What are the opening hours?

Tuesday 09:00 - 17:00 Thursday 09:00 - 17:00

https://www.facebook.com/572134799930686/

Sabirabad şəhər N.Gəncəvi adına 5 saylı tam orta məktəb

Home
Azerbaijan
Sabirabad
Sabirabad şəhər N.Gəncəvi adına 5 saylı tam orta məktəb

Sabirabad şəhər N.Gəncəvi adına 5 nömrəli tam orta ümumtəhsil məktəbi 1979-cu ildə
istifadəyə verilib.

18/06/2026

" SERTİFİKASİYA İMTAHANINDA YÜKSƏK NƏTİCƏ – 59 BAL! "
____
18 iyun 2026-cı il tarixində keçirilən müəllimlərin sertifikasiya imtahanında Sabirabad şəhəri Nizami Gəncəvi adına 5 nömrəli tam orta ümumtəhsil məktəbinin təsviri incəsənət müəllimi Qasımova Səbinə yüksək nəticə göstərərək 60 mümkün baldan 59 bal toplamışdır.
Bu möhtəşəm nəticə müəllimimizin peşəkarlığının, zəhmətinin, biliyinin və öz üzərində daim çalışmasının bariz nümunəsidir. Qasımova Səbinə müəlliməni bu böyük uğur münasibətilə ürəkdən təbrik edir, gələcək fəaliyyətində daha böyük nailiyyətlər arzulayırıq.
Qürur duyuruq ki, belə peşəkar müəllimlər məktəbimizin uğurlarına uğur qatırlar!

16/06/2026

"Şagirdlərimizdən Respublika Fənn Müsabiqəsində möhtəşəm nailiyyət"
______
Sabirabad şəhəri Nizami Gəncəvi adına 5 nömrəli tam orta ümumtəhsil məktəbinin VII sinif şagirdləri Respublika Fənn Müsabiqəsində uğurlu nəticələr əldə ediblər.
Məmmədova Dəniz Fuad qızı riyaziyyat fənni üzrə gümüş medal , Allahverdiyeva Səadət Səlim qızı fizika fənni üzrə bürünc medal qazanmışdır.
Şagirdlərimizin bu uğuru onların zəhmətinin, əzmkarlığının və müəllimlərinin fədakar əməyinin nəticəsidir. Qaliblərimizi ürəkdən təbrik edir, onlara gələcək təhsil həyatlarında daha böyük nailiyyətlər, yeni-yeni uğurlar arzulayırıq.
Uğurlarınız daim olsun!

15/06/2026

🥉 I sinif şagirdlərimizin gimnastikada uğuru!
_____
“Gimnastika hamı üçün” növü üzrə IV Bakı Beynəlxalq Festivalı 13 iyun tarixində keçirilmişdir.Festivalda məktəbimizin I sinif şagirdləri Vəlizadə İradə Zamiq qızı, Qasımova Fərəh Sənan qızı və Hüseynzadə Leyla Samir qızı Sabirabadın “Tıq-tıq xanım” komandasında çıxış edərək 🥉 III yerə layiq görülmüşlər.

I sinif şagirdlərimizi və onların müəllimləri komandanın baş məşqçisi Reyhan Məmmədzadəni ürəkdən təbrik edir, onlara gələcək fəaliyyətlərində daha böyük uğurlar arzulayırıq!

13/06/2026

“Son Zəng” tədbiri keçirildi.
_____
13 iyun 2026-cı il tarixində Sabirabad şəhəri Nizami Gəncəvi adına 5 nömrəli tam orta ümumtəhsil məktəbində məzunlar üçün “Son Zəng” tədbiri keçirildi.
Tədbirdə Sabirabad Rayon İcra Hakimiyyətinin başçısının birinci müavini Həsən Həsənov, Sabirabad Rayon İcra Hakimiyyətinin əməkdaşı Fərid Ağayev, Mil-Muğan Regional Təhsil İdarəsi Tədrisin Keyfiyyəti Sektorunun məsləhətçisi Finarə Əhədzadə və həmin sektorun əməkdaşı Nihal Fərzəliyeva qonaq qismində iştirak ediblər.
Əvvəlcə Azərbaycan Respublikasının Dövlət Himni səsləndirilib, Vətənimizin azadlığı və ərazi bütövlüyü uğrunda canlarından keçmiş şəhidlərimizin əziz xatirəsi bir dəqiqəlik sükutla yad edilib. Daha sonra məktəbin direktoru Elsevər Kərimov çıxış edərək məzunları bu əlamətdar gün münasibətilə təbrik edib, onlara gələcək həyatlarında uğurlar arzulayıb.
Çıxış edən qonaqlar məzunlara öz tövsiyələrini verərək, onların gələcək təhsil və peşə həyatlarında yüksək nailiyyətlər qazanacaqlarına inandıqlarını bildiriblər. Tədbir şagirdlərin hazırladıqları bədii kompozisiyalar, mahnılar və rəqs nömrələri ilə davam edib.
Sonda ən həyəcanlı an yaşanıb – məktəbdə sonuncu zəng səslənərək məzunların məktəb həyatı ilə vidalaşdıqları unudulmaz gün yaddaşlarda xoş xatirə kimi qalıb.
Məktəb kollektivi adından bütün məzunlara gələcək həyatlarında uğurlar, yeni nailiyyətlər və parlaq gələcək arzulayırıq.

12/06/2026

"Fərqlənən şagirdlərimiz təltif edildi"
_____
Sabirabad şəhəri Nizami Gəncəvi adına 5 nömrəli tam orta ümumtəhsil məktəbində 2025–2026-cı tədris ilinin yekununa həsr olunmuş rəğbətləndirmə tədbiri keçirilmişdir. Tədris ili ərzində yüksək nəticələr göstərən,təhsilalanların davranış qaydalarına uyğun olaraq nümunəvi davranış nümayiş etdirən,sinifdən xaric və məktəbdən kənar tədbirlərdə fəallıq göstərən ,müxtəlif müsabiqə və olimpiadalarda fərqlənən şagirdlər məktəb rəhbərliyi tərəfindən Tərifnamə, Təşəkkürnamə və Fəxri Fərmanlarla təltif olunmuşlar.
Tədbirdə şagirdlərin qazandıqları uğurların onların zəhmətinin, müəllimlərin əməyi və valideynlərin dəstəyinin nəticəsi olduğu vurğulanmışdır. Əlaçı şagirdlər əldə etdikləri nailiyyətlərə görə təbrik edilmiş, onlara gələcək təhsil həyatlarında daha böyük uğurlar arzulamışdır.
Məktəb rəhbərliyi təhsildə fərqlənən, nümunəvi davranışları və yüksək göstəriciləri ilə seçilən bütün şagirdləri təbrik edir, onlara yeni nailiyyətlər və uğurlar arzulayır.

09/06/2026

"Şagirdimiz beynəlxalq olimpiadada bürünc medal qazanmışdır"
_______
Sabirabad şəhəri Nizami Gəncəvi adına 5 nömrəli tam orta ümumtəhsil məktəbinin VII “B” sinif şagirdi Məmmədova Dəniz Fuad qızı Kenquru Beynəlxalq Riyaziyyat Olimpiadasında yüksək nəticə göstərərək bürünc medal qazanmışdır.
Uzun illərdir ki, ölkəmizdə keçirilən bu müsabiqədə minlərlə şagird üçün riyaziyyat fənni üzrə biliklərini yoxlama imkanı yaradılır. Müsabiqə şagirdlərin problem həll etmə bacarıqlarını, məntiqini və riyazi mülahizələrini yoxlayan qapalı tipli test tapşırıqlarından ibarətdir. Qeyd edək ki, sözügedən müsabiqə hər il dünyanın 80-dən çox ölkəsində “Həll edirik, öyrənirik, əylənirik” şüarı altında təşkil olunur.
Müsabiqə, II-X siniflərdə təhsil alan şagirdlərin beynəlxalq ekspertlər tərəfindən hər yaşa uyğun olaraq hazırlanmış tapşırıqlar əsasında riyaziyyat fənni üzrə bilik və bacarıqlarını yoxlamağa imkan yaradır.

Şagirdimizi bu nailiyyət münasibətilə ürəkdən təbrik edir, ona gələcək təhsil həyatında yeni uğurlar və daha böyük qələbələr arzulayırıq!

05/06/2026

Sabirabad şəhəri Nizami Gəncəvi adına 5 nömrəli tam orta ümumtəhsil məktəbinin 2C sinif şagirdləri arasında fiziki tərbiyə müəllimi Rəsulova İradənin təşkilatçılığı ilə “Şən startlar” idman yarışı keçirildi.

Yarışda 26 şagird iki komanda – “Zəfər” və “Qarabağ” komandaları tərkibində mübarizə apardı. Şagirdlər çeviklik, sürət və komanda ruhu nümayiş etdirərək maraqlı yarış anları yaşadılar.

Gərgin və əyləncəli keçən yarışın yekununda hər iki komanda eyni nəticə göstərərək 2:2 hesabı ilə dostluq və həmrəylik nümunəsi sərgilədi.

Şagirdlərimizi təbrik edir, onlara gələcək yarışlarda uğurlar arzulayırıq!

04/06/2026

📩“Məktəblilərarası milli kosmik poçt kart müsabiqəsi”nin məktəb mərhələsi.
____
Sabirabad şəhəri Nizami Gəncəvi adına 5 nömrəli tam orta ümumtəhsil məktəbində Məktəblilərarası Milli Kosmik Poçt kart Müsabiqəsinin məktəblilərarası mərhələsi keçirilmişdir.Müsabiqənin keçirilməsində əsas məqsəd şagirdlərdə kosmos, elm və texnologiyalara marağın artırılması, onların yaradıcılıq qabiliyyətlərinin inkişaf etdirilməsi, eləcə də gələcəyə dair düşüncə və təsəvvürlərinin ifadə olunmasına şərait yaratmaq olmuşdur.
Təqdim olunan poçt kartlarda şagirdlərin zəngin təxəyyülü, yaradıcılıq bacarıqları və kosmosa olan maraqları öz əksini tapmışdır.
Məktəbdaxili mərhələdə seçilən ən yaxşı poçt kart müsabiqənin növbəti mərhələsində iştirak etmək üçün təqdim olunacaqdır.
Bütün iştirakçılara təşəkkür edir, növbəti mərhələdə uğurlar arzulayırıq.

02/06/2026

1 İyun – Uşaqların Beynəlxalq Müdafiəsi Günü münasibətilə məktəbimizdə keçirilən tədbirdən yaddaqalan anlar.

Tədbirin təşkilində göstərdikləri diqqət və qayğıya görə məktəbin direktoru Elsevər Kərimova və UBR Günay Qarayevaya təşəkkürümüzü bildiririk.

Bütün uşaqlara xoşbəxt, sağlam və uğurlu gələcək arzulayırıq! 🌸✨

01/06/2026

"1 İyun-Uşaqların Beynəlxalq Müdafiyəsi Günü"
_____
Sabirabad şəhəri Nizami Gəncəvi adına 5 nömrəli tam orta ümumtəhsil məktəbində UBR Günay Qarayevanın təşkilatçılığı ilə 1 İyun – Uşaqların Beynəlxalq Müdafiəsi Günü münasibətilə bayram tədbiri keçirildi.
Tədbirdə Mil-Muğan Regional Təhsil İdarəsinin müdir müavini Rabil Şahbazov və Elm və Təhsil İşçiləri Həmkarlar İttifaqının Sabirabad rayon komitəsinin sədri Seyidhüseyn Hüseynov iştirak etdilər.

Əvvəlcə məktəbin direktoru Elsevər Kərimov çıxış edərək qeyd etdi ki, uşaqlar cəmiyyətin ən dəyərli üzvləridir və onların hüquqlarının qorunmasının, sağlam və hərtərəfli inkişafının təmin edilməsi hər birimiz üçün vacibdir.Qonaqlar çıxış edərək şagirdləri 1 İyun – Uşaqların Beynəlxalq Müdafiəsi Günü münasibətilə səmimi qəlbdən təbrik etdilər, onlara sağlamlıq, xoşbəxtlik, uğurlar və parlaq gələcək arzuladılar.

Tədbir çərçivəsində şagirdlər tərəfindən hazırlanan şeirlər, mahnılar, rəqslər və müxtəlif bədii kompozisiyalar nümayiş etdirildi. Uşaqların maraqlı çıxışları iştirakçılar tərəfindən böyük rəğbətlə qarşılandı və alqışlarla müşayiət olundu.

Sonda qonaqlar uşaqlara göstərilən diqqət və qayğının hər zaman dövlət siyasətinin əsas istiqamətlərindən biri olduğunu qeyd edərək, bütün şagirdlərə təhsildə və gələcək fəaliyyətlərində yeni uğurlar arzuladılar. Bayram tədbiri xoş əhval-ruhiyyə və unudulmaz anlarla yadda qaldı.

Address

Sabirabad

Opening Hours

Tuesday	09:00 - 17:00
Thursday	09:00 - 17:00

Telephone

0518841716

Website

facebook.com

Alerts

Be the first to know and let us send you an email when Sabirabad şəhər N.Gəncəvi adına 5 saylı tam orta məktəb posts news and promotions. Your email address will not be used for any other purpose, and you can unsubscribe at any time.

Want your university to be the top-listed University in Sabirabad?