Faculty of Computer Science Nangarhar University

11/08/2026

د کادري بست اعلان
کمپيوټر ساينس پوهنځي معلوماتي تکنالوژي څانګه کې يو علمي کادر خالي بست اعلان ته ورکړل شوی دی. دوکتور، ماستر او ليسانس په شرايطو برابر اشخاص کولای شي د ثبت نام له پاره ننګرهار پوهنتون استادانو چارو امريت ته خپلې عرض پاڼې او اړوند اسناد تسليم کړي‌.
درنښت

داوطلبان کولاي شي چې ياد علمي کادر بست ته د نوم ليکنې په موخه خپلې غوښتنپاڼې (علمي کادر ته د شموليت فورمه) ډکې، په ملي ژبه د نمرو اصل ټرانسکرېپټ، د وزارت له ويبپاڼې څخه...

27/07/2026

د ننګرهار پوهنتون کمپیوټر ساینس پوهنځي کې د اوبو تصفیه کولو ماشین له جوړېدو وروسته ګټې اخیستنې ته وسپارل شو.

د اوبو فلتر یاد ماشین چې په ساعت کې ۲۰۰۰ لیتره اوبه پاکوي، د (ایچ ایچ ار ډي) خیریه مؤسسې له خوا د نږدې څلور سوه زره افغانیو په مالي لګښت جوړ او د یو لړ مراسمو په ترڅ کې ګټې اخیستنې ته وسپارل شو.

د پرانیستې په مراسمو کې د ننګرهار پوهنتون د محصلانو چارو مرستیال مولوي عبیدالله عابد، د کمپیوټر ساینس پوهنځي رئیس پوهنوال علي جان عادل، د محصلانو خدمتونو او همغږۍ آمر قاري بشیر احمد احمدي او د مرسته کوونکې ادارې مشر ښاغلي عبیدالله فیصل او نورو مسؤلینو او استادانو برخه لرله.

د پوهنتون مسؤلینو د مرسته کوونکې ادارې له مشر او نورو همکارانو د یاد اقدام او په تېر کې ننګرهار پوهنتون سره د ترسره کړیو مرستو له کبله مننه وکړه او راتلونکې کې یې هم د ورته فعالیتونو د دوام غوښتنه وکړه، چې د هغوی له خوا ډاډ ورکړل شو.

سرچینه: د عامه اړیکو او نشراتو امریت

27/12/2025

د معلوماتي سېستمونو څانګې لرليد او ماموريت
لرليد
د باکيفيته زده کړو په وړاندې کولو سره د معلوماتي سيستمونو په سکټور کې د افغانستان په اقتصاد او ځان بسياينې کې مرسته کول.
ماموريت
د معلوماتي سېستمونو څانګه ژمنه ده چې د نوې ټکنالوژۍ، علمي څېړنو، او عملي زده کړو له لارې داسې مسلکي، خلاق، او مسؤل فارغان وروزي چې د معلوماتو د مديريت، تحليل، او کارونې په برخه کې د ټولنې او اقتصاد د پرمختګ لپاره اغېزمن خدمتونه ترسره کړي.

27/12/2025

د معلوماتي تکنالوژي څانګې لرلید او رسالت

لرلید:
معلوماتي تکنالوژي څانګه هڅه کوي چې د معتبر او معیاري درسي او څېړنیزو پروګرامونو له لارې د خلکو د پرمختګ او د ژمنو او متخصصو کسانو د روزنې او زده کړې لپاره زمینه برابره کړي.

رسالت:
د معلوماتي تکنالوژۍ په برخه کې د مسلکي ، څېړنیزو او مدیریتي مهارتونو د لوړولو په موخه د معلوماتي تکنالوژۍ له پرمختګ سره سم د باکیفیته علمي او ښوونیزو خدمتونو وړاندې کول