30/09/2026
په نړیواله کچه نقد خپل تعریف بدل کړی دی، خو موږ اوس هم وایو چې کره کتنه د کوټه او نا کوټه پیسو جلا کولو یا د ښو او بدو ترمنځ توپیر ته وایي . . .
په اوس وخت کې نقد دې ته وایي چې له علمي اثارو، مقالو، لیکنو او ښو اشخاصو څخه لا ښه . . . میدان ته را وباسي او تر دې لا مهم دا؛ د دې پرځای چې د یوه شي نیمګړتیاوې را په ګوته کړي؛ بلکې د دې برعکس د کمیو پرځای یې په بارزو او قوي نقاطو بحث کوي.
دا کتاب د معاصرو او نړیوالو میتودونو په رڼا کې لیکل شوی دی او زه هیله لرم چې زموږ ځوان نسل د نقد په لارو چارو او اصولو سم وپوهوي او روان ګونګ حالت پای ته ورسوي.
زموږ ادبیات، نور علوم او ټولنه سالم نقد ته اړتیا لري، موږ باید چې نقد وکړو او نقد ومنو.
#یادونه: یاد کتاب مومند خپرندویې ټولنې چاپ کړی دی او له دې وروسته یې په ټول افغانستان او پښتونخوا کې ترلاسه کولای شئ!
