21/05/2026
📸 Gure ikastolen argazki historikoen bila 💚
Ikastolako ikaslea, gurasoa edo irakaslea izan zinen?
Edo garai haietako argazkiren bat gordeta duzu etxean? 👀
Pasaiako eta Lezoko udalak, Euskal Herriko Ahotsak proiektuko kideekin elkarlanean, dokumental bat prestatzen ari dira gure herrietako lehen ikastolen sorrera eta ibilbidea jasotzeko 🎥✨
Dokumentalak 60ko hamarkadatik aurrera sortutako ikastola txikien historia eta gerora guztiak elkartuta Pasaia-Lezo Lizeoa nola osatu zen kontatuko du.
Hasierako urte haietan, frankismo betean, hainbat ikastola modu klandestinoan sortu eta antolatu ziren, euskararen eta herri hezkuntzaren aldeko komunitate oso baten konpromisoari esker 💚
Orain, memoria hori irudiz osatzeko laguntza eskatu dute.
📷 1960 eta 1979 arteko argazkien bila dabiltza:
▪️ Antxoko ikastola (1960-1976)
▪️ Donibaneko ikastola (1965-1976)
▪️ San Pedroko ikastola (1966-1976)
▪️ Trintxerpeko ikastola (1967-1976)
▪️ Pasaia-Lezo Lizeoko lehen urteak (1976-1979)
Argazkiren bat baduzue, maiatzaren 20tik 27ra udal liburutegietara eramateko aukera izango duzue 📚
Bertan momentuan eskaneatuko dituzte, eta jarraian bueltan eramango dituzue.
Denon artean eraikitako historia da hau. Mila esker memoria partekatzen laguntzeagatik 🤝✨
?
Pasaiako Udala / Ayuntamiento de Pasaia
