Pharmacy Faculty of Rokhan University

10/05/2026

روښان پوهنتون د فارمسی پوهنځی د وزارت تحصیلات عالی لخوا تائید شوی نصاب.

21/04/2026

د ۱۴۰۴ هـ.ش کال خزاني سمستر د ممتازو محصلینو ستاینغونډه تر سره شوه!

۱۲/ حمل /۱۴۰۵ هـ.ش

د ۱۴۰۴ هـ.ش کال خزاني سمستر د ممتازو محصلینو ستاینغونډه ترسره شوه.
غونډه د قرآن کریم د څو مبارکو آیتونو په تلاوت سره پیل شوه.
وروسته د پوهنتون د علمي چارو مرستیال، پوهنیار حبیب الرحمن سربلند د پرانیستې وینا وکړه، نوموړي په خپلو خبرو کې ګډونوالو ته له ښه راغلاست ویلو وروسته د ممتازو محصلینو هڅې، زحمتونه او لاسته راوړنې وستایلې. هغه ټینګار وکړ چې دا ډول ستاینغونډې د محصلینو د لا هڅونې او علمي پرمختګ لپاره مهم رول لري او له نورو محصلینو یې هم وغوښتل، چې له ممتازو محصلینو څخه الهام واخلي او د بریالیتوب په لور هڅې وکړي.
ورپسې د پوهنتون د ارشاد او دعوت آمر، مولوي عبدالحق درویش وینا وکړه، نوموړي د علم پر ارزښت، د محصلینو پر مسؤلیتونو یې خبرې وکړي همدا راز یې محصلین وهڅول چې د علم تر څنګ اخلاقي ارزښتونو ته هم پاملرنه وکړي.
د غونډې په وروستۍ برخه کې ممتازو محصلینو ته د هغوی د ښو تحصیلي پایلو، نه ستړې کېدونکو هڅو او زیار په درناوي ستاینلیکونه ورکړل شول.
غونډه په دعا سره پای ته ورسیده.

نشراتو آمریت

21/04/2026

د روښان پوهنتون او افغان جیم ټو کلب ترمنځ د ګډو همکاریو هوکړه لیک لاسلیک شو!

۱۶ / حمل / ۱۴۰۵ هـ.ش

د روښان پوهنتون او افغان جیم ټو کلب ترمنځ د ګډو همکاریو هوکړه لیک د یوې غونډې په ترڅ کې لاسلیک شو. دغه غونډه د قرآن کریم د څو مبارکو آیتونو په تلاوت سره پیل شوه.
ورپسې، د روښان پوهنتون د محصلانو چارو مرستیال، ښاغلي حضرت بلال ظریفي د پیل وینا وړاندې کړه. نوموړي په خپلو خبرو کې د دواړو بنسټونو ترمنځ د ګډو همکاریو پر اهمیت ټینګار وکړ او ویې ویل چې دا ډول هوکړه لیکونه کولی شي د محصلینو په ورزشي او فزیکي روغتیا برخه کې اغېزمن رول ولوبوي.
وروسته، د افغان جیم ټو کلب مسؤل ښاغلي صفت الله حمیدي هم وینا وکړه، نوموړي په خپلو خبرو کې ژمنه وکړه، چې د هوکړې له مخې به خپلې ټولې ژمنې په بشپړه توګه عملي کوي او د ورزش په برخه کې به د محصلینو لپاره لازمې اسانتیاوې برابرې کړي. د هوکړه لیک له مخې د روښان پوهنتون محصلینو ته د افغان جیم ټو کلب لخوا به په فیس کې %۵۰ تخفیف کېږي.
د یادونې وړ ده، چې دغه هوکړه لیک د روښان پوهنتون د سپورټ کمېټې مسؤل، رئیس خان دانش او د افغان جیم ټو کلب مسؤل صفت الله حمیدي له لوري لاسلیک شو، چې له مخې به یې دواړه لوري په ګډه د محصلینو ورزشي فعالیتونو د پیاوړتیا لپاره کار وکړي.

21/04/2026

هغه څوک چې نشه کوي، نه یوازې خپل ځان له منځه وړي، بلکې د خپلې کورنۍ هیلې او ارمانونه هم له خاورو سره خاورې کوي.
که موږ غواړو یوه سالمه او پرمختللې ټولنه ولرو؛ نو باید د نشه‌یي توکو پر وړاندې په ګډه مبارزه وکړو.

21/04/2026

له ویل کوالټي درمل جوړولو فابریکې سره د ګډو همکاریو هوکړه لیک لاسلیک شو!

۲۴ / حمل / ۱۴۰۵ هـ.ش

د روښان پوهنتون او د ویل کوالټي درمل جوړولو فابریکې ترمنځ د ګډو همکاریو هوکړه لیک د محصلینو عملي کار لپاره د یوې غونډې په ترڅ کې لاسلیک شو.
غونډه د قرآن کریم د څو مبارکو آیتونو په تلاوت سره پیل شوه.
ورپسې د پیل وینا د روښان پوهنتون د علمي چارو مرستیال، پوهنیار حبیب الرحمن سربلند وکړه. نوموړي په خپلو خبرو کې په هېواد کې د درمل جوړونې پر اهمیت ټینګار وکړ او د ګډو همکاریو دا ډول هوکړه لیکونه یې د علمي او عملي پرمختګ لپاره ارزښتمن وبلل. هغه همدارنګه د ویل کوالټي درمل جوړولو فابریکې له مسؤلینو څخه مننه وکړه، چې له روښان پوهنتون سره یې د ګډ کار هوډ کړی دی او محصلینو ته یې د عملي کار زمینه برابره کړه.
د غونډې په وروستۍ برخه کې د محصلانو چارو مرستیال ښاغلي حضرت بلال ظریفي او د ویل کوالټي درمل جوړولو فابریکې مسؤل ښاغلي حامد مشواڼي لخوا د ګډو همکاریو هوکړه لیک لاسلیک شو.
د هوکړه لیک له مخې د علمي او مسلکي همکاریو تر څنګ به په یاده فابریکه کې محصلین هم عملي کارونه تر سره کړي.

21/04/2026

د فارمسي پوهنځي محصلینو ته "د فارمسي ارزښت" په اړه علمي سیمینار وړاندې شو!

۲۶/ حمل /۱۴۰۵ هـ.ش

د روښان پوهنتون د فارمسي پوهنځي له لوري د یاد پوهنځي محصلینو ته "د فارمسي ارزښت" تر سرلیک لاندې علمي سیمینار وړاندې شو.
یاد سیمینار د قرآن کریم د څو مبارکو آیتونو په تلاوت سره پیل شو. ورپسې د فارمسي پوهنځي رئیس ښاغلي ډاکټر محمد طارق نور د پیل وینا وکړه. نوموړي د فارمسي په ارزښت، د ټولنې په روغتیايي نظام کې د دې څانګې رول او د مسلکي درمل جوړونکو د اړتیا په اړه هر اړخیزې خبرې وکړې. همدارنګه یې محصلینو ته ډاډ ورکړ، چې روښان پوهنتون د فارمسي په برخه کې د معیاري زده کړو لپاره ټولې لازمې درسي اسانتیاوې برابرې کړې دي.
د فارمسي پوهنځي استاد ښاغلي سمیع الله جمال یاد سیمینار وړاندې کړ. نوموړي د فارمسي د ارزښت، د درملو د سم استعمال، د درمل جوړونې د پرمختګونو، او د دې مسلک د راتلونکو فرصتونو په اړه تفصیلي بحث وکړ.
د ګډونوالو د پوښتنو له ځوابولو وروسته یاد سیمینار په دعا سره پای ته ورسید.

21/04/2026

20/04/2026

د فارمسي پوهنځي محصلینو د عملي کار دوره پیل شوه!

۳۱/ حمل /۱۴۰۵ هـ.ش

د روښان پوهنتون او ویل کوالټي درمل جوړولو فابریکې تر منځ د لاسلیک شوي هوکړه‌لیک پر بنسټ، د روښان پوهنتون د فارمسي پوهنځي محصلین د عملي زده کړو په موخه یادې فابریکې ته معرفي او خپله عملي دوره یې پیل کړه.
دغه عملي پروګرام، چې د محصلینو د مسلکي وړتیاوو د لوړولو او د نظري زده کړو د عملي کولو په موخه طرحه شوی، د دواړو بنسټونو تر منځ د علمي همکارۍ مهمه برخه بلل کېږي. محصلین به د دې پروګرام له لارې د درمل جوړونې په برخه کې عملي تجربې څخه برخمن شي او خپل علمي مهارتونه به لا پیاوړي کړي.
محصلینو هم د روښان پوهنتون له رهبرۍ څخه خوښ ول او مننه یې وکړه، چې د خپلو ژمنو سره سم یې هغوی ته د زده کړو مناسب چاپېریال او لازمې اسانتیاوې برابرې کړې دي او یاد فرصت یې د مسلکي راتلونکي لپاره ارزښتناک وباله او ژمنه یې وکړه، چې له دې فرصت څخه به اعظمي ګټه پورته کړي.
د یادونې وړ ده، چې روښان پوهنتون تل هڅه کوي څو د خپلو محصلینو لپاره د عملي زده کړو مناسب فرصتونه برابر کړي، ترڅو دوی وکولای شي د خپل مسلک په برخه کې پوره وړتیا او تجربه ترلاسه کړي او د هېواد د روغتیايي سکتور په وده کې اغېزناک رول ولوبوي.