http://parliament.xajsi.edu.so/

Golaha Baarlamaanka XAJSi, Jidka Warshadaha, Mogadishu (2026)

20/11/2025

HAMBALYO

Hambalyo Mudane Osman Ali Abdullahi, Guddoomiyaha dooran ee Golaha Baarlamaanka Xukuumadda Ardayda Jaamacadda SIMAD (XAJSi).

Guddoomiyaha cusub waxaan Eebbe uga baryayaa in uu u fududeeyo masuuliyadda culus ee laguu igmaday, gaar ahaan hoggaaminta Golaha Baarlamaanka iyo dheelli-tirka dowladnimada Ardayda Jaamacadda SIMAD.

Sidoo kale, waxaan bogaadinayaa Xildhibaannada Golaha Baarlamaanka 4aad ee XAJSi, kuwaas oo gutay waajibaadkooda dastuuriga ah ee doorashada hoggaanka Golaha.

DHAMMAAD

Agaasimaha Warfaafinta & Xiriirka Warbaahinta ee Golaha Baarlamanka XAJSi
Marwo Xamdi Saalax Xaaji
[email protected]
18 November 2025 – XAJSi Parliament Election

01/08/2025

GUDDIGA CAAFIMAADKA, TAAKULEYNTA IYO BAAHIYAHA GAARKA AH EE GOLAHA BAARLAMANKA OO KULAN SU'AALO WEYDIIN AH LA QAATAY WASIIRKA WASAARADDA CAAFIMAADKA XUKUUMADDA ARDAYDA JAAMACADDA SIMAD

SIMAD, Luulyo 28, 2025: Guddiga Caafimaadka, Taakuleynta iyo Baahiyaha gaarka ah ee Golaha Baarlamaanka XAJSi ayaa xafiiskiisa dhexe ee Golaha kulan su'aalo weydiin ah kula qaatay Wasiirka Wasaaradda Caafimaadka Xukuumadda Ardayda Jaamacadda SIMAD, Marwo Hani Abdullahi Mohamud, waxaana kulanka shir guddoominaysay Guddoomiyaha Guddiga, Xildhibaan Layla Mohamed Ibraahim, oo uu wehliyo Xoghayaha Guddiga, Xildhibaan Abdullahi Hussein Muhidiin.

Wasiirka Caafimaadka ayaa Guddiga warbixin guud ka siisay qorsha-howleedka iyo qaab-dhismeedka guud ee Wasaaradda Caafimaadka howlaha baaxadda leh ee horyaalla waxyaabihii uqabsoomay iyo halka ay hadda wax u marayaan.

Sidoo kale Wasiirka ayaa sheegtay inay wax badan ka qabteen horumarinta daryeelka Caafimaadka Ardayda iyo tayayntiisa. Intaa kadib Xubnaha Guddiga ayaa mid mid u Weydiiyay Wasiirka Su’aalo la xariiray Caafimaadka Ardayda Mashaariicda hoos yimaadda kuwa socda iyo kuwa la filayo in dhawaan ay Wasaaraddu daah-furto.

Guddoomiyaha Guddiga, Xildhibaan Layla Mohamed Ibraahim, oo kulanka soo xirtay ayaa uga mahadcelisay Wasiirka Wasaaradda Caafimaadka ka jawaabista u yeeritaanka guddiga, iyada oo sheegtay in kulankan uu ahaa isla xisaabtan si uu guddiga wax uga ogaado shaqada Wasaaradda Caafimaadka ay Ardayda u heyso.

DHAMMAAD

Agaasimaha Warfaafinta & Xiriirka Warbaahinta ee Golaha Baarlamanka XAJSi
Marwo Xamdi Saalax Xaaji
[email protected]

22/07/2025

GUDDIGA DHALLINYARADA IYO CIYAARAHA EE GOLAHA BAARLAMANKA XAJSi OO KULAN SU'AALO WEYDIIN AH LA QAATAY WASIIRKA WASAARADDA DHALLINYARADA IYO CIYAARAHA.

SIMAD- Main Campus Luulyo, 22, 2025: Guddiga dhallinyarada iyo ciyaaraha ee Golaha Baarlamanka Xukuumadda Ardayda Jaamacadda SIMAD ayaa xafiiskiisa xarunta dhexe ee jaamacadda kulan su'aalo weydiin ah kula qaatay wasiirka wasaaradda dhalinyarada iyo ciyaaraha Xukuumadda Ardayda Jaamacadda SIMAD Mudane Omar Liibaan Isxaaq.

kulanka oo uu shir guddoominayay Guddoomiyaha guddiga dhallinyarada iyo ciyaaraha ee Golaha Baarlamanka Xildhibaan Daakir Hussein Mohamed oo uu wehliyo guddoomiye kuxigeenka guddiga Xildhibaan Mohamed Mahad Tahliil iyo xoghayaha guddiga Xildhibaan Abdifatah Hussein Ali ayaa ugu h**eyn waxa uu wasiirka wasaaradda dhallinyarada iyo ciyaaraha uu xubnaha guddiga uga warbixiyay shaqada wasaaradda.

intaasi ka dib xubnaha guddiga ayaa wasiirka weydiiyay su'aalo la xiriira qorshe howleedka wasaaradda, siyaasadda Wasaaradda uga taalla dhallinyarada, horumarinta ciyaaraha Ardayda, garoomada ciyaaraha, xiriirka Wasaaradda iyo kulliyadaha Jaamacadda SIMAD.

Guddoomiyaha guddiga dhallinyarada iyo ciyaaraha ee Golaha Xildhibaan Daakir Hussein Mohamed oo kulanka soo xiray ayaa uga mahadceliyay wasiirka dhallinyarada iyo ciyaaraha ee xukuumadda Ardayda Jaamacadda SIMAD sida uu uga soo jawaabay u yeeritaanka guddiga isaga oo sheegay in kulanka maanta uu ahaa isla xisaabtan iyo iska xog wareysi arrimaha dhallinyarada iyo ciyaaraha ee Ardayda.

DHAMMAAD

Agaasimaha Warfaafinta & Xiriirka Warbaahinta ee Golaha Baarlamanka XAJSi
Marwo Xamdi Saalax Xaaji
[email protected]

27/06/2025

GUDDIGA WAXBARASHADA, DHAQANKA IYO ARIMAHA DIINTA EE GOLAHA BAARLAMANKA OO KULAN SU'AALO WEYDIIN AH LA QAATAY WASIIRKA WASAARADDA WAXBARASHADA IYO ARIMAHA DIINTA XUKUUMADDA ARDAYDA JAAMACADDA SIMAD

SIMAD, Juun 24, 2025: Guddiga Waxbarashada, Dhaqanka iyo Arimaha Diinta ee Golaha Baarlamaanka Xukuumadda Ardayda Jaamacadda SIMAD ayaa xafiiskiisa dhexe ee Golaha kulan su'aalo weydiin ah kula qaatay Wasiirka Wasaaradda Waxbarashada iyo Arrimaha Diinta Xukuumadda Ardayda Jaamacadda SIMAD, Marwo Ayaan Abdisamad Xareed, waxaana kulanka shir guddoominayay Guddoomiyaha Guddiga, Xildhibaan Nimca Abdirahmaan Geeseey, oo uu wehliyo Xoghayaha Guddiga, Xildhibaan Abdullaahi Abdirahmaan Hassan.

Wasiirka Waxbarashada iyo Arrimaha Diinta, Ayaan Abdisamad Xareed, ayaa guddiga siisay warbixin ku saabsan shaqada Wasaaradda iyo waxyaabaha u qabsoomay intii ay xilka haysay. Xubnaha guddiga ayaa su’aalo kala duwan ka weydiiyay Wasiirka, kuwaas oo la xiriiray howlaha Wasaaradda iyo qorshayaasha horumarineed ee socda.

Guddoomiyaha Guddiga, Xil. Nimca Abdirahmaan Geeseey, oo kulanka soo xirtay ayaa uga mahadcelisay xubnaha ka socday Wasaaradda Waxbarashada oo ay Wasiirka hoggaaminaysay ka jawaabista u yeeritaanka guddiga, iyada oo sheegtay in kulankan uu ahaa isla xisaabtan si uu guddiga wax uga ogaado shaqada Wasaaradda Arrimaha Waxbarashada ay Ardayda u heyso.

DHAMMAAD

Agaasimaha Warfaafinta & Xiriirka Warbaahinta ee Golaha Baarlamanka XAJSi
Marwo Xamdi Saalax Xaaji
[email protected]

19/06/2025

GUDDOOMIYAHA GOLAHA BAARLAMANKA XUKUUMADDA ARDAYDA JAAAMACADDA SIMAD AYAA KA QEYB GALAY XAFLADA XIRITAANKA TODDOBAADKA DHAQANKA JAAMACADDA SIMAD.

SIMAD-Main Campus, Juun 18, 2025: Guddoomiyaha Golaha Baarlamaanka Xukuumadda Ardayda Jaamacadda SIMAD Mudane Ayub Mohamed Abdi oo uu wehliyo Guddoomiye ku-xigeenka Koowaad ee Golaha Mudane Mohamed Abdirashiid Hassan, ayaa ka qeyb galay Xaflada xiritaanka Todobaadka Dhaqanka Jaamacadda SIMAD, Taaso lagu abaal marinayey Kulliyadihii iyo Ardaydii kaalmaha h**e ka galay bandhigyadii Toddobaadka Dhaqanka Jaamacadda ee soo gabagaboobmay.

Waxaa sidoo kale xafladda ka qeyb ahaa Guddoomiye ku-xigeenada dhanka Arimaha Ardayada, waxbarashadda iyo dhanka Maaliyadda, Agaasimaha xafiiska Arrimaha Ardayda iyo Hormuudada kulliyadaha kala duwan ee jaamacadda, iyo bahda warbaahinta.

Guddoomiye ku-xigeenka dhanka Arimaha Ardayada Dr Mohamud Mohamed Alasow ayaa guddoonsiiyay abaalmarino kala duwan dhamaan guuleystayaashi kala duwanaa ee kaalmaha h**e ka galay bandhigyadii Toddobaadka Dhaqanka ee socday muddadii Toddobaadka ahayd.

DHAMMAAD

Agaasimaha Warfaafinta & Xiriirka Warbaahinta ee Golaha Baarlamanka XAJSi
Marwo Xamdi Saalax Xaaji
[email protected]
SIMAD-MAIN CAMPUS

15/06/2025

GUDDOOMIYAHA GOLAHA BAARLAMANKA XUKUUMADDA ARDAYDA JAAMACADDA SIMAD OO KA QEYB GALAY XAFLADA FURITAANKA TODOBAADKA DHAQANKA JAAMACADDA

SIMAD - Main Campus, Juun 14, 2025 – Guddoomiyaha Golaha Baarlamaanka Xukuumadda Ardayda Jaamacadda SIMAD, Mudane Ayub Mohamed Abdi ayaa ka qeyb galay Xafladda Furitaanka Toddobaadka Dhaqanka Jaamacadda SIMAD, isagoo ay weheliyaan Guddoomiye ku-xigeenka koowaad Mudane Mohamed Abdirashiid Hassan, Guddoomiye ku-xigeenka labaad Mudane Abdullahi Hussein Muhidiin, iyo qaar kamid ah Xildhibaanada Golaha.

Munaasabaddan ayaa ahayd mid si heer sare ah loosoo agaasimay, waxaa sidoo kale qeyb ka ahaa Guddoomiyaha guud ee jaamacadda Dr. Abdikarim Mohaidin Ahmed, ku-xigeenadiisa dhanka Waxbarashada, Maaliyadda, Hormarinta, iyo Arimaha Ardayada, si lamida Hormuudada Kulliyadaha Jaamacadda, abwaanno, aqoonyahanno, iyo marti sharaf kale oo ka kala socotay qeybaha kala duwan ee bulshada.

Toddobaadka Dhaqanka Jaamacadda SIMAD waxa uu ka mid yahay dhacdooyinka sanadlaha ah ee Jaamacaddu u hibayso kor u qaadista dhaqanka suuban ee Soomaaliyeed iyo dhiirrigelinta ardayda in ay si xor ah u muujiyaan hibadooda hal-abuurka, suugaanta, ciyaaraha dhaqanka, iyo farshaxanka.

Sanadkan, Toddobaadka Dhaqanka waxa uu lahaa muuqaal gaar ah, iyadoo lagusoo bandhigay dhaqamada kala duwan ee dadyowga qaaradda Afrika.

DHAMMAAD

Agaasimaha Warfaafinta & Xiriirka Warbaahinta ee Golaha Baarlamanka XAJSi
Marwo Xamdi Saalax Xaaji
[email protected]
SIMAD-MAIN CAMPUS

11/06/2025

GUDDIGA MAALIYADDA, DHAQAALAHA IYO XISAABAADKA EE GOLAHA BAARLAMANKA XUKUUMADDA ARDAYDA JAAMACADDA SIMAD OO KULAN SU'AALO WEYDIIN AH LA QAATAY WASIIRKA WASAARADDA MAALIYADDA

SIMAD-Main campus juun,10,2025: Guddiga Maaliyadda, Dhaqaalaha iyo Xisaabaadka ee Golaha baarlamaanka xukuumadda ardayda jaamacadda SIMAD ayaa xafiiskiisa dhexe ee Golaha kulan su'aalo weydiin ah kula qaatay wasiirka wasaaradda Maaliyadda Xukuumadda Ardayda Jaamacadda SIMAD Mudane Mustaf Hassan Mire, waxaana kulanka shir guddoominayay guddoomiyaha guddiga Xildhibaan Mustaf Abdullahi Takar oo uu wehliyo xoghayaha guddiga Xildhibaan Mohamed Abdirashiid Hassan.

Wasiirka Maaliyadda Mustaf Hassan Mire, ayaa Guddiga siiyay warbixin dhammaystiran oo ku saabsan shaqada Wasaaradda, waxyaabaha u qabsoomay intii uu xilka hayay, iyo qorshayaasha mustaqbalka. Guddigu wuxuu Wasiirka weydiiyay su’aalo kala duwan oo la xiriiray hawlaha maaliyada iyo sida Wasaaraddu u maareyso dhaqaalaha loogu talagalay barnaamijyada ardayda.

Intii uu kulanku socday, Guddigu wuxuu si gaar ah diiradda u saaray miisaaniyadda la xiriirta Todobaadka Dhaqanka ee Jaamacadda SIMAD, taas oo ay Wasaaradda Maaliyaddu door muuqda ku leedahay diyaarinteeda iyo fulinteedaba. Wasiirka ayaa si faahfaahsan uga jawaabay su’aalaha la xiriira qaabka miisaaniyadda loo diyaariyay, ilaha dhaqaale ee la helay, iyo sida loo hubinayo in kharashaadkaasi u socdaan si waafaqsan nidaamka isla xisaabtanka iyo hufnaanta.

Guddoomiyaha guddiga Xildhibaan Mustaf Abdullahi Takar oo kulanka soo xiray ayaa uga mahadceliyay xubnaha ka socday wasaaradda Maaliyadda oo uu wasiirka hogaaminayay ka jawaabista u yeeritaanka guddiga ,isaga oo sheegay in kulankan uu ahaa isla xisaabtan si uu guddiga wax uga ogaado shaqada wasaaradda Maaliyadda ay Ardayda u heyso.

DHAMMAAD

Agaasimaha Warfaafinta & Xiriirka Warbaahinta ee Golaha Baarlamanka XAJSi
Marwo Xamdi Saalax Xaaji
[email protected]
SIMAD-MAIN CAMPUS

08/06/2025

KALFADHIGA 3-AAD EE GOLAHA BAARLAMAANKA XUKUUMADDA ARDAYDA JAAMACADDA SIMAD OO SI RASMI AH U FURMAY.

SIMAD-Main campus 03, Juun, 2025: Guddoomiyaha Golaha Baarlamaanka Xukuumadda Ardayda Jaamacadda SIMAD mudane Ayub Mohamed Abdi oo khudbad dhinacyo badan taabaneysa ka jeediyay kulanka furitaanka kalfadhiga Saddexaad ayaa ka warbixiyay waxyaabihii Golaha Baarlamanka u qabsoomay kalfadhigii 2-aad iyo shaqooyinka muhiimka ah ee kalfadhigan horyaalla.

Kalfadhiga waxaa furay Madaxweynaha Xukuumadda Ardayda Jaamacadda SIMAD Mudane Ahmed Sheikh Mohamed halkaasoo uu warbixin guud ka siiyay mudanayaasha Xildhibaanada ee Golaha Baarlamanka guud ahaan shaqooyinka u qabsoomay Xukuumadda ee uu garwadeenka ka yahay iyo hawlaha hortabinta u leh ee hadda horyaal oo ay ugu h**eydo qabanqaabada todobaadka Dhaqanka jaamacadda.

Kadib hadal jeedinta Madaxweynaha, Xildhibaanada Golaha ayaa suaalo ka weydiiyay Madaxweynaha todobaadka dhaqanka, howlaha xukumadda ay soo qabatay iyo kuwa hada u qorsheysan inay qabato.

Kulanka furitaanka kalfadhiga Saddexaad ee Baarlamaanka waxaa sidoo kale kasoo qeyb galay xubno katirsan Golaha Wasiirada Xukuumadda Ardayda Jaamacadda SIMAD.

DHAMMAAD

Agaasimaha Warfaafinta & Xiriirka Warbaahinta ee Golaha Baarlamanka XAJSi
Marwo Xamdi Saalax Xaaji
[email protected]
SIMAD- MAIN CAMPUS

05/06/2025

CIIDUL ADXAA MUBAARAK, CIID WANAAGSAN

Golaha Baarlamanka Xukuumadda Ardayda Jaamacadda SIMAD waxa uu ugu hambalyeynayaa Guud ahaan dhammaan ummadda Soomaaliyeed gaar ahaan Bahweynta Jaamacadda SIMAD Munaasabadda Maalinta Ciidda Carafo.

Waxaan Eebbe ka baryaynaa in uu Ciiddan Ciiddeeda inagu gaarsiiyo dalkeenna oo nabad iyo barwaaqo ah, kuna sii tallaabsada jidka horumarka, Kullu Caam wa Antum Bil-Khayr, Ku Gaadha Ciiddaan ciiddeeda Nabad Iyo Barwaaqo oo farxad kula ciida eheladiina iyo asxaabtiinna.

DHAMMAAD

Agaasimaha Warfaafinta & Xiriirka Warbaahinta ee Golaha Baarlamanka XAJSi
Marwo Xamdi Saalax Xaaji
[email protected]
wanaagsan

02/06/2025

OGEYSIIS RASMI AH

Waxaa la ogaysiinayaa dhammaan Xildhibaanada Golaha Baarlamaanka Xukuumadda Ardayda Jaamacadda SIMAD in maalinta berri ah oo ay taariikhdu tahay 03 Juun 2025 si rasmi ah uu u furmi doono Kalfadhiga 3-aad ee Golaha Baarlamaanka.

Xafladda furitaanka Kalfadhiga ayaa lagu qaban doonaa Hoolka Weyn ee Xarunta Dhexe ee Jaamacadda SIMAD. Waxaa la farayaa dhammaan xubnuhu in ay soo xaaddiraan.

MAHADSANIDIIN.

Agaasimaha Warfaafinta & Xiriirka Warbaahinta ee Golaha Baarlamanka XAJSi
Marwo Xamdi Saalax Xaaji
[email protected]

28/05/2025

GUDDOOMIYAHA GOLAHA BAARLAMANKA XUKUUMADDA ARDAYDA JAAMACADDA SIMAD OO SHIR GUDDOOMIYAY KULANKA AAN CAADIGA AHEYN EE GUDDIGA JOOGTADA.

Main Campus-SIMAD 28, May, 2025: Guddoomiyaha Golaha Baarlamaanka Xukuumadda Ardayda Jaamacadda SIMAD Mudane Ayub Mohamed Abdi oo uu wehliyo Guddoomiye Kuxigeenka koowaad ee Golaha Mudane Mohamed Abdirashiid Hassan ayaa shir guddoomiyay kulanka koowaad ee aan caadiga aheyn ee Guddiga Joogtada oo ka dhacay xarunta Guddoonka iyo Guddiyadda.

Ugu h**eyn Guddoomiyaha Golaha Baarlamanka ayaa xubnaha Guddiga Joogtada warbixin ka siiyay shaqooyinka Golaha horutebinta u leh, waxaana intaasi ka dib guddoomiyeyaasha guddiyada laga dhageystay warbixino ku saabsan hawlahooda shaqo ee u hirgalay.

Ugu dambeyn xubnaha Guddiga Joogtada ayaa ajendeyn iyo jadwaleynba ku sameeyay ajendayaasha kulamada Golaha ee todobaadka soo socda, waxaana Guddoomiyaha Golaha Baarlamanka Mudane Ayub Mohamed Abdi oo kulanka soo xiray kula dardaarmay xubnaha Guddiga Joogtada in la dardargeliyo shaqada Golaha.

DHAMMAAD.

Agaasimaha Warfaafinta & Xiriirka Warbaahinta ee Golaha Baarlamanka XAJSi
Marwo Xamdi Saalax Xaaji
[email protected]

21/05/2025

GUDDOOMIYAHA GOLAHA BAARLAMANKA XUKUUMADDA ARDAYDA JAAMACADDA SIMAD OO SHIR GUDDOOMIYAY KALFADHIGA LABAAD KULANKIISA SADDEXAAD

SIMAD-Main campus 21, May, 2025: Guddoomiyaha Golaha Baarlamaanka XAJSi Mudane Ayub Mohamed Abdi oo ay wehliyaan Guddoomiye ku-xigeenka koowaad Mudane Mohamed Abdirashiid Hassan iyo Xoghayaha guud ee Golaha Marwo Shamso Abdulkadir Ahmed, ayaa shir guddoomiyay kalfadhiga labaad kulankiisa Saddexaad.

Intii uu kulanku socday, Xildhibaanada Golaha waxay si qoto dheer uga doodeen dhameystirka Dastuurka Kumeelgaarka ah ee XAJSi, iyagoo adkeeyay in Dastuur dhameystiran uu yahay udub dhexaadka nidaamka sharciyeed ee xukuumadda. Waxaa la isla gartay in dib-u-habaynta Dastuurka lagu saleeyo baahiyaha dhabta ah ee ardayda iyo tiirarka dowlad wanaagga si loo xaqiijiyo in hay’adaha XAJSi ay ku shaqeeyaan hab hufan oo isla xisaabtan leh.

Xildhibaanada ayaa sidoo kale carabka ku adkeeyay muhiimadda ay leedahay in la helo Dastuur mideeya aragtida ardayda, adkeynayana mabaadi’da aasaasiga, sinaanta iyo wada tashiga. Waxaa la magacaabay guddi gaar ah oo loo xilsaaray dardargelinta hab-raaca dib-u-eegista Dastuurka, si loo xaqiijiyo in dhammaan qodobada sharci dejinta ay u hoggaansamaan danaha guud ee ardayda.

Kalfadhigii Golaha ayaa kusoo dhammaaday guul, Golaha ayaa isku raacay in la dardargeliyo hawlaha guddiyada khuseeya, si loo xaqiijiyo in dhammaan qodobada Dastuurka ay ka turjumayaan danaha guud ee ardayda, loona dhiso hannaan sharciyeed oo waara. Guddoomiyaha Golaha ayaa hoosta ka xariiqay in dhameystirka Dastuurka uu yahay mas’uuliyad taariikhi ah oo u baahan wadajir, aragti fog iyo ka go’naansho siyaasadeed.

DHAMAAD

Agaasimaha Warfaafinta & Xiriirka Warbaahinta ee Golaha Baarlamanka XAJSi
Marwo Xamdi Saalax Xaaji
[email protected]
SIMAD- MAIN CAMPUS

Golaha Baarlamaanka XAJSi

20/11/2025

01/08/2025

22/07/2025

27/06/2025

19/06/2025

15/06/2025

11/06/2025

08/06/2025

05/06/2025

02/06/2025

28/05/2025

21/05/2025

Address

Telephone

Website

Alerts

Contact The University

Shortcuts

Share

Category