سناير دخلو فينا فيمكن دي فايده للحاجه الما عجبتني المبنى الصغير ده😂وبالجد الواحد يحمد ربو على الجامعه دي وكمان م ننسى الدكاتره من اجمل م يكون يعني صراحه تلاته سنين وانا م ندمان على النيلين وبالعكس كمان الحمدلله مبسوط بيها شديد
بالنسبه لانو كلية الطب جامعة النيلين كلية تعتبر جديده بالنسبه للخرطوم يادوب ليها 18 او 19 سنه لكن بالنسبه للانجازات العملتها الكليه دي في الفتره الوجيزه دي ممكن تقارن مع الخرطوم وممكن نكون فايتنهم في حاجات كمان والكويس اننا لسه نطمح للاحسن وماشين للافضل بالنسبه للمستوى الاكاديمي والاجتماعي والثقافي.
#نصيحة تقدما لي طلاب الدفعة٢١...
اقول ليكم انكم برضو حتجو زينا وزي القبالنا الجامعه م حتكون عاجباكم في البدايه لكن صدقوني لي قدام حتشكرو وتحمدو ربنا انكم بقيتو نيلينينز والطب ده في النهاية اجتهاد شخصي فلازم تجتهدو وتشدو حيلكم عشان ترفعو معانا اسم الجامعه بالذات للناس الكانو ما بعرفوها زيي كده😂وسنايركم ودكاترتكم في الاول متوفرين وموجودين نساعدكم في اي وقت وموفقين بإذن الله😊

14/10/2022

الاسم:حسام الدين الصادق.
الدفعة: الاولى .
نصيحتي للطلاب الجدد: خليك دايما في حالة تنافس.. ليس مع زملاءك .. ولا مع اي شخص آخر .. و إنما مع نفسك.. في كل صباح لازم يكون هدفك انك تكون احسن من نسختك بتاعت الأمس.. ولازم تكون انجازاتك اكبر من إنجازات الأمس.. ولازم تكون شخصيتك اليوم هي الأفضل والأقوى ..
نافس نفسك بشراسة.. و ح تفهم بعداك ليه نحنا في النيلين دايما بنقول:

14/10/2022

الاسم:احمد محمد الفاتح او كمبوني
الدفعة: ١١
كنت بعرف الكلية من زمان لانو اختي كانت فيها و كنت مفضلها علي الجزيرة
الكلية دي كانت احلي شي حصل في حياتي و منها مرقنا بي اخوان و اهل و احباب و اتعلمنا فيها العلم و الحياة عموما....بدون منازع كنا اكتر دفعة مشاغبة
النشاطات دي كانت بتلم الدفع و بتساعد في التعارف و كنا حاسين انو كلنا اخوان...من الجمعيات الخيرية للحفلات و للبرامج الاكاديمية
الكلية دي مهما قدمنا ليها بنحس انو مقصرين ...بس بنقول انو احنا من النيلين في كل محفل و دائما بنشارك بي اسمها
للبرالمة بقول ليهم الكلية ما قراية بس....قدر ما تديها بتديك

14/10/2022

*-الاسم: خالد حسن ابراهيم ...
الاسم الحركي : الشوالي
*-الدفعة : 13 .. خريج 2016
*-المدرسة الثانوية : محمد محي الدين ـ ثم الملك فهد
*-ما هو شعورك عندما قبلت بكلية الطب جامعة النيلين ونظرتك التصورية للكلية ?
اذا سالتو اي زول في العشرة سنوات الاخيرة رغبتك كانت شنو .. اكيـد الاجابة: الخرطوم
لعدة اسباب.
اولا اي زول بتمني لنفسو الافضل.. وجامعة الخرطوم تاريخ يتحدث عن نفسو
ثانيا : طب النيلين حديث الولادة وشبه ما معروف في السنوات الفاتت (حاليا معروف للجميع)
ولكن السوال المطروح? كيف وصلت النيلين للنسبة دي 90.9 في 2010 والمركز دا في سنوات تكاد تعد باصابع اليدين? الاجابة اكيد بمجهودات جبارة خارقة للعادة من الادارة والدكاترة والتيم العامل

*دخلت النيلين وعندي قناعتين
الاولي: انو اي مكان اوكيان دايما بكون جميل او سئ بي ناسو والمجتمع الفيهو
الثانية : لشنو ما اكون جزو من التغيير .. في جعل النيلين الافضل

*-ماذا تقول الآن عن الكلية بعد أن صرت طالبا قضى فترة ليست بقصيرة فيها?
راضي كل الرضى .. وتجربة كانت اكثر من رائعة.. اجمل سنين عمري
نظام دراسي ممتاز ـ دكاترة ومعلمين اكفاء وعلي مستوى ـ مجتمع جميل وزملاء وسناير اكتر من الاخوان والاخوات
اكيد اي مكان بتوجد فيهو بعض السلبيات بس تكاد لا تذكر

*-تجربتك مع نشاطات الكلية خلال الفترة الجامعية?
الطبيب شخصية متكاملة .. وليس مخزن للمعلومات فقط
خلال الفترة الجامعية بتتبني الشخصية وبكتسب الفرد عدةِ جوانب واهمها الثقة بالنفس و المهارات الاجتماعية والقيادية ومهارات التواصل مع الافراد والمجتمع
كنت رئيس لاسرة الدفعة لكم سنة
ونائب رئيس للرابطة .. وامين رياضي لجمعية وثقافي لاخرى
والحاجات دي اضافت لي و افادتني كتير ايام الجامعة وفي الوقت الحالي

*-صلتك بي الكلية بعد التخرج?
ما انقطعت عن الجامعة ولا ناوي انقطع الا في الشديد القوي
ومستعد اخدم الجامعة في اي مجال ومن دون اي مقابل

*-قدرت تقدم شنو للكليه أو من خلال الكليه (انجازاتك)?
مافي انجازات يقولو عليها
غير عدد من المراجعات ومجموعة من الملخصات(بديت بيها لي نفسي وقلت لشنو ما يستفيد منها الباقين...والحفرة الوقعت فيها ما يقع فيها غيري) ..
كنت مسميها تامين المستقبل وقت الزنقة لانو التلخيص بفيد الذاكرة التصويرية والاسترجاعية)
وعملت كتاب تنويري لطلاب المستوي الاخير عن كيفية الامتحانات والتعامل معها يمكن يفيد علي مستوﻯ السودان
How to pass finals
*-نصيحة تقدمها لبرالمتك في الدفعة 21?
اولا الف مبروك : دخول الحياة الجامعية ونتمني ليكم كل التوفيق والسداد
بس اهم شي الرغبة ثم الرغبة ثم الرغبة
الطب السهل الممتع ومهنة اكتر من عظيـمة .. بس عايز اجتهاد وتنظيم وقت وتحسين لغة من بدري
القراية من الكتب الكبيرة من وقت مبكر مهم جدا بقوي لغتك وبزيد من صبرك وقدراتك العقلية و والاستنتاجية و معلوماتك وبسهل ليك كتير في السنوات الجاية
ما تستبقو الاحداث وكل شي في وقتو حلو .. بس دايما اسعو للتميز والتطوير

14/10/2022

محمد عبد الرحيم احمد عبدالله(الخال)
الدفعة:١١/١٢
المدرسة الثانوية:مدارس الكويت الثانوية الخاصة
طبعا نزلتا طب اسنان وحولتا طب في المستوى التالت وخبر اني اتقبلتا في النيلين جاني بعد الافطار بتذكر شعرتا بي شعور غريب بس كنتا مبسوط لانو ذي كانت رغبتي لانو ايام ممتحنين الشهادة السودانية وبنقرا في مكتبة الشهيد لمن نجي انا واصحابي بي جنب كلية الطب جامعة النيلين بقول ليهم انا حاقرا هنا فبضحكوا وسبحان الله ربنا استجاب لي.
=كلية الطب جامعة النيلين ليست مجرد جامعة بل هي اسرة كاملة فيها الاخوان والاخوات والآباء والنيلين دي عندها حب من نوع خاص بتحبها وبتغير عليها وبتحب كل الناس الموجودين فيها ودفعتك بكون فيها نوع من الترابط وبساعدنا الحوش في الحاجة دي فبتلقه برالمتك وسنايرك ودكاترتك معاك في افراحك واتراحك وبتلقاهم ايام الامتحانات اي زول بدي الزيت للتاني😂...وللآن بنحاول انو اصلا ما نفوت اي برنامج فيها واي طالب بيقول انا من النيلين بنعتبره اخونا طوالي.
=نشاطات الكلية:-طبعا جامعة النيلين بي المجتمع الفيها بتجبرك تجرب كافة النشاطات الاجتماعي والسياسي والفكري والرياضي وغيرم ولو فصلنا كل وحدة براها ما حننتهي،بس انا كنتا بستمتع بي النشاط السياسي وكنتا رئيس الرابطة في الدورة٢٠١٠-٢٠١١ وكنتا بعتبره من الروابط الناجحة واجمل حاجة القوافل والايام العلاجية والاقامة الريفية والسفر.
=انا في تواصل دائم مع الجامعة في كافة البرامج والاحتفالات منذ التخرج ولم اتأخر عن اي برنامج( الا للشديد القوي) النيلين دي امنا عديل💙
=نصيحتي لي الدفعة ٢١
اولا الدراسة والمذاكرة او على الاقل تعرف نفسك وطريقة دراستك والحاجة المناسبة بي النسبة ليك وثانيا مرحلة الجامعة دي من الحاجات الجميله جدا في حياة الزول حاول استمتع بيها وبكل النشاطات الموجودة فيها واخيرا بر الوالدين والمحافظة على الصلوات وتجنب اصدقاء السوء دي شعارات الناس بتسمعا كتير بس بي الجد الواحد متاكد انو دي ما مجرد كلمات ودي الدنيا كلها
عذرا على الاطالة

Address

كلية الطب جامعة النيلين
Khartoum

Telephone

+249121903631

Website

Alerts

Be the first to know and let us send you an email when Alumni -Alneelain Faculty Of Medicine posts news and promotions. Your email address will not be used for any other purpose, and you can unsubscribe at any time.

Shortcuts

Share

Category