https://www.facebook.com/102559042551381/

الکوزی د طبي علومو انستیتوت, د سپیني ماڼۍ پرلور غزیدلی سړک د پوهنتون شفاخاني ترڅنګ جلال آباد افغانستان, Jalalabad (2026)

27/09/2026

د الکوزي د طبي علومو انستیتوت د نرسنګ ډیپارټمنټ اړوند د دوهمې دورې د لومړي سمستر محصلینو لپاره د تطبیقاتو په ساعت کې د Occupied Bed ( د ناروغ په موجودیت کې د بستر جوړول) په اړه عملي زده‌ کړه د محترم استاد خالد احمد سائل له علمي او مسلکي لارښوونې لاندې ترسره شوه.
په دې عملي روزنه کې محصلینو ته د ناروغ د بستر د منظم، پاک او خوندي ساتلو اهمیت، د اړینو وسایلو پېژندنه، د ناروغ د مناسب وضعیت برابرول او د بستر جوړولو پر مهال د حفظ‌الصحې، خوندیتوب او محرمیت اصول تشریح شول.
د نظري لارښوونو ترڅنګ، محصلینو په عملي ډول د Occupied Bed د جوړولو بېلابېل مراحل تمرین کړل او زده یې کړل چې څنګه د ناروغ له بستر څخه د پورته کولو پرته د بستر چادرې په منظم ډول بدلې او تنظیم کړي، د ناروغ آرامتیا وساتي او د بستر د پاکوالي او منظم‌والي لپاره لازم نرسنګي اصول مراعات کړي.
همدارنګه د ناروغ د غورځېدو د مخنیوي، د انتان د انتقال د کمولو، د پاکو او ککړو بسترونو د وسایلو د جلا ساتلو او د ناروغ د هوساینې په اړه اړینې مسلکي لارښوونې وړاندې شوې.
د دغو عملي زده ‌کړو موخه د محصلینو د ناروغ د بستر جوړولو اړوند عملي مهارتونو پیاوړتیا، د ناروغ د آرامتیا او خوندیتوب ساتل، او د پاکوالي او حفظ‌الصحې د اصولو پر بنسټ د معیاري نرسنګي پاملرنې د مهارتونو پراختیا ده.

د نشراتو او ټولنیزو اړیکو مدیریت

27/09/2026

يکشنبه، نيټه ۱۴۰۵/۷/۵

د الکوزي د طبي علومو انستیتوت د عالي نرسنګ د لومړۍ دورې د شپږم سمستر محصلینو د عملي زده‌ کړو په دوام کې، په الکوزي معالجوي روغتون کې د NG Tube Feeding ( د نازوګاستریک ټیوب له لارې تغذیه) او Gastric Lavage (د معدې مینځل) اړوند عملي روزنه د استاد محترم سباوون سلام تر علمي او مسلکي لارښوونې لاندې ترسره کړه.
په دې عملي فعالیت کې محصلینو د نازوګاستریک ټیوب د پېژندنې، د ناروغ د مناسب چمتووالي، د ټیوب د موقعیت د ارزونې، د ټیوب له لارې د تغذیې د معیاري طریقې او د تغذیې پر مهال د ناروغ د خوندیتوب اړوند عملي زده‌ کړه ترلاسه کړه. همدارنګه د Gastric Lavage د پروسې، د اړینو وسایلو د چمتو کولو، د مناسبې طریقې د مراعاتولو او د ناروغ د وضعیت د دوامداره څارنې اړوند مهم مهارتونه تمرین شول.
د NG Tube Feeding او Gastric Lavage په ترسره کولو کې د نرسنګ د معیاري اصولو، د انتاناتو د مخنیوي، د ناروغ د خوندیتوب او د احتمالي عوارضو د ژر پېژندلو رعایت ځانګړی اهمیت لري.
دغه عملي روزنه محصلینو ته زمینه برابره کړه، چې د نازوګاستریک ټیوب د کارونې، د ټیوب له لارې د تغذیې او د معدې د مینځلو اړوند خپل عملي مهارتونه پیاوړي او د ناروغانو لپاره د خوندي او مسلکي نرسنګ پاملرنې په وړاندې کولو کې لا ښه چمتووالی ترلاسه کړي.
الکوزي د طبي علومو انستیتوت د نظري زده ‌کړو ترڅنګ د عملي او مسلکي زده‌کړو پر پیاوړتیا هم ځانګړې پاملرنه کوي، ترڅو محصلین وکولای شي خپلې علمي پوهې په عملي چاپېریال کې تطبیق، اړین کلینیکي مهارتونه ترلاسه او د راتلونکي مسلکي ژوند لپاره په لوړه کچه چمتووالی ولري.

د نشراتو او ټولنیزو اړیکو مدیریت

27/09/2026

یکشنبه، نیټه ۵/۷/۱۴۰۵

د الکوزي د طبي علومو انستیتوت د نرسنګ ډیپارټمنټ اړوند د لومړۍ دورې د پنځم سمستر محصلینو لپاره د تطبیقاتو په ساعت کې د NG Tube Nasogastric Tube – ( د پوزې له لارې معدې ته د نل داخلول ) په اړه نظري او عملي زده‌ کړه د محترم استاد ډاکتر سردار ولي مجیدي له علمي او مسلکي لارښوونې لاندې ترسره شوه.
په دې عملي روزنه کې محصلینو ته د Nasogastric Tube د استعمال موخې، د اړینو وسایلو پېژندنه، د ناروغ د چمتو کولو طریقې او د پروسې پر مهال د خوندیتوب، محرمیت او د انتان د مخنیوي اصول په تفصیل سره تشریح شول.
د نظري لارښوونو ترڅنګ، محصلینو په عملي ډول د NG Tube د داخلولو اساسي مراحل تمرین کړل او زده یې کړل چې څنګه ناروغ مناسب وضعیت ته برابر کړي، د ټیوب د داخلولو لپاره اړین چمتووالی ونیسي، د ټیوب موقعیت وارزوي او په خوندي ډول یې تثبیت کړي. همدارنګه د پروسې پر مهال د ناروغ د تنفس، ناراحتۍ او عمومي وضعیت د څارنې په اړه لازمې مسلکي لارښوونې ترلاسه شوې.
د دغو عملي زده‌ کړو موخه د محصلینو د NG Tube د پېژندنې، داخلولو او پاملرنې اړوند عملي مهارتونو پیاوړتیا، د ناروغ د خوندیتوب او انتان د مخنیوي اصولو مراعات، او د نرسنګي عملي وړتیاوو پراختیا ده.

د نشراتو او ټولنیزو اړیکو مدیریت

27/09/2026

د الکوزي د طبي علومو انستیتوت د علمي او مسلکي پروګرامونو په لړ کې، د د کورنۍ تنظیم (Family Planning ) تر سرلیک لاندې یو مهم علمي کنفرانس وړاندې کېږي.
په دې کنفرانس کې به د کورنۍ تنظیم، د اولادونو ترمنځ د مناسب واټن، د امیندوارۍ د مخنیوي بېلابېلو لارو، د هغوی د ګټو او احتمالي عوارضو، او د مور او ماشوم د روغتیا د ساتنې په اړه مهم او ګټور معلومات وړاندې شي.
همدارنګه به د کورنۍ د مناسبې اندازې په اړه د مسؤلانه تصمیم نیونې، د مېړه او مېرمنې د ګډې مشورې او د سالمې کورنۍ د جوړښت په برخه کې د کورنۍ تنظیم ارزښت په علمي او عملي ډول تشریح شي.
🎙️ ویناوال: ډاکتر فرهاد مومن زاده
🏥 د الکوزي د طبي علومو انستیتوت استاد
📅 ورځ: چهارشنبه
🗓️ نېټه: ۸ میزان ۱۴۰۵
⏰ وخت: سهار ۶:۳۰ بجې

د الکوزي د طبي علومو انستیتوت ټولو محصلینو ته خبر ورکول کېږي چې په دې علمي او ارزښتناک کنفرانس کې په خپل وخت ګډون وکړي.
الکوزي د طبي علومو انستیتوت — د معیاري زده ‌کړو او مسلکي روزنې په لور یو بل علمي ګام.

د نشراتو او ټولنیزو اړیکو مدیریت

26/09/2026

د الکوزي د طبي علومو انستیتوت د نرسنګ ډیپارټمنټ اړوند د دوهمې دورې د پنځم سمستر محصلینو لپاره د تطبیقاتو په ساعت کې د Intubation (د تنفسي لولې داخلول) په اړه عملي زده ‌کړه د محترم استاد خالد احمد ساحل له علمي او مسلکي لارښوونې لاندې ترسره شوه.
په دې عملي روزنه کې محصلینو ته د Endotracheal Intubation اهمیت، د دې پروسې اساسي موخې، اړین وسایل، د ناروغ د چمتو کولو طریقې او د پروسې پر مهال د خوندیتوب او انتان د مخنیوي اصول په تفصیل سره تشریح شول.
د نظري لارښوونو ترڅنګ، محصلینو په عملي ډول د انټوبېشن اړوند وسایل وپېژندل او د Laryngoscope، Endotracheal Tube، Stylet، Bag-Valve-Mask او Suction د مناسب استعمال په اړه یې عملي تمرین وکړ. همدارنګه د ناروغ د مناسب وضعیت برابرولو، د تنفسي لارې د خلاص ساتلو، د اکسیجن رسولو او د پروسې له بشپړېدو وروسته د ناروغ د وضعیت د څارنې په اړه لازمې مسلکي لارښوونې ترلاسه کړې.
د دغو عملي زده‌ کړو موخه د محصلینو د تنفسي لارې د مدیریت او Intubation اړوند عملي مهارتونو پیاوړتیا، د اړینو وسایلو د سمې پېژندنې او استعمال وړتیا رامنځته کول، او د بیړنیو حالاتو پر مهال د ناروغ د خوندیتوب او مسلکي پاملرنې مهارتونو پراختیا ده.

د نشراتو او ټولنیزو اړیکو مدیریت

26/09/2026

د الکوزي د طبي علومو انستیتوت د عالي نرسنګ د درېیمې دورې د درېیم سمستر محصلینو د عملي زده‌ کړو په دوام کې، په الکوزي معالجوي روغتون کې د Phototherapy (فوتوتراپي) اړوند عملي روزنه د استاد محترم سباوون سلام تر علمي او مسلکي لارښوونې لاندې ترسره کړه.
په دې عملي فعالیت کې محصلینو د فوتوتراپي د وسیلې د پېژندنې، د نوي زېږېدلي ماشوم د مناسب چمتووالي، د درملنې پر مهال د ماشوم د مناسب موقعیت ساتلو او د فوتوتراپي د معیاري طریقې په اړه عملي زده ‌کړه ترلاسه کړه. همدارنګه د ماشوم د سترګو د ساتنې، د بدن د تودوخې او عمومي وضعیت د څارنې، د پوستکي د وضعیت ارزونې او د درملنې پر مهال د خوندیتوب اړوند مهم اصول په عملي ډول تمرین شول.
فوتوتراپي د ځانګړو روغتیايي شرایطو، په ځانګړي ډول د نوي زېږېدلو ماشومانو د Hyperbilirubinemia ( لوړ بلیروبین) په درملنه کې کارېدونکې مهمه درملیزه طریقه ده، چې د دې پروسې پر مهال د ماشوم دوامداره څارنه او د خوندیتوب اصولو رعایت ځانګړی اهمیت لري.
دغه عملي روزنه محصلینو ته زمینه برابره کړه، چې د فوتوتراپي د تطبیق، د نوي زېږېدلي ماشوم د پاملرنې او د درملنې پر مهال د خوندیتوب اړوند خپل عملي مهارتونه پیاوړي او د مسلکي نرسنګ خدمتونو په وړاندې کولو کې لا ښه چمتووالی ترلاسه کړي.
الکوزي د طبي علومو انستیتوت د معیاري علمي او عملي زده‌ کړو په برابرولو سره هڅه کوي، چې محصلینو ته د نظري زده‌کړو ترڅنګ په روغتیايي مرکزونو کې د عملي تجربو او مسلکي مهارتونو د ترلاسه کولو زمینه هم برابره کړي، ترڅو د راتلونکي مسلکي ژوند لپاره په لا زیاتې پوهې، وړتیا او مسؤلیت‌ پذیرۍ سمبال شي.

د نشراتو او ټولنیزو اړیکو مدیریت

26/09/2026

د الکوزي د طبي علومو انستیتوت د غاښونو پروتیز ډیپارټمنټ اړوند د دوهمې دورې د دوهم سمستر محصلینو لپاره د تطبیقاتو په ساعت کې د Oral Examination, Disposable Kit and Dental History ( د خولې معاینه، یو ځل کارېدونکي وسایل او د غاښونو روغتیايي تاریخ) په اړه نظري او عملي زده ‌کړه د محترم استاد ډاکتر افتاب فهیم شینواري له لوري وړاندې شوه.
په دې عملي روزنه کې محصلینو ته د خولې او غاښونو د معاینې اهمیت، د Disposable Kit د اجزاوو او د هغوی د مناسب استعمال طریقې، او د ناروغ د Dental History د اخیستلو اساسي اصول په تفصیل سره تشریح شول.
د نظري لارښوونو ترڅنګ، محصلینو په عملي ډول د خولې د معاینې مراحل تمرین کړل او زده یې کړل چې څنګه د ناروغ د خولې، غاښونو، وریو، ژبې او د خولې د مخاطي غشا وضعیت په منظم ډول وارزوي. همدارنګه د ناروغ د غاښونو د پخوانیو ستونزو، درملنې، شکایتونو او اړوندو روغتیايي معلوماتو د راټولولو طریقې هم عملي تمرین شوې.
په دې عملي فعالیت کې د Infection Prevention and Control اصولو، د یو ځل کارېدونکو وسایلو د سم استعمال او له کارولو وروسته د هغوی د خوندي دفع کولو، د ناروغ د محرمیت او مسلکي چلند رعایت ته هم ځانګړې پاملرنه وشوه.
د دغو عملي زده‌ کړو موخه د محصلینو د خولې او غاښونو د معاینې، د Disposable Kit د مناسب استعمال او د Dental History د دقیق اخیستلو اړوند عملي مهارتونو پیاوړتیا ده، ترڅو محصلین وکولای شي د ناروغانو د خولې او غاښونو لومړنۍ ارزونه په منظم، خوندي او مسلکي ډول ترسره کړي.

د نشراتو او ټولنیزو اړیکو مدیریت

26/09/2026

شنبه، نيټه ۱۴۰۵/۰۷/۴

د الکوزي د طبي علومو انستیتوت د عالي نرسنګ د درېیمې دورې د پنځم سمستر محصلینو د عملي زده‌ کړو په دوام کې، په الکوزي معالجوي روغتون کې د Surgical Gown ( جراحي چپن ) اړوند عملي روزنه د استاد محترم سباوون سلام تر علمي او مسلکي لارښوونې لاندې ترسره کړه.
په دې عملي فعالیت کې محصلینو د جراحي چپن د اغوستلو لپاره د اړینو اصولو، د سترېل چپن د سمې نیولو او پرانیستلو، د چپن د اغوستلو او تړلو د معیاري طریقې او د سترېل ساحې د ساتنې په اړه عملي زده ‌کړه ترلاسه کړه. همدارنګه د Aseptic Technique او د جراحي چاپېریال د حفظ‌الصحې او انتاناتو د مخنیوي اړوند مهم اصول په عملي ډول تمرین شول.
د جراحي چپن په سمه او معیاري توګه اغوستل د جراحي پروسیجرونو پر مهال د سترېل ساحې د ساتنې، د انتاناتو د مخنیوي او د ناروغ او روغتیايي کارکوونکو د خوندیتوب په برخه کې مهم رول لري.
دغه عملي روزنه محصلینو ته زمینه برابره کړه، چې د جراحي چپن د اغوستلو او د سترېل تخنیکونو اړوند خپل عملي مهارتونه پیاوړي او د جراحي پاملرنې په برخه کې د مسلکي نرسنګ خدمتونو لپاره لا ښه چمتووالی ترلاسه کړي.

د نشراتو او ټولنیزو اړیکو مدیریت

26/09/2026

شنبه، نیټه ۴/۰۷/۱۴۰۵

د الکوزي د طبي علومو انستیتوت د نرسنګ ډیپارټمنټ اړوند د لومړۍ دورې د لومړي سمستر محصلینو لپاره د تطبیقاتو په ساعت کې د Oral Assessment and Mouth Care ( د خولې معاینه او د خولې پاملرنه) په اړه نظري او عملي زده ‌کړه د محترم استاد ډاکتر سردار ولي مجیدي له لوري وړاندې شوه.
په دې عملي روزنه کې محصلینو ته د خولې د روغتیا د ارزونې اهمیت، د خولې د معاینې اساسي مراحل، د اړینو وسایلو پېژندنه او د ناروغ د خولې د پاکوالي او روغتیا د ساتنې اړوند مهم اصول په تفصیل سره تشریح شول.
د نظري لارښوونو ترڅنګ، محصلینو په عملي ډول د خولې د معاینې مختلف پړاوونه تمرین کړل او زده یې کړل چې څنګه د ناروغ د شونډو، غاښونو، ژبې، وريو، د خولې مخاطي غشا او نورو برخو وضعیت په منظم او مسلکي ډول وارزوي. همدارنګه د خولې د پاکولو، د اړینو وسایلو د سم استعمال، د ناروغ د محرمیت او آرامتیا، او د انتان د مخنیوي اصول هم عملي تمرین شول.
د خولې معاینه او پاملرنه د نرسنګ له مهمو پاملرنیزو فعالیتونو څخه ده چې د ناروغ د خولې د روغتیا، حفظ‌الصحې او عمومي هوساینې په ساتلو کې مهم رول لري.
د دغو عملي زده‌ کړو موخه د محصلینو د خولې د معاینې او پاملرنې اړوند عملي مهارتونو پیاوړتیا، د ناروغ د خولې د روغتیا د ارزونې وړتیا رامنځته کول، او د خولې د پاکوالي او انتان د مخنیوي په برخه کې د معیاري نرسنګي پاملرنې د مهارتونو پراختیا ده.

د نشراتو او ټولنیزو اړیکو مدیریت

24/09/2026

د الکوزي د طبي علومو انستیتوت د عالي نرسنګ د دوهمې دورې د درېیم سمستر محصلینو د عملي زده ‌کړو په دوام کې، په الکوزي معالجوي روغتون کې د Intravenous Medication Administration ( د ورید له لارې د درملو تطبیق ) اړوند عملي روزنه د استاد محترم سباوون سلام تر علمي او مسلکي لارښوونې لاندې ترسره کړه.
په دې عملي فعالیت کې محصلینو د ورید له لارې د درملو د تطبیق لپاره د اړینو وسایلو د چمتو کولو، د درملو د سمې اندازې او د ناروغ د هویت د تثبیت، د ورید د مناسبې لارې د پېژندلو او د درملو د خوندي تطبیق اړوند عملي زده ‌کړه ترلاسه کړه. همدارنګه د Aseptic Technique ، د درملو د تطبیق پر مهال د خوندیتوب اصولو او د ناروغ د احتمالي غبرګونونو د څارنې اړوند مهم مهارتونه تمرین شول.
د ورید له لارې د درملو په تطبیق کې د درملو د سمې اندازې، مناسبې لارې، وخت او د ناروغ د خوندیتوب اصولو رعایت د مسلکي نرسنګ پاملرنې مهمه برخه ده.
دغه عملي روزنه محصلینو ته زمینه برابره کړه، چې د ورید له لارې د درملو د خوندي او معیاري تطبیق اړوند خپل عملي مهارتونه پیاوړي او د ناروغانو د درملنې په بهیر کې د مسلکي نرسنګ خدمتونو د وړاندې کولو لپاره لا ښه چمتووالی ترلاسه کړي.

د نشراتو او ټولنیزو اړیکو مدیریت

الکوزی د طبي علومو انستیتوت

27/09/2026

27/09/2026

27/09/2026

27/09/2026

26/09/2026

26/09/2026

26/09/2026

26/09/2026

26/09/2026

24/09/2026

Address

Telephone

Website

Alerts

Shortcuts

Share

Category

Listing takedown request