Seto Instituut

Seto Instituut SA Seto Instituut on 2010.

aastal loodud organisatsioon, mille ülesandeks on koordineerida ja edendada Setomaa ja seto kultuuri alast teadustööd ning tutvustada teadustööde tulemusi laiemale avalikkusele.

🎉 𝑴𝒆𝒊𝒍 𝒐𝒎 𝒉𝒖̈𝒂̈ 𝒎𝒊𝒊𝒍 𝒉𝒐̃𝒊𝒈𝒂𝒅𝒂’, 𝒐̃𝒕 𝒗𝒂𝒍𝒎𝒔 𝒐𝒎 𝒔𝒂𝒂𝒏𝒖’ „𝑳𝒆𝒆𝒍𝒐𝒂𝒏𝒕𝒐𝒍𝒐𝒐𝒈𝒊𝒂 𝑰𝑰𝑰“. 🎉S´oo raamat om kolmas jago antoloogiast, min...
07/10/2026

🎉 𝑴𝒆𝒊𝒍 𝒐𝒎 𝒉𝒖̈𝒂̈ 𝒎𝒊𝒊𝒍 𝒉𝒐̃𝒊𝒈𝒂𝒅𝒂’, 𝒐̃𝒕 𝒗𝒂𝒍𝒎𝒔 𝒐𝒎 𝒔𝒂𝒂𝒏𝒖’ „𝑳𝒆𝒆𝒍𝒐𝒂𝒏𝒕𝒐𝒍𝒐𝒐𝒈𝒊𝒂 𝑰𝑰𝑰“. 🎉
S´oo raamat om kolmas jago antoloogiast, minkõ edimätse’ omma’ vällä ant 2004 (Leeloantoloogia I) ja 2012 (Leeloantoloogia II).

📖 S´ooh raamaduh omma’ päämätselt saajalaulu’, a om ka’ kos´alaula ja laula õgapääväelost, laulumängu’, latsilaulu’ ni kõgõ viimädseh jaoh omma’ sannasõna’, arstmissõna’ jne. Raamaduh om ar’ tuud 290 laulutüüpi 466 eri lauluga’. S´oo raamadu lõpuh omma’ nimekirä’ (registri’), mia’ võtava’ kokko kõik kol’ antoloogiat. Nimekiräst saat otsi’ laula laulutüübi, laulja ja kogoja perrä.

📖 „Leeloantoloogia III“ kaejatsõ’ omma’ riide, 9. oktoobril Verskah, ku mi pia Leeloantoloogia kokkosäädjä ja toimõndaja Hao Paali 80. hällüpäivä. 🎂

🎂 Juubõliõdak nakas pääle kell 16 katõ ettekandõga’: Saare Eva kõnõlõs folkloorisõnnost „Seto sõnaraamaduh“ ja Orasõ Od´e seto leelo helükandjidõ kokkokogomisõst ja andmõbaasi tegemisõst.
Kae mano: Paul Hagu 80: juubeliõhtu ja "Leeloantoloogia III" esitlus

📖 Pääle tuu, vaest ni kellä viie aigu, näütämi vahtsõt raamatut kõõlõ ilmalõ. Raamadut saat kotusõpääl osta’. Kiräkeeleh saa raamadu kotsilõ lukõ' siist: https://www.setoinstituut.ee/ilmus-kauaoodatud-leeloantoloogia-iii/

„Leeloantoloogia III“ om vällä andnu’ Seto Instituut kuuhtüüh Eesti Kirändüsmuusiumi (Eesti Kirjandusmuuseum) ja Tarto Ülikooli (Tartu Ülikool) rahvaluulõ osakunnaga’.

🙏 Ait´umma Eesti Kultuurkapitalilõ, kiä avit raamatut ar’ trükki’.

🎉 Kõik rahvas om oodõt Hao Paali juubõliõdagulõ riide, 9. oktoobri Setomaa Kultuurikeskuse Verska majah! Viil saat hinnäst üles märki’ siih: https://forms.gle/1v9aukqvZfKbcEf78

📰𝑯𝒖̈𝒂̈ 𝒖𝒖𝒅𝒊𝒔! 👏 𝑽𝒂𝒉𝒕𝒔𝒐̃𝒏𝒐̃ 𝒅𝒐𝒌𝒕𝒐𝒓𝒊𝒕𝒖̈𝒖̈ 𝒔𝒆𝒕𝒐 𝒌𝒖𝒍𝒕𝒖𝒖𝒓𝒊𝒔𝒕!Täämbä tull uudis: Toomeos(sa)-Orglaanõ Kärri, Eesti kirändüsmuu...
18/09/2026

📰𝑯𝒖̈𝒂̈ 𝒖𝒖𝒅𝒊𝒔! 👏 𝑽𝒂𝒉𝒕𝒔𝒐̃𝒏𝒐̃ 𝒅𝒐𝒌𝒕𝒐𝒓𝒊𝒕𝒖̈𝒖̈ 𝒔𝒆𝒕𝒐 𝒌𝒖𝒍𝒕𝒖𝒖𝒓𝒊𝒔𝒕!
Täämbä tull uudis: Toomeos(sa)-Orglaanõ Kärri, Eesti kirändüsmuusiumi rahvaluulõuurja ja Tarto ülikooli doktorand om valms saanu’ doktoritüü „𝑆𝘦𝑡𝘰 𝘳𝑎𝘩𝑣𝘢𝑙𝘶𝑢𝘭𝑒 𝑘𝘪𝑟𝘫𝑎𝘬𝑢𝘭𝑡𝘶𝑢𝘳𝑖 𝑜𝘴𝑎𝘯𝑎: 𝘬𝑖𝘳𝑗𝘢𝑜𝘴𝑘𝘶𝑠𝘦 𝘱𝑖𝘪𝑟𝘪𝑑 𝑗𝘢 𝘬𝑢𝘭𝑡𝘶𝑢𝘳𝑖𝘭𝑖𝘯𝑒 ℎ𝘪𝑒𝘳𝑎𝘳ℎ𝘪𝑎“. Kärri om uurnu’ seto kultuuri ja kiräkultuuri kokkoputtumist: kuis kiräkultuur om mõotanu’ seto rahvaluulõt ja kuvvamuudu setokõisi om eri aol kiräkultuurih kujotõt.

🎉Doktoritüü kaitsminõ om 30. septembril kell 13 Tartoh, Ülikooli 16-218. Õgaüts või kuulama minnä'!
👨‍🏫Tüü juhendaja’ omma’ Järve Risto ja Beyeri Jürgen, oponent om Põldvee Aivar.
💻Kae’ Toomeos(sa)-Orglaanõ Kärri tüüd Tarto ülikooli digisalvõst:
https://hdl.handle.net/10062/124229
Hüä miil om tuust, õt seto kultuuri luku om jälki’ sügävämbält uurit ja tutvustõt! ❤️

Eesti Kirjandusmuuseum
Eesti Rahvaluule Arhiiv
Tartu Ülikool

👏 Timahavadsõ 𝑺𝙚𝒕𝙤 𝙄𝒏𝙨𝒕𝙞𝒕𝙪𝒖𝙙𝒊 (𝙪̈𝒍𝙞)𝙤𝒑𝙞𝒍𝙖𝒔𝙩𝒐̈𝙞𝒆 𝒑𝙖̈𝙖̈𝙥𝒓𝙚𝒆𝙢𝒊𝙖̈ sai Seto Kuningriigipääväl ant 𝗣𝘂𝘂𝘀𝗲𝗽𝗮̈ 𝗠𝗮𝗿𝗸𝘂𝘀𝗼̃𝗹𝗼̃ (Tart...
07/08/2026

👏 Timahavadsõ 𝑺𝙚𝒕𝙤 𝙄𝒏𝙨𝒕𝙞𝒕𝙪𝒖𝙙𝒊 (𝙪̈𝒍𝙞)𝙤𝒑𝙞𝒍𝙖𝒔𝙩𝒐̈𝙞𝒆 𝒑𝙖̈𝙖̈𝙥𝒓𝙚𝒆𝙢𝒊𝙖̈ sai Seto Kuningriigipääväl ant 𝗣𝘂𝘂𝘀𝗲𝗽𝗮̈ 𝗠𝗮𝗿𝗸𝘂𝘀𝗼̃𝗹𝗼̃ (Tarto ülikooli maatiidüse osakund Geograafia osakond), kiä uurõ uma tüüh kontrolljoonõ kujonõmist aastagil 1944-1957. Väiga’ kimmäs tüü, mia and pall´o vahtsõt tiidmist ni ühendäs aoluulättidõ pruukmisõ kaartõ ja maatiidüslikõ rakõndusiga’. Om huvtav lukõ’, õt piiri kujonõmisõl olli’ pääle poliitilisi otsussidõ tähtsä’ ka’ kotusõpääline otsus, kolhoosõ maakasutus ja kaartõ tegemise mõistminõ.🎉

👏 Magistritöie preemiä sai 𝗢𝗿𝗮𝘀𝗼̃ 𝗢𝗱´𝗲 (Tarto ülikooli etnoloogia osakund), kiä mõtõl ja arot, kuvvamuudu tuvva’ lehm klassi. Timä magistriprojekti päälkiräst om „Kuidas tuua lehm klassiruumi? Kultuuriperändi vahendaminõ audiovisuaalsõtõ ja as´apõhistõ meetodidõga’ oppõmaterjalih „Piimast sõirani““. Kimmäs tüü, koh om kokko köüdet uuriminõ, tarvilinõ tüü ja kogokundlik mõo. Tüü jää-äi polka pääle, tuud saat vooriga’ koolih pruumi’. 🎉

👏 Gümnaasiumi preemiä sai antu’ 𝗟𝗲𝗽𝗶𝗸𝘂 𝗠𝗮𝗿𝘁𝗮𝗹𝗼̃ (Talina Prantsusõ Lütseum), kiä kirot tüü „Seto rahvakalendriga seotud traditsioonide muutumine ajas ja nende esinemine tänapäeval“. Hindamiskomisjon kitt umauurimislikku jako. 🎉

👏 Luuvtöie preemiä läts 𝗞𝗮𝗹𝗺𝘂 𝗞𝗲𝗿𝗹𝗮𝗹𝗲 (Hiiu kool), kiä kirot tuust, õt kuis tetäs seto näio vankõt („Seto noorte neidude peakatte - vaniku valmistamine“). Kerla tekk eis’ üte valmist ka’ ja kand tuud uhkõhe kuningriigipääväl! Väiga’ kimmäs tüü, koh om kokko säet uurimuslik jago ja näüdät ka’ hüvvä näpotüü mõistmist. 🎉

👏👏👏 Avvu, avvu, avvu! 🎉🎉🎉

Kõik preemiäsaaja' sai kingtüsest-preemiäst Setomaa kultuuriloolidõ kaardi, tuud saa õgaüts osta' mi veebipuudist: https://www.yaga.ee/setoinstituut/toode/igvusgoeqi8

Aitjumma hindamiskomisjonilõ: Külviku Mart, Kiristaja Arvis, Nassari Elvi, Valgu Heiki ja tõõsõ'.🙏

Seto Kuningriik 𝒌𝒖𝒖𝒍𝒖𝒕𝒂𝒅𝒂𝒔 𝒗𝒂̈𝒍𝒍𝒂̈ 𝒋𝒐 𝒑𝒖𝒖𝒍𝒑𝒖̈𝒉𝒂̈!!!Ni ku õga aastak, om Seto Instituut ka s`oo aastaga uma letiga kuning...
30/07/2026

Seto Kuningriik 𝒌𝒖𝒖𝒍𝒖𝒕𝒂𝒅𝒂𝒔 𝒗𝒂̈𝒍𝒍𝒂̈ 𝒋𝒐 𝒑𝒖𝒖𝒍𝒑𝒖̈𝒉𝒂̈!!!
Ni ku õga aastak, om Seto Instituut ka s`oo aastaga uma letiga kuningriigiplatsil raamatit müümäh. Mi olõ päiv otsa raamatit sortnu' ja näid sumadani kokko koranu'. A no olõ valm´s! Raamaduleti pääle panõmi päält 40 eri raamadu, ja muidoki uhkõ kultuuriloolidsõ kaardi.

Leti pääl omma' ka kõgõ vahtsõba raamadu':
Raudoja Ahto "Eesti ja vene vahel - minu lood Petserimaalt" (2025)
Setomaa 3. Keel ja uuem kultuur (Setomaa kogoteos 3) (2025)
Mäkeläineni Tapio "Setod ja Setomaa. Kultuuri- ja reisijuht" (2026)

Astkõ ligi, tulkõ mano: 𝗟𝗔𝗔𝗗𝗢𝗟 𝗟𝗔𝗔𝗗𝗔 𝗛𝗜𝗡𝗡𝗔'!

28/07/2026

S`oo aastaga Seto Instituudi üliopilastöie konkursilõ tull 10 tüüd.

🎉Preemiä' (näid om mitu) antas üle Seto kuningriigipääväl, veido pääle kuningriigi vällähõikamist. 🎉

𝐊𝐚𝐞, 𝐦𝐚̈𝐚̈𝐧𝐬𝐞' 𝐭𝐮̈𝐮̈' 𝐤𝐨𝐧𝐤𝐮𝐫𝐬𝐢𝐥𝐨̃ 𝐭𝐮𝐥𝐥!

Bakalaurõusõtöid oll kats: geograaf Puusepä Markus Tarto ülikoolist kirot kontrolljoonõ kujonõmisõst („Eesti NSV kagupiiri kartograafiline kujunemine 1944–1957“) ja Parri Laura Stina Eesti Kunstiakadeemiä klaasiosakunnast tekk praktilitsõ tüü „Veerand seto“.

Magistritöid oll ka’ kats: Maripuu Kaia Linköpingi ülikoolist Rootsih kirot inglüse keeleh tüü setodõ hindätiidmisõst („Negotiating Seto Identity in a Borderland: Cultural Continuity, Belonging, Indigeneity and Geopolitical Insecurity in Contemporary Setomaa“). Tarto ülikooli etnoloogia osakunna opilasõ Orasõ Od´e magistriprojekt om sääntse päälkiräga’: „Kuidas tuua lehm klassiruumi? Kultuuripärandi vahendamine audiovisuaalsete ja esemepõhiste meetoditega õppematerjalis „Piimast sõirani““.

Gümnaasiumi uurimistöid oll kol’: Lepiku Marta (Talina Prantsusõ Lütseum) kirot tüü „Seto rahvakalendriga seotud traditsioonide muutumine ajas ja nende esinemine tänapäeval“, a Pärli Margaret (Talina Prantsusõ Lütseum) uurõ siini nimmi („Seenenimetuste ja seentega seotud rahvakombestiku võrdlus eesti, seto ja vadja kultuuris“). Kõomägi Kairit Vastseliina gümnaasiumist ummõl uma uurmistüü jaost seto naase sukmani ja põllõ.

Põhikooli luuvtöiest saadõti konkursilõ üts tüü, tuu om Kalmu Kerla Hiiu koolist, tä kirot tuust, õt kuis tetäs seto näio vankõt („Seto noorte neidude peakatte - vaniku valmistamine“).

Pääle nuidõ oll hindämisõst viil Eesti Maaülikoolih tett uurmistüü „Setomaa turismi sotsiaalse taluvusvõime uuring“ ja Vabarna Jane lõputüü Tarto Rakõndusligu Kolledsi VOCO Turismikoolih, timä tutvust uma Hingla kultuuritalo äriplaani.

Seto Kuningriik

🎉 Setodõ ni Setomaa sõbõr, setofiil Tapio Mäkeläinen kirodi setodõst ja Setomaast raamadu. Inne viil, ku raamat tulõ väl...
14/07/2026

🎉 Setodõ ni Setomaa sõbõr, setofiil Tapio Mäkeläinen kirodi setodõst ja Setomaast raamadu. Inne viil, ku raamat tulõ vällä originaalkeeleh - soomõ keeleh (s´oo tulõ 2027 keväjä), sai Tapio kirotõt tiijuht kiräkeelde ümbre pantu ni Postimehe kirästüseh vällä antu. Õkva veido inne vahtsõt Seto kuningriigipäivä!
Raamadu kirot suumlane Tapio Mäkeläinen, a pia kõik pildi' om tennü’ Tuulõ Toomas, kiä om niisamatõ setodõ ja Setomaa suur sõbõr. Pildi' omma' uhkõ' ja ilosa'!

📖Tapio eis om raamaduh kirotanu: " Kallis seto, mul on väega hüä miil, ku Sa loet mu raamadut, a tulõta miilde, õt s´oo om kirotanu küll üts Setomaad ja setosit saldva inemine, a raamat om edimält siski kirotõt suumlasõ puult ja suumlaisi jaost."

📖Raamadu toimõndaja, Helen Alumäe Seto Instituudist, om perämädsel kaanõl arvanu ni: "Sellist käepärast, aga ülevaatlikku raamatut Setomaast on ammu oodatud, nii Setomaal kui ka meie külaliste seas. Asjaolu, et selle raamatu kirjutas mitte-seto, ja pealegi veel soomlane, ei ole minu arust üldse paha. Olen seda väga palju kordi näinud, et kohalikul elanikul pole oma maad kerge tutvustada, sest tema jaoks on see kõik igapäevane, loomulik, mitte-eriline. See ei ole nii mitte ainult Setomaa, vaid mis tahes piirkonna või riigi korral. Selleks, et osata näha mingi piirkonna erilisust, on meil vaja väljaspoolt vaatlejat, ja seda rolli täidab raamatu autor suurepäraselt."

💵Raamadut saat osta mi veebpoodist, link om edimätseh kommõntaarih.
💵Muidoki saat raamadut osta ka Seto Kuningriik'ist.

Visit Setomaa

Seto Instituut om jo mitu aastaka olnu üte keerulitsõ nimega projektih Erasmus+ “The Digital Dimension of the Network of...
08/07/2026

Seto Instituut om jo mitu aastaka olnu üte keerulitsõ nimega projektih Erasmus+ “The Digital Dimension of the Network of UNESCO Cultural Spaces” (lühkolt „DigitICH“) 2024–2027 osalitsõs. Projekti üte partneri omma portugaallasõ Idanha-a-Nova liinast ja nä kutsi kõik projekti partneri (suumlasõ, makedoonlase, slovaki, suiti, grusiini, horvaadi ja seto) kokko poontamma, ni ummi kultuure’ näütämmä ja digiprojektest kõnõlõmma. Sj´o kõrd oll’ instituudi puult ma, Kalkuni Andreas, Sibula Tiit ja Hiiobi Brett. Kokkosaaminõ oll plaanit, nii õt mi saiõ väikoh Salva a Terra liinah ka EcoFestivalil olla. A mitte õnnõ niisamatõ olla, a meil tull laulta seto miihi laulu da Misericórdia kabelih ja kõnõlda festivali rahvale veedkese Setomaast. Lisast leelole tull tetä ka ettekanne tuust, kuiss mi umma kultuuri puutrihe panõ ja leelo-, keele- ni umakultuuri andmebaase tii.
Hüä ku saat teteä säänest tüüd, mis om miilt müüdä.

🎉Pankõ tähele! Viil on viis päivä aigu, õt saata uma opilas- vai üliopilastüü Seto Instituudi preemiäkonkusilõ!🎉𝙎𝙚𝙩𝙤 𝙄𝙣𝙨...
26/06/2026

🎉Pankõ tähele! Viil on viis päivä aigu, õt saata uma opilas- vai üliopilastüü Seto Instituudi preemiäkonkusilõ!

🎉𝙎𝙚𝙩𝙤 𝙄𝙣𝙨𝙩𝙞𝙩𝙪𝙪𝙩 𝙠𝙪𝙪𝙡𝙪𝙩𝙖𝙨 𝙫𝙖̈𝙡𝙡𝙖̈ 12. 𝙤𝙥𝙞𝙡𝙖𝙨- 𝙣𝙞 𝙪̈𝙡𝙞𝙤𝙥𝙞𝙡𝙖𝙨𝙩𝙤̈𝙞𝙚 𝙠𝙤𝙣𝙠𝙪𝙧𝙨𝙞📖
👉Preemiäkonkursilõ oodõtas 2024‒2026 kirotõt setoteemälidsi bakalaurõusõ- ja magistritöid (sh rakõnduslikkõ), ütskõik mäntse eriala vai valdkunna päält vai korgkoolist, ni ka gümnaasiumi lõputöid.
📧Tüü’ pallõmi saata’ digikujol vai linginä aadressil [email protected]
📌Tähtaig: 1. juuli 2026.
💶Konkurssi tugõ Eesti Rahvakultuuri Keskus.
Loe mano artiklist, minka link om kommõntaarih.

Setomaa koolide Värska õppekoht
Setomaa koolide Mikitamäe õppekoht
Setomaa koolide Meremäe õppekoht

🗾 Sääne suur uudis tõõsõlt puult suurt m**d, Kanadast: ÜleilmaKaarditüüstüse Seldsi timahavadsõl konkursil oll Regio ja...
29/05/2026

🗾 Sääne suur uudis tõõsõlt puult suurt m**d, Kanadast: Üleilma
Kaarditüüstüse Seldsi timahavadsõl konkursil oll Regio ja Seto Instituudi kuuhtüüh tett Setomaa kultuuriluulinõ kaart kuvvõ kõgõ paremba siäh ja sai uhkõlt suurõ avvuga’ ar’ märgit! Konkursilõ
saadõtas satu kaartõ üle ilma ja no’ sis tull meele sääne uhkõ uudis!

🙏Mi kuuhtüü Regioga om olnu’ kõõ väiga’ hüä. S´oo kaart sai õks ilmadu illos ja no om tä uhkusõga’ õga seto tarõ sainapääle.
❤️Suur teno ja pall´o joudu edespiditsest: Regio, Mait Luidalepp, Kadri Kurrel, Kertu Uibo.

Kaarti saat osta’ mi veebipoodist (link kommõntaarih), Verska
talomuusiumist vai kokkoleppel õkva mi käest

👉Kas tiiät, õt Seto Instituudi kodolehe pääl om sääne kotus, kost saat õgasugumatsi tarkuisi alla laati'? 👉Mi olõ sinnä ...
28/04/2026

👉Kas tiiät, õt Seto Instituudi kodolehe pääl om sääne kotus, kost saat õgasugumatsi tarkuisi alla laati'?
👉Mi olõ sinnä pannu konvõrentse ni seminaare ettekandit, hulga seto keele ja oppamisõga köüdet kraami, projekte joosul tett raamatidõ failõ jne. Om setokeelitsit, eestikeelitsit ni inglüskeelitsit kraami, kokko 32 tükkü.
👉Kõgõ inäp om alla laadit raamatut "Seto keele teejuht". S´oo om raamat, minkast om seto keele opmisõ man kõgõ inäp api.

Ma panõ tuu lingi kommõntaari, a ku läet instituudi kodolehe pääle www.setoinstituut.ee, sõs saat õigõ kotusõ pääle, ku läet sinnä, koh om kiräh "Raamatud".

Address

Pikk 29
Värska
64001

Telephone

+3725294033

Website

Alerts

Be the first to know and let us send you an email when Seto Instituut posts news and promotions. Your email address will not be used for any other purpose, and you can unsubscribe at any time.

Contact The University

Send a message to Seto Instituut:

Shortcuts

Share