مندوبين إدارة أعمال

مندوبين إدارة أعمال Here For You

👨‍🎓تخيّل معايا.. قسم إدارة الأعمال من غير مندوبيـن؟الدنيا هتمشي عادي، بس هتبقى ساكتة..لا رسالة توصلك، ولا صوت يبلّغك،زي ...
13/09/2025

👨‍🎓
تخيّل معايا.. قسم إدارة الأعمال من غير مندوبيـن؟
الدنيا هتمشي عادي، بس هتبقى ساكتة..
لا رسالة توصلك، ولا صوت يبلّغك،
زي دنيا من غير سلكين يوصلوا المحاضرة أو الجدول بعد سنين 😔.

عشان كده إحنا موجودين 🫣

إحنا محتاجين ناس دمها خفيف، سالكة، فرفوشة، ودحيحة كمان،
يدخلوا معانا فريق المندوبين BM-RP.

🔹 فاتحين التقديم على:
🎓 Academic Section
دول بقى "الدكاترة بتوع المواد" 🏛️
المندوبين + الإدمنز + السابورترز = ولاد رزق بتوع المحاضرات والملخصات.
من أول ملخص أم تهاني لتجنّب الدور التاني لحد شهقة الملوخية في المادة المفترية 💪.

وظيفتهم؟ يسهّلوا حياتكم الأكاديمية من غير مشاكل.

🎥 Operation Section
الـ IT & Media
من غيرهم الدنيا شكلها كئيب، ومفيهاش لا صديق ولا حبيب.
هم اللي بيصمموا، بينزلوا البوستات، وبيخلّوا المعلومة توصلك بأبسط شكل.

طب السؤال الأزلي: "أقدّم ولا لأ؟"
أقولك: آه.. لو عندك 3 حاجات:
1- نشيط ومش كسول.
2- نية تتعلم مش تأنتخ وتتمعلم.
3- السلكان في المعاملة مع زمايلك.

💡 المكافأة؟
مفيش فلوس والله..
بس هتكسب خبرة، صحاب، وشعور إنك بتعمل خير (والـ A+ مش بعيد).

مستني إيه؟ خش قدّم هنا دلوقتي:
https://docs.google.com/forms/d/e/1FAIpQLScQ8KYLplL9PCzOULHuD5r5nXewfKt0zKhjURy5MV9_85hMPw/viewform?usp=header

مستنينك معانا ❤️

📢 التقديم على Operation Section رسميًا اتقفل ✅شكرًا لكل الناس اللي قدمت وورّت حماسها تنضم معانا ✨⏳ الخطوة الجاية: الإنتر...
16/08/2025

📢 التقديم على Operation Section رسميًا اتقفل ✅
شكرًا لكل الناس اللي قدمت وورّت حماسها تنضم معانا ✨

⏳ الخطوة الجاية: الإنترفيوهات هتبدأ قريب جدًا.
خليكوا مستعدين، وهنتواصل معاكم بمواعيدكم قريب 💬

🎯 وضحنالك كل حاجة… جيه دورك تختار مكانك في Operation Section!الأقسام المتاحة:📝 HR – متابعة الأعضاء، تقارير، وتنظيم فعالي...
15/08/2025

🎯 وضحنالك كل حاجة… جيه دورك تختار مكانك في Operation Section!

الأقسام المتاحة:
📝 HR – متابعة الأعضاء، تقارير، وتنظيم فعاليات
💻 IT – برمجة، دعم فني، وحلول تقنية
🎨 Media – تصميم، مونتاج، وكتابة محتوى

⏳ فاضل 24 ساعة بس والتقديم هيقفل، متسيبش الفرصة تفوتك!
📩 قدم دلوقتي من هنا:
👉 https://forms.gle/h3rxb4bu9VTHWrvb8

🎯 لو عندك قدرة تخلي أي فريق يشتغل كأنه أوركسترا متناغمة.. يبقى احنا محتاجينك معانا يا مايسترو 🎻👩🏻‍💼👨🏻‍💼💡 ليه الـ HR مهم؟...
11/08/2025

🎯 لو عندك قدرة تخلي أي فريق يشتغل كأنه أوركسترا متناغمة.. يبقى احنا محتاجينك معانا يا مايسترو 🎻👩🏻‍💼👨🏻‍💼

💡 ليه الـ HR مهم؟
لأنك هتكون العقل اللي بيرتب، القلب اللي بيهتم، والعين اللي بتشوف التفاصيل قبل ما حد يحس بيها.

🧠 إحنا بندوّر على:
* ناس دماغها منظمة ومش بتسيب حاجة للصدفة.

* بتعرف تسمع للناس وتفهمهم.

* عندها قدرة تحل المشاكل قبل ما تكبر.

* تعرف تخلي الفريق يشتغل وهو مبسوط، من غير ما تحسسه إنه تحت ضغط.

🔥 إنت هتعمل إيه معانا؟
* متابعة حضور وإنجاز الأعضاء.

* كتابة تقارير تساعد الإدارة تاخد قرارات صح.

* تنظيم الفعاليات الداخلية وتشجيع الفريق.

📩 حاسس إنك الشخص اللي يقدر يخلي الفريق ماشي على خط واحد وبابتسامة؟
قدّم هنا قبل ما الفرصة تفوتك: 👉 https://forms.gle/h3rxb4bu9VTHWrvb8

✨

💻 لو الكود بالنسبة لك لغة تانية.. مكانك معانا!لو بتحب تكتب أسطر تخلي الدنيا تتحرك، وبتستمتع لما تحل مشكلة معقدة بكود سحر...
10/08/2025

💻 لو الكود بالنسبة لك لغة تانية.. مكانك معانا!
لو بتحب تكتب أسطر تخلي الدنيا تتحرك، وبتستمتع لما تحل مشكلة معقدة بكود سحري… يبقى انت الشخص اللي بندوّر عليه في لجنة الـ IT! 🚀

👨🏻‍💻 إحنا عايزين حد:
▪ دماغه منظمة وبيعشق التكنولوجيا
▪ بيعرف يشتغل على سيستم أو يبرمج أو حتى يظبط مشاكل تقنية
▪ بيحب التجربة والتطوير، ويجرب الجديد من غير خوف
▪ يعرف يشتغل في فريق بس برضه يعتمد على نفسه

⚡ لو انت:
* بتحب البرمجة

* بتعرف تظبط أي حاجة Tech

* أو حتى تحوّل فكرة لمشروع شغال

📩 قدّم هنا قبل ما الفرصة تطير:
👉 https://forms.gle/h3rxb4bu9VTHWrvb8



🎨لو بتعرف تخلي الصورة تنطق، الكلمة تأثر، والفيديو يعيش... يبقى مكانك الطبيعي في لجنة الميديا 🎬✨🖌️ بتقعد تلعب بالفوتوشوب...
09/08/2025

🎨لو بتعرف تخلي الصورة تنطق، الكلمة تأثر، والفيديو يعيش... يبقى مكانك الطبيعي في لجنة الميديا
🎬✨

🖌️ بتقعد تلعب بالفوتوشوب لحد ما تنسى الوقت؟
🎞️ بتمنتج فيديو وتفضل تقول "لسه ناقص حاجة بسيطة"... وتطلع تحفة؟
✍️ بتكتب كابتشن يخلي الناس تضحك أو تعيط أو تعمّل شير؟

يبقى إحنا بندوّر عليك!
مش بندوّر على محترف... بندوّر على حد دمه خفيف وعنده شغف 🙌

📌 إحنا محتاجين:
* مصممين جرافيك (اللي بيخلو التصميم يبرق✨)

* مونتيرز بيعرفوا يقلبوا الفيديو حكاية 🎬

* ناس بتعرف تكتب كابشنز وبودكاست عندهم كاريزما ✍️😎

🎯 لو عندك الحس الفني وعقلك بيولّع أفكار...
قدّم هنا قبل ما الفُرصة تطير:
👉 https://forms.gle/h3rxb4bu9VTHWrvb8

خلي الناس تشوف شغلك وتفتكره... مش يعدّي كأنه ستوري واتقفل 👁️‍🗨️

فيه ناس بتعرف تسيّب بصمتها في أي شغل تمسكه…الدنيا تمشي على الخط، الفريق يشتغل بروح حلوة، والفوضى تتحوّل لنظام.لو إنت واح...
08/08/2025

فيه ناس بتعرف تسيّب بصمتها في أي شغل تمسكه…
الدنيا تمشي على الخط، الفريق يشتغل بروح حلوة، والفوضى تتحوّل لنظام.
لو إنت واحد من الناس دي… يبقى Operation Section مستنيك! 🎯

إحنا بندوّر على:
💡 ناس منظمة وتعرف تتابع وتنجز
🔥 دمها خفيف وتعرف تتعامل مع أي حد
⚡ عندها طاقة وبتشتغل من نفسها

الأقسام اللي فاتحة:
📝 HR – متابعة، تقارير، وفهم للناس
🎨 Media – إبداع بيتشاف من أول نظرة
💻 IT – كود وحاجات تقيلة و errors

⏳ متسيبش الفرصة تفوتك… التقديم محدود!
📩 قدم من هنا:
👉 https://forms.gle/h3rxb4bu9VTHWrvb8




آخر يوم في اعرف تخصصك V2، بس الرحلة ما تنتهيش هنا، دي لسه بتبدأ بيك
05/05/2025

آخر يوم في اعرف تخصصك V2، بس الرحلة ما تنتهيش هنا، دي لسه بتبدأ بيك

في مصنع كبير، كان أحمد سامح وأحمد النادي بيشتغلوا مع بعض في قسم الإنتاج، ودايمًا فيه مشاكل في الشغل: تأخير في الإنتاج، و...
05/05/2025

في مصنع كبير، كان أحمد سامح وأحمد النادي بيشتغلوا مع بعض في قسم الإنتاج، ودايمًا فيه مشاكل في الشغل: تأخير في الإنتاج، والمعدات بتتأثر بشكل غريب ، في يوم قرر أحمد سامح يكلم أحمد النادي في الموضوع ده.

أحمد سامح:
"يا نادي، بصراحة الشغل بقى زي المسلسلات، يعني كل يوم مشكلة جديدة. الإنتاج متأخر، والناس مش عارفين يشتغلوا كويس، الحوار جاب آخره معايا."

أحمد النادي:
"منتا لو تشوف حد يعدل يظبط الشغل هنا، كان هيظبط الدنيا، بدل ما الشغل سبهلله كدا."

أحمد سامح:
"همم، طب ما نشوف خطة يا عم، شوف حد يقولنا إزاي نوزع الشغل كده زي ما بنوزع الأكل في البيت."

أحمد النادي:
"اتصدق يا سامح عندك حق ! لو كان عندنا حد متخصص يقدر يقسم الشغل حسب الأولويات، زي ما بيعملوا في الشركات الكبيرة، كان الإنتاج مش هيقف ، كان ممكن نركز في الحاجات اللي لازم تتعمل دلوقتي بدل ما احنا بنلطم ومش كل واحد يشتغل على حسب مزاجه والمود بتاعه."

أحمد سامح:
"طب ايه يسطا تقريبا انت قصدك كدا علي شغل الناس بتوع العلام!"

أحمد النادي:
"ممكن، بس مش شرط. يعني لو في حد يقدر ينظم ويعرف يوزع المهام صح، كان كل حاجة هتكون أسهل. أيوة في ناس متخصصة في كده، لو إحنا عندنا واحد زيهم هنا، كان زمانا دلوقتي شغالين عدل بدل العار ده."

أحمد سامح:
"خلاص يا عم، ظبط وكلمني."

أحمد النادي:
"ظبط وكلمني إيه يا عم، هو أنا بكلمك على حجز كورة؟!"

وبعد شد وجذب أحمد سامح فكر في كلام أحمد النادي، وقال في نفسه: "يمكن لو كان في حد ينظم الشغل عندنا هنا، كنا شيلنا عن نفسنا شوية الهم دا."

ولو إنت حابب تعرف أكتر عن إدارة الأعمال وكيفية تطبيقها في الحياة العملية، استنانا في اعرف تخصصك V2 🎯

معانا الدكتور شادي نيازي ، هيتكلم عن إدارة الأعمال وإزاي تبدأ تنظم وتطور أي مشروع بطريقة كويسة.

📅 سجّل حضورك هنا:
[https://forms.gle/mmQB1r5zW1ydzBrR7]


في ناس بتدخل الكلية وهما شايفينها خطوة طبيعية بعد الثانوية، من غير ما يكون عندهم صورة واضحة هم رايحين فين.بتعدي السنين، ...
05/05/2025

في ناس بتدخل الكلية وهما شايفينها خطوة طبيعية بعد الثانوية، من غير ما يكون عندهم صورة واضحة هم رايحين فين.
بتعدي السنين، وبيبدأوا يسمعوا عن أقسام مختلفة وكليات مختلفة ، ومصطلحات زي "اقتصاد"، "طب"، "هندسة"... بس بتفضل الأمور مش واضحة.

في يوم من الأيام، شخص منهم اسمه كرم قابل واحد صاحبه بقاله فترة بيشتغل في مجال الاستيراد والتصدير. شغله كان فيه سفر، تعاملات دولية، وتحليل للأسواق العالمية.
سأله: "أنت درست إيه؟"
قاله ببساطة: "اقتصاد وتجارة خارجية."

فضل طول الطريق راجع يفكر، "هو أنا أصلاً كنت أعرف إن الكلية دي موجوده؟ انا اسمع عن أقتصاد وعلوم سياسية؟ هو إيه اللي بيخلي الناس تشتغل في شغلانات زي دي؟"
رجع البيت، وبدأ يدور بنفسه.
لقى إن التخصص ده فعلاً موجود في المعهد التكنولوجي العالي مش مجرد شوية نظريات عن الاقتصاد، ده علم بيدرس حركة الفلوس بين الدول، أثر السياسات الاقتصادية، والتبادل التجاري بين الشعوب.

لقى كمان إن خريجي التخصص ده ممكن يشتغلوا في مجالات كتير: البنوك، شركات الشحن، الوزارات، السفارات، وحتى المنظمات الدولية.
وبدأ يحس إن الفرصة كانت دايمًا موجودة... بس هو مكانش باصص في الاتجاه الصح.

ومن هنا بدأت رحلته الحقيقية.
رحلة فهم، مش بس للدراسة، لكن لنفسه كمان.

ولو إنت كمان حاسس إنك محتاج حد يوضحلك الصورة،
ويفهمك الفرق الحقيقي بين الأقسام، خصوصًا قسم زي الاقتصاد والتجارة الخارجية اللي فرصه أكبر بكتير مما متصور...

يبقى مكانك معانا في فعالية اعرف تخصصك V2 🎯

بإذن الله يكلمنا عن تخصص الأقتصاد والتجارة الخارجية الدكتور نهلة جلال ❤️
📊 هتعرف فيها:
✅ تخصص الاقتصاد والتجارة الخارجية بيكلم عن إيه بالظبط.
✅ الفرق بين الاقتصاد العام والتجارة الدولية.
✅ المجالات اللي ممكن تشتغل فيها بعد التخرج.
✅ خبرات من طلاب وخريجين هيحكولك الواقع من جوه.

📅 متفوتش الفرصة، واعرف إنت رايح فين قبل ما توصل لآخر الطريق.

ما تنسوش تسجلوا الحضور على اللينك ✨
📩 [https://forms.gle/mmQB1r5zW1ydzBrR7]

بالتوفيق ليكم! ❤️

Address

10Th Of Ramadan City

Website

Alerts

Be the first to know and let us send you an email when مندوبين إدارة أعمال posts news and promotions. Your email address will not be used for any other purpose, and you can unsubscribe at any time.

Shortcuts

Share

Category