27/04/2024
كيف المحافظات السورية بتهدد أولادها قبل الامتحان 🙂
🔴 #حلب .. والله يا عب الجليل
اذا بترسب لأخلي الحجي ينزلك معو ع المعمل
و رح تشتغل حبكة و درزة .. و اجير مو معلم ..
يعني الراي والجاي رح يتفشش فيك ..
وبااااااأ
🔴 #اللاذقية .. والله يا علوش ازا أبتنجح
لأبعتك دورة صاعقة وبعدها ع معسكر الطلائع
وبعدها رح خليك تتطوع .. وأفي جامعة بالمستقبل
و أفي تطلب منا مصروف .. فهمت يا فداااان؟
🔴 #درعا .. والله يا حمودة اذا بترسب
لأبعثك عند اخوك عأبوظبي ..وهناك ان شالله
مفكر رح تقعد تعمل سياحة .. لا وحياتك
لتنزل مع اولاد عمك ع محل دواليب السيارات
وتقضي عمرك بين الشحم والزيت .. يا شلب
🔴 #الشام .. والله يا محمااااا ازا ما بتنجح
لنزلك تشتغل مصلح مسجلات بالبحصة
عند محل عمك اب وسيم.. و انت بتعرف عمك
اديشو آسي وما بيرحم .. عئلك براسك
بتعرف خلاصك .. ومو بس هيك يامو ..
كمان لح خليك تنزل ع الحريئة
ع محل ابوك ببعض الأيام وبدون اجرة
لك يعدمني ياك ..
🔴 #حمص : جورج ماما نام وارتاح ولا تفكر
كتير .. الامتحان بس اول يوم فيه صعب
بعدين فتح عين غمض عين بتلاقي حالك خلصت ..
روح ارتاح ماما ..
🔴 #السويداء : لازم تعرف يا مهران
انو اذا ما انجحتش رح نبعثك ع جرمانا
تشتغل بالسوبرماركت عند جدك ..
يعني تفكرش في فنزويلا وتشطح بأحلامك
بيك قال حصرا ع جرمانا ومش رح يكسر
نفسو لعمك بكركاس ويقلو يسفرك لعندو ..
يعني قدامك حلين .. اما الشهادي او
اجير توصيل طلبات بجرمانا ..
🔴 #حماة : ازا ما نجحت يا محمد ..
ترا مصاري ما ضل في يا سماااا .. وقرايبنا
جوا البلد وبرا البلد ماحدا فيون رح يساعدك ..
لا تفكرنا ازا عيلة كبيرة يعني آدرين نسفرك ..
اخوك بالسعودية والتاني ليكو بدبي تورط وماعم يشتغل
فلسنا ع الآخر .. بترسب بحطك بمعهد تحفيظ قرآن ..
او بفتحلك محل مكياجات بآبن رشد ..
🔴 #ادلب : ولك شفت لوين وصلوك صحابك السرسريه مضيتها صياعه وفلت بالشوارع لكا هاي نتايج هاي جهز حالك من بكرا ع الفلاحه والله لاحرق دمك يا كرر بيلبقلك دراسه
🔴 : بالديري يوال وين تريد على الفحص من كلاشي تنجح يول يبو خشه والله إن مانجحت ألا أدبش عحلكك
#جولان
بالجولان نقلوو والله يا حسين إذا مانجحت لخليك تسرح بالطرشات وخلي عجيان الحارة كلها تركض واراك
اقرا ولا تطلع حسي
حكايا جامعية
