ښوونې او روزنې پوهنځى- کونړ

ښوونې او روزنې پوهنځى- کونړ EDUCATION FACULTY SAID JAMALUDIN AFGHANI UNIVERSITY

د برحاله محصلینو د پام وړ!سيد جمال الدين افغاني پوهنتون خپلو ټولو گرانو محصلینو ته خبر ورکوي چې د روان سمستر درسي بهير ل...
30/04/2026

د برحاله محصلینو د پام وړ!
سيد جمال الدين افغاني پوهنتون خپلو ټولو گرانو محصلینو ته خبر ورکوي چې د روان سمستر درسي بهير له ټاکل شوي مهال‌وېش سره سم په عادي ډول جريان لري، نو ټول محصلين دې خـپل درسونه په منظم ډول تعقيب کړي.

د خیال ښکالو ادبي بهیر پښتو څانګه ۱۴۰۵ / ۲/ ۲/ هـ.ش د خیال ښکالو ادبي بهیر پيل د قرآن کریم په مبارکو آیتونو قاري سلمان ه...
21/04/2026

د خیال ښکالو ادبي بهیر
پښتو څانګه
۱۴۰۵ / ۲/ ۲/ هـ.ش
د خیال ښکالو ادبي بهیر پيل د قرآن کریم په مبارکو آیتونو قاري سلمان همدرد وکړ. د دې غونډې د دريځ چارې رحیم الله حقمل پر مخ وړلې .
د پيل خبرې د ښوونې او روزنې پوهنځي رئیس پوهنیار مولوي خانزاده حنیفي وکړې، چې په خپلو خبرو کې یی د اسلام په لومړيو شعر او د هغې په ارزښت معلومات وړاندې کړل ورپسې د پښتو څانګې استاد او د یاد ادبي بهیر مشر پوهندوی دوکتور محمدرحمن رحماني د خیال ښکالو ادبي بهیر په جریان، د ادبي بهيرونو په ارزښت او اصولو یې تفصیلي معلومات وړاندې کړل. د غونډې بله برخه د محصلانو مشاعرې ته ځانګړې شوې وه، چې پکې هر یو عبدالمالک جرار، احسان الله، ثناءالحق حقمل، واحد الله، عتیق الله ساحل، عبدالواحد ځیرک، سلمان ساحل، فرهاد ملنګ، همت زوال زي او نورو محصلانو خپل ترتیب کړي شعرونه او ترنمونه په خواږه اواز او خوږه ژبه واورول .
د خیال ښکالو ارزونه د ښوونې او روزنې پوهنځي مرستيال پوهنوال عبدالعظیم صدیقمل له خوا ترسره شوه، چې غونډه مثبته وارزول شوه او د دې ادبې بهیر مثبت اړخونه او ګټې یې روښانه کړې، غونډه د اصف غفاري له خوا په دعایه الفاظو سره پای ته ورسېده.
د راپور چمتو کوونکی: رحيم الله حقمل

د ښوونې او روزنې پوهنځي علمي شورا نوبتي غونډه ترسره شوه.نېټه:1405/ 1/ 31هـ.ش_ 1447/ 11/ 3هـ.قغونډه د قرآن کریم په تلاوت ...
20/04/2026

د ښوونې او روزنې پوهنځي علمي شورا نوبتي غونډه ترسره شوه.
نېټه:1405/ 1/ 31هـ.ش_ 1447/ 11/ 3هـ.ق
غونډه د قرآن کریم په تلاوت پیل شوه، لومړی د پوهنځي مرستيال پيليزې خبرې وکړې د شورا په اجنډا کې بېلابېلې موضوعګانې لکه د استادانو د ترفيع او موضوعاتو ثبت، د کیفیت لوړاوي اړوند موضوعات، د وسطي ازموينو راپور او يو لړ نورو متفرقه موضوعاتو بحث او پرېکړې وشوې. غونډه په دعايه کلمو پای ته ورسېده.

30/03/2026

د عربي څانګې لرلید، رسالت او ارزښتونه
لرليد(Vision)
د ستراتېژیکو اهدافو د تحقق په موخه د اکاډیمیکو فعالیتونو او برنامو د پلي کولو سره عربي څانګه غواړي داسې معیاري حالت ته ارتقاء وکړي چې د افغانستان او سیمې د معتبرو پوهنتونونو د عربي څانګو سره په علمي، اداري، تدریسی، څېړنېزه، ژبنېزه او تکنالوژیکه برخه کې د سیالۍ جوګه او د تضمین کیفیت په اډانه کې د ملي او نړیوال اعتبار څخه برخمن او د افغانستان د کولتور، فرهنګ او ژبو غنا مندي، او د غه راز د نورو ملي ژبو سره د عربي ژبې اړيکې ټينګول او د بهرنيو ژبو او علومو څخه پخپل هيواد او فرهنګ کې داستفادې زمينه برابرول د عربي څانګې لرلید دی.
رسالت، ماموریت (mission)
دعربي څانګې ایماني او اساسي رسالت د مجربو استادانو او اکاډیمیکو برنامو د پلي کېدو پرمټ د اسلامي او ملي ارزښتونو په رڼا کې کې د عربي ژبې داسې مسلکي ښوونکي او مبتکر اشخاص د ټولنې د اړتیا مطابق ټولنې ته وړاندې کول چې په عصري تکنالوژۍ، ژبنۍ مهارتونو او د څېړنې پر نوي میتودولوژۍ سمبال وي، څو د هیواد به ښوونيز او ټولنیز پرمختګ کې د اغېزمنې ونډې او سالمې رهبرۍ له لارې د مثبت تغیر سبب وګرځي. او د ګران هیواد د سالمې ښوونې او روزنې لپاره د قرآني ژبې او ادب له لارې په دې برخه کې وړ ښوونکي او کادرونه وړاندي کول دي.
موخې او أهداف
د هیواد په ښوونیز او ټولنیز پرمختګ کې اغېزمن رول ادا کول.
د معیاري څېړنو له لارې د ټولنې او ادب ستونزو ته مثالي حل لارې وړاندې کول.
له عربي څخه دژباړې پر اساس د ملي ادب او ژبو بډاینه.
د عربي ژبې د تدریس له پاره په اسلامي او ملي روحیه سمبال مسلکي، متعهد او ابتکار لرونکي ښوونکي روزل.

خبرتيا!د ښوونې او روزنې پوهنځي ټولو محصلینو ته خبر ورکول چې د کوچني اختر د رخصتۍ پای ته رسېدو سره درسي بهير سر له سبا دو...
22/03/2026

خبرتيا!
د ښوونې او روزنې پوهنځي ټولو محصلینو ته خبر ورکول چې د کوچني اختر د رخصتۍ پای ته رسېدو سره درسي بهير سر له سبا دوشنبې ( درېيم، حمل ۱۴۰۵ ) د مهالوېش سره سم پيلېږي.
ټول محصلین باید خپل درسي مهالوېش ته په کتو سره په ټاکلي وخت ټولګیو ته حاضر شي.
درناوی!

12/03/2026

د سيد جمال الدين افغاني پوهنتون د ښوونې او روزنې پوهنځي د انګلیسي ژبې او ادب څانګې لرليد،ماموريت او موخې

د انګلیسي څانګې لر لید (Vision)

انګليسي څانګه غواړي د ستراتيژيکو اهدافو او تحقیق په موخه د اکاډميکو فعالیتونو او برنامو په پلي کولو يو داسې معياري او باکيفیته حالت ته ارتقا وکړي چې د افغانستان او سيمې د معتبرو پوهنتونونو سره په علمي، ژبه نيز، اداري، تدريسي، څيړنيز او ټيکنالوژۍ په برخه کې د سيالۍ جوګه شي او د تضمين کيفيت په اډانه کې د ملي او نړۍوال اعتبار څخه برخمن شي.

د انګلیسي څانګې ماموريت (Mission)

د مجربو استادانو او اکاډمیکو برنامو د پلي کولو پرمټ د اسلامي او ملي ارزښتونو په رڼا کې د انګليسي ژبې داسې مسلکي ښوونکي او معتهد اشخاص د ملي يووالي د اړتیا مطابق ټولنې ته وړاندې کول چې په عصري ټيکنالوژۍ، ژبني مهارتونو او د څېړنې پر نوي میتودولوژۍ سمبال وي څو د هيواد په ښوونيز او ټولنيز پرمختګ کې اغيزمنې ونډې او سالمې رهبرۍ له لارې د مثبت تغير سبب وګرځي.

د انګلیسي ژبې او ادب څانګې تحصیلي موخې(Educational Objectives)

1. د هيواد په ښوونيز او ټولنيز پرمختګ کې اغيزمن رول ادا کول.
2. د مسلکي او معياري څېړنو له لارې د ټولنې او ادب ستونزو ته مناسبې حل لارې وړاندې کول.
3. د انګليسي ژبې څخه د ژباړې پر اساس د ملي او ژبې او ادب بډايه کول.
4. د انګليسي ژبې د تدریس لپاره په اسلامي او ملي روحيه سنبال مسلکي، ابتکار لرونکي او متعهد ښوونکي روزل.

10/03/2026

: د تاریخ څانګې ليدلوری او ماموريت
ليدلوری.
تاریخ څانګه په پام کې لري چې په راتلونکي کې د مسلکي او لوړ رتبه کادري غړو، علمي او اکاډيميکو څېړنو او پروګرامونو، د زده کړې غوره او مسلکي تواميتونو په کولو محصلينو ته د غوره خدمتونو وړاندې کولو سره په سيمه کې ځانګړی باور ترلاسه او د يو پياوړي تحقيقاتي مرکز او د پوهنځي په حيث ملي او نړيوال شهرت تر لاسه کړي .
ماموريت .
په تدريسي او اداري چارو کې دلوړو زده کړو د قوانينو او مقرراتو پلي کولو او د ليسانس په کچه فعال مسلکي ښوونکي چې د تاریخ په برخه کې يې ځانګړې زده کړې کړې وي، د هېواد د ښوونيز بهير د پياوړتيا په موخه ټولنې ته په وړاندې کولو بوخت يو.

د تاریخ څانګې ارزښتونه او موخې
ارزښتونه
اسلامي او ملي ارزښتونو ته درناوی.
کاري ژمنتیا او پر مسلکیتوب باور.
علمي، مالي او اداري خپلواکي.
ریښتینولي او مشارکت.
کیفیت لرونکې ښوونیزې چوپړتیاوی.
پرمسلک اوکارپوه محصل تربيه کول.
د تاریخ څانګې موخې :
• په تدريسي او اداري چارو کې دلوړو زده کړو د قوانينو او مقرراتو پلي کول
• په اسلامي روحيه سمبال شخصيتونه ټولنې ته وړاندې کول.
• د ليسانس په کچه فعال مسلکي ښوونکو چې دتاریخ په برخه کې يې ځانګړې زده کړې کړې وي د هېواد د ښوونيز بهير د پياوړتيا په موخه ټولنې ته په وړاندې کول.
• دځوان نسل سالمه ښوونه او روزنه کول تر څو د هېواد لپاره تکړه، علمي او مجرب ښوونکي د ټولنې د خدمت په منظور وړاندې کړو.
• دڅوارلسم پاسانو تعليمي ظرفيت ترلېسانس کچې پورې لوړول.
زده کړایزې موخې
د تاريخ څانګې ستراتېژیک پلان جوړونې څخه موخه د لوړو زده کړو د بهیر چټکتیا او ښه والی دی تر څو په ټولنه کې د شته ناورینونو او ستونزو پای ته رسېدو په برخه کې خپله ونډه واخلي. څانګه د ټاکلو ارزښتونو، لیدلوري او معیارونو په پام کې نیولو سره داسې وړ، مسلکي او معیاري کادرونه روزي چې د ټولنې په پرمختګ او د ستونزو په حل کې د خدمت وړاندې کولو جوګه شي. څانګه پورته ارزښتونو او لید لوري ته د رسېدو په موخه په راتلونکو پنځو کلونو کې لاندې موخې تعقیبوي:

10/03/2026

د ښوونې او روزنې پوهنځي د تاریخ څانګې پېژندنه

تاريخچه:
د سيدجمال الدين افغاني پوهنتون په چو کاټ کې د ښوونې او روزنې پوهنځي اړوند دتاریخ اوجغرافیې څانګه چې په ۱۳۸۹ کال د لوړو زده کړو وزارت لخوا تائيد او منظور شوی، چې لومړنۍ دورې تدريس يې په ۱۳۸۹کال پيل کړ.تر اوسه يې یولس دورې فارغان ورکړي دي . په ۱۳۰۲ کال دتاریخ اوجغرافيې څانکه په دوه جلا څانګو وویشل شوه ، دتاریخ دڅانګې لومړنۍ دورې تدریسي چارې په ۱۴۰۳ کال پيل کړی ، اوس لومړی او دویم ټولګي لري ۹۸ تنه محصلان لري .

د ښوونې او روزنې پوهنځي علمي شورا نوبتي غونډه ترسره شوه .نېټه: دوشنبه 1404/12/18-1447/9/20 غونډه د قرآن کریم په تلاوت پی...
09/03/2026

د ښوونې او روزنې پوهنځي علمي شورا نوبتي غونډه ترسره شوه .
نېټه: دوشنبه 1404/12/18-1447/9/20
غونډه د قرآن کریم په تلاوت پیل شوه، شورا د پوهنځي د مرستيال په مشرۍ ترسره شوه، بېلابېل موضوعات يې لرل، چې پکې د دوره يې بيا کتنې او کلنۍ څارنې راپورونو چمتو کول، د استادانو د ترفيع علمي کنفرانسونه تائيدول، يو تن استاد د ماسترۍ برنامې ته ورپېژندل، د راتلونکي 1405لمريز کال د پلانونو تائيد او يو لړ نورو متفرقه موضوعاتو بحث او پرېکړې وشوې. غونډه په دعايه کلمو پای ته ورسېده.

*بهاري سمستر د درسونو د پیل خبرتیا!!*د کونړ سيد جمال الدين افغاني پوهنتون ټولو برحال محصلینو ته خبر ورکول کېږي، چې د رات...
02/02/2026

*بهاري سمستر د درسونو د پیل خبرتیا!!*
د کونړ سيد جمال الدين افغاني پوهنتون ټولو برحال محصلینو ته خبر ورکول کېږي، چې د راتلونکي بهاري سمستر درسونه به له گرمسيرو پوهنتونونو سره هم مهال د چهارشنبې په ورځ، د روان ۱۴۰۴ لمريز کال د دلوې مياشتې پر ۱۵مه نېټه، چې د ۱۴۴۷ سپږميز کال د شعبان المعظم مياشتې له ۱۶مې نېټې سره برابره ده، رسماً پیل شي؛ نو پر همدې بنسټ د دې پوهنتون ټولو برحال محصلینو ته خبر ورکول کېږي، چې پر ټاکلې نېټه خپلو درسونو ته په منظم ډول حاضر شي.

Address

KUNAR
Asadabad
2801

Website

Alerts

Be the first to know and let us send you an email when ښوونې او روزنې پوهنځى- کونړ posts news and promotions. Your email address will not be used for any other purpose, and you can unsubscribe at any time.

Shortcuts

Share

Category