Amahla ndenyuka alo umiyo Imbongi

Amahla ndenyuka alo umiyo Imbongi Umbhali wemibongo osakhasayo okwaziyo nophinda ayibonge��

27/02/2022

Molweni🤝

20/08/2021

Koba nini kunjena😔

Amehlw'bomvu kuliloko,
Umzimb'uvuthiwe ubuhlungu,
Isisu sincamathel'emqolo,
Inyembezi zomele ebusweni,
Ubuso bufukufuku kukudumb'amehlo etshonile....

Kobanini ndilala ngendlala intsokol'isindishicilela undichuba,
Abantu behlekisa ngam ,
Omakhelwane bephung'iti bexhelelexhukwana beyityivotha beyityityiyela ibonwabisa,
Izaphusele zindijonge njengegeza zinditsalatsala zindilinganisa zihlekisa ngam....

Owu kazi koba nini kunje😭...
Apho ndihambakhona ndibhebhethwa ngathi ndinevumba ,
Xa ndibulisa kunyevula wonk*mntu,
Akekh'ofunuhlale ecakwam ananto ndiswele,
Akhontw'ibhadlileyo endinoyithetha Kuba kwakuthwa "Xa engubani yena"?🙄.......

Ntlupheko undenzile eneneni ndakuqalekisa,
Ukhand'ikhaya walishicilele langamabhodlo,
Kwafikisikhukhula sawuthathumzi zayowulahla kwamnyamana ndawo iphahla langumqa,
Sabambongezantsi sizimpul'akalujacu ,
Sangamakhobok'abantu atyalemizini anganikwa nempunde,
Sizizithwangu-thwangu ezidingindawo lala.....

Inene intlupheki ayinalusini,
Iyazinga emzini bahlekise abantu,
Aphele amandla kudingeke okusiwa phantsi kwempumlo....

Amathumbu aculelandincamisa ndilaqalaqaze ndijonguba aweviwa mntu naa....
Umlomo ugxwebile ungafunguthi ndincamisa umhlaba ,
Amadolo abhetyebhetye ngokwesanelifund'uhamba,
Indlala indiqobe amalung'omzimba indigqibile...

Kobanini kunjena ?
Ndiyabuza andinifumani mpendulo...
Ingqondo iqhekekile ipasalakile....
Intliziyo icandekile ichachambile yagubeka.
Xola moya wam ubomi bubomi ngemizamo......😭😭😭

Umbhali :✍️Sinawo sinothandolwazi Nentobeko Roro 🎬
Ndibamba ngazo zozibini kuwe mfundi 🙏🤝❣️😍

15/08/2021

INGCEBISO ZOMZALI

Ndamamela ingcebiso zomzali elila enqisha ,egxininisa egqinisekisa ukuba andimanyelwanga ndizimamelele.....

Wazibeka zalithotho emabeleni,
Wagxila engqondweni,
Elokugqibela lalingasavakali inyembezi zizihambela,
Intlonzi itakintlats'intlintliza endibetha ngomlomo endixelelubomi....

Wayemana kundivus'intloko wakundibona ndiqubudile athi,
"Ubomi abuncanywa mntanam futhi abushunqulelwa abungogabh'ushunqa abayoqhayiya abumnandanga".
Atsho ndilaqalaqase njengesela lixakwe ngumqa walo ...

Engandifihlelinto endijonge emehlweni engaqhanyaz,
Ndiphungu-phunguza njengophungu-phungu empapath'ikhondo elahlamavila ,
Indlebe zagcwala zaphuphuma,
Ingqondo yaqonda inqondisisa ingcinga nengcebiso zindingcuchalazisa ,
Ndizikhwebula kwezingakhiyo ngobinyembeza azakhi....

Ndagxil'ekhondweni ndiqomoloza ndigqizindlela zam ,
Ndayeka itshomi zam zomgqilo ndahambe yazo indlela ,
Ndazikhwebula kwezizandifak'engxondorheni izinto ,
Ndatshintsh'ubumna ndayekimbutho zabagxeki ..

Ingcebiso zakhe eziluthotho watsho zazinza engqondweni,
Kanti uzondikhulula ndizimele ,
Andiyeke nditshile ngenqay'elangeni ,
Zindigcade ezobomi ndiyele kuye esathi "ezibuhlungu zadalwa nomntu bubomi obo"....
Ibengathi uyayolela kanti uthetha akwaziyo ....

Ingcebiso zomzali,
Yhini! Ingcebiso zomzali azilahlekisi zingenanyembezi nazikhalo,
Liqul'ongahlanganisa ngal'ungawi ....
Bubomi naphakade ....

Ingcebiso zomzali .
Ingcebiso zomzali.
Ingcebiso zomzali.
Azilahlekisi.......

Umbhali ✍️ :Sinawo Sinothando nentobeko Roro
Ndibamba ngazo zozibini kuwe mfundi wombongo wam🤝❣️💚

02/07/2021

Lide ixesha umntu akasabhali 🙏ndibambekile zithandwa❣️💗kodwa zobhala namhlanje🙏

04/06/2021

Ndadlwengulwa

Kwakuthe ncwee kungekho nempunde,
Imizi uvaliwe,
Ndilongolongoza ndicocizindlu zasekhaya,
Ndinengonyane epholileyo ndingalindelanganto......

Yafikindoda seyingasacengi ngathi yinkos' idlalemzini,
Yazithathela ngokungenasisini izelinzondo,
Ndazamumemeza kodwa kwakungekho Bani unondihlangula,
Wayemdala umfo ebonakala ebusweni....

Wazithathela umhlaba wangezantsi endidlakaza,
Igazi lalizelumondlalo inyembezi zimanzis'umqamelo,
Wenza konke akuthandayo wanditsicela ......

Obam ubuntombi bohluthwa .
Ndathathelwa okungokwam ngaphandle kwemvume.
Owu ndadlwengulwa .....😭😭
Kanene Ndadlwengulwa....😭😭😭

Umbhali :Sinawo Sinothandolwazi Nentobeko Roro
Enkosi ngofunda 🤝🙏❤️

22/05/2021

~~Thando ingaba ukhona naa?😭😭...

Thando ingaba ukhona naa ?
Ndiyimivumba iqatha amaqath'am anemikrwelo,
Ndiphatsh'ingcondo ngamatyholo,
Ndichachamb'inyawo ndicandiqabaka,
Ndibangula amave angabonwayo njer ngegeza likhomb'into engabonwayo,
Ndome umqala kukudinwa kukuthetha nokwenz'ucumbelele.......

Ofike k*m undithembisa ngezulu nomhlaba,
Ofike k*m andiqhelise ubuyene embethingubo yabangcwele kanti ngukhohlisi,
Nguqompi-qombi amanzombethe ipheyile alizali,
Elowo nalowo ufika ngelakhibali ndidunyelwe ndintuntutheke ,
Akekho ohlala kwilizwi lakhe afezekise izethembiso,
Elowo nalowo ufika ayishicilele intliziyo yam ayicande phakathi💔.......
Thando ingaba ukhona naa?

Intliziy'ivithivithi ivuthuzwa luthando,
Ingqondo ithathibeka yakucinga ngalentlungu,
Iindlebe zithe nxwee zakuva amagama endibizwa ngawo,
Amehlo ahlal'ebuhlungu kukulila nokungalali,
Ingqondo yafunulibala kodwa ntliziyo isathanda,
Thando undihluk*mezile uyitshintshil'ingqondo ,
Thando!thando! tando ndobe ndibuye ndikuthembe mna.......💔😭😭😭

Umbhali :: Sinawo Sinothandolwazi Nentobeko Roro ❤️😍😘
Enkosi ngokufunda🤝💕❤️😍

22/05/2021

~~Inyani lulutho

Kwantlandlolo umzi waphuvithika uphele ,
Abantwana bomnt'omnye bajikelane bodwa,
Abazali benyembezana benqwenqwediswa ngomdiza yinzala yabo ngenxa yenyani....

Ziqungquluzile yaphum'imiphefumlo engenatyala ,
Itshabalalise yatshonisa inginginya kwezimnyama izisele ,
Ihluk*meza abahluk*mezekileyo ,
Yindlela isekwabubomi emntwin wonke....

Leyo ithe yaqalwa ngobumxoki iphela ngendlendlana inkwinizisa,
Ingenakubuyiswa mva iyingxaki,
Ivumbulule ezamandulu kungekho sidingo,
Irhumbingcambu sukijunquke phakathi konakale ukuhlala,
Lidudume ixesha elide lingedluli.....

Iyichithile imizi emininzi,
Ibudalile ububi ililisa uluntu,
Idalinzondo engenakuxoleleka,
Ichitha amakamva wabantu ngenxa yokunqaba ,
Owu nyaniso yazuba ufumaneka phi?
Usihluk*mezile uyigqibile ingqondo,
Nyani!nyani! Usitshabalalisile ........😭😭😭

Umbhali :: Sinawo Sinothandolwazi Nentobeko Roro💗♥️
Enkosi ngofunda umbongo wam😍🤝❣️

14/05/2021

Umhlaba owu emhlabeni😭💔😥

Uphile ngenyembez'idulale ngoxolo,
Unxaphe uxelinyamakazi ileqwa ngamabetha,
Ulaqalaqaze ukhangeli ndlelongaphuma ngayo,
Zonke zimxinwa ayikho elula....

Ubil'usoma uxhentsa uzombelela,
Kungekho bani uzok*mela ,
Ulila wophelu kubemanz'umqamelo.....

Akho unasisini xoxo nganye liyazigxumela,
Amaqhwa awaphezu kwakho ungenaphiko lokuzimela,
Nditsho igazi lakho ubuqu liyachasela,
Wonk'umpefumlo uphila ngenzingo .......

Amagad'ahlabayo awapheli,
Amaginxiginx'obomi awapheli ntonayo ayedlula,
Mihla ngemihla kukho exholintliziyo ikhathaz'emoyeni 💔,
Amahlaba andigqibile,
Umhlaba undivithizile .......😭💔

Umbhali :: Sinawo Sinothandolwazi Nentobeko Roro ☺️❤️
Enkosi ngofunda umbongo wam🙏☺️❤️

28/04/2021

Ukungethembeki kwam kundenze ndife ndiphila....😪

Nguqoba ovalulonwabo lwam maxa onke,
Ngumkhuhlan'ohlale ndigulisa,
Ndihlale ndicingela kunabanye abantu ngathi ndinomehluko,
Ndizamukulungisa suke ndibonwe njengesiyatha.......

Ndivuka ndijongeliweni inyembezi zizehlele,
Ndakujonga umhlaba ibangase avuleke ndingene,
Andithethi namntu ngoba andifun'ukuba sisidinamntu ngak*mbi .......

Mihla yonke umphefumlo wam unomehluku,
Intliziyo yam izipisana idinguqokelelwa,
Ndihlala ndizibuza ngubani oyakundikholwa?
Yazuba ndijongeka njengomntu onjani naa?

Ndibonakala njengento engento nangasozibento ,
Njengombulali ebulala abantu,
Kutheni mna ndinomahluko ?
Xola ntliziyo yam nangona umpunyumpunyu zintlungu.......😢

Umbhali ✍️ ::Sinawo Sinothandolwazi Nentobeko Roro💅🤝🙏❣️
Enkos ngofunda 💕❤️😻

20/04/2021

Ubomi ayondlwana iyanetha Xa ukude nekhaya🙍😥

Ndibhonti-bhinti bundityatyadulile bundohlwaya,
Ndimanxeba-nxeba ndawuyonke akho ndawo ingekho buhlungu,
Ndichachathekile ndidinga namafutha okuzithambisa,
Kutheni indim okulentlungu...

Ndilala ndingatyanga ndivuke ndiyophanda,
Mihla yonke ndibuya izithende zibuhlungu,
Intloko itakintlants'ibala izinto ezingaphumiyo,
Ndibethwa naliphango umlomo unamajolo.....

Ndivuka ngoqhiwu njengomphangeli ndiyofunumsebenzi,
Ndinyamezele bandiheshe bendibhebhetha,
Bambi bendibonisa umbhalo endingawubonanga balibale ukuba indlala iyawavala amehlo,
Eyonanto iphambili kukufunokuya phantsi kwempulo ...

Akhonto ndingayidingiyo ndilila mihla yonke,
Sendithukuthezelwa yimiyalo yasemva ekhaya,
Imiphefumlo ethembele k*m nenenjongo ngam,
Andisathethi ngezithembiso endizithembisileyo ndicinguba idolophu iyabukhuculula ubomi bam nosapho lwam,
Kanti ndikhe phantsi isitya sizele,
Ndigqibe ngam engekagqibi yena ngam ......

Intliziyo izipisana impunyumpunyu zintlungu,
Ithemba andisenalo kudala ndithanda,
Ilanga ndilibona litshona ndingazi ukuba beliphume nini,
Xa ndigoduka ndinukiselwa ngamavumb'amnandi alemizi endawagqibela mandulo 😭,
Bunzim'ubomi ndibuncamile.....😭😭😭😪💔

Umbhali✍️ :: Sinawo Sinothandolwazi Nentobeko Roro💗💗
Enkosi ngofunda umbongo wam❤️🙏🤝💝

20/04/2021

Umama umama😭❤️

Umve efuxuza ebesuku😭,
Ube nawe ulila phantsi kwengubo😥😭,
Nibe nileli ningatyanga ,
Avuke ngonyezi aphekisidovela ukuze niye esikolwen,
Eloxesha akazutya yena uzothi uhluthi.....

Ngelixa kutyiwayo umntana uxelele ngesihlangu sesikolo angenaso,
Athi " owu bawo🙆,ndikuvile mntanam yiyani esikolwen😊".
Abe engenalo nelinjani ithemba ....

Aphume esidaleni abuye ebeleke isiqhunyana nezihlange sesikolo,
Bathi bebuya esikolweni Abe sephekile,
Anik*mntanakhe izihlangu ngoncumo oluzelithemba nothando,
Basheke bebuzana abantwana besiva kabuhlungu,
Ngokwamantshontsho enkukhu echubakushana ....

Aphume kancinci ayotshona egadini eshiya intsana zakhe zixakene nento ezokutyiwa ngokuhlwa,
Abuye ephethe amathanga nemifino,
Enzinxoxha kulale kutyiwe,
Angatyi yena kub'ecingela amangomso,
Athi uhluthi kodwa amehlo abe ebemvu amathumbe khale kabuhlungu krotyo.....

Uthi wakujonga ilokhwe yakhe idlakadlaka ayifani nezabanye omama,
Athi Xa ekubona ulila athathe ilimbithi lakhe lelokhwe eli alinxibileyo akwesulinyembezi,
Akususe intongo ekusula imifinya engakonyanyi,
Amehlo ezeluthando olungazenzisiyo....
Umama ! Owu umama!liqhawekazi elinothando.....

Umbhali ✍️ : Sinawo Sinothandolwazi Nentobeko Roro❤️
Enkosi ngofunda umbongo wam🤝🙏❣️

Address

Butterworth

Telephone

+27646925478

Website

Alerts

Be the first to know and let us send you an email when Amahla ndenyuka alo umiyo Imbongi posts news and promotions. Your email address will not be used for any other purpose, and you can unsubscribe at any time.

Shortcuts

Share