20/08/2026
Bismillaahi Raxmaani Raxiim
Marka h**e, waxaan salaan iyo mahadnaq u dirayaa maamulka jaamacadda, macallimiinta, shaqaalaha iyo dhammaan ardayda Sağlık Bilimleri Üniversitesi.
Magacaygu waa Jibriil Ahmed Mohamed, waxaan ahay Guddoomiyaha Ardayda Jaamacadda Sağlık Bilimleri Üniversitesi. Xilkan waxaan hayay muddo hal sano ah, waxaana aad ugu mahadcelinayaa maamulka jaamacadda iyo ardaydii ii arkay inaan xilkan qaadi karo, isla markaana aan matali karo oo aan ka jawaabi karo baahiyaha iyo arrimaha ardayda.
Runtii, waxaan aad ugu faraxsanahay muddadii hal sano ahayd ee aan xilkan hayay iyo waxyaabihii aan ku soo kordhinnay jaamacadda, gaar ahaan arrimaha muhiimka u ahaa ardayda.
Intii aan xilka hayay, waxaan dhisay Xukuumadda Ardayda, oo ka koobnayd Guddoomiye Ku-xigeen iyo Golaha Ardayda. Xukuumaddaasi waxay ila shaqeysay si daacadnimo, naf-hurnimo iyo wadajir ah. Haddii aysan jirin taageeradooda iyo wada shaqeyntooda, ma suuragaleen guulo badan oo aan maanta ka hadleyno.
Waxaan sidoo kale markii ugu horreysay jaamacadda ka hirgelinnay Xafiiska Ardayda, oo uu Guddoomiyaha Ardaydu si rasmi ah uga howl-galo. Xafiiskaas waxaan u qalabeynay si qurux badan, waxaana ka dhignay xafiis joogto ah oo ardaydu ugu imaan karaan talo, cabasho, baahi iyo arrimo kale oo la xiriira noloshooda jaamacadeed.
Sidoo kale, annagoo mataleyna magaca jaamacadda, waxaan qabannay howlo iyo munaasabado kala duwan. Waxaa ka mid ah barnaamijyo Ramadaan iyo afurin, siminaaro, xaflado iyo activities kala duwan oo wax ku ool u ahaa ardayda, isla markaana kor u qaadayay wadajirka iyo xiriirka ardayda iyo jaamacadda.
Waxaan si gaar ah ugu mahadcelinayaa dhammaan ardaydii ila soo shaqeysay, gaar ahaan Xukuumadda Ardayda, Golaha Ardayda iyo dhammaan intii gacan ka geysatay hawlihii aan qabannay.
Sidoo kale, waxaan mahadnaq iyo qadarin u dirayaa maamulka jaamacadda, macallimiinta iyo shaqaalaha, kuwaas oo mar walba naga taageeray howlaha iyo adeegyada aan u qabanaynay ardayda.
Hal sano kadib, haddii mar kale ay noo suuragasho inaan hoggaanka ardayda sii wadno, waxaan diyaar u nahay inaan sii wadno jihaynta iyo horumarinta ardayda, isla markaana aan bilowno shaqooyin iyo mashaariic cusub oo wax badan u tari doona ardayda iyo jaamacadda.
Haddii se aysan taasi dhicin, waxaan si sharaf leh fursadda ugu wareejin doonaa ardayda dhexdooda, si ay iyagu u doortaan mas'uulka ugu firfircoon, ugu kartida badan, uguna habboon inuu hoggaamiyo ardayda oo uu sii wado adeegga iyo horumarinta jaamacadda.
Ugu dambeyn, waxaan leeyahay:
Waxaan u mahadcelinayaa qof kasta oo garabkayga istaagay, igala shaqeeyay, igu taageeray, talo i siiyay ama qayb ka qaatay horumarka ardayda.
Waxaan rajeynayaa in waxa aan bilownay ay sii socdaan, jiilalka ardayduna ay ka sii horumariyaan.
Mahadsanidiin dhammaantiin.
Wabillaahi Towfiiq.
Magaca: Jibriil Ahmed Mohamed
Xilka: Guddoomiyaha Ardayda – Sağlık Bilimleri Üniversitesi
Saxiixa: __________________________
