08/18/2026
مقصد څه کم زیات یو کیلو تیږه موږ هم له یوه ماشوم له مثانی ویستله 😎د سریلانکا والی ته رسیدای نشی خو که یو څوکاله پاته وایی همدومره کیدله.
خلګ اوس مثانه کې دونه غټی ډبری ګرځوی
په سریلانکا کې د مثانې د تر ټولو لویې تیږې ریکارډ؛
ډاکټرانو په سریلانکا کې د یوه ۵۵ کلن سړي له مثانې څخه ۳.۱ کیلوګرامه وزن لرونکې تیږه وایستله چې د دوی په باور، تر اوسه په نړۍ کې ثبت شوې د مثانې تر ټولو لویه تیږه ده.
دغه ۵۵ کلن سړی د سټروک (Stroke) له امله په روغتون کې بستر شوی و.
د درملنې پر مهال ډاکټرانو ولیدل چې هغه د ادرار کولو له ستونزې سره مخ دی. له معایناتو وروسته څرګنده شوه چې د هغه په مثانه کې تیږې موجودې دي.
د مثانې تیږه څنګه جوړېږي؟
د مثانې تیږه هغه وخت جوړېږي چې په ادرار کې موجود منرالونه کرسټال جوړ کړي او وروسته په کلکه ډبرینه کتله بدله شي.
دا تیږې معمولاً هغه وخت رامنځته کېږي چې مثانه په بشپړه توګه تشه نه شي، یعنی د تشو بولو د کولو وروسته بیا هم تشی بولی مثانه کې پاته کیږي، او هم دغه مثانه کې پاته ادرار غلیظ کیږي.
دا غلیظ ادار منرالونه سره جمع کیږي بلورونو جوړوي او وروسته د تیږې د جوړېدو سبب ګرځي.
کوچنۍ د مثانې تیږې، چې د شګو د دانو په اندازه وي، کېدای شي په خپله له ادرار سره خارجې شي. خو له ۱ سانتيمتر څخه لویې تیږې ډېر وخت د ادرار د لارې د بندښت سبب کېږي او درملنې ته اړتیا لري.
