Contrôle Qualité et Analyses المهندس خالد بن عمر

18/05/2026

راك حافظ الإيزو والـ HACCP من الڨول للڨول، بصح نهار لونتروتيان (l'entretien) تتبلوكا وما يعيطولكش؟ المشكل ماشي في الدبلوم تاعك، المشكل في (الفخاخ) لي راهم يطيحوك فيها..... أرواح نوريلك واش يصرا لداخل نهار المقابلة... وزيد كي تقرا المنشور وتكمل أرواح تشوف تبعني لقناة التيليغرام وين تلقى المهندسين نتاعي لي عندهم خبرة في مقابلات العمل ولا ديجا راهم خدامين..
نوعية الأسئلة لي نطرحوها بزاف (أسرار للمتدربين)
كي نديرو لي زونتروتيان (entretiens) للمهندسين والمراقبين، ما نسقسوهمش على التعريفات الأكاديمية تاع الحفاظة، بصح نحطوهم في مواقف حرجة (situations critiques). هاوليك أهم المحاور لي لازم يتدربو عليها....وتعلموها من عندي أنا Contrôle Qualité et Analyses المهندس خالد بن عمر
أسئلة الحوادث تاع اللابو (Incident Scenarios):...مثال.... لقيت نتائج متناقضة (ماشي كيفكيف) لنفس العينة (échantillon) بعد ما عاودت التحليل. واش دير؟
الهدف نتاعي انا هنا باش نقيمو التفكير النقدي تاعو، ونتأكد ويلا يفيريفي المعايرة (étalonnage) تاع الأجهزة، ويتبع خطوات التحليل في بلاصة ما يقعد يخمم في النتائج من راسو.
أسئلة تطبيق أنظمة الجودة (System Application).....مثال: أعطيني نقطة تحكم حرجة (CCP) في خط إنتاج الحليب المعقم (UHT) ولا المصبرات، وكيفاش تتصرف ويلا فات الحد الحرج (limite critique)؟
الهدف نتاعي انا نعرفو يلا الطالب يفرق بين الـ PRPs والـ CCPs، وشحال راهو فاهم ومستوعب نظام الـ HACCP في الواقع (sur le terrain).
أسئلة تسيير الضغط والمشاكل ....مثال: نقولو كيفاش تتعامل مع خدام في الإنتاج ما حبش يلبس دوزان الوقاية (EPI) ولا ما راهوش مقيم معايير النظافة؟
الهدف: نقيسو مهارات التواصل (communication) تاعو، ويلا يقدر ينشر ثقافة الجودة وماشي غير يعس باه يمد العقوبات.
نصائح من ذهب للطلبة نتاعي ولي راهم مقبلين على الخدمة...في انتظار طبعا دورة تدريبية كبيرة نشالله ....ما تحفظش المعايير، افهم اللوجيك تاعها....المدقق (l'auditeur) ما راهوش يحوس على واحد يعرضلو بنود المواصفة FSSC 22000 كي الببغاء (واسمحولي الطلبة نتاعي)، بصح يحوس على لي فاهم علاش حطو البند رقم 8 (Opération) وكيفاش يطبقو في خط الإنتاج.
ما تخرطش يلا سقساوك على بروتوكول تاع تحليل ما خدمتش بيه من قبل، ما تخترعش إجابة من راسك.... قول ما درتش هاد التحليل بيديا (pratiquement)، بصح راني عارف المبدأ العلمي تاعو، ونتعلم بالخف غير توفرولي طريقة العمل المعيارية (SOP).
اهدر بلغة الأرقام والمخاطر: في الكاليتي (la qualité)، ماكانش منها (شوية) ولا (بزاف). ولّف روحك تهدر بلغة التسامحات المسموحة (tolérances)، الانحرافات (écarts)، وتقييم المخاطر (évaluation des risques).
نستناكم كااااااامل في قناة التيليغرام....بإمكانكم دعوة زملائكم أيضا القناة الأولى والرائدة في مجال الدورات التدريبية في مجال مراقبة النوعية والتحاليل
Quality Skills Academy.... crafting Compétence, Ensuring Quality ❤️

17/05/2026

كل شيء في هذا الفوطو راه يبان مثالي ياك؟
الحقيقة أنو كاين خطأ كارثي يكسر قواعد الـ ISO ويمكن أن ينسف نتائج التحليل بالكامل
تقدر تحدد المشكلة قبل قراءة التعليقات وبدون الاستعانة بالذكاء الاصطناعي؟
طاڨي زميلك تحداه كان يعرف الخطأ وين🔥🔥
عندنا قناة تيليغرام فيها أساطير مراقبة النوعية والتحاليل نتاعي لي تقدرو تتعلموا معاهم وتستفادو....الرابط في التعليقات🔥

16/05/2026

Le pH indique l’intensité de l’acidité.
L’acidité Dornic indique la quantité totale d’acides.
En contrôle qualité laitier, ces deux paramètres sont complémentaires et doivent toujours être interprétés ensemble.👇🏿👇🏿

16/05/2026

في الـ Contrôle Qualité، ماكانش كلمة 'تقريباً' ولا 'تبانلي مليحة'.. كاين أرقام دقيقة، صرامة، ونقاط تحكم حرجة (CCP) ما نلعبوش معاها... هكذا كانت أول كلمات قلتهم لزوج سطاجيار بعثوهملنا من الجامعة مع المعالجة الحرارية (UHT)..
الساعة 8 نتاع صباح. دخلنا لمخبر الجودة (Laboratoire de Contrôle Qualité). عندنا زوج طالبات سطاجيار نتاع ميموار، وقررت نعيشهم الواقع الميداني ليفهموا نظام الـ FSSC 22000 على أصوله. قسمت الفريق: "زميلة" راحت تستلم عينات الحليب الخام من الشاحنات في منصة الاستقبال (La Réception)، و"الزميلة الثانية" ترافقني لغرفة التحكم (Salle de contrôle).
​المحطة الأولى: فحص نقطة الصفر (Le Test de Mouillage)
​رجعت "الطالبة" بعينة الحليب الخام، وقالت: بلي راني قمت بقياس الحموضة والـ pH، كل شيء راه في المليح نشالله، هل نمرر الحليب لصهاريج المصنع؟"
​قلت ليها: دقيقة برك...، هل تأكدتي من عدم وجود غش أو إضافة ماء؟ ضعي العينة في جهاز الكريوسكوب (Cryoscope)..... بدأ الجهاز بتجميد العينة، وتوقفت القراءة تماما عند -0.520°C.
​شرحت لهم: هذا هو الرقم لي يخليك مرتاح....درجة تجمد الحليب البقري الطبيعي. لو كانت القراءة أقرب للصفر، مثلا -0.460°C، فهذا يعني كيميائيا أن هناك ماء مضاف (Mouillage)، وحينها نرفض الشحنة فورا. وبما أننا في المخبر نعتمد الدقة المطلقة، تذكروا جيدا عند قياس الكثافة (Densité): إذا كانت حرارة الحليب وقت القياس 20°C بالضبط، نسجل القراءة المباشرة (D20). أما إذا كانت حرارة العينة مختلفة (أبرد أو أدفأ)، فمن الضروري جدا استخدام الجداول المرجعية لتسجيل الكثافة المصححة (Densité corrigée). الأرقام الدقيقة في كل الظروف هي لغتنا هنا. هل هذا واضح؟"
​المحطة الثانية: (Le Choc Thermique UHT)
​دخلنا إلى خطوط الإنتاج....قلت للبنات
​"هنا المعالجة بدرجة حرارة فائقة (Ultra-High Temperature). الحليب يمر هنا، وفي لمح البصر ترتفع حرارته إلى ما بين 137°C و 140°C..... الحرارة المرعبة تستمر من 2 إلى 5 دقائق فقط....هذه الصدمة الحرارية السريعة تكفي لقتل كل البكتيريا وحتى أبواغها (Les Spores)، ثم نبرده فجأة. هكذا نضمن منتجا آمنا (Sécurité Sanitaire) دون أن نحرقه أو نتسبب في تفاعل ميلارد (Réaction de Maillard) الذي يغير لونه وطعمه."
التمرين :1/ في الوضعية لي كنت نحكي فيها هناك خطأ علمي كبير (في المحطة الثانية) ماهو؟ ولماذا؟
2/ بعد عملية Le Conditionnement Aseptique يأتي الحجر الصحي (La Quarantaine et l'Incubation)
ماالذي يحدث في هذه المرحلة (الحجر الصحي) وهل نعتبرهاCCP??
حل التمرين والمناقشة القوية جدا راح تلقاوها على قناة التيليغرام مع المهندسات والمهندسين نتاعي 🔥 🔥
نخليلكم الرابط في التعليق

15/05/2026

لوكان يجيك كاميو حليب وتلقى ريحتو وشكلو نورمال.. تعطيهم السينيال يفرغو؟ 🔥🔥...إذا قلت إيه، معناه راهي صراتلك كيما صراتلي أنا كي كنت ستاجيار جديد ونشيط، شفت حليب جا في سيتيرنا (Camion-citerne). شفت لونو أبيض وريحتو نورمال، تحمست وقلت: الحليب راهو طوب، نعطي السينيال يفرغوه ديراكت.....
​جاء عندي مسؤول المخبر قالي: حبس يا خالد..... في الكاليتي، المظهر يخدع. البكتيريا كي تنشط راهي تاكل سكر الحليب (اللاكتوز) وتردو حمض (Acide lactique). لوكان نفوتوه هكا للباستوريزاسيون (البسترة) وهو حامض، السخانة راح تقطعو ونخسرو الإنتاج والماشينة. لازم نديرو تاست نتاع الحموضة (L'acidité)."
​ وقالي بصح قبل ما نبداو، البس بلوزتك (Blouse) ونظاراتك، رانا راح نخدمو بمواد كيميائية ولازم نطبقو قواعد السلامة. وزيد، قبل ما ترفد العينة، لازم تخلط الحليب مليح في السيتيرنا (Agitation) باش العينة تاعنا تكون ممثلة لڤاع الكمية لي جات.
​دخلت للمخبر كيما كان الحال، وبدينا نطبقو طريقة دورنيك (Méthode Dornic):
​أخذنا 10 مل حليب بدقة.
​زدنالو 3 قطرات تاع كاشف (Phénolphtaléine).
​بدينا نقطرو عليه محلول الصودا (NaOH N/9) ونحركو.
​غير تبدل لون الحليب ورجع غوز (وردي خفيف Rose pâle)، حبسنا المعايرة.
​قرينا شحال استهلكنا من (Burette)، لقيناها 1.6 مل. ضربناها في 10، طاحت النتيجة 16°D (درجة دورنيك).
​بما أنو الحليب المليح والمقبول تكون حموضتو بين 15 و 18°D، عرفنا بلي الحليب فريشكا وهايل بالبزاف
​مانخبيش عليكم زميلاتي وزملائي فرحت بزاف ورحت نجري باش نفرغو الكاميو، بصح مسؤول المخبر عاود حبسني وقالي: خالد......الخدمة ما خلاصتش هنا.... حسب معيار إيزو 9001، الخدمة لي ما تتكتبش معناها ما تندارتش (Traçabilité)."
​رحت مباشرة كتبت النتيجة (16°D)، وقت الدخول، واسم المورد (الفلاح لي نتعاملوا معاه) في سجل الاستقبال (Registre de réception) وسنييت عليه. تماك برك، المسؤول عطاني السينيال باش يفرغو الكاميو وحنا مهنيين.
التمرين : 1/ تكلم باختصار على معيار الحموضة في الحليب وأهميته كمعيار جودة واعطيني لانورم لي نتبعوها.
2/ لوكان نفوتوه هكا للباستوريزاسيون (البسترة) وهو حامض، السخانة راح تقطعو ونخسرو الإنتاج. حلل وفسر هذه العبارة
3/ هل يمكننا إعتبار تحليل الحموضة معيارا مقررا لاستقبال شحنة الحليب من عدمه.
تصحيح التمرين ومناقشته تجدونه على قناة التيليغرام مع المهندسات والمهندسين نتاعي 🔥🔥🔥

15/05/2026

راك حاب تكون مهندس مراقب النوعية والتحاليل اللي الشركات تحوس عليه؟
فهم معايير الآيزو (ISO 9001) والمصطلحات الدقيقة في مراقبة النوعية هو السر. في قناتنا رانا نشاركو دورات، انفوجرافيك، وحالات واقعية من صميم الواقع في المصانع. التحق بـ Quality Skills Academy....القناة الأولى والرائدة في هذا المجال ...
1800 شخص إختاروا أنهم يكونوا في القناة ونتا لازمك اليوم بعد تبدأ تبني مسيرتك المهنية على الصح....الرابط في أول تعليق🔥

14/05/2026

14/05/2026

أرواح نحكيلك على واحد الكارثة صرات في ورشة البسترة (Atelier de Pasteurisation)، وين (الشطارة الزايدة) نتاع واحد الزميل دمرت أهم نقطة تحكم حرجة (CCP 1) في خط الإنتاج...
رانا نخدموا في حليب مبستر. الـ Plan HACCP نتاعنا يقول بلي البسترة نقطة تحكم حرجة (CCP)، والمعايير المحددة (Limites critiques) هي: درجة حرارة 72°C لمدة 15 ثانية.
لضمان هذا الشيء، البستوريزاتور (Pasteurisateur) مجهز بصمام تحويل أوتوماتيكي (Vanne de déviation) (والزميلات والزملاء لي في الصفحة والقناة تاع التيليغرام راهم يفهموني غاية).... إذا هبطت الحرارة تحت 72°C (مثلا 71.5°C)، الصمام يبلع طريق التعبئة أوتوماتيكيا، ويرجع الحليب لـ bac tampon (خزان التوازن) باش يعاود يسخن.
​الخدام لي شاد الماشينة هذي، كان مقلق حاب يكمل الشيفت(Shift) نتاعو (قريب يخلاصو سوايعو نتاع الخدمة ) ويفرغ السيتيرنات. فجأة، صرا هبوط خفيف في ضغط البخار (Chute de pression vapeur)، والحرارة هبطت لـ 70°C. الصمام الأوتوماتيكي بدا يرجع في الحليب وما خلاهش يفوت لآلة التعبئة.
الخدام، بـ شطارة ونية، قال في راسو: ياودي 70 درجة و 72 درجة غير كيف كيف، الحليب راهو يغلي والنار شاعلة، علاش نبقى نرجع فيه ونضيع في الوقت؟
راح للوحة التحكم (Pupitre)، وبدل وضع الصمام من "أوتوماتيكي" إلى "يدوي/إجباري" (Marche Forcée / Mode Manuel)، وخلى الحليب لي تبستر في 70°C يفوت مباشرة للتعبئة، وكي رجعت الحرارة لـ 72°C عاود رجعو أوتوماتيكي. الدوسي تاع الحرارة (Enregistreur de température) سجل الهبوط، بصح الخدام ما قال لحتى واحد.....
التمرين: حلل ثم فسر بلغة sécurité alimentaire et HACCP et Audit
المناقشة والإجابة تجدونها على قناة التيليغرام مع الزميلات والزملاء المهندسين نتاعي. الرابط تجدونه في التعليقات.

13/05/2026

على بالك بلي 400 لتر نتاع حليب قادرة تغلق لوزين كامل؟ أرواح نحكيلك كيفاش "النية الزايدة" تاع خدام دمرت سيستام التراسابيليتي (Traçabilité) في دقيقة وحدة💔
​كلش في الورق يبان "مريڨل". ليزاناليز تاع لابوراتوار ملاح، نقطة التجمد (Point de congélation) مريقلة شعرة في -0.460°C، والكثافة (Densité D20) طالعة غاية. جبنا 5000 لترنتاع حليب خام من عند المورد "الفلاح"، فرغناها في السيتيرنا (Tank) وبسترناها. الدوسي مريقل وعطينا الـ OK.
​بصح كي هبطنا لـ l'atelier وسقسينا الخدام: السيتيرنا كانت فارغة ومغسولة (CIP) قبل ما تفرغ فيها الحليب الجديد؟
​قالك بكل نية: يا ودي لا لا، كانو بقاو فيها 400 لتر من حليب البارح (تاع فلاح واحد آخر)..أيا غاضتني نطيشها للبالوعة، زدت عليها الحليب الجديد، نورمال في زوج حليب بقر ورح يتبستروا وما يكون غير الخير...
الإشكالية: بلغة التراسابيليتي، في رايكم هل الشيء لي صرا كامل مقبول؟ على واش؟
المناقشة والشروحات تلقاوها عند المهندسات والمهندسين نتاعي في قناة التيليغرام 🔥🔥... مرحبا بالجميع

12/05/2026

شاحنة نتاع حليب كاملة كانت راح تترفض… والسبب؟ نسيان خطوة تاع ثواني 🥺
​صباح بكري، لحقت شاحنة تجميع الحليب للمصنع. الإجراء الروتيني صارم: قبل ما يتفرغ الحليب في الخزانات هاي باينة لازم يفوت على تحاليل القبول في المخبر.
​المخبري الجديد، لي كان متحمس بزاف، دار تحليل الكثافة (Densité) باستعمال الـ Thermo-lactodensimètre. قرا النتيجة، ووجهو تبدل... المؤشر كان حابس عند 1.026 😱
رقم يخوف في معايير الجودة ياك؟؟، لأن الكثافة الطبيعية للحليب البقري لازم تكون بين 1.028 و 1.032.
​المخبري زميلنا تسرع، وراح ديريكت باش يكتب تقرير "رفض الشاحنة" بحجة الغش بزيادة الماء (Mouillage). المورّد (الفلاح) تقلق وبدا يحلف بلي الحليب خالص وما زادلو حتى قطرة ماء.
​هنا تدخل رئيس المخبر... لي عندو خبرة بيانسور....شاف النتيجة، ورفد البيشر (Bécher) بيدو... حس بلي العينة دافية شوية.
سأل المخبري سؤال واحد: شحال كانت درجة حرارة الحليب كي قست الكثافة؟
​المخبري سكت... ركز غير على مقياس الكثافة ونسى يقرا مقياس الحرارة لي في نفس الجهاز
​رئيس المخبر عاود شاف الجهاز، لقى الحرارة 30°C (الحليب كان عاد كي تحلب وما تبردش مليح عند الفلاح). وهنا طبق القاعدة المخبرية لي تقول : الكثافة تتأثر بالحرارة، والقراءة لازم دايماً تتصحح لـ 20°C.
​دار الحساب في راسو: نزيدو 0.2 درجة لكل 1°C فوق الـ 20.
(10 درجات فارق × 0.2 = +2.0)
النتيجة الحقيقية بعد التصحيح: 26 + 2 = 1.028
​الحليب كان طبيعي وممتاز، ومطابق للمواصفات تماما.
​لوكان المخبري ما انتبهش لهذيك التفصيلة الصغيرة تاع الحرارة، كان المصنع راح يخسر كمية كبيرة من المادة الأولية، وكان الفلاح راح ينضر في خدمته وسمعته بسبب خطأ فيزيائي بسيط.​
في الجودة... الرقم لي يعطيهولك الجهاز ما عندو حتى معنى، إذا ما ربطتوش بالظروف لي تقاس فيها. العلم هو لي يحمي المصنع من الخسارة، ويحمي المورد من الظلم.
🔥🔥🔥وضرك كي قريتو هذي الحكاية....كاين في وسطها فخ علمي يخليني نعرف الأذكياء نتاعي....شكون يقدر يقولي عليه؟؟؟ 🔥🔥🔥🔥
المناقشة تلقاوها على قناة التيليغرام ❤️

11/05/2026

دفعة طماطم جاهزة تخرج للسوق… بصح تحليل pH عطانا إنذار خطير
أنت مسؤول الجودة، ولازم عليك ضرك تقرر:
تطلق المنتوج؟
ولا توقفو بسبب خطر التسمم الغذائي؟
🔥 حلّل النتائج واتخذ القرار كيما المحترفين داخل مصانع المصبرات.... نستناكم في المناقشة والإجابة على قناة التيليغرام مع المهندسات والمهندسين نتاعي 💖🔥🔥