Islom Karimov nomidagi Toshkent davlat texnika universiteti

Website

Islom Karimov nomidagi Toshkent davlat texnika universiteti Islom Karimov nomidagi Toshkent davlat texnika universitetining rasmiy axborot sahifasi. Universitet hayoti, yangiliklar va tadbirlar yoritiladi.

TDTU, GSU va «Yashil Energiya» o‘rtasidagi strategik hamkorlik yangi bosqichga ko‘tarilmoqdaBugun, 15-oktabr kuni Islom ...
15/10/2026

TDTU, GSU va «Yashil Energiya» o‘rtasidagi strategik hamkorlik yangi bosqichga ko‘tarilmoqda

Bugun, 15-oktabr kuni Islom Karimov nomidagi Toshkent davlat texnika universitetida Birlashgan Arab Amirliklarining Global South Utilities (GSU) kompaniyasi hamda «Yashil Energiya» qo‘shma korxonasi rahbariyati bilan uchrashuv boʻlib oʻtdi.

Uchrashuvda TDTU rektori, akademik Sadritdin Turabdjanov, GSU kompaniyasining boshqaruvchi direktori va bosh ijrochi direktori Ali Alshimmari hamda «Yashil Energiya» kompaniyasi bosh direktori Nodirbek Nasretdinov ishtirok etdi.

Uchrashuvning asosiy natijasi - GSU kompaniyasi tashabbusi bilan TDTUning iqtidorli talabalari uchun maxsus stipendiya tayinlash va to‘lash tartibi to‘g‘risidagi Nizomni tasdiqlash marosimi bo‘ldi.

Batafsil 👉 tdtu.uz

👉 На русском
👉 In English
Bizni kuzating
🌍Veb-sayt📱Facebook📸Instagram📺YouTube🕊Telegram

TDTU va Xitoy Xalq Respublikasining Tszyansi politexnika universiteti o‘rtasida hamkorlik kengaymoqdaBugun, 13-oktabr ku...
13/10/2026

TDTU va Xitoy Xalq Respublikasining Tszyansi politexnika universiteti o‘rtasida hamkorlik kengaymoqda

Bugun, 13-oktabr kuni Xitoy Xalq Respublikasining Tszyansi politexnika universiteti Partiya qo‘mitasi kotibi Liu Xiaoqiang boshchiligidagi delegatsiya Toshkent davlat texnika universitetiga tashrif buyurdi.

Mehmonlarni TDTU rektori, akademik Sadritdin Turabdjanov boshchiligidagi universitet rahbariyati qabul qildi.

Uchrashuvda ikki oliygoh o‘rtasidagi hamkorlikning istiqbolli yo‘nalishlari muhokama qilindi. Jumladan, O‘zbekiston–Xitoy transformatsiya markazi ochilgani, robototexnika yo‘nalishida malakali mutaxassislar tayyorlash, 1+1, 3+1 va 2+2 qo‘shma ta’lim dasturlarini yo‘lga qo‘yish, kelgusida ikki tomonlama diplom berish hamda professor-o‘qituvchilar ishtirokida qo‘shma ilmiy tadqiqotlar olib borish masalalariga e’tibor qaratildi.

Shuningdek, Tszyansi politexnika universitetining kasb-hunar kollejidan oliy ta’lim muassasasigacha bo‘lgan rivojlanish tajribasi asosida TDTUga biriktirilgan texnikumlar faoliyatini takomillashtirish bo‘yicha ham hamkorlik qilishga kelishib olindi.

Uchrashuv yakunida tomonlar o‘rtasida ikki tomonlama hamkorlik shartnomasi imzolandi.
Bizni kuzating
🌍Veb-sayt📱Facebook📸Instagram📺YouTube🕊Telegram

TDTUda "Changan ustaxonasi" ochildiBugun, 12-oktabr kuni Islom Karimov nomidagi Toshkent davlat texnika universitetida O...
12/10/2026

TDTUda "Changan ustaxonasi" ochildi

Bugun, 12-oktabr kuni Islom Karimov nomidagi Toshkent davlat texnika universitetida O‘zbekiston va Xitoy o‘rtasidagi ta’lim hamda sanoat sohalaridagi hamkorlikni rivojlantirishga qaratilgan «Changan ustaxonasi»ning tantanali ochilish marosimi boʻlib oʻtdi.

Tadbirda Xitoy avtomobilsozlik kasb-hunar ta’limi o‘quv-metodik qo‘mitasi, «Changan Automobile» kompaniyasi hamda Tyanszin transport kasb-hunar kolleji vakillari ishtirok etdi. Mehmonlarni universitetimiz rektori, akademik Sadritdin Turabdjanov kutib oldi.

Marosim doirasida «Changan ustaxonasi»ni tashkil etish bo‘yicha uch tomonlama hamkorlik memorandumi imzolandi hamda ustaxonaning ramziy ochilish marosimi o‘tkazildi.

Mazkur loyiha talabalarning nazariy bilimlarini amaliy ko‘nikmalar bilan mustahkamlash, avtomobilsozlik sohasida zamonaviy texnologiyalarni o‘zlashtirish va malakali mutaxassislar tayyorlashga xizmat qiladi. Kelgusida qo‘shma o‘quv dasturlarini ishlab chiqish va xalqaro hamkorlikni kengaytirish rejalashtirilgan.

«Changan ustaxonasi»ning ochilishi oliygohimizda muhandislik ta’limini rivojlantirish hamda ta’lim va ishlab chiqarish integratsiyasini mustahkamlash yo‘lidagi muhim qadamlardan biri bo‘ldi.
Bizni kuzating
🌍Veb-sayt📱Facebook📸Instagram📺YouTube🕊Telegram

USTOZ - KELAJAK BUNYODKORIHurmatli professor-o‘qituvchilar, aziz ustoz va murabbiylar!Sizlarni xalqimiz uchun qadrli san...
01/10/2026

USTOZ - KELAJAK BUNYODKORI

Hurmatli professor-o‘qituvchilar, aziz ustoz va murabbiylar!

Sizlarni xalqimiz uchun qadrli sana - 1-oktabr, O‘qituvchi va murabbiylar kuni bilan chin qalbimdan muborakbod etaman!

Ustozlik - inson qalbiga ilm va ma’rifat nurini olib kirish, yosh avlodga to‘g‘ri yo‘l ko‘rsatish va jamiyat kelajagiga xizmat qilishdek sharafli va mas’uliyatli vazifadir. Bugun mamlakatimizda ta’lim va ilm-fanga qaratilayotgan yuksak e’tibor, pedagoglarni qo‘llab-quvvatlash va ularning kasbiy salohiyatini oshirish borasidagi islohotlar ustozlarga bo‘lgan yuksak hurmatning yorqin ifodasidir.

Kasb bayramimiz arafasida davlatimiz rahbarining ustoz va murabbiylar bilan uchrashuvida ta’lim sifatini oshirish, pedagoglarning nufuzini yuksaltirish, yoshlarni zamonaviy bilim va kasblarga tayyorlash bo‘yicha muhim vazifalar belgilab berildi. Bu ezgu maqsadlarning barchasi zamirida ustozga bo‘lgan ishonch va uning jamiyat taraqqiyotidagi beqiyos o‘rniga yuksak baho mujassam.
Prezidentimiz ta’biri bilan aytganda:
"Ustozni e’zozlash — bir kasb egasini emas, butun bir millat kelajagini e’zozlashdir".

Darhaqiqat, har bir olim, muhandis va yetuk mutaxassisning kamolotida ustozning o‘rni beqiyos. Ayniqsa, oliy ta’lim tizimida faoliyat yuritayotgan professor-o‘qituvchilar zimmasidagi mas’uliyat bugun har qachongidan ham katta. Biz sizlar bilan birgalikda zamonaviy bilim va ko‘nikmalarga ega, mustaqil fikrlaydigan, yurtimiz taraqqiyotiga munosib hissa qo‘sha oladigan yoshlarni tarbiyalash yo‘lida izchil mehnat qilamiz.

Aziz ustozlar!

Sizlarga mustahkam sog‘liq, oilaviy farovonlik, xotirjamlik va sharafli faoliyatingizda ulkan muvaffaqiyatlar tilayman. Shogirdlaringizning har bir yutug‘i sizga faxr va quvonch, mehnatingizga esa munosib e’tirof bo‘lib xizmat qilsin!

Bayramingiz muborak bo‘lsin, aziz ustozlar!

Sadritdin Turabdjanov,
Islom Karimov nomidagi Toshkent davlat texnika universiteti rektori

TDTUda Energynet.LAB laboratoriyasi tashkil etilmoqda16-sentabr kuni Toshkent davlat texnika universitetiga «Tavrida Ele...
16/09/2026

TDTUda Energynet.LAB laboratoriyasi tashkil etilmoqda

16-sentabr kuni Toshkent davlat texnika universitetiga «Tavrida Elektrik» kompaniyasi hamda «Energinet» Milliy texnologik tashabbusi delegatsiyasi tashrif buyurdi.

Uchrashuvda TDTUda tashkil etilayotgan Energynet.LAB ilmiy-ta’lim laboratoriyasini ishga tushirish masalalari muhokama qilindi.

Laboratoriya intellektual taqsimlovchi elektr tarmoqlari sohasida yangi avlod muhandislarini tayyorlashga xizmat qilib, talabalarni elektr tarmoqlarini raqamli modellashtirish, avtomatlashtirish va raqamlashtirishning zamonaviy usullariga o‘qitish imkonini beradi.

Tomonlar laboratoriyani rivojlantirish, talabalarning amaliy tayyorgarligini kuchaytirish, qo‘shma ta’lim va ilmiy loyihalarni amalga oshirish hamda xalqaro hamkorlikni kengaytirish istiqbollarini muhokama qildilar.
Bizni kuzating
Veb-sayt | Facebook | Instagram | YouTube | Telegram

10/09/2026



“Mustaqillik kubogi” sport musobaqalari o‘tkazildi

Islom Karimov nomidagi Toshkent davlat texnika universitetida talaba-yoshlar o‘rtasida “Birinchi kurs maktabi” loyihasi doirasida “Mustaqillik kubogi” sport musobaqalari o‘tkazildi.

Musobaqalarda birinchi bosqich talabalari sportning futbol, voleybol, basketbol, stol tennisi, shaxmat va shashka turlari bo‘yicha o‘zaro kuch sinashdilar.

Sport majmuasida tashkil etilgan bellashuvlar ko‘tarinki ruhda, sog‘lom raqobat va do‘stona muhitda o‘tdi. Ishtirokchilar o‘zlarining jismoniy tayyorgarligi, chaqqonligi va sport mahoratini namoyish etdilar.
Bizni kuzating
Veb-sayt | Facebook | Instagram | YouTube | Telegram

08/09/2026



Toshkent davlat texnika universitetida yangi o‘quv mavsumi boshlandi

N.E. Bauman nomidagi Moskva davlat texnika universiteti rektori Mixail Valeryevich Gordin boshchiligidagi delegatsiya To...
08/09/2026

N.E. Bauman nomidagi Moskva davlat texnika universiteti rektori Mixail Valeryevich Gordin boshchiligidagi delegatsiya Toshkent davlat texnika universitetiga tashrif buyurdi.

Mehmonlarni universitetimiz rektori, akademik Sadritdin Turabdjanov qabul qildi.

Ta’kidlash joizki, Toshkent davlat texnika universiteti va N.E. Bauman nomidagi Moskva davlat texnika universiteti o‘rtasida avvaldan samarali hamkorlik aloqalari yo‘lga qo‘yilgan.

Uchrashuv davomida mavjud hamkorlik munosabatlarini yanada jadallashtirish, qo‘shma ta’lim va ilmiy loyihalarni kengaytirish, talabalar hamda professor-o‘qituvchilar almashinuvini rivojlantirish masalalari muhokama qilindi.

Shuningdek, Toshkent shahrida N.E. Bauman nomidagi Moskva davlat texnika universiteti filiali faoliyatini boshlagani munosabati bilan amalga oshirilayotgan ishlar, filial faoliyatini yo‘lga qo‘yish va uni rivojlantirish istiqbollari yuzasidan ham fikr almashildi.
Bizni kuzating
Veb-sayt | Facebook | Instagram | YouTube | Telegram

Dalyan texnologiya universiteti delegatsiyasi TDTUga tashrif buyurdiBugun, 7-sentabr kuni Islom Karimov nomidagi Toshken...
07/09/2026

Dalyan texnologiya universiteti delegatsiyasi TDTUga tashrif buyurdi

Bugun, 7-sentabr kuni Islom Karimov nomidagi Toshkent davlat texnika universitetiga Xitoyning nufuzli oliy ta’lim muassasalaridan biri - Dalyan texnologiya universiteti delegatsiyasi tashrif buyurdi.

Mehmonlarni universitetimiz rektori, akademik Sadritdin Turabdjanov boshchiligidagi oliygoh rahbariyati qabul qildi.

Uchrashuv davomida ikki universitet o‘rtasida ta’lim, ilm-fan va innovatsiyalar sohalaridagi hamkorlik istiqbollari muhokama qilindi. Xususan, professor-o‘qituvchilar va talabalar almashinuvini yo‘lga qo‘yish, qo‘shma ta’lim dasturlarini tashkil etish hamda ilmiy-tadqiqot loyihalarini birgalikda amalga oshirish masalalari yuzasidan fikr almashildi.

Shuningdek, “Bir makon, bir yo‘l” tashabbusi doirasida ikki oliy ta’lim muassasasi o‘rtasidagi hamkorlikni yangi bosqichga olib chiqish, qo‘shma ilmiy laboratoriyalar tashkil etish va istiqbolli ilmiy loyihalar ustida birgalikda ishlash masalalariga alohida e’tibor qaratildi.

Muzokaralarda 2+2 hamda 1+1 shaklidagi qo‘shma ta’lim dasturlarini yo‘lga qo‘yish, talabalar uchun xalqaro ta’lim imkoniyatlarini kengaytirish va ilg‘or tajribalarni o‘zaro almashish bo‘yicha ham muhim takliflar ilgari surildi.

Uchrashuv yakunida tomonlar o‘zaro hamkorlik aloqalarini yanada mustahkamlash, belgilangan yo‘nalishlar bo‘yicha qo‘shma loyihalarni amalga oshirish hamda ikki universitet o‘rtasidagi samarali hamkorlikni izchil rivojlantirishga kelishib oldilar.

Muzokaralar yakunida ikki tomonlama hamkorlik shartnomasi imzolandi.
Bizni kuzating
Veb-sayt | Facebook | Instagram | YouTube | Telegram

Birinchi kurs talabalari ishtirokida tantanali tadbir oʻtkazildi Bugun Islom Karimov nomidagi Toshkent davlat...
07/09/2026


Birinchi kurs talabalari ishtirokida tantanali tadbir oʻtkazildi

Bugun Islom Karimov nomidagi Toshkent davlat texnika universitetida O‘zbekiston Respublikasi Mustaqilligining 35 yilligi munosabati bilan hamda oliygohimizning yangi talabalari bilan tanishish maqsadida “YAGONA VATAN, YAGONA XALQ BO‘LIB, YANGI HAYOT VA KELAJAK YARATAMIZ!” shiori ostida tantanali tadbir tashkil etildi.

Tadbirda universitet rahbariyati, akademiklar, professor-o‘qituvchilar, talabalar, ularning ota-onalari hamda keng jamoatchilik vakillari ishtirok etdi.

Tadbir avvalida oliygohimiz rektori, akademik Sadritdin Turabdjanov yig‘ilganlarni Mustaqilligimizning 35 yilligi bilan samimiy muborakbod etib, universitetimiz safiga qo‘shilgan birinchi kurs talabalariga o‘qishlarida ulkan muvaffaqiyat va kelgusi faoliyatlarida omad tiladi.

Shuningdek, universitetimiz akademiklari so‘zga chiqib, yoshlarni yangi o‘quv yili bilan tabrikladilar hamda ularga ilm yo‘lida qat’iyat, izlanish va yuksak marralarni zabt etishlarini tiladilar.

Tadbir yangi avlod vakillarini ezgu maqsadlar, Vatanga sadoqat va yuksak marralar sari birlashtirgan ko‘tarinki ruhdagi tantanaga aylandi.
Bizni kuzating
Veb-sayt | Facebook | Instagram | YouTube | Telegram

Address

Toshkent Shahri, Olmazor Tumani, Universitet Ko`chasi
Tashkent

Website

Alerts

Be the first to know and let us send you an email when Islom Karimov nomidagi Toshkent davlat texnika universiteti posts news and promotions. Your email address will not be used for any other purpose, and you can unsubscribe at any time.

Shortcuts

Share

Category