19/11/2023
🔴 باللي الجامعة راح تضيعلك حياتك ...؟؟ ؛ وباللي راك تكذب على روحك ..؟
1/ كي تقرى باه طلع عامك فقط بالرطرباج أو بغيرو مهم نطلع بعشرة .
2/ كي ترجع اللبسة والماركة نتاع التلفون أهم عندك من واش حصلت من نقاط واهم من واش هزيت في راسك .. لدرجة تحشم بمظهرك وماتحشمش بالزيروات لي راك تجيب فيهم .
3/ كي ترجع تتفكر القراية برك في أوقات الامتحانات .
4/ كي تطلع للجامعة وتجيب ولا تجيبي نهار كامل ونتوما دورو دون فائدة لي يحوس على النوامر ولي يحوس يفوت الوقت .
5/ كي تهمل الجانب التكويني ويكون راس مالك برك هذيك شهادة لي راك حاب تجيبها بمعدل 10.
6/ إذا كانت حياتك الجامعية بهذا الشكل ففعليا راك داخل في حيط لي أغلب الطلبة رآهم داخلين فيه.
