Mungmyit Sinli Kachin Historical College

Home
Mungmyit Sinli Kachin Historical College

Contact information, map and directions, contact form, opening hours, services, ratings, photos, videos and announcements from Mungmyit Sinli Kachin Historical College, College & University, .

MKHC သည် ကချင်တိုင်းရင်းသား စာပေ၊ ယဉ်ကျေးမှု နှင့် သမိုင်း (လူမျိုးစု) ဘာသာရပ်များကို လေ့လာ သင်ယူပြီီးလျှင် Certificate, Diploma,Bachelor စသည့် ပညာရေးဘွဲ့ ဒီဂရီများ ချီးမြှင့်ပေးအပ်သော "ကချင် သမိုင်းဗေဒ ပညာရေး အွန်လိုင်းကျောင်း" ဖြစ်ပါသည်။

15/06/2026

MKHC Scholarship Form hte seng ai lam

Hkungga tsawra ai ramma ni, kanu kawa myit su ni hta MKHC a Certificate program hku nna sharin hkaja woi nga ai sharin ginhpan ni hpe hkaja la mayu ai rai timung ja gumhpraw mayak mahkak lam lama ma a majaw ung ang nga ai ni a matu, "Certificate program hpe jawng shabrai n jaw bang ra ai sha, hkaja sharin hkam la lu ai" Scholarship form ni hpe masha hkum marai (10) hkap la sa wa re lam ndau shana dat ga ai law.

Form hkap la nhtoi...... June 15. 2026.
From pat nhtoi............. June 21. 2026.

Ndai Scholarship form hpe Messger de sa la mai ai.
Masat da ai nhtoi laman hta du wa ai form ni hpe sha myit shalawm na rai ga ai.

Chyeju kaba sai.

11/06/2026

Class of 2025 🎓🎓
Certificate Program Awng Pru Jawng Ma Ni ⭐

2025 - 2026 Ning Hpaji Ladaw hta htep lani sharin hkaja hkam la nna awng pru sai jawng ma ni marai 91 rai nga ai.

Photo garai n lu sa shi ai jawng ma ni mung Jawng Labau mazing kaw nna mazing da lu na matu, sumla ni shajin lu la ai shaloi, Jawng acc hkringdat ni de sa da ya na matu matut shana dat ga ai.

Chyeju kaba sai.

06/06/2026

2025-2026 Awng Pru Jawng Ma ni hpe shana dat ai.

Gown hte sumla gayet da ngut sai ni sumla lu la ai shaloi photo file hte Jawng a Messger, Telegram, Wechat hku nna, Mying hte sumla rau sa ya na hpe shana lajin dat ga ai law.

Chyeju kaba sai.
MKHC- Labau Kyen

02/06/2026

2026-2027 Ning Hpaji Ladaw a matu (6. june. 2026) ya shani hpang n hkrat ai sha shawk shawn form hpe shadu let, "Certificate in Kachin Studies" program hpe Jinghpaw ga, Jinghpaw laika hku ga gale lajang da ai sharin ginhpan laika ni hte Online Video Class hku nna rau jawm hkaja sa wa saga i 🎓🎓

26/05/2026

Tsawra hkungga ai Jinghpaw Wunpawng amyusha ramma ni, kanu kawa ni, myit su ni hpe myit dum let shana dat ga ai.

MKHC a 2026-2027 Ning Hpaji Ladaw "Certificate in Kachin Studies" program hpe rau jawm hkaja sa wa lu na matu, shawk shawn form ni hpe hkap la nga ga ai.

Shawk shawn form pat nhtoi hpe (June. 6. 2026) masat da saga ai majaw, form la ya na matu tau nna hpyi shana da ai ni, fees naw shatup ra ai jawng ma ni, shawk shawn form a matu myit shajin da ai amyusha ramma ni, nu wa myit su ni chye lu na matu ndau shana dat ga ai law.

Form hpe messger chatbox de shana la marit.

Tsawra hkungga let, amyusha hpaji magam hta;

Chyeju kaba sai.

🎓🎓

02/03/2026

Subject Laika Buk Hte Seng Ai Lam

2026-2027 Ning Hpaji Ladaw Jawng Lung Shaning hta sharin hkaja hkam la nga ai jawng ma ni hta CKS program a sharin ginhpan laika buk (Hardbook) jai lang mayu ai ni hpe laika manu sa da ai jahpan shinggyin la nna shagun ya ai lam galaw sa wa na ga ai.

Dai majaw htet na matu shajin da ai jawng ma ni (March shata praw 8 ya) n hpang hkrat ai sha laika manu shagun ya na hpe htet shana dat ga ai law.

(Laika buk ni hpe March 10 ya hpang de shagun ya na rai ga ai)
Chyeju kaba sai.

27/02/2026

Jawng ma nnan shawk shawn form ni hpe hkap la dingyang rai nga ga ai.

16/02/2026

2026 - 2027 Jawng Lung Shaning Hpaji Ladaw hta sharin hkam la hkaja sa wa na matu Form hte Fees shadu da sai Jawng ma ni yawng, 16. February. 2026 (3:00 pm.) hpang kaw nna Jawng messger de tinang a jawng mying tsun dan nna Class Links ni hpe mai sa hpyi la sai lam ndau shana dat ga ai law.

Form shadu da nna Fees naw shadu ra ai Jawng ma ni hte
Matut shawk shawn na matu myit shajin hkyen lajang da ai kanu kawa ni, myit su ni, Ramma ni, Jawng ma ni hpe mung hkap la nga dingyang rai nga ga ai.

Jawng ma hkap la ai lam hpe jawng shang masat jawng ma hkap la shadang hpring wa ai hta hkan nna Form pat nhtoi hpe bai masat la na rai ga ai re majaw, Anhte a Htunghking hte Labau lam ni hpe Jinghpaw Ga, Jinghpaw Laika hku nna sharin hkamla jawm hkaja sa wa ga law.

Chyeju kaba sai.

30/01/2026

MKHC 2026 - 2027 Jawng Lung Shaning Hpaji Ladaw
Jawng ma nnan shawk shawn form ni hpe hkap la dingyang rai nga saga ai.

Jinghpaw Wunpawng Amyusha ni a laili laika hte htunghking labau ni hpe jawm sa hkaja sa wa lu na matu, Form hpe Online hku shadu mai ai ladat (3).

1. Form hpe print la nna ka jahpring, sign bang, sumla shakap nna sumla atsawm gayet sa mai ai.

2. Form ntsa kaw computer hte kalangta ka jahpring..sumla shakap...Sign bang nna sumla atsawm gayet sa mai ai.

3. Form print la na shara n nga jang, Form kaw lawm ra ai lami laman ni hte sumla, lata masat ni hpe paper langai kaw ka jahkrat da ai hpe sumla atsawm gayet nna sa mai ai.

Tinang ginra hta hkan nna manu ai ladat hku Jawng wechat, messger, email ni de shagun ya ai mai nga ai.

Chyeju kaba sai.

29/01/2026

2026-2027 Jawng Lung Shaning Hpaji Ladaw Jawng Ma Ningnan Shawk Shawn Form ni hpe Jawng de shadu mai ai ladat (3) hpe shana dat ga ai.

1. Form hpe print la nna ka jahpring. sign bang, sumla shakap nna sumla atsawm gayet sa mai ai.

2. From ntsa kaw computer hte kalangta ka jahpring..sumla shakap...Sign bang nna sumla atsawm gayet sa mai ai.

3. From print la na shara n nga jang, Form kaw lawm ra ai lami laman ni hte sumla, lata masat ni hpe paper langai kaw ka jahkrat nna sumla atsawm gayet sa mai ai.

Tinang a nga ginra hta hkan nna manu ai ladat hpe jai lang let shawk shawn form no hpe MkHC Jawng wechat, page messger, email ni de shagun ya ai mai nga ai.

Jawng Rung kaw Form ni hpe bai print shaw la nna mazing sa wa na rai ga ai lam shana dat ga ai.

galaw ya ai hku nna mung MKHC hpe karum pawn ba madi shadaw la marit law.

Chyeju kaba sai.

🎓🎓

Address

60401

Telephone

+959425136848

Website

https://t.me/MKHC_NSM

Alerts

Be the first to know and let us send you an email when Mungmyit Sinli Kachin Historical College posts news and promotions. Your email address will not be used for any other purpose, and you can unsubscribe at any time.

Contact The University

Send a message to Mungmyit Sinli Kachin Historical College:

Shortcuts

Want your university to be the top-listed University?

Country:

City: