Rokhan Institute of Higher Education روښان د لوړو زده کړو مؤسسه

26/09/2026

د فارمسستانو نړیواله ورځ د علمي سیمینار په وړاندې کولو سره ونمانځل شوه!

۴ / میزان/ ۱۴۰۵ هـ.ش

د روښان پوهنتون فرهنګي کمېټې له لوري د فارمسستانو نړیواله ورځ د فارمسي پوهنځي محصلینو ته د علمي سیمینار په وړاندې کولو سره ونمانځل شوه.
د پروګرام پیل د قرآن کریم د څو مبارکو آیتونو په تلاوت سره وشو، وروسته د فارمسي پوهنځي رئیس، ډاکټر محمد طارق نور د پیل وینا وکړه. نوموړي په خپله وینا کې د فارمسستانو د نړیوالې ورځې د اهمیت په اړه خبرې وکړې او ویې ویل، چې فارمسي د روغتیايي نظام یوه مهمه برخه ده او فارمسستان د درملو د کیفیت، خوندیتوب، اغېزمنتیا او د درملو د سم استعمال په برخه کې مهم مسؤلیت لري. هغه زیاته کړه چې د مسلکي او ژمنو فارمسستانو روزنه د روغتیايي خدمتونو د کیفیت په لوړولو کې مهم رول لري.
د فارمسي پوهنځي رئیس همداراز د محصلینو پر علمي پرمختګ، مسلکي زده‌کړو، څېړنې او د خپلې مسلکي دندې پر وړاندې د مسؤلیت په احساس ټینګار وکړ، له استادانو او محصلینو څخه یې وغوښتل، چې د فارمسي په برخه کې د نویو علمي معلوماتو او معیاري کړنلارو په زده‌کړه او پلي کولو کې لا ډېر کوښښ وکړي.
ورپسې د فارمسي پوهنځي استاد سمیع الله جمال د فارمسستانو د نړیوالې ورځې په مناسبت اړوند علمي سیمینار وړاندې کړ. نوموړي د موضوع بېلابېل علمي اړخونه تشریح کړل او د فارمسي په برخه کې یې د فارمسستانو د مسلکي مسؤلیتونو، د درملو د سم استعمال، د ناروغانو د خوندیتوب او د روغتیايي خدمتونو په بهیر کې د فارمسستانو د ونډې په اړه ګډونوالو ته معلومات وړاندې کړل.
د سیمینار له وړاندې کېدو وروسته د ګډونوالو پوښتنې ځواب شوې.
وروسته د سیمینار ارزونه د فارمسي پوهنځي استاد، داود شیرزاد له لوري ترسره شوه. نوموړي د وړاندې شوي سیمینار علمي محتوا، د موضوع د وړاندې کولو طریقه او د پروګرام عمومي بهیر مثبت وارزاوه او د ورته علمي پروګرامونو د دوام پر اهمیت یې ټینګار وکړ.
یاد پروګرام په دعا سره پای ته ورسېد.

درنښت
نشراتو آمریت

26/09/2026

24/09/2026

د روښان پوهنتون بیولوژي لابراتوار د علمي زده‌کړو، عملي تجربو او تخصصي مهارتونو د پیاوړتیا لپاره یو مهم او اغېزمن لابراتوار دی. په دې ویډیو کې تاسو د همدې لابراتوار هغه چاپېریال او اسانتیاوې ګورئ، چې محصلینو ته د لا ښه عملي درک او زده‌کړو لپاره برابر شوې دي. دا لابراتوار محصلینو ته زمینه برابروي، چې خپل نظري پوهه له عملي زده‌کړو سره یوځای کړي او خپل علمي او مسلکي مهارتونه لا پیاوړي کړي. روښان پوهنتون د باکیفیته لوړو زده‌کړو د وړاندې کولو په موخه تل هڅه کوي، څو خپلو محصلینو ته معیاري، مجهز او اغېزمن تدریسي چاپېریال برابر کړي.
ادرس: جلال آباد، دریمه ناحیه، د عامې روغتیا جومات ته مخامخ
شمېره: 0780645778
پته: جلال‌اباد، درېیمه ناحیه، صحت عامې مسجد ته مخامخ.

درنښت
نشراتو امريت

22/09/2026

په دې ویډیو کې تاسو د روښان پوهنتون فزیک لابراتوار ګورئ، چې د پوهنتون له مهمو علمي او تدریسي اسانتیاوو څخه ګڼل کېږي.
دا لابراتوار د دې لپاره جوړ شوی، چې محصلین وکولای شي د فزیک اړوند مفاهیم، اصول او تجربې په عملي بڼه ترسره کړي. دلته محصلینو ته دا زمینه برابره شوې، چې خپله علمي پوهه له عملي کار سره وتړي او خپل مهارتونه لا پیاوړي کړي.
روښان پوهنتون د معیاري او عصري زده‌کړو په موخه تل هڅه کوي، چې خپلو محصلینو ته مجهز او اغېزمن تدریسي چاپېریال برابر کړي.
ادرس: جلال آباد، دریمه ناحیه، د عامې روغتیا جومات ته مخامخ
شمېره:
0780645778
پته: جلال‌اباد، درېیمه ناحیه، صحت عامې مسجد ته مخامخ.

22/09/2026

د اقتصاد پوهنځي د اتم سمستر محصلینو ته د منوګراف لیکنې لارښود ورکشاپ ترسره شو!

۳۱/ سنبله /۱۴۰۵ هـ.ش

د روښان پوهنتون د اقتصاد پوهنځي له لوري د یاد پوهنځي اتم سمستر محصلینو ته د منوګراف لیکنې لارښود تر عنوان لاندې روزنیز ورکشاپ وړاندې شو، چې موخه یې د محصلینو د علمي مهارتونو پیاوړتیا او د منوګراف لیکنې له اصولو سره د هغوی بلدتیا وه.
ورکشاپ د قرآن کریم د مبارکو آیتونو په تلاوت سره پیل شو. د اقتصاد پوهنځي رئیس ښاغلي عاشق الله کریمي د پرانیستې وینا وکړه، نوموړي د علمي څېړنو او منوګراف لیکنې پر ارزښت خبرې وکړې او محصلین یې وهڅول، چې له دغو روزنیزو برنامو څخه په ښه ډول ګټه پورته کړي.
په دوام کې د اقتصاد پوهنځي استاد او د اداره او مدیریت څانګې آمر ښاغلي قیام صدیقي د ورکشاپ اړوند پریزنټېشن وړاندې کړ او د منوګراف لیکنې موخې، د موضوع ټاکلو طریقې، د منوګراف جوړښت، د علمي سرچینو کارول، د معلوماتو د راټولولو طریقې او له لارښوود استاد سره د علمي کار کولو اصول تشریح کړل.
د ګډونوالو د پوښتنو له ځوابولو وروسته یاد ورکشاپ په دعا سره پای ته ورسید.

درنښت
نشراتو آمریت

20/09/2026

زده کړه یوازې د کتاب او ټولګي تر منځ محدوده نه ده؛
یو مناسب او ارام چاپېریال هم د زده‌کړې د تجربې یوه مهمه برخه ده.

په روښان پوهنتون کې هڅه کوو داسې چاپېریال ولرو، چې محصلین پکې د زده‌کړې ترڅنګ د تمرکز، فکر او پرمختګ لپاره هم ښه فضا تجربه کړي.

روښان پوهنتون؛ د پوهې، تجربې او پرمختګ په لور.

#محصلین

20/09/2026

د روښان پوهنتون معالجوي طب پوهنځي مرستیال، ډاکټر شاهنشاه محبوب، د شرق ټلویزون په ځانګړې روغتیایي خپرونه کې د اوبلن او شدید نس ناستي په اړه هر اړخیز علمي معلومات وړاندې کړي دي.

په دې خپرونه کې نوموړي د نس ناستې د رامنځته کېدو لاملونه، نښې او علایم، د مخنیوي لارې، د کورنۍ لومړنۍ پاملرنې، د درملنې اصول او هغه خطرونه تشریح کړل، چې پر وخت یې د نه درملنې له امله رامنځته کېدای شي.

همدارنګه یې خلکو ته سپارښتنه وکړه، چې د پاکو اوبو کارول، د حفظ الصحې مراعاتول او د ناروغۍ پر مهال ژر روغتیايي مرکز ته مراجعه د دې ناروغۍ په مخنیوي او درملنه کې مهم رول لري.
تاسې یې بشپړه خپرونه د لاندې لینک له لارې کتلی شئ.

https://www.facebook.com/share/v/1BmmmqhuM7/

20/09/2026

د جلال اباد ښار په څلورمه ناحیه، روښان مېنه کې د امی.رالم.ؤمنین حف.ظه الله تعالی د احکامو، فرامینو، د نظام تګلارو او پالیسیو په اړه عامه پوهاوی ترسره شو!

۳۰ /سنبله / ۱۴۰۵ هـ.ش

د جلال‌اباد ښار په څلورمه ناحیه، روښان مېنه کې د روښان پوهنتون فرهنګي کمېټې له لوري، د دعوت او ارشاد او شکایتونو ته د رسېدګۍ کمېټې په همکارۍ، د امی.رالم.ؤمنین حف.ظه الله تعالی د احکامو، فرامینو، د نظام تګلارو او پالیسیو په اړه عامه پوهاوی ترسره شو.
یاد پوهاوی د دعوت او ارشاد او شکایتونو ته د رسېدګۍ کمېټې غړي او د اسلامي ثقافت استاد، مولوي نصرت‌الله تائب، د سیمې له اوسېدونکو سره د بېلابېلو فرمانونو او حکمونو په اړه معلومات شریک کړل.
مولوي نصرت‌الله تائب د امی.رالم.ؤمنین حف.ظه الله تعالی د احکامو او فرمانونو پر بنسټ د خوښیو، ودونو، مصیبتونو او له حج او عمرې څخه د راستنېدو پر مهال د ناسمو رواجونو د مخنیوي اړوند د ۱۷مې ګڼې فرمان په اړه معلومات وړاندې کړل.
نوموړي همداراز د ځنګلونو د ساتنې او د غیرقانوني پرېکولو د مخنیوي اړوند د ۲۸مې ګڼې فرمان مهم ټکي تشریح کړل او ګډونوالو ته یې د تولیدي شرکتونو او چاپي مطبعو له لوري په بسته‌بندۍ او چاپي توکو کې د الله تعالی او حضرت محمد صلی الله علیه وسلم د نومونو او د قرآن کریم د مبارکو آیتونو د لیکلو د مخنیوي اړوند د ۷۲۰۶/۳۴۶۶ ګڼې حکم، او د پټاقیو د الوزولو د مخنیوي اړوند د ۱۰۱۳ ګڼې حکم په اړه هم عامه پوهاوی ورکړ.
د پروګرام په پای کې مولوي نصرت‌الله تائب له ګډونوالو او د سیمې له اوسېدونکو وغوښتل، چې یاد شوي فرمانونه او احکام په خپلو ورځنیو چارو کې رعایت کړي او د اړوندو لارښوونو په عملي کولو کې لازم پام وکړي.
یاد عامه پوهاوی د دې لپاره ترسره شو، چې د سیمې اوسېدونکي د اړوندو احکامو، فرمانونو او نظام تګلارو او پالیسیو له محتوا څخه لا ښه خبر شي او په ورځني ژوند کې یې په پام کې ونیسي.

درنښت
نشراتو آمریت

19/09/2026

سلامتیا د رواني روغتیا پرته بشپړه نه ده.
There is no health without mental health

روښان پوهنتون
محصلانو چارو معاونیت
مشوره ورکولو مرکز

17/09/2026

د Microneedling پروسیجر په اړه محصلینو ته عملي کار تر سره شو!

۲۶/ سنبله /۱۴۰۵ هـ.ش

د روښان پوهنتون محصلینو ته د پوستکي د پاملرنې او ښکلا په برخه کې د Microneedling پروسیجر په اړه عملي کار تر سره شو.

Microneedling
د پوستکي د پاملرنې یوه پروسیجر ده چې د ډېرو نریو ستنو په وسیله د پوستکي په سطحه کوچني مایکرو چینلونه رامنځته کوي.
دغه پروسه د پوستکي د طبیعي ترمیم بهیر هڅوي او د کولاجین د تولید په زیاتېدو کې مرسته کوي.
په دې عملي روزنه کې محصلینو ته د Microneedling د پروسیجر د ترسره کولو طریقه، اړین وسایل، د پوستکي د حالت ارزونه او د پروسیجر پر مهال د اړینو روغتیايي او حفظ‌الصحې اصولو په اړه معلومات وړاندې شول.
په همدې موخه، د روښان پوهنتون استاد ډاکټر زبیر خاکسار محصلینو ته د یادې موضوع په اړه عملي کار ترسره کړ، څو محصلین له نظري معلوماتو ترڅنګ له عملي تجربې څخه هم برخمن شي.

درنښت
نشراتو آمریت