16/04/2026
قدرمنو لوستونکو او ليدونکو!
خپلو ماشومانو ته مو پخپله يو هدف وټاکئ
تاسو چې خپل ماشومان درسونو ته لږئ، نو له ځانه پوښتنه وکړئ چې ولی ماشومان سبق ته لږئ!
که وتوانيږئ چې ماشومانو ته مو سم هدف تعين کړئ دا به ستاسو د ماشومانو د راتلونکې لپاره خورا لوی ګام وي.
ديني يا عصري علوم زده کول نيم عمر وخت نيسي نو څوک چې نیم عمر مزل کوي او هدف يې هم نه وي معلوم ګته به يې څه وي؟!
ماشومان له لومړي ټولګۍ تر ۱۴ حتی لسانس دورې پوري نشي کولای خپله هدف تعين کړي؛ دا تاسو ياست چې باید د خپلو ماشومانو لپاره داسي موخه په نظر کې ونیسئ چې هم خپل رب وپيژنې او هم سبا ته د ټولنې د اوږو بار نشي.
علم يا پوهه یوه ستره انساني اړتیا ده خو که د چا دقیقه موخه نه وي معلومه هغه پدې ستر بحر کې غرقيږي او هيڅ نتيجه ترې نشي تر لاسه کولای.
زمونږ لدې پوسټ څخه منظور دادی چی سر له اوسه خپل هر ماشوم ته اړوند بخش يا څانګه په نظر کې ونيسئ؛
چې کوم زوی دې بايد ښه عالم شي، کوم زوی دي بايد کلک حافظ وي، کوم يو بايد ساختماني انجينرشي، کوم یو بايد پروګرامر شي، کوم یو بايد ډاکتر وي، کوم يو بايد جيولجيست شي، کوم یو استاد شي او د کوم بخش...
که تاسو د خپلو ماشومانو درک او زکاوت ته په کتلو سره وتوانيږئ چې دقیق هدف ورته تعين کړئ بیا کولای شئ هماغه مسلک ته د رسيدو لپاره یې سر له اوسه مرسته وکړئ.
هر هغه زده کونکی چې غواړي په يو مسلک کې ځان ورسوي لهً ۲۲ تر ۲۶ کاله وخت نيسي.
که د دومره لوی وخت او عمر لپاره مونږ خپلو ماشومانو ته هدف ونه شو ټاکلی دا به ډیره لويه کمزوري وي.
