الأستاذ معنصر صابر للفيزياء و التكنولوجيا

04/06/2026

سنة رابعة ... وظفوا "دافعة أرخمديس" 🤫 ما تعوموش هك 👇

27/05/2026

20/05/2026

😍💪

19/05/2026

الوضعية الأولى تاع اختبار الفصل الثالث = الوضعية الأولى تاع البيام 💪💪

18/05/2026

تلاميذي ❤️

09/05/2026

أحيانا بعض الأطفال يحملون في ثناياهم براءة و طيبة و أخلاق ... منعرفش حتى اسمو تلاقيتو في رحلة بصح ربي يحفظه وين ما كان ❤️

08/05/2026

للثقافة العامة فقط:
- كي نصحح راني منشوفش مع الاسماء و منحفظش النقاط (ما تتخيلونيش هاز الاوراق و نحفظ في النقاط)
- كي نكون نمشي برا مانيش رافد معايا دفتر التنقيط و ندور في الشارع و نملي في النقاط .
منا و رايح ا وليداتي بارك الله فيكم ما تسقسونيش على النقاط (سواء لي يقرا عندي درك و الا لي راح يطيح عندي السنوات القادمة) ، كاين لي وصل انو يتلاقاني في الطريق يسقسيني على الاخطاء تاعو وين ...علابالك بلي كل عام عندي على الاقل 200 تلميذ ؟ يعني ميتين ورقة و ميتين اجابة و ميتين فكرة و ميتين تخربيطة ... يعني نورمالمو اني نمشي في الطريق و نغني وحدي من بعض الاجابات ، تحوسني نقولك راك غلطت في السؤال الثاني للتمرين الاول ....؟؟؟ الا اذا كانت اجابتك كارثية بقات لاصقة في راسي ... كي نديرو التصحيح تشوف علامتك و بارك الله في الجميع ... نقطة اخرى كاين لي يبعثلي موضوع طويل عريض فيه زوج صفحات و يقولي نحتاج الحل تاعو كامل في نص ساعة من فضلك :
- اتخيلني في المقهى مع جماعة و الا في عرس و الا نمشي و الا بعيد ... نوض نجري نحوس على الورقة و الستيلو باه نعطيك الحل؟
- غالبا كي تكون مزروب راه واجب عطاهولك استاذ ليك ماشي ليا باه يقيس امكانياتك و يعاونك في قادم الايام و يعرف على واه يركزلك
معليش كي تسقسيني على فكرة بسيطة او سؤال او زوج ... نورمال والله ما نبخلك بصح سيجي كامل !!!!
- خطرة واحد و الا وحدة نسيت ... قالي مانيش فاهم الفيزياء تاع السنة الرابعة فهمني فيها !!! هو خسر عليا ميساج و انا دارلي عقدة نفسية بقات فيا لدرك ... كنا في نهاية السنة و حسيت بالذنب و روح المسؤولية ووو ... علابالك بلي كاين تلاميذ عام كامل و هو مقابلني و انا نخبط معاه باه بدا شوية يستوعب تحوسني انت نفهمك منهاج تاع عام كامل في المسنجر!!!!! ، و بارك الله في الجميع على تفهمهم

05/05/2026

🚨 رسالة إلى كل الأولياء في فترة الـ BEM والبكالوريا 🚨

إذا حبيت ولدك يدي أحسن نتيجة… وفرلو راحة نفسية قبل أي حاجة ❤️

كاين تلاميذ يقراو مليح، يحفظو، ويسهرو الليالي… بصح يطيحو نهار الامتحان بسبب الضغط والخوف فقط.

لهذا، دور الولي في هاد الفترة مهم بزاف… يا إما يكون مصدر طمأنينة، يا إما بدون ما يشعر يزيد يرهق ولدو نفسياً 💔

📌 شوية نصائح بسيطة… لكنها تصنع فرق كبير:

✅ كي يرجع ابنك من الامتحان:
جامي تستقبلو بـ:
❌ "واش درت فيها؟"
❌ " قولي كيفاه جاوبت على هذا السؤال؟"
❌ "جاوبت مليح و الا لالا؟"

خلوه أولاً يرتاح، ياكل، يشرب، ويهبط عليه الضغط… لأنو يكون خارج من تعب نفسي كبير.

━━━━━━━━━━━━━━━

✅ صباح الامتحان:
ما تكثروش عليه التوصيات والكلام لي يخوف:

❌ "رد بالك تغلط"
❌ "ركز مليح"
❌ "مستقبلك كامل هنا"

هاد الكلمات تزيد التوتر أكثر مما تعاون.

✔️ في بلاصتها قولو:
🌸 "ربي يوفقك"
🌸 "دير لي عليك وبرك"
🌸 "نثق فيك"

كلمة بسيطة تقدر تهديلو قلبو أكثر من ساعة من النصائح ❤️

━━━━━━━━━━━━━━━

✅ ما تقارنوش أولادكم بغيرهم:

❌ "ولد فلان قاري أكثر منك"
❌ "بنت فلانة تحفظ خير منك"

كل طفل عندو قدراتو وطريقتو الخاصة في الفهم والنجاح.

━━━━━━━━━━━━━━━

✅ وفرولو جو هادئ فالدار:

🔹 نقصو المشاكل والصراخ
🔹 خلو النوم منظم
🔹 وفرولو أكل مليح وماء بزاف
🔹 ابعدوه على التوتر والمشاحنات

الراحة النفسية تعطي نتائج خير من الضغط المتواصل.

━━━━━━━━━━━━━━━

✅ خلوه يراجع بطريقتو:
ما تراقبوش كل دقيقة:
"قريت؟"
"راجعت؟"
"واش بقي؟"

الضغط المستمر يخلي العقل يتعب أكثر.

━━━━━━━━━━━━━━━

✅ بعد كل الامتحان:
ما تعاودوش تحللو الأسئلة وتخوفوه بالأخطاء.

إذا مادة ما جاتوش مليحة… شجعوه يكمل المواد الجاية بنفسية قوية 💪

━━━━━━━━━━━━━━━
💡 تذكروا دائما:

الطالب المرتاح نفسياً يقدر يجاوب خير من طالب حافظ بصح منهار من الداخل.

وفي الأخير…
النتائج مجرد مرحلة، أما ثقة ولدكم في روحو وحبكم ودعمكم ليه… هذي الحاجة لي تبقى طول العمر ❤️

كونو سند ليهم في هاد الأيام…
ماشي مصدر خوف 🙏

04/05/2026

🔰 الأدوات المدرسية اللازمة لإمتحان شهادة التعليم المتوسط
✅ أولا و الأهم على الإطلاق 1️⃣ الاستدعاء + 2️⃣ بطاقة التعريف (ممكن بطاقة مدرسية)

كذلك 3️⃣ مقلمة une trousse كبيرة ، دير فيها :
4️⃣ آلة حاسبة
5️⃣ السيلات (3 زرقاء او سوداء )،
6️⃣ الاحسن الابتعاد عن القلم المصحح (فاسور) وعدم استعماله
7️⃣ ممحاة نوعية جيدة،
8️⃣ قلم رصاص ، و ألوان خشبية
9️⃣ مبراة،
🔟 منقلة ( دائرة نسبية فالاجتماعيات)
1️⃣1️⃣ مسطرة 20 سم ذات تدريجات واضحة
1️⃣2️⃣ كوس ،
1️⃣3️⃣ مدور
1️⃣4️⃣ اذا توفرت graveuse صغيرة الحجم ، و اذا لم تتوفر فلا بأس لأنها موجودة في حجرة الامتحان دوما.
1️⃣5️⃣ قارورة ماء صغيرة + حبات حلوى و شيكولا

لا نستعمل في كتابة الإجابة الا لونا واحدا (الأزرق أو الأسود)
تضع الاستدعاء و بطاقة التعريف داخل المقلمة باه تضمن متنساهمش ، وباه متنحهمش و منبعد تنسى تردهم ??
#تنبيه احتفظ بنسخة من الاستدعاء pdf في هاتفك و 3 نسخ مطبوعة في المنزل ( احتياط 😊) و كذلك 3 صور طبق الأصل لبطاقة التعريف(في حال ضياعها تجد الصورة طبق الأصل)

وجدهم من الآن ماشي حتى ليوم الإمتحان 😊

03/05/2026

ربي يحفظ بنتي تسنيم ان شاء الله ❤️