اقتصاد پوهنځی ننګرهار پوهنتون

23/08/2026

د کادري ازموینې خبرتیا!
ټاکل شوې ده، ننګرهار پوهنتون راتلونکې سه شنبه چې د (۱۴۰۵/ سنبلې/ ۳) نېټې سره برابره ده، د ننګرهار پوهنتون طب، کونړ سیدجمال الدین افغاني پوهنتون اقتصاد، غزني پوهنتون طب او عامه اداره، اشنا پوهنتون حقوقو او سیاسي علومو او میهن پوهنتون ستوماتولوژي پوهنځيو د بېلابېلو څانګو کادري ازموینه واخلي. د ازموینې ټولو ګډونوالو ته خبر ورکول کېږي، چې په ټاکلې نېټه او وخت ازموینې ته حاضر شي.
یادونه: ازموینه د سهار په اتو بجو د ننګرهار پوهنتون په مرکزي کمپس کې اخیستل کېږي.
درنښت
د ننګرهار پوهنتون اداره

09/08/2026

د ننګرهار پوهنتون اقتصاد پوهنځي ګرانو فارغانو!
السلام علیکم ورحمة الله وبرکاته
رب دې تاسې روغ او جوړ لري
د ننګرهار پوهنتون اقتصاد پوهنځي اداره غواړي چې د خپل تاسیس څخه راهیسی د ياد پوهنځي ټولو فارغانو لپاره د نیټورکينګ يوه ګډه شبکه جوړه کړي، تر څو له دې لارې د فارغو محصلینو سره دایمې رابطه قايمه او د پوهنځي د بهبود لپاره ورڅخه ګټه واخلي.
https://docs.google.com/forms/d/e/1FAIpQLSdKT3rQuJEa6FREg3Hw9RwlkZOphmFvkRaL3IJmkCztuhGCig/viewform?usp=dialog

د پورته ګوګل #فورم په ډکولو سره خپل درې دقيقې قیمتي وخت مونږ ته راکړئ او د فورم له بشپړیدو وروسته تاسې ته د واټسپ د يو ګروپ لينک درکول کیږي د مهربانۍ له مخې هغه ګروپ کې هم ځان شامل کړئ.
په درنښت
ننګرهار پوهنتون اقتصاد پوهنځي اداره

21/06/2026

د ننګرهار پوهنتون د اقتصاد پوهنځي څلور ګونو څانګو ټولو ګرانو محصلینو، د هغوی معززو کورنیو او خپلوانو ته د دوی د فراغت مبارکي وایو.
په ژوند کې ورته لا زیاتې بریاوې غواړو.

09/12/2025

د اقتصاد پوهنځي محصلینو ته د څېړنې پوښتنلیک جوړولو او معلوماتو تحلیل
اړوند یو ورځنی ورکشاپ دایر شو، ورکشاپ په پرانیستې وینا کې د پوهنځي قدرمن رئیس پوهنمل محمد صادق رهنما له خوا ګرانو محصلینو ته د څېړنې اهمیت اړوند هر اړخیز معلومات ورکړل شو، یاد ورکشاپ د محترم استاد پوهنیار عمران الحق عادل له تر سره شو.

02/10/2025

د ننګرهار پوهنتون اقتصاد پوهنځي د ١٤٠٣ کال د ستراتیژیک پلان تطبیقي راپور.

03/09/2025

ټولو هغه کاندیدانو ته خبر ورکول کېږي چې د ننګرهار پوهنتون ماسترۍ برنامې مختلفو څانګو لپاره یې نوم لیکنه کړې سبا پنجشنبه سهار 7:00 بجې دې د ننګرهار پوهنتون د کرنې پوهنځي ته بایومیتریک لپاره مراجعه وکړي.
اړین اسناد:
اصلي تذکره.

06/08/2025

هغه محصلین چې د ١٤٠٤ کال کانکور عمومي ازموینه کې ننګرهار پوهنتون ته بریالي شوي دي، نو د لاندې جدول له مخې دې په ټاکلي وخت مراجعه وکړي.
د داخلې لپاره دې لاندې اړین اسناد له ځانه سره ولري.
اول: د کامیاب محصل شتون اړین دی، یعنې د شخص نه شتون په صورت کې د داخلې پروسه مخکې نه ځي.
دویم: اصلي تذکره او د تذکرې دوه رنګه کاپيانې باید له ځانه سره ولري.
دریم: څلور قطعې عکسونه (٤،٣) چې بګراونډ یې سپین وي.
نوټ: د اقتصاد پوهنځي ټولو څانګو کامیاب محصلین باید د یکشنبې ورځ ١٤٠٤/٥/١٩ نېټه مراجعه وکړي.

04/08/2025

د ننګرهار پوهنتون اقتصاد پوهنځي، ماسترۍ برنامې او لیسانس دورې د بېلابېلو څانګو لرلید، ماموریت او ارزښتونه.

26/06/2025

فراغت غونډه تر سره شوه.
۱۴۰۴/۴/۵
د ننګرهار پوهنتون اقتصاد پوهنځي څلورګونو څانګو( ملي اقتصاد، سوداګرۍ، BBA، مالي او بانکي) څخه ۱۶۳ تنه محصلان فارغ شول.
یاده غونډه په امارات هوټل کې په داسې حال کې تر سره شوه چې په غونډه کې د ننګرهار پوهنتون محترم رئیس الشیخ انعام الله مدني، اداري چارو مرستیال، اقتصاد پوهنځي رئیس ښاغلي پوهنمل محمد صادق رهنما، څانګو آمرینو، محترمو استادانو، ګرانو محصلانو او د فارغو محصلانو د کورنۍ اعضاو ګډون درلود.
غونډه د قرانکریم په مبارکو ایاتونو تلاوت سره پیل شوه. د غونډې پرانیستې وینا د اقتصاد پوهنځي رئیس ښاغلي پوهنمل محمد صادق رهنما له لوري ګډونوالو ته واورول شوه او ګډونوالو ته ښه راغلاست وویل شو همدا شان د ننګرهار پوهنتون رئیس ښاغلي الشیخ انعام الله مدني صیب له لوري ګډونوالو ته عالمانه او هر اړخیزه وینا واورول شوه.
د ننګرهار پوهنتون رهبرۍ، اقتصاد پوهنځي رهبرۍ او محترمو استادانو له لوري محترمو فارغو محصلانو ته ترتیب شوي تصدیقونه وویشل شو او ټولو فارغو محصلانو ته د دوي د فراغت په پار مبارکي وویل شوه او غونډه په دعایې سره پای ته و رسیده.
په درنښت.
سرچینه: اقتصاد پوهنځي فرهنګي کمیټه.

17/05/2025