الاستكمال في تركيا

الاستكمال في تركيا مبادرة طلابية تطوعية هدفها الأول هو مساعدة كل طلاب الاستكمال وتوجيههم للطريق الصحيح بعيدا عن مكاتب ال Community

15/03/2021

ثورة قلب و روح
ثورة عقل و فكر
خسرنا كتير و ربحنا فكر الحرية
وهاد اهم مكسب
ان طبقناه على ارض الواقع صح فهو اكبر نصر
💚💚💚💚💚💚💚💚💚💚
❤️ ❤️ ❤️
🖤🖤🖤🖤🖤🖤🖤🖤🖤🖤

05/09/2020

جماعة
من قلبي سلام لغابات الساحل

جهزو حالكم عندكم شغل كتير هاليومين..

لا حدا يشوف أطفال بالخيم عم تنسلق وتدوب من الشوب..
وين في عنده ماكينة إعلامية وتسويق اكبر
طبلو وراه عالعمياني..

04/09/2020

رغم الانشغال وقلة الوقت وما كنا معكم هالسنة متل السنوات الماضية
كتيررر فرحنا اليوم بالاخبار يلي عم تصل بعدد الطلاب والطالبات المقبولين سوريين ومصريين
عقبال نتائج باقي الجامعات تكون حلوة و اكبر عدد ينقبل ان شاء الله
وبتكونو تاكدتو من انه خبر هالسنة مافي استكمال وخصوصاااا اسطنبول وفق مصادر خاصة متل ام زكي😁😁 و إشاعة هالسنة بسبب كورونا مافي قبول

حكينا قبل انه كل سنة بتجي هيك اشاعات ولا تصدقوها وأنه الشروط ممكن تزيد شوي و موظفين يصعبوها بس مافي شي رسمي بالايقاف

الف مبروك للجميع وعقبال البقية
و الشكر والتقدير لفريق المتطوعين و كل من ساعد هالسنة بالترجمة والتنسيق والنشر
لا تنسونا وتنسوهم من دعائكم ❤

11/08/2020

السلام عليكم
الله يعطيكم الف عافيه جميعا وعقبال فرحتكم قريبا بالقبول واستكمال مسيرتكم التعليمية عن قريب

الطلاب القدامى معنا بالكروب أو اللي قرأ تجارب الاستكمال السابقة للطلاب خلال السنوات التلاتة الماضية
بيعرف انه الاستكمال طبعا ضمن الشروط العامة وتوفر الاوراق كلها و سنة دخول الجامعة
مانه مستحيل ولا صعب حتى بس بده تعب وجهد ومتابعة وسفر وشوية تكاليف بس الموضوع مستاهل طبعا

لكن انتو بسنة 2020 وبتعرفو شو يعني 2020 😅😅
المهم..
القرار يلي نزل على موقع ال yök مؤسسة التعليم العالي التركية بخصوص قرار " النقل الجامعي ما بين الجامعات ضمن ظروف الكورونا الحالية"
ما فيه أي تصريح واضح انه مافي استكمال وفق المادة ٢ هالسنة
القرار بينص انه رح تنعطى أولوية بالقبول نظرا لكورونا للطلاب الأتراك يلي مسافرين خارج تركيا و بدهم يرجعو يكملو دراستهم ضمن تركيا وتنعطى الهم نسبة من المقاعد والشواغر ..

يعني بشكل صريح مافي اي إنهاء للاستكمال
لكن ممكن انتبهتو انه ..
الشروط هالسنة صعبة كتير
وكتير جامعات ما أعلنت
ولا ننسى شي مهم كتيرررر انه الاستكمال طلع قراره للطلاب يلي كانوا يدرسوا بسوريا ومصر تقريبا من سنة ٢٠١٤ وبدأ تطبيقه من وقتها وكتير طلاب استفادت وسجلت وانقبلتو تخرجت .. ونحن بال ٢٠٢٠ يعني بعد ٦ سنين فكتير جامعات اعتبرت المتضررين ومعهم أوراقهم شبه خلصو وما عاد في داعي لفتح التسجيل وأنه صار قرار قديم والباقي تزوير ومن هالقصص أو غير مطابق للشروط متل سنة دخول الجامعة.

وحتى الجامعات يلي أعلنت متوقع نسبة القبول قليلة نوعا ما نظرا لزيادة الاوراق أو التشديد على عدم التزوير أو التلاعب
وبعض جامعات مهمة كل سنة كانت تقبل عدد جيد.. تواصل معها شباب وقالولهم بشكل صريح مافي شواغر هالسنة للمادة٢

فالطالب اللي محقق الشروط العامة للاستكمال من سنة دخول الجامعة وأوراقه كاملة
يحاول يسجل بكل الجامعات يلي فيها فرعه ولا يستنى انه بده فقط جامعة المدينة يلي ساكن فيها
لأنه هالسنة مو متل كل سنة من الاخير ومتوقع نسبة قبول أقل.
الااااااا اذا كانت ظروفه ما بتسمح الانتقال لغير مدينة ومتابعة دراسته
الافضل الافضل الافضل ماااااا يسجل بغير جامعات ويحجز مكان بقائمة القبول و بالاخير ما يروح ولا يثبت وتروح الفرصة على غيره يلي عم يستنى القبول من سنين و سنين

كلشي الا تضرو بعضكم وياااااما صارت بالسنوات الماضية

كمان نصيحة صغيرة .
الورقة يلي ما مطلوبة منك أثناء التسجيل والتثبيت وحتى لو معك لا تعطيها للموظف الااااا اذا اصر عليها وبده اياها ..كتير طلاب عندها نقص خصوصا شهادة البكالوريا الكرتون واصلا ٩٠% من الجامعات مابتعرف فيها انه عنا بسوريا هيك شي بس منحب نحن انه نورتي الموظف انه شطورين ومعنا كلشي ولو تزوير 😑

30/07/2020

تقبل الله منا ومنكم صالح الأعمال
وينعاد عليكم وعلى اهاليكم و وطننا بخير وسلامة و ف*ج ونصر قريب ونشوف بعيوننا انتقام من بشار وأعوانه

وبنكهة الاستكمال في تركيا
ان شاء الله يكون آخر عيد عليكم وانتو لسه على طريق تحقيق حلمكم انه تكملو دراستكم وبعد العيد تفرحو بنتائج القبول بأفضل الجامعات

بالمناسبة هي حابب بارك بالتخرج لزميلتنا الادمن معنا واحد مؤسسي فريق الاستكمال في تركيا
الانسة حسناء حميدية
بتخرجها كطالبة استكمال
من جامعة اسطنبول كلية الآداب قسم اللغة العربية
الف الف مبروك و عقبال الشهادات الأعلى وتحقيق كل احلامك والله ييسرلك طريقك
كنتي من مؤسسي الفريق وساعدتينا كتير بعمر المبادرة من ٣ سنين
الله يعطيكي الف عافية ويتقبل منك 🌸

وكتير طلاب وطالبات اتخرجت هالسنة لكن عالسكت دون صور وحفلات تخرج😁
الف مبروك للجميع والله ييسر دربكم ولا تنسونا من دعائكم💚

09/07/2020

صار وقت التخرج وبدنا نفرح بتخرجكم طلاب و طالبات الاستكمال
عم نستنى الأخبار الحلوة منكم مع شوية صور حلوة

اذا ٢٠٢٠ ما خلتكم تفرحو بحفلة تخرج
نحن منعملكم حفلة عن بعد ببلاش بس الحلو عليكم😂😂

21/06/2020

متخيل كمية القهر والوجع والحقد اللي يعيشه أهالي شهداء
؟؟
وقت يشوفو صور اولادهم و اخوتهم واهلهم
تورمت ونزفت أجسادهم و تقلعت عيونهم وأسنانهم ... وهاد بس اللي مبين بالصور !!

جملة
"استشهد تحت التعذيب"
لوحدها بتكفي لآلام وأوجاع بحجم الكون واكبر

امانة برقبتكم
شاهدوا صور قيصر حتى لو كانت قاسية..
اسقوا أنفسكم حقداً وغلاً على آل الأسد و كل من ناصره و سكت على ظلمه وأيده بحرف او حتى بالسكوت والقبول

لا تهتمو بمن يتهمكم بالتنمر والطائفية والعنصرية....الخ
لا تتهاونوا مع من يتعاون مع الأسد و مؤسساته ..
علميا.. اجتماعياً .. ثقافياً .. فكرياً ..اقتصادياً ..سياسياً .. عسكرياً .. رياضياً و ترفيهياً

كمية الحقد والغل في الصور المسربة وحدها تكفي لأن نكون أصحاب حق، مهما ارتكبنا من حماقات لسنا بعديمي إنسانية..
من يتفوه بالحيادية ضعوه في وسط مزابل التاريخ

قيصر سرّب صور سنتين فقط...
ما يحدث في سجون الأسد في السنوات التي تلتها وسبقتها أدهى وأمر.

خبر محزن جديد لمعتقل جامعي جديد استشهاد الأستاذ : مهند الكرمو الشهابي كان طالبا بقسم الكيمياء بجامعة حلب و تفوق فيها و ...
12/06/2020

خبر محزن جديد لمعتقل جامعي جديد
استشهاد الأستاذ : مهند الكرمو الشهابي

كان طالبا بقسم الكيمياء بجامعة حلب و تفوق فيها و اكمل الماجستير فيها و ثم بدأ التدريس فيها ك معيد بقسم الكيمياء

الأستاذ المدرس بكلية العلوم قسم الكيمياء بجامعة حلب
تحت التعذيب في سجون النظام المجرم بعد اعتقاله قبل 7 سنوات

وقد تبين لذويه اليوم أنه استشهد بتاريخ 2015/4/8 و تكتم النظام المجرم على خبر استشهاده منذ ذلك الوقت.

تفوق الشهيد في تخصص الكيمياء،
فأصبح معيداً في جامعة حلب ومارس نشاطه الثوري فيها حتى اعتقاله فيها .

تم اعتقاله للمرة الأولى وخلال الاعتقال تم إصابته بكسور
ولم يمنعه ذلك عن مواصلة نشاطه الثوري
إلا أن تم اعتقاله للمرة الثانية خلال احدى مظاهرات الجامعة، ليقضي ماتبقى من عمره في السجون لحين توفاه الله.

أقيمت صلاة الغائب عليه في الجامع الكبير بمدينة الباب شرقي حلب.

الله يتقبله بجنان الخلد ويكتبه من الشهداء العليين ويصبر اهله واحبابه
ويلعن الأسد وكل من ايده و دعمه ولو بكلمة
و الله يف*ج عن باقي المعتقلين.

10/06/2020

‏على مبادئك حافظ
و العن روح حافظ
دائماً وأبداً
‎
والعن روح انيسة يلي خلفت هيك أشكال عم نلعنها ليل نهار

08/06/2020

سوريا
لينا .. و ماهي لبيت الاسد
٩ سنين ويمكن يصيرو ٩٩ و رح نبقى على العهد ان شاء الله
كانت ثورة حرية و كرامة و رح تبقى ..

كانت ضد نزول الدم السوري الطاهر عالارض
وما رح تكون ضد نزول الليرة السورية لتحت الأرض

20/05/2020

لا تنسونا من دعائكم بهاللحظات ❤❤❤

12/05/2020

قرأت خبر من ساعة على أحد كروبات الفيس المشهورة للطلاب الجامعيين بتركيا
عن حالة نصب من قبل " خدمات جامعية و تعديل شهادات و قبول مضمون و و و "
يلي ما بسمهيهم انا عادة إلا " مكاتب نصب و كذب وتزوير"

كل سنة خصوصاااا طلاب استكمال جدد سوريين ومنهم مغتربين متل طلاب مصريين او اليمن او حتى العراق والخليج وغيرهم من الدول يلي ما بشملهم الاستكمال حتى بيقعوا بفخ المكاتب هي للاسف

وبدفعوا مبالغ كبيرة و وهم و كذب وباحسن الحالات تزوير اوراق .

وكتيرررر ورجيناكم هيك حالات بالصفحة والكروب عنا و حظرنا منهم كتيررر ولكن حاليا مع انشغالنا وبعدنا عن متابعة الصفحة والكروب متل قبل اكيد بيكونوا انتشرو ضمن التعليقات و كتير احيانا بيتواصلو مع الطلاب عالخاص بحجة مساعدة بريئة او بتكاليف رمزية

الكل صار بيعرف ومن سنين
انه التسجيل بالاستكمال مابيحتاااااااااااج كلفة ولا مساعدة وتسجيل عن طريق مكتب ولا شركة ولا حدا

اوراق التسجيل وطريقة التسجيل
واضحة جدا جدا جدا و محددة وحكينا عنها منشورات مطولة وبالتفصيل الممل جدا بالكروب والصفحة .

Address

Istanbul

Website

Alerts

Be the first to know and let us send you an email when الاستكمال في تركيا posts news and promotions. Your email address will not be used for any other purpose, and you can unsubscribe at any time.

Contact The University

Send a message to الاستكمال في تركيا:

Shortcuts

Share

Category