Quel est le site Web ?

https://www.facebook.com/110595455133946/

LSDteam, علوم المنصوره, Democratic Republic of the (2026)

16/04/2023

One team One dream 🤩

*D

06/04/2023

We would like to thank the heroes of our committee for passing the training course in the medical analysis workshop in cooperation with معمل الشريان للتحاليل الطبيه under the training of Prof. Khaled Shahba, doctor of immunochemistry and hormones, and for passing 30 hours of training, wishing them further progress and success,

wait us to repeat the course again,🥳

All thanks and appreciation to
Dr Mai Madkour
Dr Khaled Shahba ♥️

نود أن نشكر أبطال لجنتنا على تخطيهم مرحلة التدريب بورشة عمل التحاليل الطبيه بالتعاون مع معمل الشريان تحت تدريب الأستاذ الدكتور خالد شهبه دكتور الكيمياء المناعيه والهرمونات ، واجتيازهم 30 ساعه تدريب ،متمنين لهم مزيد من التقدم والنجاح ،
انتظرونا فى إعادة الكورس مره أخرى 🥳
كل الشكر والتقدير إلى
دكتور مي مدكور ؛ رائدة الفريق
دكتور خالد شهبه ؛ مدير معمل الشريان ♥️

11/03/2023

فريق L*D عامل زيارة لمستشفى 57357 بالقاهرة يوم ١٤ مارس.

57357 مش مجرد مستشفى لكن تعتبر أكبر مركز لعلاج سرطان الأطفال فى العالم من حيث الطاقة الاستيعابية، واحدة من أفضل المستشفيات في مصر والوطن العربي، اتعالج وبيتعالج فيها آلاف الأطفال المصابة بالسرطان بالمجان.

اللي حابب يتبرع للمستشفى ونوصل تبرعه يبعت على فودافون كاش للرقم دا 01002819984.

تبرعك للمستشفى هو تبرعك لنفسك خط أمان لينا ولأولادنا.

*D💙

09/03/2023

علان هام جدا بخصوص إمتحان المنتصف للفصل الدراسى الثانى للعام 20022-2023*
على كل طلاب الكلية مراعاة الآتى بشأن إمتحان المنتصف والذى سيعقد فى الفترة من السبت الموافق 25 إلى الخميس الموافق 30 مارس
أولا : التأكيد على أن شأن *إمتحان المنتصف هو نفس الشأن لإمتحانات النهائى بمعنى أنه لن يعاد الإمتحان لأى طالب مطلقا ومن يتغيب فلن ترصد له أى درجات على الإطلاق فى إمتحان المنتصف وسيعتبر غائب.
ثانيا: لن يتمكن الطلاب الغير مسجلين بكشوف المقررات من أداء إمتحانت المنتصف بأى حال من الأحوال ونؤكد أنه لن ولن يتم إعادة إمتحان المنتصف لأى طالب مطلقا بما فيهم طلاب المسجلين (تحسين المعدل للتخرج) وكذلك كل الطلاب الذين سجلوا أخيرا سواء كانت لائحة قديمة أو جديدة وعلى جميع الطلاب الإلتزام بأداء الإمتحان فى أسبوع المنتصف
ثالثا: نهيب بكل الطلاب من التأكد من أن جميع المقررات مسجله بجدولهم الدراسيه موجوده فى جدول الإمتحان الموجود على موقع الطالب من خلال MY U وهو المرجع والأساس الذى يجب ان يطبع الطالب جدول إمتحانه من خلاله والإلتزام به.
مع أطيب الأمنيات بالتوفيق للجميع🤩
*D

08/03/2023

تخيل أن الأمراض المعدية زي مثلا الجدري والكوليرا والتيفود والألتهاب الرئوي وغيرها من الأمراض اللي بنعالجها بسهولة دلوقت كانت كابوس مرعب بتقتل أعداد رهيبة من البشر، أنك تتجرح مثلا والجرح يكون عليه عدد كبيرة من البكتيريا جسمك مش قادر يحاربة لواحده كانت ممكن تقتلك وحتى الولادة كانت شيء خطير، متوسط عمر الإنسان كان تقريبا 40 سنة، والكلام دا مش من 1000 سنة لكن من أقل من ١٠٠ سنة، وفضل الحال على كدا لغاية سنة 1928 وأكتشف "السير ألكسندر" "البنسلين" وبدأ عصر المضادات الحيوية.

وبقى كتير من الأمراض اللي كانت رعب للبشر حاجة بسيطة مع شوية علاج الدنيا بتكون تمام.

وبدأت المضادات الحيوية تسهل علينا كتير من الإجراءات الطبية الحديثة، بما فيها علاج السرطان وزرع الأعضاء وجراحة القلب المفتوح وغيرها.
بس هل البكتريا مع اللي أحنا بنعمله دا ساكتة كدا ومستسلمة أننا بكام حباية مضاد حيوي بنقضي عليها دا حتى عيب دا هي اللي موجودة على الأرض قبلنا، أحب أقولك أنه "لا" البكتريا مش ساكتة ولا حاجة لكن البكتريا بتطور من نفسها وبيحصلها طفرات تغير من صفاتها وفي طفرات بتديها صفات مميزة زي مثلا أنها تكون "مقاومة للمضادات الحيوية" وفي الحالة دي بيكون أسمها "Superbugs".

مثال صغير كدا علشان تفهم الدنيا ماشية ازاي لو في مجموعة كبيرة من البكتيريا موجودة في جسمك حصل طفرة لبكتيريا واحدة مثلا بتخليها مقاومة لنوع واحد من المضادات الحيوية، أخدت أنت المضاد الحيوي هيقتل كل البكتيريا الموجودة الا اللي عندها طفرة.
هتقولي طيب ما هي بكتيريا واحدة اللي حصلها الطفرة دي وبكدا هي بس اللي هتفضل، هقولك فعلا هي بكتريا واحدة اللي حصلها الطفرة بس البكتيريا دي هتفضل تتكاثر مع نفسها لغاية ما تعمل سلالة مقاومة للنوع دا من المضادات الحيوية.

هتقولي ما نستخدمها نوع تاني من المضادات الحيوية وخلاص! هقولك ما هو دا اللي بيحصل.

لكن البكتيريا مش بتقف لحد هنا وتسكت بتيجي طفرة تانية للسلالة دي تخليها مقاومة لنوع تاني من المضادات الحيوية وتفضل بنفس الطريقة لغاية ما يظهر عندنا سلالة مقاومة لكل المضادات الحيوية ودي كارثة بكل ما تحمله الكلمة.

والبكتيريا مش بتقف لغاية كدا لا البكتيريا كمان عندها القدرة أنها تنقل الصفة اللي عندها دي (المادة الوراثية) لسلالة تانية خالص من خلال نقل الجينات الأفقي (HGT) فتكون هي كمان مقاومة لنفس المضاد الحيوي.

وهيفضل الوضع كدا ولو مفيش أكتشافات للمضادات حيوية جديدة هنرجع لما قبل المضادات الحيوية، وحاليا في ناس لو حصلهم عدوى بتكون البكتيريا مقاومة لأنواع معينة من المضادات الحيوية وناس بيكون البكتيريا مقاومة لكل المضادات الحيوية وفي الحالة دي المريض مضطر يتعامل مع العدوى دي لواحده أعتماده الكامل بس على مناعته!
بسبب البكتيريا المقاومة للمضادات الحيوية بيحصل حوالي 2.8 مليون عدوى بس في الولايات المتحدة الأمريكية وبيموت منهم حوالي 35000 ودا أنا بتكلم في أمريكا يعني مش دولة من الدول النامية.

حاجة مخيفة بل مرعبة صح! أنا بقى جاي أقولك أن أنت تعتبر السبب الأساسي في أن البكتريا توصل لأنها تكون مقاومة لمضادات الحيوية بالشكل السريع دا، حضرتك مش فاهم دلوقت أنا ليه بقول كدا وأنت مالك بالطفرات اللي بتحصل للبكتيريا!

هقولك حضرتك بيكون عندك دور برد فيروس في جسمك اصلا مش بكتريا تقوم رايح واخد مضاد حيوي عندك شوية صداع تاخد مضاد حيوي يروح المضاد الحيوي يقتل البكتريا النافعة أو المسالمة في جسمك سواء البكتريا دي في الجهاز الهضمي أو القولون أو غيرها ويفضل البكتريا الضارة أو ال Superbugs وتتكاثر ويجي منها أجيال مقاومة للمضادات الحيوية وممكن يحصلها طفرات وهكذا مهو كل الغذاء ليها أنت قتلت البكتريا النافعة مفيش منافس ليها في المكان ولا في الغداء، وممكن يكون عندك عدوى بكتيرية لكن حالتك بسيطة مش مستاهلة مضاد حيوي ممكن جهازك المناعي يقاومها لواحده تقوم رايح على الصيدلية واخد مضاد حيوي قبل ما تكشف وتعرف نوع البكتريا اللي عندك أو المضاد الحيوي المناسب ليها فبعد كدا لو عندك عدوى خطيرة المضاد الحيوي دا خلاص مش هيكون فعال معاها.

أو أن حضرتك تروح تكشف والدكتور فعلا يكتبلك المضاد الحيوي المناسب تاخده يوم أتنين تلاتة وخلاص تحس أنك كويس تقوم تبطله قبل الميعاد اللي الدكتور محدده، حضرتك كدا قتلت البكتريا الضعيفة بس فحسيت بتحسن باقي البكتريا القوية ودي هتتكاثر وتكتر في جسمك.

اللي حضرتك بتعمله دا مش خطر عليك لواحدك دا خطر على البشرية كلها.

مقاومة المضادات الحيوية من أخطر الحاجات اللي بتواجهه الصحة العالمية لو مكانش أخطرها ممكن عدد الوفيات توصل في 2050 ل 10 مليون وفاة بسبب مقاومة البكتيريا للمضادات الحيوية.

فياريت نساعد نفسنا ونلترم بجرعة المضاد الحيوي اللي الدكتور وصفها من غير ما نقلل أو ننقص.
ونبطل نستخدم المضادات الحيوية على الفاضي والمليان ومن غير أستشارة الطبيب.

المصادر: أول تعليق⬇️

By: ✍️
Israa Manaa

*D💙

07/03/2023

النهاردة بنكمل رحلتنا اللي بدأناها في كلامنا عن أنواع علاجات السرطان، وفي المرة اللي فاتت اتكلمنا عن النوع الأول وهو العلاج الكيميائي.

النهاردة هنتكلم عن النوع التاني
وهو "العلاج الاشعاعي"
Radiation therapy (radiotherapy)
العلاج الإشعاعي ممكن يكون "علاج مكمل" بمعنى إن المريض بياخده ضمن علاجات أخرى، أو أنه يكون هو العلاج الأساسي، وده طبعا بيعتمد على حالة المريض.

دور العلاج الاشعاعي إنه بيقلص حجم الورم وبيقتل الخلايا السرطانية.

طب إزاي بيشتغل؟!
في الطبيعي خلايا جسم الإنسان بتنقسم وتعمل نسخ كتير، ولما الجسم بيكون مصاب بالسرطان الخلايا بتنقسم بسرعة، وهنا بييجي دور العلاج الاشعاعي، لأنه بيستخدم جزيئات عالية الطاقة فبتعمل فواصل صغيرة في الحمض النووي للخلايا السرطانية لتدميرها واتلافها بحيث متقدرش تعمل نسخ جديدة وبالتالي بيوقف نمو الورم وتموت الخلايا السرطانية.

ودور العلاج ده مهم جدا لما الخلايا السرطانية تبتدي تنتشر في الجسم لانه بيقدر يقتلها من قبل ما تكبر و تكون ورم جديد.
وفي بعض الحالات اللي علاجها بيبقي صعب، ممكن الطبيب يستخدمه لتخفيف اعراض المرض وتقليص حجم الورم.

وزي ما اتكلمنا قبل كده في العلاج الكيميائي على أنه بجانب تدميره للخلايا السرطانية بيدمر كمان الخلايا السليمة، كمان العلاج الاشعاعي ممكن يصيب خلايا سليمة ويتلفها، لكن الفرق هنا أن الخلايا المتضررة من العلاج الاشعاعي عندها القدرة على إصلاح نفسها مرة تانية.

العلاج الاشعاعي منه نوعين :
1- خارجي: وده بيتم عن طريق جهاز خارج الجسم بيوجه حزمة من الأشعة عالية الطاقة زي الأشعة السينية أو أشعة جاما،وبيوجهها لنقطة دقيقة في الجسم لمعالجة الورم.

2- الداخلي: وده عن طريق وضع مصدر للإشعاع داخل الجسم اللي ممكن يكون صلب أو سائل، العلاج الإشعاعي الداخلي عن طريق مصدر صلب يسمى
"Brachytherapy"
في نوع العلاج ده بيتم وضع بذور أو كبسولات تحتوي على مصدر الاشعاع داخل انسجة الورم أو بالقرب منه.

النوع التاني من العلاج الاشعاعى الداخلي بيكون عن طريق مصدر سائل
"Systemic therapy"
وsystemic تعني ان العلاج بيمر خلال الدم للوصول للانسجة السرطانية وقتلها
وبيتم الحصول على نوع العلاج ده بواسطة البلع أو الحقن.

اختيار النوع المناسب من العلاج الاشعاعي بيعتمد على نوع السرطان وحجم الورم ومكانه ومدى قربه من الأنسجة الأخرى، والصحة العامة للجسم.

العلاج الاشعاعي بيكون فيه صورة جلسات عددها بيختلف حسب رؤية الطبيب للحالة وبيبقي وقتها ٥ دقايق أو أقل لان اغلب وقت الجلسة بيكون في تحضير المريض وضبط الجهاز.

الآثار الجانبية للعلاج الاشعاعي بتختلف من حالة لحالة وممكن بعض الناس ميحسوش الآثار دي ومنها :
-صعوبة في البلع وجفاف الفم لو كان الورم في منطقة الرأس أو الرقبة.
-السعال وصعوبة التنفس لو في منطقة الصدر.
-تهيج المثانة والاسهال وكثرة التبول لو في منطقة الحوض.
-التقيؤ والغثيان لو في منطقة البطن.

وممكن العلاج الاشعاعي يؤثر على الجلد أو يسبب فيه بعض الحروق وعشان كده لازم بعد كل جلسة الطبيب ينصح المريض باستخدام كريمات موضعية ومرطبات عشان يتفادى أي أثر يفضل في الجلد.

المصادر ولينك البوست اللي بنتكلم فيه عن العلاج الكيميائي في التعليقات ⬇️
By;✍️
Omnia Fouda

*D💙

05/03/2023

الصرع " Epilepsy " هو اضطراب عصبى مزمن يحدث نتيجة نشاط كهربى غير طبيعى للدماغ ( غياب أو زيادة إشارات الخلايا العصبيه في الدماغ ).

يسمى أيضا بنوبة الصرع وقد تشمل النوبات التشنجات وفقدان الوعي والحركات أو السلوكيات الغريبة في الجسم ولكن يمكن أن يتبعها ارتباك أو عدم استجابة.

والصرع مرض شائع يصيب ما يصل إلى 50 مليون شخص في جميع أنحاء العالم ويوجد نوعان رئيسيان من نوبات الصرع.

▫️ نوبات الصرع البؤرية "نوبات الصرع الجزئية ":
تتكون فى منطقه واحده من الدماغ وتنقسم هذه النوبات إلى نوعين:
١- نوبات الصرع الجزئية البسيطة.
وهى تحدث مع ضعف في الوعى دون فقدان الوعي ويشعر البعض بأحاسيس تسمى الهالات والتى تسبق نوبة الصرع التى قد تتضمن روائح ومذاقات كريهه والاحساس بوهم سبق الرؤيه " ديجا فو " ويمكن أن يؤدى هذا النوع إلى حدوث تشنجات لا إرادية في بعض أجزاء الجسم مثل الذراع أو الساق بالإضافة إلى أعراض حسية مثل الوخز والدوار.

٢- نوبات الصرع الجزئية المعقدة.
يصاحبها تغير فى الوعي أو الإدراك أو فقدانهما ويبدو الشخص فى هذا النوع كأنه محدقاً فى السماء ولا يستجيب لما يدور حوله وربما تصدر عنه حركات متكررة مثل الدوران وفرك اليدين والمضغ والبلع وقد تكون النوبات الجزئية المعقدة ناتجة عن خلل فى الفص الجبهى أو الفص الدماغي.

▫️نوبات الصرع المعممه:
تصيب معظم أو كل أجزاء الدماغ وتنقسم إلى 6 انواع:

١-نوبات الصرع المصحوبة بغيبة " نوبات الصرع الصغير سابقاً " والتى تصيب الأطفال غالباً وتسبب التحديق فى الفراغ مع صدور حركة بسيطة وتستمر من 10 إلى 15 ثانيه وقد تسبب فقدان الوعى فترة وجيزة وقد تتكرر 100 مرة يومياً.

٢- نوبات الصرع التوتريه والتى تؤثر على عضلات الظهر والساقين وقد تتسبب فى وقوع المصاب على الأرض.

٣-نوبات الصرع الارتخائيه والتى تسبب السقوط وفقدان السيطره على العضلات فهى تصيب عادة الساقين.

٤- نوبات الصرع الرمعيه والتى تتميز بتكرار حركات عضليه ارتعاشية متكررة أو منتظمة فهي عادة تصيب الوجه والرقبه والذراعين
٥- نوبات الصرع الرمعيه العضلية تظهر على شكل نفضات أو تشنجات قصيره ومفاجئة فى الجزء العلوي من الجسم والذراعين والساقين.

٦- نوبات الصرع التوترية الرمعية " نوبات الصرع الكبير " وهى أصعب أنواع نوبات الصرع ويمكن ان تسبب فقدان مفاجئ للوعى وتيبس أو تشنج أو رعشه فى الجسم وفى بعض الأحيان تسبب فقدان القدره على التحكم فى المثانه أو عض اللسان.

وينبغى زيارة المريض فى حالة استمرار نوبة الصرع لأكثر من 5 دقائق وعدم معاودة التنفس أو الوعى بعد إنتهاء النوبة وإيذاء النفس أثناء النوبة أو الإصابة بمرض السكري أو حدوث نوبة صرع ثانية خلال فترة قصيرة.

الأعراض:
تختلف الأعراض باختلاف النوبة ولكن نظراً لأن الصرع ناتج عن نشاط غير طبيعي في الدماغ فهو يؤثر على عمليات ينسقها الدماغ.

وقد تشمل مؤشرات المرض
- التشوش المؤقت والتحديق فى الفراغ.
- انتفاضات فى الذراعين والساقين لا يمكن السيطرة عليها.
- فقدان الوعى والإدراك
تيبس العضلات.
- أعراض نفسية مثل الخوف والتوتر ووهم سبق الرؤيا " الديجا فو ".

الأسباب:
ترجع إلى عوامل متنوعة مثل
- التأثير الوراثي.
- إصابة الرأس فى حادث أو إصابة أخرى.
- الشذوذات الدماغية مثل أورام الدماغ أو التشوهات الوعائية او التشوهات الكهفيه أو السكتة الدماغية التى تعد السبب الرئيسي للإصابة بالصرع لدى البالغين الاكثر من 35 عاماً.
-اضطرابات النمو مثل التوحد أو حالات العدوي مثل فيروس نقص المناعة البشري أو التهاب الدماغ الفيروسي أو إصابة الأم بعدوي قبل الولادة.

العلاج:
يستخدم الأطباء أدوية مضادة للصرع وقد تمكن نصف الأشخاص الذين تم تشخيصهم حديثا بالمرض من التعافى من النوبات المرضية مع العلاج الاول
وإذا لم تقدم الأدوية نتائج مرضية قد يقترح الطبيب إجراء جراحة أو الخضوع إلى علاجات اخرى

كيفية التعامل مع مريض الصرع:
تمديد المصاب علي الأرض علي جانب واحد وفك أزرار القميص وربطة العنق لمساعدته على التنفس مع وضع شئ ناعم تحت رأسه كسترة أو غيرها.
تأمين المنطقة المحيطة به بإزالة أي أداة حادة أو شيء مصنوع من الزجاج حتي لا يؤذي نفسه وإزالة النظارات من وجهه.
تنتهي معظم النوبات من نفسها بعد عدة دقائق ولكن يجب طلب الإسعاف إذا استمرت لأكثر من خمس دقائق.
ولا يجب إيقاف حركة المصاب أثناء النوبة أو وضع أي جسم في فم المصاب أو تقديم الماء والطعام إلا بعد إنتهاء النوبة.

المصادر: أول تعليق⬇️

By: ✍️
Nasr

*D💙

04/03/2023

لكل اللي مهتم بالبحث العلمي، كورس الكتابة العلمية للدكتور محمد حلمي متاح مجاناً على اليوتيوب.

الكورس عبارة عن مقدمة لمجال الكتابة الأكاديمية.

مدة الكورس ١٠ ساعات (مقدمة + ٨ محاضرات)

المحاضرات:

Lec0: The scientific research process.

Lec1: Introduction to scientific communication.

Lec2: Dissecting the Research Article.

Lec3: Illustrations in a scientific article.

Lec4: Materials and Method.

Lec5: The Introduction

Lec6: The results and discussion.

Lec7: Conclusion, references and other contents.

الفيديوهات كلها مجمعة ومرتبة في ال Playlist دي على قناة العيادة التعليمية:

https://youtube.com/playlist?list=PLgJmbz1SOqfYPCdxj58Vga-X0poW5Tdno

*D💙

03/03/2023

انتظرونا يوم 15/3 فى مسابقة التنمية المستدامة
بقاعة دكتور أحمد أمين حمزة الدور الرابع بكلية العلوم 🤩

*D

03/03/2023

أحنا أول لجنة علمية خاصة بقسم الكيمياء الحيوية بكلية العلوم جامعة المنصورة.
ومفاجأتنا النهارده💙🎉
تم فتح باب الإنضمام للجنة الـ "Scientific ".

▫️ايه هي مهام لجنة الـ Scientific؟
1- كتابة المقالات العلمية.
2- الاطلاع على أحدث الأبحاث المنشورة بشكل يومي.
3- تبسيط وتقديم المعلومات بشكل سهل على جميع القُراء المتخصصين وغير المتخصصين.

▫️هستفيد ايه من انضمامك لينا؟
1- هتتعلم أساسيات البحث العلمي، وهتعرف المصادر البحثية الموثوقة.
2- المشاركة في مسابقات البحث العلمي.
3- هتتعلم ازاي تعمل مشروع بحثي.
4- الحصول على علامة مميزة في أي CV بعد التخرج.

▫️لو حابب تنضم للجنة الـ Scientific مستنيينك معانا.

▫️ يُرجى ملئ فورم التسجيل التالي..

https://docs.google.com/forms/d/1axiVZ0UXWzhNRJHgO1xgyiXRZL-1nhI1nQ67QPIPgCg/edit?ts=637d017d

*D💙

26/02/2023

Global mean temperature.

Designed by: Hasnaa Mekawy

*D💙

LSDteam

16/04/2023

06/04/2023

11/03/2023

09/03/2023

08/03/2023

07/03/2023

05/03/2023

04/03/2023

03/03/2023

03/03/2023

26/02/2023

Adresse

Téléphone

Site Web

Notifications

Contacter L'université

Raccourcis

Partager

Type